ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵏⴼⴰⵔ ⵏ ⵓⵙⵍⴳⵏ 02.23 ⵉⵥⵍⵉⵏ ⵙ ⵜⴱⵔⵉⴷⵜ ⵜⴰⵖⵔⵎⴰⵏⵜ
ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵉⵏⴰⵙ 23 ⵢⵓⵍⵢⵓⵣ 2024, ⵙ ⵜⵓⴳⵜ ⴰⵙⵏⴼⴰⵔ ⵏ ⵓⵙⵍⴳⵏ 02.23 ⵉⵥⵍⵉⵏ ⵙⵜⴱⵔⵉⴷⵜ ⵜⴰⵖⵔⵎⴰⵏⵜ, ⴳ ⵜⵖⵉⵎⵉⵜ ⵜⴰⵣⵣⵔⴰⴼⵜ ⵉⵙⵙⵉⵅⴼ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⵙ ⵜⵉⵍⵉⵜ ⵏ ⵎⴰⵙⵙ ⵄⴰⴱⴷ ⵍⵍⴰⵟⵉⴼ ⵡⴰⵀⴱⵉ ⴰⵎⴰⵡⵙⴰⵙ ⵏ ⵜⵣⵔⴼⵜ.
ⵉⴽⵛⵎ ⵓⵙⵏⴼⴰⵔ ⴰⴷ ⴳ ⵓⵙⴰⵜⵉ ⵏ ⵜⵉⵔⴰⵜ ⵜⴰⴳⵍⴷⴰⵏⵜ ⵜⴰⵎⴰⵜⵜⵓⵢⵜ, ⵍⵍⵉ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵉⵏⴰⵡ ⵏ 20 ⵖⵓⵛⵜ 2009, ⵙ ⵜⵎⵍⴷⴰ ⵏ ⵓⴽⵜⵜⵓⵢ ⵏ ⵜⴳⵔⴰⵡⵍⴰ ⵏ ⵓⴳⵍⵍⵉⴷ ⴷ ⵓⵎⴰⴷⴰⵏ, ⴳ ⵓⵙⴰⵜⵉ ⵏ ⵓⵙⵡⴰⵍⴰ ⵏ ⵜⵏⴱⴰⴹⵜ ⵉ ⵓⵎⵓⵊⵏ ⵏ ⵜⵣⵔⴼⵜ, ⵙ ⵓⵎⵙⴰⵙⴰ ⴷ ⵓⴷⵓⵙⵜⵓⵔ ⴳ ⵉⴳⵔⴰⵏ ⵏ ⵜⵍⴻⵍⵍⵉ ⴷ ⵉⵣⵔⴼⴰⵏ, ⴷ ⵓⵙⴽⵔ ⵏ ⵉⵙⵖⵍⴰⴼ ⵏ ⵓⵎⵓⵇⵇⵏ ⴰⵏⴰⵎⵓⵔ ⵏ ⵓⵎⵓⴽⵏ ⵏ ⵜⵣⵔⴼⵜ ⴷ ⵉⵙⵖⵍⴰⴼ ⵏ ⵡⴰⵏⴰⵡ ⵓⵏⴳⵉⵎ ⴰⵎⴰⵢⵏⵓ.
ⵢⵓⵎⴰ ⵓⵙⵏⴼⴰⵔ ⵏ ⵓⵙⵍⴳⵏ ⴽⵉⴳⴰⵏ ⵏ ⵉⵙⵏⴼⵍⵏ ⵉⵡⴰⵜⵜⵙⵏ ⵜⵉⵍⵉⵜ ⵏ ⵓⵙⵍⴳⵏ ⴰⵎⴰⵢⵏⵓ ⴳ ⵉⵍⵍⴰ ⵓⵙⵎⴰⴷ ⴷ ⵓⵙⵉⴷⴼ, ⵉⴹⴼⵕⵏ ⵜⴰⵣⵣⵉⴳⵣⵜ ⵜⴰⵣⵣⵔⴰⴼⵜ ⵜⴰⴳⵔⴰⵖⵍⴰⵏⵜ, ⴷ ⵎⴰⴷ ⵉⵥⵍⵉⵏ ⵙ ⵜⵉⵍⴰⵍⵜ ⵏ ⵓⵏⴱⴹⵓ ⴳ ⵜⵎⵙⵙⵓⴳⵓⵔⵜ ⵏ ⵓⵚⵕⴰⴹ, ⴷ ⵓⵙⵕⵚⵓ ⵏ ⵜⵉⵕⵡⵉ ⵜⴰⵣⵔⴼⴰⵏⵜ, ⴷ ⵓⵙⴽⵔ ⵏ ⵜⵢⴰⵏⵜ ⵏ ⵜⵣⵔⴼⵜ, ⴷ ⵓⵙⵖⵓⴷⵓ ⵏ ⵜⴱⵔⵉⴷⵉⵏ ⵏ ⵜⵕⵥⵉ, ⴷ ⵜⵥⵕⵉⴳⵜ ⵏ ⵉⴱⴹⵉⵢⵏ ⴷ ⵓⵣⵣⴳⵉⵔ ⵏⵏⵙⵏ ⴳ ⵓⵣⵎⵣ ⴷ ⵢⵓⵙⴰⵏ, ⴷ ⵓⵙⵏⵎⴰⵍⴰ ⵏ ⵜⵥⵍⴰⵢⵜ ⵜⴰⵣⵔⴼⴰⵏⵜ ⵜⴰⴳⵔⴰⵖⵍⴰⵏⵜ, ⴷ ⵜⵥⵍⴰⵢⵉⵏ ⵏ ⵜⵎⵔⵙⵍⵜ ⵏ ⵓⵏⴱⴹⵓ ⵏ ⵓⵣⵣⴳⵉⵔ, ⴷ ⵓⵚⵕⴰⴹ ⴰⵍⵉⴽⵟⵔⵓⵏⵉ, ⴷ ⵜⵙⵎⵓⵟⵟⵓⵏⵜ ⵏ ⵜⵎⵙⴽⴰⵔ ⵜⵉⵣⵔⴼⴰⵏⵉⵏ, ⴷ ⵓⵙⵏⵎⴰⵍⴰ ⵏ ⵜⵎⴰⵣⵣⴰⵍⵜ, ⴷ ⵜⵙⵉⵎⴰⵏⵜ ⵏ ⵜⵏⴱⴰⴹⵜ ⵜⴰⵣⵔⴼⴰⵏⵜ.
ⵢⵓⵎⴰ ⴰⵙⵏⴼⴰⵔ ⵏ ⵓⵙⵍⴳⵏ 644 ⵏ ⵓⵎⵏⵏⵉ, ⵉⵜⵜⵓⵙⵏⴼⴰⵍ 440 ⵏ ⵓⵎⵏⵏⵉ, ⵢⵉⵍⵉ 145 ⵏ ⵓⵎⵏⵏⵉ ⴰⵎⴰⵢⵏⵓ, ⴷ ⵓⵙⵉⴷⴼ ⵏ 45 ⵏ ⵓⵎⵏⵏⵉ ⵍⵍⴰⵏⵉⵏ ⴳ ⵉⴹⵕⵉⵚⵏ ⴷ ⵉⵙⵍⴳⵏⵏ. ⵔⴰⴷ ⵢⴰⵡⵙ ⵓⵙⵏⴼⴰⵔ ⵏ ⵓⵙⵍⴳⵏ ⵏ ⵜⴱⵔⵉⴷⵜ ⵜⴰⵖⵔⵎⴰⵏⵜ ⵉⵙⵎⵓⵏⵏ ⵜⵉⴱⵔⵉⴷⵉⵏ ⵜⴰⵖⵔⵎⴰⵏⵜ ⴷ ⵜⵎⵙⵙⵓⴳⵓⵔⵜ ⴷ ⵜⵏⵙⴱⴰⴱⵜ, ⴷ ⵜⵉⵏ ⵜⵣⵔⴼⵜ ⵏ ⵡⴰⴷⴰⵙ ⵙ ⵜⵢⴰⵏⵜ ⵏ ⵜⵣⵔⴼⵜ ⴷ ⵜⵥⵍⴰⵢⵜ ⵏⵏⵙ, ⴷ ⵓⵣⵎⵎⴻⵎ ⵓⵍⴳⵉⵏ ⵉ ⵜⵓⵎⴰⵢⵉⵏ ⵏ ⵜⵥⵍⴰⵢⵜ ⵜⴰⵣⵔⴼⴰⵏⵜ ⵜⴰⴳⵔⴰⵖⵍⴰⵏⵜ, ⴷ ⵓⵙⵖⵣⵏ ⵏ ⵜⴻⵜⵉⴽⵏⵓⵍⵓⵊⵉⵜ ⵜⴰⵎⴰⵢⵏⵓⵜⴳ ⵜⵎⵙⴽⴰⵔ ⵏ ⵜⵣⵔⴼⵜ ⴷ ⵓⵙⵎⵔⵙ ⵏ ⵜⵎⵓⵟⵟⵓⵏⵜ ⴷ ⵜⵣⵣⵉⴳⵣⵜ ⵜⴰⵜⵉⴽⵏⵓⵍⵓⵊⵉⵜ.
