ⵜⴰⴳⵓⵔⵉ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵙ ⵜⵎⵍⴷⴰ ⵏ ⵓⵙⵜⴰⵢ ⵏⵏⵙ ⴷ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵉ ⵜⵡⴰⵍⴰ ⵜⴰⵣⵣⵔⴰⴼⵜ 2021-2026

ⵙⵉⵙⵎ ⵏⵕⴱⴱⵉⴰⵏⵙⵎⵍⵍⴰⴷⵓⵏⵎⵍⵍⴰ, ⵜⴰⵥⴰⵍⵍⵉⵜⴷ ⵓⴼⵔⴰⴼⵓⴼⵓⵥⴰⵕⵏⵉⵕⵇⵇⴰⵙⵏ.

ⵜⵉⵏⴳⴳⵯⴰ ⴷ ⵉⵏⴳⴳⵯⴰ ⵄⵣⵣⴰⵏⵉⵏ,

ⵎⴰⵙⵙ ⵄⴰⴱⴷⵍⵡⴰⵃⴷ ⵕⵕⴰⴹⵉ ⴰⵏⵙⵙⵉⵅⴼ ⵏ ⵓⵙⵉⵔⴰ ⴰⵎⵙⵉⴽⵓⴷ,

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ.

ⴷⴰⵔⵉ ⵜⵓⵎⵔⵜ ⵜⴰⵅⴰⵜⴰⵔⵜ ⵍⵍⵉⵖ ⵉⵡⵉⵖ ⵜⴰⵎⵢⵉⵎⴰⵏⵜ ⵏⵏⵓⵏ ⴰⴷ ⴳⵖ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵣⵡⵉⵔⵉ ⵏ ⵜⵡⴰⵍⴰ ⵜⴰⵣⵣⵔⴰⴼⵜ ⵜⵉⵙ ⵢⴰⵜ ⴷ ⵎⵔⴰⵡⵜ ⵉⵙⴽⵔⵏ ⵜⴰⴼⵔⴽⴰ ⵜⴰⵎⴰⵢⵏⵓⵜ ⵖ ⵓⵚⴽⵓ ⴰⴷⵉⵎⵓⵇⵔⴰⵟⵉ ⴷ ⵓⵙⴷⵓⵙ ⵏ ⵜⵎⵔⵙⴰⵍ ⴷ ⵜⵣⵣⵉⴳⵣⵜ ⵏ ⵜⴳⵎⵉ ⴷ ⵓⵙⵎⵖⵔ ⵏ ⵜⵎⴰⵣⵉⵔⵜ ⵏⵏⵖ ⴰⴷ ⵜⴳ ⵜⴰⴷⵓⵙⵉ ⵉⵜⵜⵉⵎⵖⵓⵔⵏ, ⴷ ⵡⴰⵏⴰⵡ ⴰⴷⵉⵎⵓⵇⵔⴰⵟⵉ ⵉⵥⵍⵉⵏ ⴳ ⵓⵎⵏⴰⴹ ⵏⵏⵙ, ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵙ ⴰⴷ ⵜ ⵉⵄⵣⵣⵓ ⵕⴱⴱⵉ ⵍⵍⵉ ⵉⵣⵣⵉⴳⵣⵏ ⵙ ⵜⴳⵍⴷⵉⵜ ⵙ ⵜⵓⵏⵥⵥⵉⵥⵜ ⴷ ⵓⵎⵏⴰⴷ ⵉⴷⵔⴰⵏ ⵃⵎⴰ ⴰⴷ ⵜⵉⵍⵉ ⴳ ⵜⵣⵡⵉⵔⵉ ⵏ ⵜⵎⵉⵣⴰⵔ ⵜⵉⴷⵉⵎⵓⵇⵔⴰⵟⵉⵢⵉⵏ, ⴷ ⵓⵙⵔⵙ ⵏ ⵜⴳⵎⵉ ⴷ ⵓⵙⵎⵖⵔ ⴷ ⵜⵣⵔⴼⵜ ⵜⴰⵏⴰⵎⵓⵏⵜ ⴷ ⵜⴷⵖⴰⵔⴰⵏⵜ.

ⵍⵍⵉⵖ ⴼⵔⴽⵖ ⵙ ⵓⵥⴰⵥⵓ ⵏ ⵜⵎⴰⵙⴰⵢⵜ ⴰⴷ ⵍⵍⵉ ⵎⵓ ⴷⴰⵔⵉ ⴰⴷⴷⵓⵔ ⴰⵙ ⵜⵜ ⵡⴰⵍⴰⵖ, ⵜⵉⴽⴽⵍⵉⵜ ⵢⴰⴹⵏⵉⵏ ⵖ ⵢⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴼⵔⴽⵖ ⵎⴰⵙ ⴷ ⴰⵅⵎⵎⴻⵎ ⴰⴳⵍⴷⴰⵏ ⴰⵎⴰⵜⵜⵓⵢ ⴼ ⵜⵉⵥⵍⵉ ⵏ ⵜⵣⵣⵉⴳⵣⵜ ⵏ ⵜⵎⵔⵙⴰⵍ ⵜⵉⴷⵙⵜⴰⵔⵉⵏ ⴷ ⵓⴼⵔⴰⴳ ⵏ ⵓⵙⵜⴰⵢ ⴰⴷⵉⵓⵇⵔⴰⵟ, ⴳⴰⵏ ⴰⴹⴰⴽⴰⵍ ⴷ ⵓⵙⴰⵖⵓⵍ ⵏ ⵓⵙⵎⵀⵍ ⴷ ⵜⴷⵓⵙⵉ ⵏ ⵓⵜⵃⵓⵢ ⵉ ⵜⵣⵣⵉⴳⵣⵜ ⵏ ⵓⵙⵎⵓⵙⵙⵓ ⴰⵎⵔⵙⵍⴰⵏ ⴰⵎⴳⵔⵓ  ⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉ ⵓⵙⴱⴷⴷⵉ ⵏ ⵜⵏⴰⵥⴰⵕⵉⵏ ⵏ ⵓⴳⵯⵏⵙ ⴷ ⵜⵉⵏ ⴱⵕⵕⴰ ⵍⵍⴰⵏⵉⵏ ⴼ ⵜⵎⴰⵣⵉⵔⵜ ⵏⵏⵖ, ⴷ ⵉⵎⵉⵥ ⵏ ⵜⵏⴰⵥⴰⵕⵉⵏ ⵏ ⵜⴼⵔⴽⴰ ⵜⴰⵎⴰⵢⵏⵓⵜ ⵍⵍⵉ ⵖ ⵜⴽⵛⵎ ⵜⵎⴰⵣⵉⵔⵜ ⵏⵏⵖ.

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ, ⵍⵍⴰⵏⵜ ⴷⴰⵜⵏⵏⵖ ⵜⵎⴰⵙⴰⵢⵉⵏ ⵜⵉⵅⴰⵜⴰⵔⵉⵏ ⵍⵍⵉ ⴰⵖ ⴼⴽⴰⵏ ⵉⵎⵙⵜⴰⵢⵏ ⴷ ⵜⵎⵙⵜⴰⵢⵉⵏ ⴳ ⵓⵙⵜⴰⵢ ⵏ 8 ⵛⵓⵜⴰⵏⴱⵉⵔ 2021 ⵍⵍⵉ ⵉⴳⴰⵏ ⵢⴰⵏ ⵓⵙⵔⵙ ⵉⵥⵍⵉⵏ ⴳ ⵓⵎⵣⵔⵓⵢ ⴰⵙⵔⵜⴰⵏ ⴷ ⵓⵎⵔⵙⵍⴰⵏ ⵏ ⵍⵎⵖⵔⵉⴱ. ⴷ ⵓⵅⵎⵎⴻⵎ ⴰⴳⵍⴷⴰⵏ ⴼ ⵜⵓⵍⴳⵉⵏⵜ ⵏ ⵉⵙⵜⴰⵢⵏ ⴷ ⵓⵙⵎⴰⵢⵏⵓ ⵏ ⵜⵎⵔⵙⴰⵍ ⴳ ⵜⵉⵣⵉ ⵙ ⵓⵡⵇⵇⵔ ⵏ ⵓⴷⵓⵙⵜⵓⵔ ⴷ ⵜⵎⵢⵓⵔⵉⵏ ⵏ ⵜⴷⵉⵎⵓⵇⵔⴰⵟⵉⵜ ⴰⵙ ⵉⵣⵔⵉ ⵓⵙⵜⴰⵢ ⵏ  8 ⵛⵓⵜⴰⵏⴱⵉⵔ ⵍⵍⵉ ⴷ ⵢⵉⵡⵉⵏ ⵜⵓⴳⵜ ⵜⴰⵎⴰⵢⵏⵓⵜ ⴷ ⵜⵓⵣⵍⵜ ⵜⴰⵎⴰⵢⵏⵓⵜ, ⵉⵙⵙⵔⵅⵓ ⵜⵉⵍⵉⵜ ⵏ ⵜⵓⴼⵔⵉⵢⵉⵏ ⵜⵉⵎⴰⵢⵏⵓⵜⵉⵏ ⵖ ⵜⵎⵔⵙⴰⵍ ⵜⵜⴰⵡⵙⵜⴰⵢⵏⵉⵏ, ⵢⵉⵍⵉ ⴳⵉⵙⵏⵜ ⵓⵙⵇⵇⵉⵎ ⵏ ⵉⵎⵓⵔⴰ.

ⵜⴼⴽⴰ ⵜⵎⴰⵣⵉⵔⵜ ⵏⵏⵖ ⵙ ⵖⵎⴽ ⴰⵏⵏ ⵢⴰⵜ ⵜⵎⵙⵉⵔⵜ ⵉ ⵡⴰⴷ ⵉⵔⴰⵏ ⴰⴷ ⵉⵙⵙⵏ ⵜⵉⴷⵜ ⵏ ⵍⵎⵖⵔⵉⴱ ⴷ ⵜⵎⵥⵍⴰⵢⵜ ⵏ ⵍⵎⵖⵔⵉⴱ, ⵙⵍⴰⵡⴰⵏ ⴰⴽⴽⵯ ⵉⵖ ⴷ ⵏⵙⵙⴽⵯⵜⵉ ⴰⵎⵏⴰⴹ ⴰⵎⴰⵜⴰⵢ ⵖ ⵣⵔⵉⵏ ⵉⵙⵜⴰⵢⵏ ⵙ ⴽⵓ ⵉⵙⵡⵉⵔⵏ ⵏⵏⵙⵏ ⵖ ⵉⵍⵍⴰ ⵓⴱⴰⵢⵢⵓⵕ ⵏ ⴽⵓⴼⵉⴷ 19. ⴰⵙⵏⵎⴰⵍⴰ ⵏ ⵚⴹⵉⵚ ⵉⵙⵜⴰⵢⵏ ⴳⵉⵙⵏ ⴽⵕⴰⴹ ⵖ ⵢⴰⵏ ⵡⴰⵙⵙ, ⵖ ⵣⵓⵏ ⴰⵎⵏⴰⴹ ⴰⴷ, ⵓⵔⴰ ⵜ ⵙⴽⴰⵔⵏⵜ ⵖⴰⵙ ⵜⵉⵎⵉⵣⴰⵔ ⵜⵉⵇⴱⵓⵔⵉⵏ ⵉⴷ ⵍⴰⵍ ⵏ ⵜⵎⵔⵙⴰⵍ ⵕⵚⴰⵏⵉⵏ ⵙⵜⴰⵀⵍⵍⴰⵏⵉⵏ ⴰⵙⵙⴰⵖ ⴰⴷ.

ⵜⵉⵏⴳⴳⵯⴰ ⴷ ⵉⵏⴳⴳⵯⴰ,

ⵔⴰⴷ ⴼⵍⵍⴰⵖ ⵢⵉⵍⵉ ⴰⴷ ⵏⵙⴽⵔ ⵜⵉⵙⵎⵉⴳⴰⵍ ⵏⵏⵖ, ⴷ ⴰⴷ ⵏⵙⵡⵓⵔⵉ ⵙ ⵉⵙⵡⴰⵍⴰⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴷ ⵜ ⵉⵏⵚⵕ ⵕⴱⴱⵉ ⵍⵍⴰⵏⵉⵏ ⴳ ⵉⵏⴰⵡ ⴰⵎⴰⵜⵜⵓⵢ ⵍⵍⵉ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⵉ ⵜⵎⵜⵜⵉ ⴳ ⵓⵕⵥⵥⵓⵎ ⵏ ⵜⵡⴰⵍⴰ ⴰⴷ ⵜⴰⵣⵣⵔⴰⴼⵜ ⴰⵙⵉⵎⵡⴰⵙ ⵉⵣⵔⵉⵏ, ⴷ ⵓⵙⵡⵓⵔⵉ ⴼ ⵜⵎⵣⵡⵓⵔⴰ ⵍⵍⵉ ⵉⵙⵔⵙ ⴱⴰⴱ ⵏ ⵡⴰⴷⴷⵓⵔ, ⵖ ⵉⵍⵍⴰ ⴰⴷ ⵏⵎⵎⴰⵖ ⴼ ⵜⵏⴼⵔⵓⵜ ⵏⵏⵖⵜⴰⵙⵜⵔⴰⵜⵉⵊⵉⵜ ⵖ ⵜⵉⵔⴰⵎ  ⵖ ⵓⵎⵏⴰⴹ ⵏ ⵓⴱⴰⵢⵢⵓⵕ ⴷ ⴰⵡⴰⵔ ⵏⵏⵙ, ⴷ ⵓⵎⵃⵉⵣⵡⴰⵔ ⴰⵎⴰⴹⵍⴰⵏ ⴰⵅⴰⵜⴰⵔ ⵜ ⵜⵎⵜⵜⵉⵡⵉⵏ ⵜⵉⴷⵙⵍⴰⵏⵉⵏ ⵏ ⵜⵉⵔⴰⵎ, ⴷ ⵓⴹⴼⵕ ⵏ ⵜⴷⵎⵙⴰ ⵏ ⴰⵡⴰⵔ ⵏ ⵓⴱⴰⵢⵢⵓⵕ, ⴷ ⵎⴰⴷ ⵉⵔⴰ ⵓⵙⵎⵖⵔ ⴰⴷⵎⵙⴰⵏ ⴳ ⵉⵣⵣⵔⴰⴼⵏ ⴷ ⵉⵙⵡⵓⴷⴷⵓⵜⵏ ⴷ ⵜⵉⴹⴰⴼ ⴷ ⵓⵣⵣⵔⴰⵢ, ⴷ ⵓⵎⵙⴰⵡⴰⵍ ⵊⴰⵔ ⵜⵉⵎⵔⵙⴰⵍ ⵜⴰⵣⵣⵔⴰⴼⵜ ⴷ ⵜⵎⵣⵣⴳⴰⵔⵜ.

ⵉⵍⵍⴰ ⴼⵍⵍⴰⵖ ⴰⴷ ⵏⵙⴽⵔ ⵜⵉⵎⵥⵍⴰⵢⵏⵏⵖ ⵜⵉⴷⵙⵜⴰⵔⵉⵏ ⵖ ⵓⵣⵣⵔⴰⴼ ⴷ ⵜⵉⴹⴰⴼ ⵏ ⵜⵡⵓⵔⵉ ⵜⴰⵏⴱⴰⴹⵜ ⴷ ⵓⵣⵣⵔⴰⵢ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ, ⴷ ⵜⵙⵎⵉⴳⴰⵍ ⵏⵏⵖ ⵖ ⵜⴳⵏⵙⴰⵙⵜ ⵏ ⵉⵏⵎⵓⵔⴰⵏ ⴷ ⵢⵉⴳⵔ ⵏ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⵙ ⵜⵖⴰⵔⴰⵙⵜ ⵉⵍⴽⵎⵏ ⵉⵥⵓⵥⴹⵏ ⵏ ⵉⵏⵎⵓⵔⴰⵏ ⴷ ⵜⵏⵎⵓⵔⴰⵜⵉⵏ ⴷ ⵎⴰⴷ ⵉⵙⵙⵕⵚⴰⵏ ⴰⵡⴰⵏⴽ ⵏ ⵜⵎⵔⵙⴰⵍ. ⴰⵙⴽⵔ ⵏ ⵜⵎⵔⵙⴰⵍ ⴰⴷ ⵉⵇⵇⴰⵏⴷ ⴰⴷ ⵢⵉⵍⵉ ⴳ ⵓⵎⵏⴰⴹ ⴰⵏⴰⵎⵓⵔ ⴰⵎⴰⵜⴰⵢ ⵖ ⵉⵍⵍⴰ ⵓⵙⴽⵔ ⵏ ⵡⴰⵏⴰⵡ ⵓⵏⴳⵉⵎ ⴰⵎⴰⵢⵏⵓ, ⵍⵍⵉⵖ ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵙⴳ ⵜⵉⵎⵣⵡⵓⵔⴰ ⵜⵉⵏⴰⵎⵓⵔⵉⵏ ⴳ ⵜⴼⵔⴽⴰ ⵏ ⵖⵉⵍⴰⴷ, ⵍⵍⵉⵖ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴷ ⵢⵉⵍⵉ ⵓⵙⵓⵊⴷ ⵏ ⵓⵎⵏⴰⴷ ⵏⵏⵙ ⵉⵜⵜⵓⵙⴽⵉⵔ ⵙ ⵜⴱⵔⵉⴷⵜ ⵏ ⵓⵙⴷⵔⵓ ⴷ ⵓⵎⴹⴰⴽⴰⵕ ⴰⵎⴰⵜⴰⵢ ⴷ ⵓⵏⵢⴰⵍⴽⴰⵎ ⴷ ⵜⵙⵇⵇⵉⵎⵜ ⵍⵍⵉ ⵖ ⵉⴹⴰⵍⴱ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵜ ⵜⵙⵓⵊⵉⴷ, ⴷ ⵉⴼⵔⴷⴰⵙ ⵏ ⵡⴰⵎⵓⵏ ⴰⵙⵔⵜⴰⵏ ⴷ ⵓⵖⵔⵎⴰⵏ ⴷ ⵉⵎⵙⵜⴳⴳⴰⵔⵏ ⵏ ⵜⴷⵎⵙⴰ ⴷ ⵜⵓⴼⵔⵉⵢⵉⵏ ⴳ ⵉⴳⵏⵙⴰⵙⵏ ⵏ ⵜⵣⵣⵓⵍⵉⵏ.

ⵓⵔ ⴳⵉⵙ ⵜⵓⵔⴷⴰ ⵎⴰⵙ ⵏⴼⵔⴽ ⴰⴽⴽⵯ ⵙ ⴰⵏⵛⴽ ⵏ ⵜⵡⵓⵔⵉ ⵜⴰⵣⵣⵔⴰⴼⵜ ⵍⵍⵉ ⵉⵙⵉⴳⴳⵉⵍ ⵓⵙⴽⵔ ⵏ ⵡⴰⵏⴰⵡ ⴰⴷ ⵎⴰⴷ ⵉⵔⴰ ⴳ ⵓⴹⴼⵕ, ⴷ ⵓⵙⴽⵔ ⵏ ⵉⵖⴰⵡⴰⵙⵏ ⵉⵣⵣⵔⴰⴼⵏ ⵏ ⵜⴷⵉⵏⴰⵎⵉⵜ ⵏ ⵡⴰⵎⵓⵏ ⴷ ⵜⴷⵎⵙⴰ ⴷ ⵉⵎⵓⴽⵏⵏ ⵉⵎⵔⵙⵍⴰⵏⵏ ⵏ ⵡⴰⵏⴰⵡ ⵓⵏⴳⵉⵎ ⵖ ⵉⵍⵍⴰ ⵓⵎⵓⴽⵏ ⵏ ⵢⵉⴳⵔ ⵏ ⵜⴷⵓⵙⵉ ⴷ ⵜⵎⵔⵙⴰⵍ ⵜⵉⴳⴷⵓⴷⴰⵏⵉⵏ ⴷ ⵓⵏⴳⵔⴰⵡ ⵏ ⵉⵔⴳⴰⵢⵏ ⴷ ⵓⵙⵙⵍⵎⴷ, ⵉⵇⵇⵍ ⵙⵔⵏⵖ ⵢⴰⵏ ⵓⵙⵔⵙ ⴰⴷⵙⵍⴰⵏ ⵙⴳ ⵉⵎⴰⵍⴰⵙⵙ ⴷ ⵢⵓⵛⴽⴰⵏ ⴳ ⵉⵍⵍⴰ ⵓⵙⵎⵏⵉⴷ ⵏ ⵓⵖⴰⵡⴰⵙ ⵓⵏⴱⵉⴹ ⵙⴳ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴷ ⵓⵎⴹⴰⴽⴰⵕ ⵏⵏⵙ ⴷ ⵓⵙⵜⴰⵢ ⵏⵏⵙ, ⴷ ⵓⵙⵎⵏⵉⴷ ⴷ ⵓⵎⴹⴰⴽⴰⵕ ⵏ ⵓⵙⵏⴼⴰⵔ ⵏ ⵓⵙⵍⴳⵏ ⵏ ⵓⵥⵕⴼ.

ⴳ ⵢⵉⴳⵔ ⵏ ⵜⵣⴷⴰⵢⵉⵏ ⵏ ⴱⵕⵕⴰ ⴷ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ, ⵉⵇⵇⴰⵏ ⴷ ⴰⴷ ⵏⵙⵓⵜⴳ ⵎⴰⴷ ⵜⵙⴽⵔ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⴳ ⵜⵎⵔⴰⵡⵉⵏⴰⴷ, ⴰⴷ ⵏⵙⵙⴷⵓⵙ ⵜⵉⵍⵉⵜ ⵏⵏⵖ ⴷ ⵓⴷⵔⵉⵣ ⵏⵏⵙ ⵉⵥⵉⵍⵏ ⴳ ⵉⵎⵓⵙⵙⵓⵜⵏ ⵉⴱⵕⵍⴰⵎⴰⵏⵉⵢⵏ ⵉⴳⵜⵉⵔⴰⵏⵏ, ⴷ ⵜⵉⵍⴰⵍⵜ ⵏⵏⵙ ⴳ ⵓⴹⴼⵕ ⵏ ⵜⴷⵉⴱⵍⵓⵎⴰⵙⵉⵜ ⵜⴰⵏⴰⵎⵓⵔⵜ ⴼ ⵉⵍⵍⴰ ⴱⴰⴱ ⵏ ⵡⴰⴷⴷⵓⵔ. ⵙ ⵓⵙⴷⴷⴻⴷ ⵜⴳⴰ ⵜⵢⴰⵏⵜ ⵏⵏⵖ ⵜⴰⵏⴰⴽⴰⵍⵜ ⴷ ⵓⵏⵄⴰⵔ ⵏⵏⵙ, ⵜⴰⵎⵣⵡⴰⵔⵓⵜ ⵉ ⵜⴷⵉⴱⵍⵓⵎⴰⵙⵉⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵙ ⵓⵙⵏⴰⵍ ⵏ ⵜⴰⵏⵏⴰⵢⵜ ⵜⴰⴳⵍⴷⴰⵏⵜ ⴷ ⵜⵎⵙⴽⴰⵔⵜ ⵏⵏⵙ ⵉⵥⵉⵍⵏ ⴳ ⴽⵓ ⵉⵙⵡⵉⵔⵏ ⵉⵊⵢⵓ ⵉⵙⵔⵜⴰⵏⵏ, ⵙⵍⴰⵡⴰⵏ ⴰⴽⴽⵯ ⴳ ⵉⴼⵔⵉⵇⵢⴰ.

ⵙ ⵜⵣⴷⴰⵢⵜ ⴷ ⵜⵎⵙⴰⵔⵜ ⵜⴰⵏⴰⵎⵎⴰⵙⵜ ⴳ ⵜⴷⵉⴱⵍⵓⵎⴰⵙⵉⵜ ⵏⵏⵖ ⵜⴰⵏⴰⵎⵓⵔⵜ, ⵉⵇⵇⴰⵏ ⴷ ⴰⴷ ⵏⵙⵙⵎⵖⵔ ⵜⴰⴷⵔⵓⵜ ⵉⵅⴰⵜⵔⵏ ⵏ ⵉⵙⵜ ⵎⴰⵜⵏⵖ ⴷ ⴰⵢⵜ ⵎⴰⵜⵏⵖ ⴳ ⵜⵎⵏⴰⴹⵉⵏ ⵏ ⵉⴼⴼⵓⵙ ⴳ ⵉⵙⵜⴰⵢⵏ ⴳⴳⵓⵔⴰⵏⵉⵏ, ⵉⴳ ⵜⴰⵎⴰⵜⴰⵔt ⴼ ⵜⵎⵓⵏⵜ ⴷ ⵓⵎⵛⴰⴱⴱⴰⴽ ⴳ ⵜⵎⵖⵔⵉⴱⵉⵜ ⵏⵏⵙ ⵉⵍⵍⴰⵏ ⴳ ⵓⵎⵣⵔⵓⵢ.

ⵜⵉⵏⴳⴳⵯⴰ ⴷ ⵉⵏⴳⴳⵯⴰ,

ⵔⴰⴷ ⵏⵙⴽⵔ ⴰⵢⵍⵍⵉ ⵔⴰⴷ ⵏⵙⴽⵔ ⴼ ⵜⵎⵙⴽⵔⵜ ⵏ ⵓⵙⵇⵇⵉⵎ ⵙ ⵓⵙⵙⴰⵔⵓ ⵏ ⵡⴰⵜⵉⴳ ⵏ ⵓⵙⴳⵓⴷⵉ, ⴷ ⵓⵙⵓⵜⴳ ⵏ ⵎⴰⴷ ⵉⵙⴽⵔ ⵓⵙⵇⵇⵉⵎ ⵉⵣⵔⵉⵏ ⵙ ⵜⵏⵙⵙⵉⵅⴼⵜ ⵏ ⵓⵎⴷⴷⴰⴽⴽⵯⵍ  ⴷ ⵓⵏⴳⴳⵯⵓ ⴰⵙⴰⵍⵎⴰⴷ ⵍⴰⵃⴱⵉⴱ ⵍⵎⴰⵍⴽⵉ ⵍⵍⵉ ⵎⵓ ⵙⵓⵜⴳⵖ ⵜⴰⵏⵙⵙⵉⵅⴼⵜ ⵏⵏⵙ ⵏ ⵓⵙⵇⵇⵉⵎ ⵖ ⵜⵡⴰⵍⴰ ⵜⵉⵙ ⵎⵔⴰⵡⵜ ⴷ ⵎⴰⴷ ⴳⵉⵙ ⵉⵜⵜⵓⵙⴽⴰⵔⵏ.

ⵜⵉⵏⴳⴳⵯⴰ ⴷ ⵉⵏⴳⴳⵯⴰ,

ⵙⴳ ⴰⵙⵙⴰ ⴰⴷ, ⴳⵉⵖ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⴽⵓ ⵉⴼⵔⴷⴰⵙ ⵏⵏⵙ ⵜⵓⵣⵍⵜ ⴷ ⵜⵓⴳⵜ ⵙⵡⴰ ⵡⴰⵏⵏⴰ ⵉⵢⵉ ⵉⵙⵜⵉⵏ ⴰⴷ ⴳⵖ ⴰⵏⵙⵙⵉⵅⴼ ⵏ ⵜⵎⵔⵙⵍⵜ ⵓⵍⴰ ⵡⵉⵍⵍⵉ ⵟⵟⴰⴼⵏⵉⵏ ⴰⵎⵏⴰⴷ ⵢⴰⴹⵏⵉⵏ ⵍⵍⵉ ⵜⵜⵓⵇⴰⵕⵖ. ⵙⵙⵏⴰⵜ ⵎⴰⵙ ⵔⴰⴷ ⵎⵎⴰⵖ ⴼ ⵉⵣⵔⴼⴰⵏ ⵏ ⴽⵓⵢⴰⵏ, ⵙⵍⴰⵡⴰⵏ ⴰⴽⴽⵯ ⵉⵣⵔⴼⴰⵏ ⵏ ⵜⵓⵣⵍⵜ ⵍⵍⵉ ⵎⵓ ⵉⴼⴽⴰ ⵓⴷⵓⵙⵜⵓⵔ ⴽⵉⴳⴰⵏ ⵏ ⵉⵣⵔⴼⴰⵏ, ⵍⵍⵉⵖ ⴼⵔⴽⵖ ⵙ ⵡⴰⵜⵉⴳ ⵏ ⵓⵎⵣⴰⵔⴰⵢ ⴷ ⵓⵛⵛⵉⵍ ⵏ ⵜⵎⵔⵙⵍⵜ ⵏ ⵜⵣⵓⵍⵜ ⵜⴰⵎⵔⵙⵍⴰⵏⵜ, ⵙⵍⴰⵡⴰⵏ ⴰⴽⴽⵯ ⵎⴰⵙ ⵜⵜⵓⵙⴽⴰⵔ ⵙⴳ ⵉⴽⴰⴱⴰⵕⵏ ⵎⵓⵏⵏⵉⵏ ⴷ ⵜⵓⴳⵜ ⴳ ⵜⵎⵓⵔⵜ ⴷ ⵓⵛⵛⵉⵍ ⵏ ⵓⴼⵔⴰⴳ ⵏⵏⵙ ⴷ ⵜⵣⵣⵉⴳⵣⵜ ⵏⵏⵙ.

ⵜⵉⵏⴳⴳⵯⴰ ⴷ ⵉⵏⴳⴳⵯⴰ,

ⴰⵔ ⴼⵍⵍⴰⵖ ⵙⵙⵔⵓⵙⵏⵜ ⵜⵙⵎⵉⴳⴰⵍ ⵍⵍⵉ ⴷ ⵉⵇⵇⴰⵏⵏ ⴰⴷ ⵜⵏⵜ ⵏⵙⴽⵔ ⴷ ⵜⵏⴰⵥⵕⵉⵏ ⵏ ⵜⴼⵔⴽⴰ, ⴷ ⵉⵏⴰⵔⵓⵣⵏ ⵏ ⵜⴷⵉⵏⴰⵎⵉⵜ ⵜⴰⵙⵔⵜⴰⵏⵜ ⵍⵍⵉ ⵖ ⵏⴷⴷⵔ, ⵖⵎⴽ ⴰⵏⵏ ⴷ ⵜⵏⴰⵥⴰⵕⵉⵏ ⵏ ⵜⵎⴰⵣⵉⵔⵜ ⵏⵏⵖ ⴷⴰⵜ ⵏ ⵓⴱⴰⵢⵢⵓⵕ, ⴳ ⵓⵎⵏⴰⴹ ⴰⵙⴳⴰⵡⴰⵏ ⴷ ⵓⵎⴰⴹⵍⴰⵏ, ⴰⵙⵎⵓⵙⵙu ⴰⵎⴳⵔⵓ, ⴷ ⵜⵉⵍⵉⵜ ⵙ ⵓⴼⴰⵔⵙ, ⴷ ⵓⵎⵙⴰⵡⴰⵍ ⵉⵟⵟⴰⴼⵏ ⵜⴰⵢⵢⴰⴼⵓⵜ , ⴷ ⵜⵡⵓⵔⵉ ⵃⵎⴰ ⴰⴷ ⵉⵙⵓⵜⴳ ⵓⵎⵎⵏⴰⴷ ⴰⵎⴰⵜⴰⵢ ⵜⴰⵡⵓⵔⵉ ⵏ ⵓⵙⵇⵇⵉⵎ. ⵉⵍⵍⴰ ⴼⵍⵍⴰⵖ ⵓⵙⵙⴼⵍⴷ ⵉ ⵡⴰⵎⵓⵏ ⴷ ⵓⵏⵢⴰⵍⴽⴰⵎ ⴰⴽⴷ ⵉⴼⵔⴷⴰⵙ ⵏⵏⵙ ⵙⵍⴰⵡⴰⵏ ⴰⴽⴽⵯ ⵉⵔⵖⵎⴰⵏⵏ ⴷ ⵎⴰⴷ ⵢⵉⵡⵉ ⵓⴷⵓⵙⵜⵓⵔ ⴳ ⵢⵉⴳⵔ ⵏ ⵜⴷⵉⵎⵓⵇⵔⴰⵟⵉⵜ ⵜⴰⵎⴰⴷⵔⴰⵡⵜ ⵙ ⵎⴰⴷ ⵉⵙⵙⴷⵓⵙⵏ ⵜⴰⴷⵉⵎⵓⵇⵔⴰⵟⵉⵜ ⵜⴰⵎⵔⵙⵍⴰⵏⵜ ⵉⵙⵙⵎⵖⵔ ⵜⵜ ⴷ ⵉⵙⵎⴰⵢⵏⵓ ⵜⵜ.

ⴰⴷ ⴰⵖ ⵢⴰⵡⵙ ⵕⴱⴱⵉ ⵖ ⵎⴰⵖ ⵉⵍⵍⴰ ⵡⴰⴼⵓⵍⴽⵉ ⴷ ⵜⵣⵣⵉⴳⵣⵜ ⴷ ⵓⴼⵔⴰⴳ ⵏ ⵜⵎⴰⵣⵉⵔⵜ ⵏⵏⵖ ⵙ ⵜⵏⴰⵔⴰ ⵜⵓⵏⵥⵉⵥⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵜ ⵉⵏⵚⵕ ⵕⴱⴱⵉ, ⵙ ⵎⴰⵔ ⴰⴷ ⴰⵖ ⵢⴰⵡⵙ ⴳ ⵜⵏⴰⴼⵓⵜ ⵜⴰⵎⴰⵜⴰⵢⵜ ⵏ ⵜⵎⴰⵣⵉⵔⵜ, ⴷ ⵎⴰⴷ ⵉⵙⴷⵓⵙⵏ ⵜⴰⵎⵢⵉⵎⴰⵏ ⵏ ⵉⵏⵎⵓⵔⴰⵏ ⴷ ⵜⵏⵎⵓⵔⴰⵜⵉⵏ ⴳ ⵜⵎⵔⵙⴰⵍ, ⴷ ⵉⵙⵙⵔⵅⵓ ⵜⴰⵎⴰⴷⵔⴰⵡⵜ ⴷ ⵓⵎⵛⴰⴱⴱⴰⴽ ⴰⵏⴰⵎⵓⵏ ⴷ ⵓⵏⴰⵎⵓⵔ, ⵉ ⵓⵙⴷⵓⵙ ⵏ ⵓⵙⴷⵖⵔ ⴰⴳⵔⴰⵖⵍⴰⵏ ⵏ ⵜⵎⴰⵣⵉⵔⵜ ⵏⵏⵖ ⴷ ⵜⵉⵍⵉⵜ ⵏⵏⵙ ⴳ ⵓⵎⵣⵔⵓⵢ ⴷ ⵜⵎⵜⵜⵉ ⵉⵅⴰⵜⵔⵏ ⴷ ⵓⵡⴰⵏⴽ ⵉⵟⵟⴰⴼⵏ ⵉⵥⵓⵕⴰⵏ ⴳ ⵉⴳⵏⵙⵉⵡⵏ ⵏⵏⵙ.

ⵜⴰⵏⵎⵎⵉⵔⵜ ⴼ ⵓⵙⵙⴼⵍⴷ ⵏⵏⵓⵏ.