ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⴽⴽⵓⵥ ⵉⵙⵏⴼⴰⵔⵏ ⴷ ⴽⵕⴰⴹⵜ ⵜⵙⵓⵎⴰⵔ ⵏ ⵉⵙⵍⴳⵏⵏ
ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 8 ⵢⵓⵍⵢⵓⵣ 2024, ⴽⴽⵓⵥ ⵉⵙⵏⴼⴰⵔⵏ ⴷ ⴽⵕⴰⴹⵜ ⵜⵙⵓⵎⴰⵔ ⴳ ⵙⵏⴰⵜ ⵜⵖⵉⵎⵉⵜⵉⵏ ⵜⵉⵣⵣⵔⴰⴼⵉⵏ ⵍⵍⵉ ⵉⵙⵙⵉⵅⴼ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵙ ⵜⵉⵍⵉⵜ ⵏⴰⵙⵙ ⵄⴰⴱⴷ ⵍⵍⴰⵟⵉⴼ ⵡⴰⵀⴱⵉ ⴰⵎⴰⵡⵙⴰⵙ ⵏ ⵜⵣⵔⴷⵜ ⴷ ⵎⴰⵙⵙ ⵅⴰⵍⵉⴷ ⴰⵢⵜ ⵟⴰⵍⴱ ⴰⵎⴰⵡⵙⴰⵙ ⵏ ⵜⴷⵓⵙⵉ ⴷ ⵓⴼⵔⴰⴳ ⴰⵏⴰⵎⵓⵏ, ⴷ ⵎⴰⵙⵙ ⵎⵓⵃⴰⵎⵎⴰⴷ ⵚⴰⴷⵉⵇⵉ ⴰⵎⴰⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵯⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ, ⴷ ⵎⴰⵙⵙ ⴼⴰⵡⵣⵉ ⵍⵇⵊⵃ ⴰⵎⴰⵡⵙⴰⵙ ⵉⵜⵜⵓⵙⵎⴰⴳⴰⵍⵏ ⵙ ⵜⵎⵙⴰⵙⵜⵍⵜ ⴷ ⵎⴰⵙⵙⴰ ⵖⵉⵜⴰ ⵎⵣⵣⵓⵔ ⵜⴰⵎⴰⵡⵙⴰⵙⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵎⵓⴽⵏ ⵏ ⵜⵎⵙⵙⵓⴳⵓⵔⵜ.
ⴳ ⵜⵖⵉⵎⵉⵜ ⵜⴰⵣⵣⵔⴰⴼⵜ ⵜⴰⵎⵣⵡⴰⵔⵓⵜ ⵙ ⵓⵎⴽⵕⴰⴹ ⴰⵙⵏⴼⴰⵔ ⵏ ⵓⵙⵍⴳⵏ ⴰⵎⴰⴷⴷⴰⵙ 30.24 ⵉ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⵙⵍⴳⵏ ⴰⵎⴰⴷⴷⴰⵙ 30.4 ⵉ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⵙⵍⴳⵏ ⴰⵎⴰⴷⴷⴰⵙ 02.12 ⵉⵥⵍⵉⵏ ⵙ ⵓⵙⵎⵍ ⴳ ⵜⵣⵣⵓⵍⵉⵏ ⵜⵉⵎⴰⵜⵜⵓⵢⵢⵉⵏ ⵉ ⵓⵎⵙⴰⵙⴰ ⴷ ⵓⵎⵏⵏⵉ 49 ⴷ 92 ⵏ ⵓⴷⵓⵙⵜⵓⵔ, ⵉⵡⴰⵜⵜⵙ ⴰⵙⵏⴼⵍ ⴷ ⵓⵙⵎⴰⴷ ⵏ ⵜⵍⴳⴰⵎⵉⵏ ⵏ ⵜⵎⵔⵙⴰⵍ ⴷ ⵜⵎⵙⵙⵏⵜⴰⵢ ⵜⵉⵙⵜⵔⴰⵜⵉⵊⵉⵢⵉⵏ ⴷ ⵜⵍⴳⴰⵎⵜ ⵏ ⵜⵣⵣⵓⵍⵉⵏ ⵜⵉⵎⴰⵜⵜⵓⵢⵢⵉⵏ ⵜⵜⴰⵡⴱⴷⴰⵔⵏⵉⵏ ⴳ ⵓⵎⴹⴼⵓⵔ 1 ⴷ 2 ⵏ ⵓⵙⵍⴳ ⴰⵎⴰⴷⴷⴰⵙ 02.12. ⵉⴳⴰ ⴰⵙⵍⴳⵏ ⵉⵙⵜⴰⵡⵀⵎⵎⴰⵏ ⵙ ⵡⴰⵜⵉⴳ ⵏ ⵜⵎⵔⵙⴰⵍ ⵜⵉⴳⴷⵓⴷⴰⵏⵉⵏ ⵜⵉⵙⵜⵔⴰⵜⵉⵊⵉⵢⵉⵏ ⵍⵍⴰⵏⵉⵏ ⴳ ⵓⵙⵏⴼⴰⵔ ⴰⴷ.
ⵉⵙⵓⵜⴳ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵓⵎⴽⵕⴰⴹ ⴰⵙⵏⴼⴰⵔ ⵏ ⵓⵙⵍⴳⵏ ⵏ ⵓⴼⵓⴽⴽⵓ 09.24 ⵉⵥⵍⵉⵏ ⵙ ⵓⵣⵣⴳⵉⵔ ⵏ ⵓⵙⵍⴳⵏ ⵏ ⵓⵥⵕⴼ ⵏ ⵓⵙⴳⴳⵯⴰⵙ ⴰⵥⵕⴼⴰⵏ 2022, ⵍⵍⵉ ⵉⵍⵍⴰⵏ ⴳ ⵓⵙⵓⵔⵙ ⵉⵛⴷⴷⴰⵏ ⵙ ⵜⴰⵙⵙⴰⵙⵉⵏ ⵜⵉⵙⵔⵜⴰⵏⵉⵏ ⵜⵉⴳⵔⴰⵖⵍⴰⵏⵉⵏ, ⴰⵢⵍⵍⵉ ⵉⵟⵟⴰⴼⵏ ⵉⴷⵔⵉⵣⵏ ⴼ ⵓⵙⵎⵖⵔ ⵏ ⵜⴷⵎⵙⴰ ⵜⴰⴳⵔⴰⵖⵍⴰⵏⵜ, ⴷ ⵜⵙⵓⴳⵔⵜ ⵏ ⵎⵙⵓⵖⵜ ⴳ ⵓⵎⴰⴹⴰⵍ ⵙ ⵡⴰⵍⴰⵢ ⵏ ⵡⴰⵜⵉⴳⵏ ⴷⴼⴼⵉⵔ ⵏ ⵜⵎⴰⵖⵜ ⴳ ⵓⴽⵕⴰⵏⵢⴰ, ⴷ ⵜⵖⴰⵔⵜ ⵉⵍⵍⴰⵏ ⴳ ⵍⵎⵖⵔⵉⴱ ⵜⵉⴳⴰⵔⵉⵡⵉⵏ ⴰⴷ.
ⴳ ⵜⵖⵉⵎⵉⵜ ⴰⴼ, ⵉⵍⵍⴰ ⵓⵙⵜⴰⵢ ⵙ ⵓⵎⴽⵕⴰⴹ ⵏ ⵓⵙⵏⴼⴰⵔ ⵏ ⵓⵙⵍⴳⵏ 32.24 ⵉ ⵓⴼⵓⴽⴽⵓ ⵏ ⵜⵎⵓⵍⵍⵉ ⵜⴰⵏⴰⵎⵓⵔⵜ ⵏ ⵓⵙⴱⴷⴷⵉ ⵏ ⵜⵎⵓⴹⴰⵏ ⵏ ⵡⵓⵍ ⴷ ⵉⵥⵓⵕⴰⵏ, ⵉⴽⵛⵎⵏ ⴳ ⵓⵙⴽⵔ ⵏ ⵉⵙⵍⴳⵏⵏ ⵏ ⵓⵎⵓⴽⵏ ⵏ ⵓⵏⴳⵔⴰⵡ ⴰⴷⵓⵙⴰⵏ, ⴳ ⵎⴰⴷ ⵉⵥⵍⵉⵏ ⵙ ⵜⵏⵏⵓⴱⴹⴰ ⴷ ⵓⵙⴷⵓⵙ ⵏ ⵜⵉⵍⴰⵍⵜ ⵏ ⵓⵡⴰⵏⴽ ⴷ ⵜⵎⴰⵙⴰⵢⵜ ⵏⵏⵙ. ⵜⴳⴰ ⵜⵎⵓⵍⵍⵉ ⴰⴷ ⵜⴰⴷ ⵓⵔ ⵉⵜⵜⴰⵎⵥⵏ ⵚⴰⵃⴰ, ⵜⵍⵍⴰ ⵙⴳ 1977, ⴰⵔ ⵜⴰⴽⴽⴰ ⵜⵉⵏⵓⴼⴰ ⵉ ⵉⵎⵓⴹⴰⵏ, ⵜⴰⵡⵙ ⴳ ⵡⴰⵔⴰⵢ ⴷ ⵜⵙⵏⵉⵊⵊⵉⵜ.
ⵙ ⵓⵎⴽⵕⴰⴹ, ⵉⵍⵍⴰ ⵓⵙⵜⴰⵢ ⵏ ⵓⵙⵏⴼⴰⵔ ⵏ ⵓⵙⵍⴳⵏ 95.21 ⵉ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⴹⴰⵀⵉⵕ ⴰⵛⴰⵔⵉⴼ ⵉⴳⴰⵏ ⴰⵙⵍⴳⵏ 1.73.255 ⵏ 27 ⵛⵡⵡⴰⵍ 1393 (23 ⵏⵓⵡⴰⵏⴱⵉⵔ 1973) ⵉⵥⵍⵉⵏ ⵙ ⵓⵙⵏⵎⴰⵍⴰ ⵏ ⵜⴳⵯⵎⵔⵜ ⵜⴰⵢⵍⴰⵏⵜ, ⵔⴰⴷ ⵢⵉⵍⵉ ⵓⵏⴳⵔⴰⵡ ⴰⵣⵔⴼⴰⵏ ⴰⵎⴰⵢⵏⵓ ⵏ ⵜⴳⵯⵎⵔⵜ ⵜⴰⵢⵍⴰⵏⵜ ⴳ ⵎⴰⴷ ⵉⵥⵍⵉⵏⵙ ⵓⵙⵙⵍⵎⴷ ⴷ ⵜⵉⴹⴰⴼ ⵏ ⵉⵖⵔⵔⵓⴱⴰ ⵏ ⵜⴳⵯⵎⵔⵜ ⴷ ⵓⵙⴷⵓⵙ ⵏ ⵜⵎⵙⴽⴰⵔ ⵏ ⵓⴹⴼⵕ ⴰⴳⵯⵏⵙⴰⵏ ⵏ ⵉⵢⴰⴼⵓⵜⵏ ⵏ ⵢⵉⵍ.
ⴳ ⵜⵖⵉⵎⵉⵜ ⵜⵉⵙ ⵙⵏⴰⵜ, ⵉⵍⵍⴰ ⵓⵙⵜⴰⵢ ⵙ ⵓⵎⴽⵕⴰⴹ ⵏ ⵜⵙⵓⵎⵔⵜ ⵏ ⵓⵙⵍⴳⵏ ⵉ ⵓⵙⵏⴼⵍ ⴷ ⵓⵙⵎⴰⴷ ⵏ ⵜⵓⵎⴰⵢⵉⵏ ⵏ ⵓⴹⴰⵀⵉⵕ ⴰⵛⴰⵔⵉⴼ 1.58.008 ⵏ 4 ⵛⴰⵄⴱⴰⵏ 1377 ⵉⵎⵙⴰⵙⴰⵏ ⴷ 24 ⴱⵕⴰⵢⵕ 1958 ⵉⴳⴰⵏ ⴰⵏⴳⵔⴰⵡ ⴰⴳⵯⵏⵙⴰⵏ ⵏ ⵜⵣⵣⵓⵍⵜ ⵜⴰⵎⴰⵜⴰⵢⵜ, ⵉⴳⴰⵏ ⴽⴽⵓⵥⵜ ⵜⵙⵓⵎⴰⵔ ⵏ ⵉⵙⵍⴳⵏⵏ ⵏ ⵜⵔⴰⴱⴱⵓⵜ ⵏ ⵜⴳⵎⵉ ⴷ ⵜⵙⵔⵎⵓⵏⵜ, ⵜⴰⵔⴰⴱⴱⵓⵜ ⵜⴰⵙⵉⵎⴰⵏⵜ ⵉ ⵜⵎⵓⵏⵉ ⴷ ⵢⵉⵙⴽⵉⵍ, ⵜⴰⵔⴰⴱⴱⵓⵜ ⵏ ⵜⵥⵖⵓⵕⵜ ⴷ ⵜⵎⴰⵜⵔⴰⵔⵜ, ⵜⴰⵔⴰⴱⴱⵓⵜ ⵜⴰⵙⵔⵎⵓⵏⵜ-ⵜⵓⵣⵍⵜ ⵏ ⵍⵉⵜⵜⵉⵃⴰⴷ, ⵉ ⵓⵙⴷⵓⵙ ⵏ ⵓⴼⵔⴰⴳ ⴰⵏⴰⵎⵓⵏ ⵏ ⵉⵎⵙⵖⴰⵏⵏ ⴷ ⵜⵎⵙⵖⴰⵏⵉⵏ ⵙⵡⵓⵔⵉⵏⵉⵏ ⴳ ⵜⵎⵙⵙⵓⴳⴰⵔ ⵜⵉⴳⴷⵓⴷⴰⵏⵉⵏ ⴷ ⵓⵙⵎⵖⵔ ⵏ ⵉⵙⵓⵔⵙⵏ ⵏⵏⵙⵏ ⵉⵏⴰⵎⵓⵏⵏ ⵙ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⴹⴰⵀⵉⵕ ⴰⵛⴰⵔⵉⴼ 1.58.008.
ⵉⵍⵍⴰ ⵓⵙⵜⴰⵢ ⵙ ⵓⵎⴽⵕⴰⴹ ⵏ ⵜⵙⵓⵎⵔⵜ ⵏ ⵓⵙⵍⴳⵏ ⵉ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⴹⴰⵀⵉⵕ 9 ⵕⴰⵎⴰⴹⴰⵏ 1331 ⵉⵎⵙⴰⵙⴰⵏ ⴷ 12 ⵖⵓⵛⵜ 1913 ⵉⴳⴰⵏⴰ ⴰⵙⵍⴳⵏ ⵏ ⵉⵙⵖⵡⴰⵏⵏ ⴷ ⵜⵎⵖⵓⵏⵉⵏ, ⵜⵡⴰⵜⵜⵙ ⴰⵙⵏⴼⵍ ⴷ ⵓⵙⵎⴰⴷ ⵏ ⵓⵎⵏⵏⵉ 573 ⴳ ⵎⴰⴷ ⵉⵥⵍⵉⵏ ⵉⵣⵎⴰⵣ ⵏⵡ ⴰⵢⴷ ⵙⴳ ⵙⵎⵎⵓⵙ ⵉⵙⴳⴳⵯⴰⵙⵏ ⴰⵔ ⵙⵉⵏ. ⵜⴰⵙⵓⵎⵔⵜ ⵏ ⵜⵔⴰⴱⴱⵓⵜ ⵏ ⵜⴳⵎⵉ ⴷ ⵜⵙⵔⵎⵓⵏⵜ.
ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵓⵎⴽⵕⴰⴹ ⵜⴰⵙⵓⵎⵔⵜ ⵏ ⵓⵙⵍⴳⵏ ⵉ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⵙⵍⴳⵏ 18.00 ⵉⵥⵍⵉⵏ ⵙ ⵓⵏⴳⵔⴰⵡ ⵏ ⵜⵉⵍⵉⵜ ⵉⵛⵛⴰⵔⵏ ⵏ ⵡⴰⵢⴷⴰ ⵉⵜⵜⵓⵚⴽⴰⵏ, ⵜⵙⵎⵏⵉⴷ ⵜⵜ ⵜⵔⴰⴱⴱⵓⵜ ⵜⴰⵃⴰⵔⴰⴽⵉⵜ, ⵉ ⵓⵙⵖⵓⴷⵓ ⵏ ⵓⵙⵡⵓⴷⴷⵓ ⵏ ⵜⴰⵎⵓⵏⵉⵏ ⵏ ⵉⴷ ⴱⴰⴱ ⵏ ⵡⴰⵢⴷⴰ ⵛⵛⴰⵔⵏⵉⵏ, ⴷ ⵓⵙⴷⵓⵙ ⵏ ⵓⵙⵡⵓⴷⴷⵓ ⴰⴷ ⵙ ⵜⵎⵏⵏⴰⵡⵜ ⵏ ⵉⵎⴰⵙⵏ ⵓⴳⵉⵏⵏ ⵏ ⵓⵎⵢⴰⵡⴰⴹ ⴷ ⵉⵎⵣⴷⴰⵖⵏ ⴳ ⵎⴰⴷ ⵉⵥⵍⵉⵏ ⵙ ⵜⵙⵎⵓⵏⴰⵢ ⴷ ⵜⴱⵔⵉⴷⵉⵏ ⵏ ⵓⵙⵕⴹ ⵉ ⵓⴼⵔⴰⴳ ⵏ ⵜⵣⴷⴰⵢⵜ ⵊⴰⵔ ⵉⵎⵣⴷⴰⵖⵏ.
