ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵜⵓⴳⵜ ⴰⵙⵏⴼⴰⵔ ⵏ ⵓⵙⵍⴳⵏ ⴰⵎⴰⴷⴷⴰⵙ ⴼ ⵓⵙⵓⵎⵍ ⴳ ⵜⵣⵣⵓⵍⵉⵏ ⵜⵉⵎⴰⵜⵜⵓⵢⵉⵏ

ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 22 ⵏⵓⵡⴰⵏⴱⵉⵔ 2021, ⵙ ⵜⵓⴳⵜ ⴰⵙⵏⴼⴰⵔ ⵏ ⵓⵙⵍⴳⵏ ⴰⵎⴰⴷⴷⴰⵙ 51.21 ⵉ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⵙⵍⴳⵏ ⴰⵎⴰⴷⴷⴰⵙ 02.12 ⴼ ⵓⵙⵓⵎⵍ ⴳ ⵜⵣⵣⵓⵍⵉⵏ ⵜⵉⵎⴰⵜⵜⵜⵓⵢⵉⵏ ⵙ ⵓⵎⵙⴰⵙⴰ ⴷ ⵉⴱⴹⵉⵢⵏ ⵏ ⵉⵎⴰⴳⵔⴰⴷⵏ 49 ⴷ 92 ⴳ ⵓⴷⵓⵙⵜⵓⵔ, ⴳ ⵜⵖⵉⵎⵉⵜ ⵜⴰⵣⵣⵔⴰⴼⵜ ⵍⵍⵉ ⵉⵙⵙⵉⵅⴼ ⵎⴰⵙⵙ ⵎⵓⵃⴰⵎⵎⴰⴷ ⵊⵓⴷⴰⵔ ⴰⵎⴰⵔⵉ ⵏ ⵓⵏⵙⵙⵉⵅⴼ, ⴷ ⵜⵉⵍⵉⵜ ⵏ ⵎⴰⵙⵙⴰ ⵖⵉⵜⴰ ⵎⵣⵣⵓⵔ ⵜⴰⵎⴰⵡⵙⴰⵙⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵎⴰⵜⵜⵉ ⴰⵎⵓⵟⵟⵓⵏ ⴷ ⵓⵎⵓⴽⵏ ⵏ ⵜⵎⵙⵙⵓⴳⵓⵔⵜ.

ⴳ ⵜⴳⵓⵔⵉ ⵏⵏⵙ, ⵜⵙⵎⵏⵉⴷ ⵎⴰⵙⵙⴰ ⵎⵣⵣⵓⵔ ⵉⵙⵏⴼⵍⵏ ⴽⵛⵎⵏⵉⵏ ⴼ ⵓⵙⵍⴳⵏ ⴰⵎⴰⴷⴷⴰⵙ, ⵜⵉⵏⵉ ⵎⴰⵙ ⵍⵍⴰⵏ ⴳ ⵓⴳⵯⵏⵙ ⵓⵔ ⴷ ⴳ ⵓⵙⵍⴳⵏ, ⵀⵎⵎⴰⵏⵜ ⴰⵎⴹⴼⵓⵕ ⵏ ⵜⵍⴳⴰⵎⵜ ⵏ ⵜⵎⵔⵙⴰⵍ ⴷ ⵜⵎⵙⵙⵏⵜⴰⵢ ⵜⵉⵙⵜⵔⴰⵜⵉⵊⵉⵢⵉⵏ, ⴷ ⵓⵎⴹⴼⵓⵕ ⵏ ⵜⵣⵣⵓⵍⵉⵏ ⵜⵉⵎⴰⵜⵜⵓⵢⵉⵏ ⴼ ⵉⵜⵜⵎⴷⴰⵡⴰⵍ ⵓⵙⵇⵇⵉⵎ ⵏ ⵜⵏⴱⴰⴹⵜ, ⵏⵖ ⵙⵉⵏ ⵏⵏⵙⵏ, ⵜⵉⵏⵉ ⵎⴰⵙ ⴷ ⵉⵇⵇⴰⵏ ⵓⵙⵎⴰⵢⵏⵓ ⵏ ⵜⵍⴳⴰⵎⵉⵏ ⴰⴷ ⵍⵍⵉⵖ ⵉⵍⵍⴰ ⵓⵙⵉⴷⴼ  ⵏⵖ ⴰⵙⴽⵔ ⵏⵖ ⴰⵙⵎⴰⵢⵏⵓ ⵏⵏⵙⵏⵜ.

ⵜⵉⵏⵉ ⵎⴰⵙⵙⴰ ⵜⴰⵎⴰⵡⵙⴰⵙⵜ ⵎⴰⵙ ⵉⵡⴰⵜⵜⵙ ⵓⵙⵏⴼⴰⵔ ⴰⴷ ⴰⵙⵏⴼⵍ ⴷ ⵓⵙⵎⴰⴷ ⵏ ⵜⵍⴳⴰⵎⵉⵏ ⵏ ⵜⵎⵔⵙⴰⵍ ⴷ ⵜⵎⵙⵙⵏⵜⴰⵢ ⵜⵉⴳⴷⵓⴷⴰⵏⵉⵏ  ⵍⵍⴰⵏⵉⵏ ⴳ ⵉⵎⴹⴼⵓⵕⵏ 1 ⴷ 2, ⵖⵎⴽ ⵍⵍⵉ ⵔⴰⴷ ⵢⵉⵍⵉ ⵓⵙⵎⴰⴷ ⵏ ⵜⵉⵢⵢⴰⴹ ⴰⵎ ⵜⴰⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⵏ ⵓⵙⵙⵍⴳⵏ ⵏ ⵜⵉⵍⴰⵍ ⵣⴷⵉⵏⵉ ⴷ ⵍⴽⵉⴼ, ⵜⴰⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⵏ ⵓⵙⵡⵓⴷⴷⵓ ⴰⵙⵜⵔⴰⵜⵉⵊⵉ ⵏ ⵜⵡⵉⵙⵉ ⵏ ⵓⵡⴰⵏⴽ ⴷ ⵓⴹⴼⵕ ⵏ ⵜⵉⵕⵡⵉ ⵏ ⵜⵎⵙⴽⵔⵜ ⵏ ⵜⵎⵔⵙⴰⵍ ⴷ ⵜⵎⵙⵙⵏⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵜⵉⵢⵢⴰⴹ.

ⵙ ⵓⵙⵍⴳⵏ ⴰⴷ, ⵔⴰⴷ ⵢⵉⵍⵉ ⵓⵙⵏⴼⵍ ⵏ ⵜⵎⵙⵙⵓⵔⵜ ⵏ ⵉⵙⵙⴰⵔⵓⵜⵏ ⵏ ⵜⵥⴹⴰⵕⵉⵏ ⵙ ⵜⵎⵙⵙⵓⵔⵜ ⵏ ⵜⵎⵜⵡⴰⵍⵜ ⵜⴰⵥⴹⴰⵕⴰⵏⵜ, ⴷ ⵓⵙⵎⴰⴷ ⵏ ⵜⵎⵔⵙⴰⵍ ⵉ ⵓⵎⴹⴼⵓⵕ 2 ⴼ ⵉⵜⵜⵎⴷⴰⵡⴰⵍ ⵓⵙⵇⵇⵉⵎ ⵏ ⵜⵏⴱⴰⴹⵜ ⴼ ⵉⵎⵙⵜⴳⴳⴰⵔⵏ ⵏⵏⵙⵏⵜ, ⴷ ⵓⴽⵓⵙ ⵏ ⵓⵙⵉⵔⴰ ⵏ ⵓⵙⵖⵏⵣⵉ ⴷ ⵓⵙⵓⴼⵖ ⵙⴳ ⵜⵍⴳⴰⵎⵜ ⵏ ⵜⵎⵔⵙⴰⵍ ⵜⵉⴳⴷⵓⴷⴰⵏⵉⵏ ⵍⵍⵉ ⴼ ⴰ ⵉⵜⵜⵎⴷⴰⵡⴰⵍ ⵓⵙⵇⵇⵉⵎ ⵏ ⵜⵏⴱⴰⴹⵜ ⵅⴼ ⵉⵎⵙⵜⴳⴳⴰⵔⵏ ⵏⵏⵙⵏⵜ ⴷⴼⴼⵉⵔ ⵏ ⵓⵣⵓⵣⵣⵔ ⵏ ⵓⵙⵍⴳⵏ 06.20 ⵉⵥⵍⵉⵏ ⵙ ⵓⴼⵓⴽⴽⵓ ⵏ ⵓⵙⵉⵔⴰ ⴰⴷ.