ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵏⴼⴰⵔ ⵏ ⵓⵙⵍⴳⵏ ⴰⵎⴰⴷⴷⴰⵙ ⴼ ⵓⵣⵔⴼ ⵏ ⵓⵙⵍⴰⴳ, ⵢⴰⴳⵯⵉ ⵜⴰⵙⵓⵎⵔⵜ ⵏ ⵓⵙⵍⴳⵏ ⴼ ⵓⴼⵏⵉⵇ ⵏ ⵜⵡⵉⵣⵉ ⵏ ⵜⵓⵡⵊⴰ
ⵉⵙⵏⵎⴰⵍⴰ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵉⵏⴰⵙ 24 ⴷⵓⵊⴰⵏⴱⵉⵔ 2024 ⵜⵉⵖⵉⵎⵉⵜⵉⵏ ⵏ ⵓⵣⵣⵔⴰⴼ. ⵜⴰⵎⵣⵡⴰⵔⵓⵜ ⵉⵙⵙⵉⵅⴼ ⵜⵜ ⵎⴰⵙⵙ ⵄⴰⴱⴷ ⵍⵎⴰⵊⵉⴷ ⵍⴼⴰⵙⵉ ⵍⴼⵉⵀⵔⵉ, ⴰⵎⴰⵔⵉ ⵏ ⵓⵏⵙⵙⵉⵅⴼ, ⵉⵍⵍⴰ ⴳⵉⵙ ⵓⵙⵜⴰⵢ ⵙ ⵜⵓⴳⵜ ⵏ ⵜⵙⵓⵎⵔⵜ ⵏ ⵓⵙⵍⴳⵏ ⵉ ⵓⵙⵏⴼⵍ ⵏ ⵓⵎⵏⵏⵉ 2 ⴷ 4 ⵏ ⵓⵙⵍⴳⵏ 83.17 ⵉⵥⴽⵉⵏ ⵙ ⵓⴼⵏⵉⵇ ⵏ ⵜⵡⵉⵣⵉ ⵏ ⵜⵓⵡⵊⴰ, ⴳ ⵜⵉⵖⵔⵉ ⵜⵉⵙ ⵙⵏⴰⵜ, ⵙ ⵜⵉⵍⵉⵜ ⵏ ⵎⴰⵙⵙ ⵢⵓⵏⵓⵙ ⵙⴽⴽⵓⵔⵉ ⴰⵎⴰⵡⵙⴰⵙ ⵏ ⵓⵙⵉⴷⴼ ⴰⴷⵎⵙⴰⵏ ⴷ ⵜⵎⵙⵙⵏⵜⴰⵢⵜ ⵎⵥⵥⵉⵏ ⴷ ⵓⵙⵡⵓⵔⵉ ⴷ ⵜⵙⵓⴳⴰⵔ.
ⵜⵉⵖⵉⵎⵉⵜ ⵜⵉⵙ ⵙⵏⴰⵜ ⵉⵙⵙⵉⵅⴼ ⴰⴳⵣⵣⵓⵎ ⵏⵏⵙ ⴰⵎⵣⵡⴰⵔⵓ ⵎⴰⵙⵙ ⵄⴰⴱⴷ ⵍⵎⴰⵊⵉⴷ ⵍⴼⴰⵙⵉ ⵍⴼⵉⵀⵔⵉ, ⴰⵎⴰⵔⵉ ⵏ ⵓⵏⵙⵙⵉⵅⴼ, ⵉⵙⵙⵉⵅⴼ ⴰⴳⵣⵣⵓⵎ ⵡⵉⵙ ⵙⵉⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⵉⵍⵍⴰ ⴳⵉⵙ ⵓⵙⵖⵣⵏ ⵙ ⵜⵓⴳⵜ ⵏ ⵓⵙⵏⴼⴰⵔ ⵏ ⵓⵙⵍⴳⵏ ⴰⵎⴰⴷⴷⴰⵙ ⵓⵟⵟⵓⵏ 97.15 ⴼ ⵜⴼⴰⴷⵉⵡⵉⵏ ⴷ ⵜⵎⴰⵎⴽⵉⵏ ⵏ ⵓⵙⴽⵔ ⵏ ⵓⵣⵔⴼ ⵏ ⵓⵙⵍⴰⴳ, ⴷ ⵎⴰⵙⵙ ⵎⵓⵚⵟⴰⴼⴰ ⴱⴰⵢⵜⴰⵙ ⴰⵎⴰⵡⵙⴰⵙ ⵉⵜⵜⵓⵙⵎⴰⴳⴰⵍⵏ ⵙ ⵜⵣⴷⴰⵢⵉⵏ ⴷ ⵓⴱⵕⵍⴰⵎⴰⵏ.
ⴰⵙⵏⴼⴰⵔ ⴰⴷ ⵉⵜⵜⵓⴱⴷⴰⵔ ⴳ ⵓⴷⵓⵙⵜⵓⵔ ⴰⵎⵣⵡⴰⵔⵓ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ 1962, ⵢⵉⵍⵉ ⴳ ⵎⴰⵕⵕⴰ ⵉⴷⵓⵙⵜⵓⵔⵏ, ⵉ ⵓⵙⵙⵍⴳⵏ ⵏ ⵜⵎⵙⴽⵔⵜ ⵏ ⵓⵣⵔⴼ ⴰⴷ ⵙ ⵎⴰⴷ ⵉⵜⵜⴰⵡⵙⵏ ⴳ ⵓⵙⴷⵓⵙ ⵏ ⵓⴱⵔⵉⴷ ⵏⵏⵙ ⴰⵣⵔⴼⴰⵏ ⴷ ⵓⵙⵖⵓⴷⵓ ⵏ ⵜⵙⵖⴰⵍ ⵏ ⵓⵏⵣⵡⵉ ⴰⵏⴰⵎⵓⵏ ⴷ ⵓⵏⵣⵡⵉ ⵏ ⵜⵡⵓⵔⵉⵡⵉⵏ ⴷ ⵓⵙⴷⵓⵙ ⵏ ⵜⴷⵎⵙⴰ ⵜⴰⵏⴰⵎⵓⵔⵜ ⴳ ⵢⵉⴳⵔ ⵏ ⵓⵙⵙⴰⵔⵓ ⴷ ⵓⵙⴽⵔ ⵏ ⵜⴱⵖⵓⵔⵜ ⵙⴽⴰⵔⵏⵉⵏ ⵜⴰⵣⵣⵓⵍⵉⵏ ⵏ ⵜⵡⵓⵔⵉ.
ⵉⵙⴰⵡⵍ ⵓⵙⵍⴳⵏ ⴰⴷ ⴰⵎⴰⴷⴷⴰⵙ ⵜⵉⴼⴰⴷⵉⵡⵉⵏ ⴷ ⵜⵎⴰⵎⴽⵉⵏ ⵏ ⵓⵙⴽⵔ ⵏ ⵓⵣⵔⴼ ⵏ ⵓⵙⵍⴰⴳ ⴳ ⵢⵉⴳⵔ ⵓⵙⵍⵉⴳ, ⴳ ⵎⴰⴷ ⵉⵥⵍⵉⵏ ⵙ ⵉⵎⴹⴰⴽⴰⵕⵏ ⴷ ⵜⵉⵔⵎⵉⵜⵉⵏ ⵏ ⵓⵎⵙⵓⵔⵓⴼ ⵅⴼ ⵓⵙⴷⴰⵡ ⵏ ⵜⵓⵜⵔⴰ ⴷ ⵜⵉⵣⵉ ⴷⴰⵜ ⵏ ⵓⵙⴽⵔ ⵏ ⵓⵣⵔⴼ ⵏ ⵓⵙⵍⴰⴳ, ⴷ ⵓⵙⴱⴷⴷⵉ ⵏ ⵜⵙⴽⵔⵜ ⵏ ⵓⵣⵔⴼ ⵏ ⵓⵙⵍⴰⴳ ⵙⴳ ⵉⴷ ⴱⴰⴱ ⵏ ⵜⵡⵓⵔⵉ ⴷ ⵜⵎⴰⴷⴷⴰⵙⵉⵏ ⵜⵉⵣⵣⵓⵍⴰⵏⵉⵏ ⴷ ⵜⵎⴰⴷⴷⴰⵙⵉⵏ ⵏ ⵉⵎⵓⵍⵍⵉⵜⵏ ⵏ ⵉⵎⵙⵡⵓⵔⵉⵢⵏ, ⴷ ⵓⵙⴱⴷⴷⵉ ⵏ ⵓⵙⴽⵔ ⵏ ⵓⵙⵏⵓⵃⵢⵓ ⵎⵏⵉⴷ ⵏ ⵉⵎⵙⵡⵓⵔⵉⵢⵏ ⵙ ⵓⵙⴽⵔ ⵏ ⵓⵙⵍⴰⴳ ⴷ ⵓⵙⴱⴷⴷⵉ ⵏ ⵓⵙⵍⴰⴳ ⵙ ⵜⵡⴰⵍⴰ ⴷ ⵓⵙⴱⴷⴷⵉ ⵏ ⵜⵍⴻⵍⵍⵉ ⵏ ⵜⵡⵓⵔⵉ ⴳ ⵜⵉⵣⵉ ⵏ ⵓⵙⵍⴰⴳ ⴷ ⵓⵙⵔⵙ ⵏ ⵜⵎⵓⵛⴰ ⵍⵍⴰⵏⵉⵏ ⴳ ⵜⵖⵜⴰⵙⵜ ⵏ ⵓⵙⵍⴰⴳ.
ⴳⵎⴰⴷ ⵉⵥⵍⵉⵏ ⵙ ⵢⵉⴳⵔ ⴰⵎⴰⵜⴰⵢ, ⵢⵓⵎⴰ ⵓⴹⵕⵉⵚ ⴰⵣⵣⵔⴰⴼ ⵜⵉⴼⴰⴷⵉⵡⵉⵏ ⵙⴰⵡⴰⵍⵏⵉⵏ ⴼ ⵢⵉⴳⵔ ⴰⵎⴰⵜⴰⵢ, ⴷ ⵓⵙⵖⵣⵏ ⵏ ⵜⵉⵣⵉ ⵏ ⵓⵙⵉⵡⴹ ⴷ ⵜⴼⴰⴷⴰ ⵏⵓⵙⵉⵡⴹ ⵏ ⵜⵖⵜⴰⵙⵜ ⵏ ⵓⵙⵍⴰⴳ ⴷ ⵜⵙⴳⴳⵉⵡⵉ ⵏⵏⵏⵙ, ⴷ ⵡⵉⴷⴰ ⵓⵔ ⵥⴹⴰⵕⵏⵉⵏ ⴰⴷ ⵙⴽⵔⵏ ⴰⵣⵔⴼ ⵏ ⵓⵙⵍⴰⴳ.
ⴳ ⵎⴰⴷ ⵉⵥⵍⵉⵏ ⵙ ⵓⵙⵍⴰⴳ ⴳ ⵜⵏⵓⴼⴰ ⵜⵓⴷⴷⵉⵔⵉⵏ, ⵢⵉⵡⵉⴷ ⵓⵙⵍⴳⵏ ⴰⵎⵏⵏⵉ ⵉⵥⵍⵉⵏ ⵙ ⵜⵍⴳⴰⵎⵜ ⵏ ⵜⵏⵓⴼⴰ ⴷ ⵜⵎⴰⵎⴽⵜ ⵏ ⵏ ⵜⵉⵍⵉⵜ ⵏ ⵎⴰ ⴷ ⵢⵓⵙⴰⵏ ⴳ ⵜⵏⴰⴼⵜ ⴰⴷ, ⴷ ⵓⵙⵏⴼⵍ ⵏ ⵜⵍⴳⴰⵎⴰⵜ ⴰⴷ ⵙ ⵓⵙⵍⴳⵏ ⴷⴼⴼⵉⵔ ⵏ ⵓⵎⵛⴰⵡⴰⵕ ⴰⴽⴷ ⵜⵉⵎⴰⴷⴷⴰⵙⵉⵏ ⵜⵉⵣⵣⵓⵍⴰⵏⵉⵏ ⴷ ⵉⵎⵓⵍⵍⵉⵜⵏ.
ⵔⴰⴷ ⵉⴳ ⵓⵙⵏⴼⴰⵔ ⴰⴷ ⴰⵎⴰⴷⴷⴰⵙ ⵜⴰⵔⵙⵍⵜ ⵏ ⵓⵙⵎⴰⴷ ⵏ ⵉⵙⵍⴳⵏⵏ ⴼ ⵉⴳⵔ ⴰⵏⴰⵎⵓⵏ, ⵙ ⵎⴰⴷ ⵉⵡⴰⵜⵜⵙⵙ ⴳ ⵉⵚⴰⵃⴰⵜⵏ ⵏ ⵉⵎⵙⵡⵓⵔⵉⵢⵏ ⴷ ⵓⵙⴷⵓⵙ ⵏ ⵓⵎⵃⵉⵣⵡⴰⵔ ⵏ ⵜⵎⵙⵙⵏⵜⴰⵢⵜ ⵜⴰⵎⵖⵔⵉⴱⵉⵜ, ⴷ ⵜⵉⵍⵉⵜ ⵏ ⵜⵏⴼⵔⵓⵜ ⵜⴰⵣⵔⴼⴰⵏⵜ.
