ⴳ ⵜⵉⵖⵔⵉ ⵜⵉⵙ ⵙⵏⴰⵜ, ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵏⴼⴰⵔ ⵏ ⵓⵙⵍⴳⵏ ⴼ ⵜⵎⴳⵓⵔⵉ ⵏ ⵙⵙⵓⵍⵉⵎⴰ ⴷ ⵡⴰⵍⴰⵙ ⵏ ⵓⵙⵏⵎⴰⵍⴰ ⵏ ⵡⴰⵎⵎⴰⵙ ⴰⵎⵖⵔⵉⴱⵉ ⵏ ⵙⵙⵓⵍⵉⵎⴰ

ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 2 ⴷⵓⵊⴰⵏⴱⵉⵔ 2024, ⵙ ⵜⵓⴳⵜ ⴳ ⵜⵉⵖⵔⵉ ⵜⵉⵙ ⵙⵏⴰⵜ ⴰⵙⵏⴼⴰⵔ ⵏ ⵓⵙⵍⴳⵏ 18.23 ⴼ ⵜⵎⴳⵓⵔⵉ ⵏ ⵙⵙⵓⵍⵉⵎⴰ ⴷ ⵡⴰⵍⴰⵙ ⵏ ⵓⵙⵏⵎⴰⵍⴰ ⵏ ⵡⴰⵎⵎⴰⵙ ⴰⵎⵖⵔⵉⴱ ⵏ ⵙⵙⵓⵍⵉⵎⴰ, ⴳ ⵜⵖⵉⵎⵉ ⵜⴰⵣⵣⵔⴰⴼⵜ ⵉⵙⵙⵉⵅⴼ ⵎⴰⵙⵙ ⵎⵓⵃⴰⵎⵎⴰⴷ ⵚⵚⴱⴱⴰⵕⵉ, ⴰⵎⴰⵔⵉ ⴰⵎⵣⵡⴰⵔⵓ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ, ⵙ ⵜⵉⵍⵉⵜ ⵏ ⵎⴰⵙⵙ ⵎⵓⵃⴰⵎⵎⴰⴷ ⵍⵎⵀⴷⵉ ⴱⵏ ⵙⵄⵉⴷ, ⴰⵎⴰⵡⵙⴰⵙ ⵏ ⵉⵄⵔⵔⵉⵎⵏ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ, ⴷ ⵎⴰⵙⵙ ⵎⵓⵚⵟⴰⴼⴰ ⴱⴰⵢⵜⴰⵙ ⴰⵎⴰⵡⵙⴰⵙ ⵉⵜⵜⵓⵙⵎⴰⴳⴰⵍⵏ ⵙ ⵜⵣⴷⴰⵢⵉⵏ ⴷ ⵓⴱⵕⵍⴰⵎⴰⵏ. 

ⵉⵙⵏⴼⵍ ⵓⵙⵇⵇⵉⵎ ⵏ ⵉⵎⵓⵔⴰ ⵉⵎⴰⴳⵔⴰⴷⵏ 2 ⴷ 22 ⴷ 51 ⴷ 78, ⵢⵉⵍⵉ ⵓⵎⵏⵏⵉ ⴰⵎⴰⵢⵏⵓ ⵉ ⵉⵎⴰⴳⵔⴰⴷⵏ 2 ⴷ 22 ⴷ 51 ⴼ ⵓⵙⵓⵔⵙ ⴰⵣⵔⴼⴰⵏ ⵎⵏⵉⴷ ⵏ ⵓⴼⵏⵉⵇ ⴰⵏⴰⵎⵓⵔ ⵏ ⵜⵏⴼⵔⵓⵜ ⵜⴰⵏⴰⵎⴰⵓⵏⵜ ⵅⴼ ⵓⴼⴰⵔⵙ ⵏ ⵙⵙⵓⵍⵉⵎⴰ. ⵜⵉⵍⵉ ⵜⵥⵍⴰⵢⵜ ⵜⴰⵎⴰⵢⵏⵓⵜ, ⴳ ⵓⵎⴰⴳⵔⴰⴷ 78, ⵉ ⵡⴰⵎⵎⴰⵙ, ⴳ ⵓⴼⴰⵔⵙ ⴷ ⵓⴱⵟⵟⵓ ⴷ ⵓⵙⵎⵔⵙ ⴷ ⵓⵙⴽⵛ ⴷ ⵓⵚⵉⴼⴷ ⴷ ⵓⵣⵓⵣⵣⵔ ⴷ ⵡⴰⵍⴰⵙ ⴷ ⵎⵙⵓⵖⵜ ⴷ ⵎⵏⵣⵉⵡⵜ ⵏ ⵉⵙⴰⵔⵓⵜⵏ ⵏ ⵙⵙⵓⵍⵉⵎⴰ ⵉ ⵚⴰⵃⴰ ⵏⵏⵙ ⵏⵖ ⵡⵉⵢⵢⴰⴹ. 

ⵉⵡⴰⵜⵜⵙ ⵓⵙⵏⴼⴰⵔ ⴰⴷ ⴰⵙⵎⵓⵏ ⵏ ⵜⵔⵙⴰⵍ ⵜⵉⵙⵉⵍⴰⵏⵉⵏ ⵏ ⵓⵙⵏⵎⴰⵍⴰ ⵏ ⵜⵎⴳⵓⵔⵉ ⵏ ⵙⵙⵓⵍⵉⵎⴰ ⴷ ⵡⴰⵍⴰⵙ ⵏ ⵓⵙⵏⵎⴰⵍⴰ ⵏ ⵡⴰⵎⴰⵎⵙ ⴰⵎⵖⵔⵉⴱⵉ ⵏ ⵙⵙⵓⵍⵉⵎⴰ ⴳ ⵢⴰⵏ ⵓⴹⵕⵉⵚ ⴰⵣⵣⵔⴰⴼ, ⴷ ⵓⵙⴽⵔ ⵏ ⵜⵎⴳⵓⵔⵉ ⵏ ⵙⵙⵓⵍⵉⵎⴰ ⵉⴳⴰⵏ ⵜⴰⵎⴰⵢⵏⵓⵜ ⵉⴱⴷⴷⵏ ⴼ ⵜⵏⵏⵓⴱⴹⴰ ⴷ ⵡⴰⵏⵏⴰⵣⵏ ⴷ ⵜⵎⴰⴼⴰⵡⵜ. 

ⵢⵉⵡⵉⴷ ⵓⵙⵏⴼⴰⵔ ⵜⵉⵥⵍⴰⵢⵉⵏ ⵜⵉⵎⴰⵢⵏⵓⵜⵉⵏ ⵏ ⵓⵙⵎⵖⵔ ⵏ ⵜⵎⴳⵓⵔⵉ ⵏ ⵙⵙⵓⵍⵉⵎⴰ ⴷ ⵓⵙⵉⵙⵙⵏ ⵙ ⵍⵎⵖⵔⵉⴱ ⴰⴷ ⵉⴳ ⴰⴷⵖⴰⵔ ⵏ ⵓⵙⵓⵍⴼ ⵏ ⵉⵙⵉⵔⴰⵜⵏ ⴷ ⵓⵙⵎⵖⵔ ⵏ ⵢⵉⴳⵔ ⵏ ⵙⵙⵓⵍⵉⵎⴰ ⴷ ⵓⵙⵡⵓⴷⴷⵓ ⵉⵥⵉⵍⵏ, ⴷ ⵓⵣⵣⴳⵉⵔ ⵏ ⵜⵙⵔⵜⵉⵜ ⵜⵓⵏⴱⵉⴹⵜ ⴳ ⵢⵉⴳⵔ ⴰⴷ, ⵙ ⵓⵙⵏⴰⵍ ⵏ ⵢⵉⴳⵔ ⵏ ⵜⵎⴳⵓⵔⵉ ⵏ ⵙⵙⵓⵍⵉⵎⴰ ⴷ ⵓⵙⵏⴰⵍ ⵏ ⵓⴼⴰⵔⵙ ⴷ ⵓⵙⵙⵔⵇⴱ ⵏ ⵓⴼⴰⵔⵙ ⴰⴱⵕⵕⴰ ⴳ ⵍⵎⵖⵔⵉⴱ, ⴷ ⵓⵙⵉⵙⵙⵏ ⵙ ⵜⵥⵍⴰⵢⵉⵏ ⵜⵉⴳⴰⵎⴰⵏⵉⵏ ⴷ ⵜⴷⵍⵙⴰⵏⵉⵏ ⴷ ⵜⵓⵚⴽⵉⵡⵉⵏ ⵍⵍⴰⵏⵉⵏ ⴳ ⵜⴳⵍⴷⵉⵜ ⵃⵎⴰ ⴰⴷ ⵜⴳ ⴰⴷⵖⴰⵔ ⵏ ⵓⵙⵓⵍⴼ ⵏ ⵉⵙⵉⵔⴰⵜⵏ ⵏ ⵙⵙⵓⵍⵉⵎⴰ.

ⵔⴰⵙ ⵢⴰⵡⵙ ⵓⴹⵕⵉⵚ ⴰⴷ ⴳ ⵓⴼⵔⴰⴳ ⵏ ⵡⴰⵢⴷⴰ ⵏ ⵙⵙⵓⵍⵉⵎⴰ ⴷ ⵓⵙⵓⵜⴳ ⵏⵏⵙ ⵙ ⵡⴰⵍⴰⵙ ⵏ ⵡⴰⵕⵉⴼ ⵏ ⵙⵙⵓⵍⵉⵎⴰ ⴷ ⵜⵙⵎⵓⵟⵟⵓⵏⵜ ⵏⵏⵙ, ⴷ ⵓⵙⵏⴰⵍ ⵏ ⵓⵙⵎⵓⵜⵜⴳ ⴰⵣⵣⵓⵍⴰⵏ ⴷ ⵓⵙⵎⵓⵜⵜⴳ ⴰⵙⵓⵍⴰⵏ ⴳ ⵢⵉⴳⵔ ⵏ ⵜⵎⴳⵓⵔⵉ ⵏ ⵙⵙⵓⵍⵉⵎⴰ.