ⴰⵏⵎⵓⵇⵇⴰⵔ ⵏ ⵓⵎⵢⴰⵡⴰⴹ ⴳ ⵓⵙⵇⵇⵉⵎ ⵏ ⵉⵎⵓⵔⴰ: ⴰⵙⴷⴷⵉⴷ ⴼ ⵜⵉⵍⴰⵍⵜ ⵉⵙⵜⴰⵡⵀⵎⵎⴰⵏ ⵏ ⵓⴱⵕⵍⴰⵎⴰⵏ ⴳ ⵓⵎⵓⵔⵙ ⵏ ⵉⵙⵖⵡⴰⵏⵏ ⵣⴷⵉⵏⵉⵏ ⴷ ⵉⵙⵏⴼⵍⵏ ⵏ ⵓⵏⵣⵡⵉ

ⵉⵙⵏⵎⴰⵍⴰ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵡⴰⵙ 21 ⵏⵓⵡⴰⵏⴱⵉⵔ 2024, ⴰⵏⵎⵓⵇⵇⴰⵔ ⴼ: “ⴰⵙⴱⴷⴷⵉ ⵏ ⵉⴷⵔⵉⵣⵏ ⵏ ⵉⵙⵏⴼⵍⵏ ⵏ ⵓⵏⵣⵡⵉ ⴳ ⵍⵎⵖⵔⵉⴱ: ⵉⵙⵖⵡⴰⵏ ⵉⴳⵔⴰⵖⵍⴰⵏⵏ ⴷ ⵉⵣⵣⵔⴰⴼⵏ ⵉⵏⴰⵎⵓⵔⵏ”, ⵙ ⵓⵎⵢⴰⵡⴰⵙ ⴷ ⵜⵎⵔⵙⵍⵜ ⵡⵉⵙⵜⵎⵉⵏⵙⵜⵔ ⵉ ⵜⴷⵉⵎⵓⵇⵔⴰⵟⵉⵜ, ⴳ ⵓⵖⴰⵡⴰⵙ ⵏ “ⵓⵙⴷⵓⵙ ⵏ ⵓⵍⵜⴰⵖ ⴰⴱⵕⵍⴰⵎⴰⵏⵉ ⴳ ⵜⵡⵓⵔⵉ ⵉ ⵓⵏⵣⵡⵉ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ”, ⵙ ⵜⵉⵍⵉⵜ ⵏ ⵉⵎⵓⵣⴰⵢⵏ ⵏ ⵡⴰⵡⵏⴰⴹ ⴷ ⵓⵏⵣⵡⵉ ⴷ ⵉⴳⵏⵙⴰⵙⵏ ⵏ ⵜⴳⵔⴰⵡⵉⵏ ⵜⵉⵏⴰⵎⵓⵔⵉⵏ ⴷ ⵜⴳⵔⴰⵖⵍⴰⵏⵉⵏ. 

ⴳ ⵜⴳⵓⵔⵉ ⵏⵏⵙ, ⵉⵙⴷⴷⵉ ⵎⴰⵙⵙ ⵀⵉⵛⴰⵎ ⵍⵃⵉⴷ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⵡⵓⵔⵉ ⵜⴰⵙⴳⵓⵎⴰⵏⵜ ⴼ ⵓⵙⵎⵓⵜⵜⵉ ⴰⵎⴰⵓⵟⵟⵓⵏ ⵎⴰⵙ ⵉⵙⵜⴰⵡⴰⵀⵎⵎⴰ ⵓⵏⵎⵓⵇⵇⴰⵔⴰ ⴰⴷ ⴳ ⵓⵙⵖⵏⵓ ⵏ ⵓⵏⵇⵇⵉⵙ ⵍⵍⵉ ⵜⵙⵓⵊⴰⴷ ⵜⴳⵔⴰⵡⵜ ⵜⵓⵏⴱⵉⴹⵜ ⵜⴰⵎⵏⵜⴰⵢⵜ ⵙ ⵓⵙⵏⴼⵍ ⵏ ⵓⵏⵣⵡⵉ (IPCC) ⵙ ⵜⴷⵔⴰⵡⵜ ⵏ ⵉⵎⵓⵣⴰⵢⵏ. 

ⵜⵏⵏⴰ ⵎⴰⵙⵙⴰ ⵏⴰⵄⵉⵎⴰ ⵍⴼⵜⵃⴰⵡⵉ, ⵜⴰⴳⵎⴰⵎⵜ ⵏ ⵜⵔⴰⴱⴱⵓⵜ ⵏ ⵜⵡⵓⵔⵉ ⵜⴰⵙⴳⵓⵎⴰⵏⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵓⵜⴳ ⵏ ⵜⵙⵔⵜⴰⵢ ⵏ ⵡⴰⵎⴰⵏ ⵎⴰⵙ ⵉⴳⴰ ⵓⵏⵎⵓⵇⵇⴰⵔ ⴰⴷ ⵜⴰⵎⵍⴷⴰ ⵏ ⵓⵏⵢⴰⵍⴰⴽⵎ ⴰⴽⴷ ⵉⴷ ⴱⴰⴱ ⵏ ⵜⵙⵓⵎⴰⵔ ⵉ ⵓⵙⵖⵏⵓ ⵏ ⵓⵎⴹⴰⴽⴰⵕ ⴷ ⵓⵙⵙⵏ ⵏ ⵓⴷⵎⴰⵡⵏ ⵏ ⵜⵏⴰⵥⴰⵕⵜ ⴰⴷ ⵉⵟⵟⴰⴼⵏ ⵉⴷⵔⵉⵣⵏ ⵏⵏⵙ ⴼ ⵜⵉⵍⵉⵜ ⴷ ⵉⵎⴰⵍ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ. 

ⵜⵙⴷⴷⵉⴷ ⵜⵏⵎⵀⴰⵍⵜ ⵏ ⵓⵙⵉⵔⴰ ⵏ ⵜⵎⵔⵙⵍⵜ ⵏ ⵡⵉⵙⵜⵎⵉⵏⵙⵜⵔ ⵉ ⵜⴷⵉⵎⵓⵇⵔⴰⵟⵉⵜ ⴳ ⵍⵎⵖⵔⵉⴱ ⵎⴰⵙⵙ ⴼⴰⵜⵉⵃⴰ ⴰⵢⵜ ⵓⵍⵄⵉⴷ ⵎⴰⵙ ⵜⵍⵍⴰ ⵜⴷⵔⴰⵡⵜ ⴰⴽⴷ ⵓⵙⵇⵇⵉⵎ ⵏ ⵉⵎⵓⵔⴰ ⵙⴳ 2011, ⵜⵡⴰⵜⵜⵙ ⴰⵙⵏⴰⵍ ⵏ ⵉⵙⴰⵡⵓⵔⵏ ⵏ ⵎⵓⴽⵏⵏ ⵏ ⵓⵙⵇⵇⵉⵎ, ⴷ ⵓⵙⴷⵓⵙ ⵏ ⵜⴷⵉⵎⵓⵇⵔⴰⵟⵉⵜ ⴽⴽⵉ ⵉⴳⴰⵏ ⵜⴰⵔⵙⵍⵜ ⵜⴰⵙⵉⵍⴰⵏⵜ ⵉ ⵓⵙⴱⴷⴷⵉ ⵏ ⵜⵏⴰⵥⴰⵕⵉⵏ ⴰⵎ ⵉⵙⵏⴼⵍⵏ ⵏ ⵏⵓⵏⵣⵡⵉ, ⵜⵉⵏⵉ ⵎⴰⵙ ⴷ ⵜⵓⴳⴳⴰⵙ ⵏ ⵍⵎⵖⵔⵉⴱ ⵉⵡⵉⵏ ⴷ ⴰⴷ ⵉⵣⵣⵉⴳⵣ ⴳ ⵓⵙⵖⵍ ⵉⵥⵍⵉⵏ ⵙ ⵓⵙⵏⴼⵍ ⵏ ⵓⵏⵣⵡⵉ ⴳ 2024, ⴷ ⵓⵙⵏⵓⴱⴳ ⵏ ⵓⴳⵔⴰⵡ ⵏ ⵉⵎⵍⵜⴰⵖⵏ ⴳ ⵜⵎⵢⴰⵇⵇⴰⵏⵜ ⵏ ⵜⵎⵜⵜⴰ ⵎⵓⵏⵏⵉⵏ ⵅⴼ ⵉⵙⵏⴼⵍⵏ ⵏ ⵓⵏⵣⵡⵉ. 

ⵜⵥⵍⵉ ⵜⵖⵔⵉ ⵜⴰⵎⵣⵡⴰⵔⵓⵜ ⵉ ⵓⵎⴹⴰⴽⴰⵕ ⵏ ⵉⵙⵉⵏⴰⵔⵢⵓⵜⵏ ⵏ ⵉⴷⵔⵉⵣⵏ ⵏ ⵓⵙⵏⴼⵍ ⵏ ⵓⵏⵣⵡⵉ ⵉ ⵍⵎⵖⵔⵉⴱ, ⵢⵉⵍⵉ ⵓⵙⴷⴷⵉⴷ ⴳ ⵓⵎⵏⴰⴹ ⴰⴷ ⵎⴰⵙ ⵉⴳⴰ ⵍⵎⵖⵔⵉⴱ ⵙⴳ ⵜⵉⵎⵉⵣⴰⵔ ⵍⵍⵉ ⴱⴰⵀⵔⴰ ⵍⵜⴰⵖⵏⵉⵏ ⴳ ⵜⵙⵜⵔⴰⵜⵉⵊⵉⵢⵉⵏ ⵏ ⵓⵙⵏⴱⴷⴷⵉ ⵏ ⵉⴷⵔⵉⵣⵏ ⵏ ⵓⵙⵏⴼⵍ ⵏ ⵓⵏⵣⵡⵉ. 

ⵉⵍⵍⴰ ⵓⵙⴷⴷⵉⴷ ⴼ ⵜⵉⵍⵉⵜ ⵏ ⵉⵣⵣⵔⴰⴼⵏ ⵉ ⵓⵙⴱⴷⴷⵉ ⵏ ⵜⵏⴰⵥⴰⵕⵉⵏ ⵏ ⵡⴰⵡⵏⴰⴹ, ⴰⵎ ⴰⵙⴱⴷⴷⵉ ⵏ ⵉⴳⴰⵣⵏ ⵏ ⵓⴽⴰⵕⴱⵓⵏ ⴷ ⵜⴰⵙⵙⴰⵙⵉⵏ ⵏ ⵓⴳⴰⵎⴰ, ⴷ ⵡⴰⵍⴰⵙ ⵏ ⵓⵙⵡⴰⵍ ⵏ ⵜⵓⴳⴳⴰⵙ ⴳ ⵢⵉⴳⵔ ⵏ ⵓⵙⴱⴷⴷⵉ ⵏ ⵉⴷⵔⵉⵣⵏ ⵏ ⵉⵙⵏⴼⵍⵏ ⵏ ⵓⵏⵣⵡⵉ, ⴷ ⵓⵙⵙⴰⵔⵓ ⴳ ⵓⵎⵙⴰⵙⴰ ⴰⴽⴷ ⵉⵙⵏⴼⵍⵏ ⵏ ⵓⵏⵣⵡⵉ, ⴷ ⵓⵙⵉⴳⵓⵜ ⵏ ⵓⵥⵟⵟⴰ ⵏ ⵓⵚⴽⵓ ⴳ ⵜⵖⵔⵎⵉⵏ, ⴷ ⵓⵙⵉⴷⵔⵓⵙ ⵏ ⵜⵉⵍⴰⵍ ⴷⴰⵜ ⵏ ⵙⵙⴰⵃⵉⵍ ⴳ ⵉⵖⴰⵡⴰⵙⵏ ⵉⵖⵔⵎⴰⵏⵏ, ⴷ ⵓⵙⵉⴷⴼ ⵏ ⵉⵎⵏⵣⴰⵢⵏ ⵏ ⵜⴷⵎⵙⴰ ⵉⵙⵙⵓⵜⵍⵏ ⴳ ⵓⵙⵎⴽⵍ ⵏ ⵡⴰⵔⵔⴰⵙⵏ ⵏ ⵜⴳⵯⵎⵎⴰ ⴷ ⵡⴰⵎⴰⵏ ⴳⴳⵓⴼⵙⴰⵏⵉⵏ, ⴷ ⵓⵙⵔⵙ ⵏ ⵓⵙⴰⵜⵉ ⴰⵣⵣⵔⴰⴼ ⴳ ⵓⵎⵏⵉⴷ ⴰⴷ. 

ⴱⴷⵔⵏ ⵉⵎⵓⵣⴰⵢⵏ ⵜⵉⵏⴰⵥⴰⵕⵉⵏ ⵅⴰⵜⵔⵏⵉⵏ ⵏ ⵉⴷⵔⵉⵣⵏ ⵏ ⵓⵙⵏⴼⵍ ⵏ ⵓⵏⵣⵡⵉ ⴼ ⵍⵎⵖⵔⵉⴱ ⵍⵍⵉ ⵉⵙⵖⵡⵏ ⴳ 2016 ⵙ ⵉⵙⵉⵣⴷⵔ ⵏ ⵉⴳⴰⵣⵏ ⴰⵔ 42 % ⵙ 2023. 

ⵜⵥⵍⵉ ⵜⵖⵉⵎⵉⵜ ⵜⵉⵙ ⵙⵏⴰⵜ ⵉ ⵓⵙⵏⵜⵍ ⵏ ⵓⵙⴱⴷⴷⵉ ⵏ ⵉⵙⵏⴼⵍⵏ ⵏ ⵓⵏⵣⵡⵉ ⵊⴰⵔ ⵉⵎⵇⵇⵏⵏ ⵉⴳⵔⴰⵖⵍⴰⵏⵏ ⴷ ⵉⵣⵣⵔⴰⴼⵏ ⵉⵏⴰⵎⵓⵔⵏ, ⵢⵉⵍⵉ ⵓⵙⵎⵏⵉⴷ ⵏ ⵓⵙⵎⴰⵇⵇⵍ ⴼ ⵜⵎⵢⴰⵇⵇⴰⵏⵜ ⵏ ⴱⴰⵔⵉⵣ ⵅⴼ ⵓⵙⵏⴼⵍ ⵏ ⵓⵏⵣⵡⵉ, ⵉⵍⵍⴰ ⵓⴽⴰⵏ ⵙⵓⵍ ⵓⵙⵖⵏ ⵙ ⵜⵎⵢⴰⵇⵇⴰⵏⵜ ⴰⴷ ⵉⵖ ⴰⴽⴽⴰⵏ ⵉⵡⴰⵏⴽⵏ ⵜⵉⵡⵉⵣⵉ ⵜⴰⵏⴰⵎⵓⵔⵜ ⵉ ⵓⵙⴱⴷⴷⵉ ⵏ ⵓⵙⵏⴼⵍ ⵏ ⵓⵏⵣⵡⵉ. 

ⴳⵜⵖⵉⵎⵉⵜ ⴰⴷ, ⵉⵍⵍⴰ ⵓⵙⴷⴷⵉⴷ ⴼ ⵓⵛⵛⵉⵍ ⵏ ⵓⵣⵣⵔⴰⵢ ⵏ ⵜⵎⵙⴽⴰⵔ ⵏ ⵓⵏⵣⵡⵉ ⴷ ⵜⵣⵣⵉⴳⵣⵜ ⵉⵍⵍⴰⵏ, ⵃⵎⴰ ⴰⴷ ⵜⵉⵍⵉ ⵜⵎⴰⴼⴰⵡⵜ ⴷ ⵓⵙⵇⵙⵉ ⵏ ⵉⵎⵙⵜⴳⴳⴰⵔⵏ ⴳ ⵓⵙⴰⵜⵉ ⵏ ⵜⵡⵉⵔⵉ ⵏ ⵓⵣⵣⵔⴰⵢ ⴰⵎⴰⴹⵍⴰⵏ, ⴷ ⵜⵉⵍⴰⵍⵜ ⵜⴰⵏⴰⵎⴰⵎⵙⵜ ⵉ ⵉⵣⵣⵔⴰⵏ ⴳ ⵓⵙⵙⵔⵅⵓ ⵏ ⵓⵣⵣⴳⵉⵔ ⵏ ⵓⵎⵇⵇⵏ ⵏ ⴱⴰⵔⵉⵣ. 

ⵉⵍⵍⴰ ⵓⵍⴰ ⵓⵙⵉⵙⴼⵉⵡ ⵏ ⵜⵡⵉⵣⵉ ⵏ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴳ ⵜⵙⵔⵜⴰⵢ ⵏ ⵓⵏⵣⵡⵉ ⵙ ⵜⵡⵓⵔⵉⵡⵉⵏ ⵡⴰⵜⵜⵙⵏⵉⵏ ⴰⵙⴷⵓⵙ ⵏ ⵓⵍⵜⴰⵖ ⴰⴱⵕⵍⴰⵎⴰⵏⵉ ⵉ ⵓⵏⵣⵡⵉ, ⵙ ⵓⵙⴽⵔ ⵏ ⵜⵔⴰⴱⴱⵓⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵓⵜⴳ ⵏ ⵜⵙⵔⵜⵉⵜ ⵏ ⵡⴰⵎⴰⵏ, ⴷ ⵓⵙⵓⴼⵖ ⵏ ⵉⵙⵖⵎⴰⴼ ⴼ ⵓⵣⵣⵔⴰⴼ ⴷ ⵜⵉⴹⴰⴼ ⴷ ⵜⵏⵏⵓⴱⴹⴰ ⵙ ⵓⵏⵇⵇⵉⵙ ⵉⵜⵜⵓⵙⵎⵏⴰⴷⵏ ⴳ ⵜⵖⵉⵎⵉⵜ ⵜⴰⵙⴳⴳⵯⵙⴰⵏⵜ ⵏ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏⴷ ⵜⵖⵔⵉ ⵏ ⵉⵏⵇⵇⵉⵙⵏ ⵉⵎⵔⵙⵍⴰⵏⵏ. 

ⴳ ⵜⵖⵉⵎⵉⵜ ⵜⵉⵙ ⴽⵕⴰⴹⵜ, ⵜⵍⵍⴰ ⵜⵖⵔⵉ ⵏ ⵓⵙⵏⵜⵍ ⵏ ⵓⵙⵏⴰⵍ ⴰⴳⵜⵉⵔⴰⵏ ⵏ ⵜⵡⵓⵔⵉ ⴼ ⵓⵏⵣⵡⵉ ⴳ ⵍⵎⵖⵔⵉⴱ, ⵉⵍⵍⴰ ⵓⵙⴷⴷⵉⴷ ⴼ ⵓⵛⵛⵉⵍ ⵏ ⵓⵙⵙⵥⵕⴼ ⵏ ⵉⵙⵏⴼⴰⵔⵏ ⵏ ⵓⵎⵙⴰⵙⴰ, ⴷⴰⵜ ⵏ ⵉⵙⵏⴼⴰⵔⵏ ⵍⵍⵉ ⵉⵙⵙⵥⵕⴼ ⵓⴼⵏⵉⵇ ⴰⵣⴳⵣⴰⵡ ⵏ ⵓⵏⵣⵡⵉ, ⵙ ⵉⵙⵏⴼⴰⵔⵏ ⵉⵏⴰⵎⵓⵔⵏ ⵣⴷⵉⵏⵉⵏ ⴷ ⵡⴰⵎⴰⵏ ⴷ ⵓⵥⵓ ⵏ ⵉⵙⴽⵯⵍⴰ, ⴷ ⵉⵙⵏⴼⴰⵔⵏ ⵢⴰⴹⵏⵉⵏ ⵉⴳⵔⴰⵖⵍⴰⵏⵏ ⵀⵎⵎⴰⵏⵉⵏ ⵜⵉⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ ⴷ ⵜⵉⵕⵡⵉ ⵜⴰⵥⴹⴰⵕⴰⵏⵜ. 

ⵉⵍⵍⴰ ⵓⵙⵎⴰⵢⵏⵓ ⵏ ⵜⵖⵓⵔⵉ ⵉ ⵜⴳⵎⵉ ⵏ ⵉⴱⵖⵔⵖⵏ ⴷ ⴰⵔⵜⵉⵍⵜⵉ ⵏ ⵓⴽⴰⵕⴱⵓⵏ, ⴷ ⵍⴱⵔⵉⵃ ⴼ ⵉⴷⵔⵉⵣⵏ ⵏ ⵜⴷⵔⵓⵙⵜ ⵏ ⵡⴰⵎⴰⵏ ⵏ ⵜⵉⵙⵙⵉ, ⵍⵍⵉⵖ ⵜⵜⴰⵡⵙ ⵜⵎⵓⴽⵔⵉⵙⵜ ⵏ ⵡⴰⵎⴰⵏ ⵙ ⴳⴰⵔ ⴼ ⵓⵢⴰⴼⵓ ⴰⴳⵯⵏⵙⴰⵏ ⵏ ⵍⵎⵖⵔⵉⴱ ⵙ 6,5 %. ⵢⵉⵍⵉ ⵓⵙⵎⵏⵉⴷ ⵏ ⵉⵙⵖⵍⴰⴼ ⵏ ⵜⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⵏ ⵡⴰⵎⴰⵏ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⵍⵍⵉ ⵉⵙⴽⵔⵏ ⴰⵏⵇⵇⵉⵙ ⵉⵖⵔⴰⵏ ⵉ ⵓⵙⴷⵓⵙ ⵏ ⵜⵏⵏⵓⴱⴹⴰ ⴷ ⵓⵎⵏⴰⴷ ⴰⵎⵣⵡⴰⵔⵓ ⴷ ⵜⵎⵏⴰⴳⴰⵔⵜ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ, ⴷ ⵓⵙⴷⵓⵙ ⵏ ⵓⵥⵟⵟⴰ ⵏ ⵜⵉⴹⴰⴼ ⵏ ⵓⵏⵣⵡⵉ ⴳ ⵓⵙⵡⵉⵔ ⴰⵏⴰⵎⵓⵔ.  

ⵜⵍⵍⴰ ⵜⵖⵓⵔⵉ ⵉ ⵓⵣⵓⵛⵛⵍ ⴳ ⵢⵉⴳⵔ ⵏ ⵉⵙⵏⴼⵍⵏ ⵏ ⵓⵏⵣⵡⵉ, ⴷ ⵓⵅⵎⵎⴻⵎ ⴳ ⵓⵔⵣⵣⵓ ⴰⵎⴰⵙⵙⴰⵏ, ⴷ ⵜⵉⵍⵉⵜ ⵏ ⵜⵎⵓⵛⴰ ⵏ ⵡⴰⵡⵏⴰⴹ ⵙ ⴱⴰⵟⵍ.

ⴳ ⵜⴳⵉⵔⴰ, ⵉⵍⵍⴰ ⵓⵙⴷⴷⵉⴷ ⴼ ⵜⵉⵍⴰⵍⵜ ⵏ ⵓⴱⵕⵍⴰⵎⴰⵏ ⴳ ⵓⵎⵓⵔⵙ ⵏ ⵉⵙⵖⵡⴰⵏⵏ ⵣⴷⵉⵏⵉⵏ ⵙ ⵉⵙⵏⴼⵍⵏ ⵏ ⵓⵏⵣⵡⵉ, ⴷ ⵓⵣⵓⵛⵛⵍ ⵏ ⵜⵉⵍⵉⵜ ⵏ ⵉⵣⵣⵔⴰⴼⵏ ⴷⵓⵙⴰⵏⵉⵏ, ⴷ ⵓⵙⵎⴰⵢⵏⵓ ⵏ ⵉⴷⵍⴳⵏⵏ ⵍⵍⴰⵏⵉⵏ ⴷ ⵓⴹⴼⵕ ⵏ ⵜⵙⵏⵙⵉ ⵏⵏⵙⵏ ⵙ ⵜⵥⵕⵉⴳⵜ ⵏ ⵉⴹⵕⵉⵚⵏ ⵏ ⵜⵙⵏⵙⵉ ⴷ ⵜⵉⴹⴰⴼ ⵏ ⵓⵣⵣⴳⵉⵔ ⵏ ⵜⵙⵜⵔⴰⵜⵉⵊⵉⵜ ⵜⵓⵏⴱⵉⴹⵜ ⵉⵣⴷⵉⵏ ⵡⴰⵡⵏⴰⴹ ⴷ ⵉⵙⵏⴼⵍⵏ ⵏ ⵓⵏⵣⵡⵉ. 

ⵍⵍⴰⵏ ⵉⵙⵖⵍⴰⴼ ⴼ ⵓⵙⵙⵔⵇⴱ ⵏ ⵓⵔⵣⵣⵓ ⴰⵎⴰⵙⵙⴰⵏ ⴷ ⵜⵉⵍⵉⵜ ⵏ ⵓⵙⵉⴷⴼ ⴰⴷⵖⴰⵔⴰⵏ ⵙ ⵜⵎⵓⵛⴰ ⵏ ⵡⴰⵡⵏⴰⴹ ⴷ ⵓⵏⵣⵡⵉ ⴷ ⵡⴰⵎⴰⵏ, ⴷ ⵓⵙⵖⵣⵏ ⵏ ⵜⴱⵔⵉⴷⵜ ⴼ ⵓⵙⵙⵏ ⵏ ⵉⵙⵏⴼⵍⵏ ⵏ ⵉⵎⴰⵍ, ⴷ ⵓⵙⵎⴰⴷ ⵊⴰⵔ ⵜⵉⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⵜⵉⴷⵖⴰⵔⴰⵏⵉⵏ ⴷ ⵓⵙⴷⵓⵙ ⵏ ⵜⵉⵍⴰⵍⵜ ⵏ ⵓⵙⵏⵖⵎⵙ ⴳ ⵓⵏⴳⵔⴰⵡ ⵏ ⵓⵙⵙⴼⵔⴽ, ⴷ ⵓⵍⵜⴰⵖ ⵏ ⵡⴰⵎⴰⵏ ⴰⵖⵔⵎⴰⵏ ⴳ ⵓⵙⵙⴼⵔⴽ ⵙ ⵜⵎⵙⴰⵔⵉⵏ ⵏ ⵉⵙⵏⴼⵍⵏ ⵏ ⵓⵏⵣⵡⵉ.