ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵏⴼⴰⵔ ⵏ ⵓⵙⵍⴳⵏ ⴼ ⵓⵙⵙⴰⵔⵓ ⴷ ⵜⵙⵓⵎⵔⵜ ⵏ ⵓⵙⵍⴳⵏ ⴼ ⵓⵏⴳⵔⴰⵡ ⴰⵙⵉⵍⴰⵏ ⴰⵎⴰⵜⴰⵢ ⵏ ⵜⵣⵣⵓⵍⵜ ⵜⴰⴳⴷⵓⴷⴰⵏⵜ
ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵡⴰⵙ 25 ⵢⵓⵍⵢⵓⵣ 2024, ⴰⵙⵏⴼⴰⵔ ⵏ ⵓⵙⵍⴳⵏ ⵏ ⵓⵎⵓⴽⵏ ⵏ ⵡⴰⵎⵎⴰⵙ ⵉⵏⵎⵏⴰⴹⵏ ⵏ ⵓⵙⵙⴰⵔⵓ ⴷ ⵓⵙⴽⵔ ⵏ ⵜⵙⵇⵇⵉⵎⵉⵏ ⵜⵉⵙⴳⴰⵡⴰⵏⵉⵏ ⵏ ⵓⵙⵙⴰⵔⵓ, ⴷ ⵜⵙⵓⵎⵔⵜ ⵏ ⵓⵙⵍⴳⵏ ⴼ ⵓⵏⴳⵔⴰⵡ ⴰⵙⵉⵍⴰⵏ ⴰⵎⴰⵜⴰⵢ ⵏ ⵜⵣⵣⵓⵍⵜ ⵜⴰⴳⴷⵓⴷⴰⵏⵜ ⴳ ⵜⵖⵉⵎⵉⵜⵉⵏ ⵜⵉⵣⵣⴰⵔⴰⴼⵉⵏ ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⵙ ⵜⵉⵍⵉⵜ ⵏ ⵎⴰⵙⵙ ⵎⵓⵃⵙⵉⵏ ⵊⴰⵣⵓⵍⵉ ⴰⵎⴰⵡⵙⴰⵙ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵙⴰⵔⵓ ⴷ ⵜⵎⵏⴰⴳⴰⵔⵜ ⴷ ⵓⵙⵓⵜⴳ ⵏⵜ ⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵎⴰⵙⵙ ⵎⵓⵚⵟⴰⴼⴰ ⴱⴰⵢⵜⴰⵙ ⴰⵎⴰⵡⵙⴰⵙ ⵉⵜⵜⵓⵙⵎⴰⴳⴰⵍⵏ ⵙ ⵜⵣⴷⴰⵢⵉⵏ ⴷ ⵓⴱⵕⵍⴰⵎⴰⵏ.
ⵉⵡⴰⵜⵜⵙ ⵓⵙⵏⴼⴰⵔ ⵏ ⵓⵙⵍⴳⵏ 22.24 ⴰⵙⵏⴼⵍ ⴷ ⵓⵙⵎⴰⴷ ⵏ ⵓⵙⵍⴳⵏ 47.18 ⴼ ⵓⵎⵓⴽⵏ ⵏ ⵡⴰⵎⵎⴰⵙⵏ ⵉⵙⴳⴰⵡⴰⵏⵏ ⵏ ⵓⵙⵙⴰⵔⵓ ⴷ ⵓⵙⴽⵔ ⵏ ⵜⵙⵇⵇⵉⵎⵉⵏ ⵜⵉⵙⴳⴰⵡⴰⵏⵉⵏ ⵏ ⵓⵙⵙⴰⵔⵓ ⵉⵜⵜⵓⵙⵖⵣⴰⵏⵏ ⵙ ⵜⵓⴳⵜ ⵉ ⵓⴹⴼⵕ ⵏ ⵜⴷⵉⵏⴰⵎⵉⵜ ⵏ ⵓⵙⵙⴰⵔⵓ ⴳ ⵜⴳⵍⴷⵉⵜ, ⵙ ⵉⵙⵡⴰⵍⴰⵢⵏ ⵉⴳⵍⴷⴰⵏⵏ ⵉⵎⴰⵜⵜⵓⵢⵏ ⵍⵍⵉ ⵙⴽⵔⵏⵉⵏ ⴳ ⵓⵙⵙⴰⵔⵓ ⵉⵎⵉⵙⵙ ⵏ ⵓⵙⵎⵖⵔ ⵏ ⵜⴷⵎⵙⴰ ⵜⴰⵏⴰⵎⵓⵔⵜ ⴷ ⵓⵍⵜⴰⵖ ⵏ ⵍⵎⵖⵔⵉⴱ ⴳ ⵉⴳⵔⴰⵏ ⵏ ⵉⵎⴰⵍ.
ⵔⴰⴷ ⵢⴰⵡⵙ ⵓⵙⵏⴼⴰⵔ ⴰⴷ ⴳ ⵓⵙⵕⵚⵓ ⵏ ⵜⵉⵍⴰⵍⵜ ⵏ ⵡⴰⵎⵎⴰⵙⵏ ⴰⵙⴳⴰⵡⴰⵏⵏ ⵏ ⵓⵙⵙⴰⵔⵓ ⴳ ⵓⵙⵎⵖⵔ ⵏ ⵓⵙⵙⴰⵔⵓ ⴳ ⵓⵙⵡⵉⵔ ⴰⵏⵎⵏⴰⴹ ⴷ ⵓⴹⴼⵕ ⵏ ⵜⵖⵜⴰⵙⵉⵏ ⵏ ⵜⵙⵇⵇⵉⵎⵉⵏ ⵜⵉⵙⴳⴰⵡⴰⵏⵉⵏ ⴳ ⵓⵎⵏⵉⴷ ⴰⴷ, ⴷ ⵓⵙⴽⵔ ⵏ ⵉⵙⵏⴼⴰⵔⵏ ⵏ ⵓⵙⵙⴰⵔⵓ ⴷ ⵓⵙⴷⵓⵙ ⵏ ⵓⵣⴷⴰⵢ ⵊⴰⵔ ⵡⴰⵎⵎⴰⵙⵏ ⴰⴷ ⴷ ⵎⴰⵕⵕⴰ ⵉⵎⵙⵡⵓⵔⵉⵢⵏ ⴳ ⵓⵏⴳⵔⴰⵡ ⵏ ⵓⵙⵙⴰⵔⵓ ⴳ ⵓⵙⵡⵉⵔ ⴰⵏⵎⵏⴰⴹ ⴷ ⵎⴰⴷ ⵉⵣⵍⵉⵏ ⵙ ⵜⵉⴽⴽⵉ ⵏ ⵜⵔⴰⴳⵉⵏ ⴳ ⵢⵉⴳⵔ ⵏ ⵓⵣⴷⴷⵓⵖ ⴷ ⵓⵙⴷⵓⵙ ⵏ ⵜⴱⵔⵉⴷⵜ ⵏ ⵓⵙⵎⴽⵍ ⵏ ⵜⵕⵥⵉ.
ⴳ ⵜⵖⵉⵎⵉⵜ ⵜⵉⵙ ⵙⵏⴰⵜ, ⵉⵙⵖⵣⵏ ⵓⵙⵇⵇⵉⵎ ⵙ ⵓⵎⴽⵕⴰⴹ ⵜⴰⵙⵓⵎⵔⵜ ⵏ ⵓⵙⵍⴳⵏ ⵉ ⵓⵙⵏⴼⵍ ⵏ ⵓⴹⴰⵀⵉⵔ ⴰⵛⴰⵔⵉⴼ 1.58.008 ⵏ 4 ⵛⵄⴱⴰⵏ 1377 (27 ⴱⵕⴰⵢⵕ 1958) ⵅⴼ ⵓⵏⴳⵔⴰⵡ ⴰⵙⵉⵍⴰⵏ ⴰⵎⴰⵜⴰⵢ ⵏ ⵜⵣⵣⵓⵎⵜ ⵜⴰⴳⴷⵓⴷⴰⵏⵜ ⴳ ⵜⵉⵖⵔⵉ ⵜⵉⵙ ⵙⵏⴰⵜ.
ⵜⵍⵍⴰ ⵜⵙⵓⵎⵔⵜ ⴰⴷ ⵙ ⵡⴰⵍⴰⵙ ⵏ ⵜⵉⵔⵔⴰ ⵏ ⴽⴽⵓⵥⵜ ⵜⵙⵓⵎⴰⵔ ⵏ ⵜⴳⵎⵉ ⴷ ⵜⵙⵔⵎⵓⵏⵜ, ⵜⴰⵔⴰⴱⴱⵉⵜ ⵜⴰⵙⵉⵎⴰⵏⵜ, ⵜⴰⵥⵖⵓⵕⵜ ⴷ ⵜⵎⴰⵜⵔⴰⵔⵜ, ⵜⴰⵔⴰⴱⴱⵓⵜ ⵜⴰⵙⵔⵎⵓⵏⵜ-ⵜⵓⵣⵍⵜ ⵏ ⵍⵉⵜⵜⵉⵃⴰⴷ.
ⵜⵡⴰⵜⵜⵙ ⵜⵙⵓⵎⵔⵜ ⴰⵙⴷⵓⵙ ⵏ ⵓⴼⵔⴰⴳ ⴰⵏⴰⵎⵓⵏ ⵏ ⵜⵎⵙⵖⴰⵏⵉⵏ ⴷ ⵉⵎⵙⵖⴰⵏⵏ ⵏ ⵜⵎⵙⵙⵓⴳⵓⵔⵜ ⵜⴰⴳⴷⵓⴷⴰⵏⵜ ⴷ ⵓⵙⵎⵖⵔ ⵏ ⵉⵙⵓⵔⵙ ⵏⵏⵙⵏ ⵉⵏⴰⵎⵓⵏⵏ ⵙ ⵓⵙⵏⴼⵍ ⵏ ⵓⴹⴰⵀⵉⵕ ⴰⵛⴰⵔⵉⴼ 1.58.008 ⵉⴳⴰⵏ ⴰⵏⴳⵔⴰⵡ ⴰⴳⵯⵏⵙⴰⵏ ⴰⵙⵉⵍⴰⵏ ⵏ ⵜⵣⵣⵓⵍⵜ ⵜⴰⴳⴷⵓⴷⴰⵏⵜ.
