ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⴽⵕⴰⴹⵜ ⵜⵙⵓⵎⴰⵔ ⴼ ⵜⵎⵙⵙⵓⵔⵉⵏ ⴷ ⵉⵙⴼⵍⵙⵏ

ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 22 ⵢⵓⵍⵢⵓⵣ 2024, ⵙ ⵓⵎⴽⵕⴰⴹ ⴽⵕⴰⴹⵜ ⵜⵙⵓⵎⴰⵔ ⵏ ⵉⵙⵍⴳⵏⵏ ⴼ ⵜⵎⵙⵙⵓⵔⵉⵏ ⴷ ⵉⵙⴼⵍⵙⵏ, ⴳ ⵜⵖⵉⵎⵉⵜ ⵜⴰⵣⵣⵔⴰⴼⵜ ⵉⵙⵙⵉⵅⴼ ⵓⵏⵙⵙⵉⵅⴼ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⵙ ⵜⵉⵍⵉⵜ ⵏ ⵎⴰⵙⵙ ⵄⴰⴱⴷ ⵍⵍⴰⵟⵉⴼ ⵍⵎⵉⵔⴰⵡⵉ ⴰⵎⴰⵡⵙⴰⵙ ⵏ ⵙⵙⵍⵎⴷ ⴰⵎⴰⵜⵜⵓⵢ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵙⵎⴰⵢⵏⵓ, ⵎⴰⵙⵙ  ⵎⵓⵚⵟⴰⴼⴰ ⴱⴰⵢⵜⴰⵙ ⴰⵎⴰⵡⵙⴰⵙ ⴰⵎⴰⵔⵉ ⵉⵜⵜⵓⵙⵎⴰⴳⴰⵍⵏ ⵙ ⵜⵣⴷⴰⵢⵉⵏ ⴷ ⵓⴱⵕⵍⴰⵎⴰⵏ. 

ⵜⵙⵎⵏⵉⴷ ⵜⴰⵙⵓⵎⵔⵜ ⵉⵣⵡⴰⵔⵏ ⵎⴰⵙⵙ ⵣⴰⵢⵏⴰ ⵉⴷⵃⵍⵉ ⵙⴳ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ ⵉ ⵓⵙⵎⴰⴷ ⵏ ⵓⵎⵏⵏⵉ 71 ⵏ ⵓⵙⵍⴳⵏ 5.96 ⴼ ⵜⵎⵙⵙⵓⵔⵓⵜ ⵏ ⵜⵡⵉⵣⵉ ⴷ ⵜⵎⵙⵙⵓⵔⵓⵜ ⵜⴰⴼⵔⴰⵔⵜ ⵏ ⵓⵙⵖⵍⴼ ⴷ ⵜⵎⵙⵙⵓⵔⵓⵜ ⵏ ⵓⵙⵖⵍⴼ ⵙ ⵜⵙⴽⵔⴰⵡⵉ ⴷ ⵜⵎⵙⵙⵓⵔⵓⵜ ⵏ ⵜⵎⴰⵙⴰⵢⵜ ⵉⵜⵜⵓⵙⵡⵓⵜⵜⴰⵏ ⴷ ⵜⵎⵙⵙⵓⵔⵓⵜ ⵉⵛⵛⴰⵔⵏ, ⴼ ⵜⴼⴰⴷⵉⵡⵉⵏ ⵏ ⵓⵙⴽⵔ ⵏ ⵉⴳⵔⴰⵡⵏ ⵉⵎⴰⵜⴰⵢⵏ ⵏ ⵜⵎⵙⵙⵓⵔⵉⵏ ⴰⵏⵏ ⵃⵎⴰ ⴰⴷ ⵉⴳ ⵓⵏⵎⵀⴰⵍ ⵖⴰⵙ ⵏⵜⵜⴰⵏ ⴰⴷ ⵉⵥⴹⴰⵕⵏ ⴰⴷ ⵉⵖⵔⵉ ⵙ ⵉⴳⵔⴰⵡⵏ ⵉⵎⴰⵜⴰⵢⵏ, ⴰⵎⴷⵔⴰⵡ ⵏⵜⵜⴰⵏ ⵉⵥⴹⴰⵕ ⵖⴰⵙ ⴰⴷ ⵢⴰⵡⵙ, ⴰⵙⵏⴼⵍ ⵏ ⵓⴳⵔⴰⵡ ⴰⵙⵉⵍⴰⵏ ⵓⵔ ⴰⵔ ⵉⵜⵜⵉⵍⵉ ⵖⴰⵙ ⵙ ⵓⴳⵔⴰⵡ ⴰⵎⴰⵜⴰⵢ. 

ⵜⵍⵍⴰ ⵜⵙⵓⵎⵔⵜ ⴰⴷ ⵃⵎⴰ ⴰⴷ ⵢⵉⵍⵉ ⵓⵙⵎⴰⴷ ⵏ ⵓⵎⵏⵏⵉ 71 ⴰⴷ ⵉⵥⵍⵉ ⴼ ⵓⵍⵓⴳⵏ ⴰⵎⴰⵜⴰⵢ ⵓⵔ ⵉⵜⵜⴰⵊⵊⴰⵏ ⴰⵎⴷⵔⴰⵡ ⴰⴷ ⵉⵖⵔ ⵉ ⵓⴳⵔⴰⵡ ⴰⵎⴰⵜⴰⵢ, ⵉⵖ ⵓⵔ ⵉⵍⵍⵉ ⵓⵏⵎⵀⴰⵍ, ⵙ ⵖⵎⴽ ⴰⴷ: “ⵙ ⵓⵙⵉⵜⵜⵉ ⵙⴳ ⵉⴱⴹⵉⵢⵏ ⵜⵜⴰⵡⴱⴷⴰⵔⵏⵉⵏ, ⵉⵥⴹⴰⵕ ⵓⵎⴷⵔⴰⵡ ⵏⵖ ⵓⴳⴳⴰⵔ ⵜⵜⴰⵡⴱⴷⴰⵔⵏⵉⵏ ⴳ ⵜⵙⴷⴷⴰⵔⵜ ⵜⵉⵙ ⴽⴽⵓⵥⵜ, ⵉⵖ ⵓⵔ ⵉⵍⵍⵉ ⵓⴷⵖⴰⵔ ⵏ ⵓⵏⵎⵀⴰⵍ, ⴰⴷ ⵉⵖⵔ ⵉ ⵓⴳⵔⴰⵡ ⴰⵎⴰⵜⴰⵢ ⵏ ⵜⵎⵙⵙⵓⵔⵓⵜ ⵉ ⵓⵙⵎⵍ ⵏ ⵓⵏⵎⵀⴰⵍ ⵏⵏⵙ”.

ⵜⵙⵎⵏⵉⴷ ⵜⴰⵙⵓⵎⵔⵜ ⵜⵉⵙ ⵙⵏⴰⵜ ⵎⴰⵙⵙⴰ ⵣⴰⵢⵏⴰ ⵉⴷⵃⵍⵉ ⵉ ⵓⵙⵎⴰⴷ ⵏ ⵓⵎⵏⵏⵉ 85 ⵏ ⵓⵙⵍⴳⵏ 5.96 ⴼ ⵜⵎⵙⵙⵓⵔⵓⵜ ⵏ ⵜⵡⵉⵣⵉ ⴷ ⵜⵎⵙⵙⵓⵔⵓⵜ ⵜⴰⴼⵔⴰⵔⵜ ⵏ ⵓⵙⵖⵍⴼ ⴷ ⵜⵎⵙⵙⵓⵔⵓⵜ ⵏ ⵓⵙⵖⵍⴼ ⵙ ⵜⵙⴽⵔⴰⵡⵉ ⴷ ⵜⵎⵙⵙⵓⵔⵓⵜ ⵏ ⵜⵎⴰⵙⴰⵢⵜ ⵉⵜⵜⵓⵙⵡⵓⵜⵜⴰⵏ ⴷ ⵜⵎⵙⵙⵓⵔⵓⵜ ⵉⵛⵛⴰⵔⵏ.

ⵜⵡⴰⵜⵜⵙ ⵜⵙⵓⵎⵔⵜ ⵜⴰⵣⵣⵉⴳⵣⵜ ⵏ ⵜⵡⵓⵔⵉ ⵏ ⵜⵎⵙⵙⵓⵔⵓⵜ ⵏ ⵜⵎⴰⵙⴰⵢⵜ ⵉⵜⵜⵓⵙⵡⵓⵜⵜⵓⵏ ⵙ ⵓⵎⴷⵔⴰⵡ ⵉⴳⴰⵏ ⵢⴰⵏ ⴳ ⵡⴰⴷⴷⴰⴷ ⵏ ⵜⵎⵜⵜⴰⵏⵜ, ⵙ ⵖⵎⴽ ⴰⴷ: “ⵉⵖ ⵉⵎⵎⵓⵜ ⵓⵎⴷⵔⴰⵡ ⵉⴳⴰⵏ ⵢⴰⵏ ⵥⴹⴰⵕⵏ ⵉⵎⴽⴽⵓⵙⴰ ⵏⵏⵙ ⴷ ⵉⴷ ⴱⴰⴱ ⵏ ⵉⵣⵔⴼⴰⵏ ⵏⵏⵙ ⴰⴷ ⵙⵎⵏⵉⴷⵏ ⵜⵓⵜⵔⴰ ⵉ ⵜⵙⵏⴱⴹⴰⵢⵜ ⵉⵥⵍⵉⵏ ⵉ ⵓⵙⵎⵍ ⵏ ⵢⴰⵏ ⵓⵎⴰⵔⵉ ⵉ ⵓⵙⴽⵔ ⵏ ⵓⴳⵔⴰⵡ ⴰⵎⴰⵢ ⵉ ⵓⵙⵎⴰⵢⵓ ⵏ ⵓⵏⴳⵔⴰⵡ ⴰⵙⵉⵍⴰⵏⴰⴷ ⵢⵉⵍⵉ ⵓⵎⵙⴰⵙⴰ ⴷ ⵓⵙⵍⴳⵏ ⴳ 60 ⵏ ⵡⴰⵙⵙ ⴼ ⵜⵎⵜⵜⴰⵏⵜ”.

ⵜⴰⵙⵓⵎⵔⵜ ⵜⵉⵙ ⴽⵕⴰⴹⵜ ⵏ ⵜⴳⵔⵓⵎⵎⴰ ⵏ ⵜⵣⵔⴼⵜ ⴷ ⵜⴳⵎⵉ ⴰⵙⵏⴼⵍ ⵏ ⵓⵙⵍⴳⵏ 17.99 ⵉⵥⵍⵉⵏ ⵙ ⵓⵍⵓⴳⵏ ⵏ ⵉⵙⴼⵍⵙⵏ. 

ⵜⴰⵡⴰⵜⵜⵙ ⵜⵙⵓⵎⵔⵜ ⴰⵍⴰⵢ ⵏ ⵓⵣⵎⵣ ⵏ ⵓⵙⵏⵖⵎⵙ ⵏ ⴱⴰⴱ ⵏ ⵓⵙⴼⵍⵙ ⵏ ⵜⵎⵙⵙⵓⵔⵓⵜ ⵏⵖ ⴰⴳⵯⵏⵙⴰⵙ ⵏⵏⵙ ⴳ 60 ⵏ ⵡⴰⵙⵙ ⵓⵔ ⴷ 20 ⵏ ⵡⴰⵙⵙ ⴼ ⵓⵣⵎⵣ ⴳ ⵉⵊⵔⴰ ⴽⵔⴰ, ⵢⵉⵡⵉ ⴷ ⴰⵎⵏⵏⵉ ⵉⵥⵍⵉⵏ ⵉ ⵓⵙⵏⴼⵍ ⵏ ⵉⴱⴹⵉⵢⵏ ⵏ ⵓⵎⵏⵏⵉ 5-54 ⵏ ⵓⵙⵍⴳⵏ 17.99 ⵉⵣⵍⵉⵏ ⵙ ⵓⵍⵓⴳⵏ ⵏ ⵉⵙⴼⵍⵙⵏ. “ⵉⵇⵇⴰⵏ ⴷ ⴼ ⴱⴰⴱ ⵏ ⵓⵙⴼⵍⵙ ⴰⴷ ⵉⵙⵏⵖⵎⵙ ⵜⴰⵎⵙⵙⵓⵔⵓⵜ ⵏ ⵓⵙⴼⵍⵙ ⵙ ⴽⵔⴰ ⵏ ⵉⵎⵊⵕⵉ ⴼ ⵉⵍⵍⴰ ⵓⵙⴼⵍⵙ, ⵜⵉⵣⵉ ⵏⵏⴰ ⵙⵔⵙ ⵉⵙⵙⵏ ⴳ 60 ⵏ ⵡⴰⵙⵙ ⴼ ⵉⵊⵔⴰ”. 

ⵓⵔ ⵉⵙⵖⵣⵏ ⵓⵙⵇⵇⵉⵎ ⵜⴰⵙⵓⵎⵔⵜ ⵏ ⵓⵙⵍⴳⵏ ⵏ ⵜⵔⴰⴱⴱⵓⵜ ⵜⴰⵙⵔⵎⵓⵏⵜ-ⵜⵓⵣⵍⵜ ⵏ ⵍⵉⵜⵜⵉⵃⴰⴷ, ⵉ ⵓⵙⵎⴰⴷ ⴷ ⵓⵙⵏⴼⵍ ⵏ ⵓⵎⵏⵏⵉ 18.12 ⴼ ⵜⵎⵙⴰⵔⵉⵏ ⵏ ⵜⵡⵓⵔⵉ, ⵉⵜⵜⵓⵚⵕⴰⴼ ⵉ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⵉ ⵓⵙⵎⴰⴷ ⵏ ⵜⴱⵔⵉⴷⵜ ⵏⵏⵙ.