ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⴽⵕⴰⴹ ⵉⵙⵏⴼⴰⵔⵏ ⵏ ⵉⵙⵍⴳⵏⵏ ⴼ ⵜⴷⵓⵙⵉ ⴷ ⵜⵣⵔⴼⵜ ⴷ ⵙⵏⴰⵜ ⵜⵙⵓⵎⴰⵔ ⵏ ⵉⵙⵍⴳⵏⵏ ⴼ ⵉⵣⵔⴼⴰⵏ ⴰⵢⵍⴰⵏⵏ

ⵉⵙⵖⵣⵏⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 24 ⵢⵓⵏⵢⵓ 2024, ⴽⵕⴰⴹ ⵉⵙⵏⴼⴰⵔⵏ ⵏ ⵉⵙⵍⴳⵏⵏ ⵣⴷⵉⵏⵉⵏ ⴷ ⵜⴷⵓⵙⵉ ⴷ ⵜⵣⵔⴼⵜ, ⴷ ⵙⵏⴰⵜ ⵜⵙⵓⵎⴰⵔ ⵏ ⵉⵙⵍⴳⵏⵏ ⴼ ⵉⵣⵔⴼⴰⵏ ⴰⵢⵍⴰⵏⵏ, ⴳ ⵙⵏⴰⵜ ⵜⵖⵉⵎⵉⵜⵉⵏ ⵜⵉⵣⵣⵔⴰⴼⵉⵏ ⵍⵍⵉ ⵉⵙⵙⵉⵅⴼ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵙ ⵜⵉⵍⵉⵜ ⵏ ⵎⴰⵙⵙ ⵄⴰⴱⴷ ⵍⵍⴰⵟⵉⴼ, ⴰⵎⴰⵡⵙⴰⵙ ⵏ ⵜⵣⵔⴼⵜ, ⴷ ⵎⴰⵙⵙ ⵎⵓⵚⵟⴰⴼⴰ ⴱⴰⵢⵜⴰⵙ, ⴰⵎⴰⵡⵙⴰⵙ ⴰⵎⴰⵔⵉ ⵖⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ; ⵉⵜⵜⵓⵙⵎⴰⴳⴰⵍⵏ ⵙ ⵜⵣⴷⴰⵢⵉⵏ ⴰⴽⴷ ⵓⴱⵕⵍⴰⵎⴰⵏ, ⴰⵎⵙⵙⵉⵡⵍ ⴰⵎⴰⴷⴷⵓⴷ ⵙ ⵉⵙⵎ ⵏ ⵜⵏⴱⴰⴹⵜ. 

ⵉⵙⵖⵣⵏⵓⵙⵇⵇⵉⵎ ⵏ ⵉⵎⵓⵔⴰ ⵙ ⵜⵓⴳⵜ ⴰⵙⵏⴼⴰⵔ ⵏ ⵓⵙⵍⴳⵏ 21.24 ⵉ ⵓⵙⵔⵙ ⵏ ⵉⴱⴹⵉⵢⵏ ⵥⵍⵉⵏⵉⵏ ⵙ ⵓⵏⴳⵔⴰⵡ ⵏ ⵓⵙⴼⵍⵙ ⵓⵛⵛⵓⵍ ⴰⵙⵉⵍⴰⵏ ⴳ ⵜⵎⴰⴹⵓⵏⵜ ⵉⵥⵍⵉⵏ ⵙ ⵉⵡⴷⴰⵏ ⵓⵔ ⵥⴹⴰⵕⵏⵉⵏ ⵉ ⵓⵍⵜⴰⵖ ⵓⵔ ⵙⴽⴰⵔⵏⵉⵏ ⴽⵔⴰ ⵏ ⵜⵉⵍⴰⵍⵜ ⵏ ⵜⵖⵔⴰⴷ ⵏⵖ ⵜⴰⴷ ⵓⵔ ⵉⵍⵉⵏ ⵜⵉⵖⵔⴰⴷ, ⵍⵍⵉ ⵉⴽⵛⵎⵏ ⴳ ⵓⵙⴰⵜⵉ ⵏ ⵓⵙⴰⵡⵓⵔ ⴰⴳⵍⴷⴰⵏ ⵉⵥⵍⵉⵏ ⵙ ⵓⵙⵎⴰⵜⴰ ⵏ ⵓⴼⵔⴰⴳ ⴰⵏⴰⵎⵓⵏ, ⴷ ⵓⵣⵣⵔⴰⵢ ⵏ ⵜⴱⴱⴰⵢⴹⴰⵕⵉⵏ ⵣⴷⵉⵏⵉⵏ ⵙ ⵓⵙⴼⵍⵙ ⴰⴷⵓⵙⴰⵏ ⵉ ⵎⴰⵕⵕⴰ ⵉⵡⴷⴰⵏ. 

ⵉⵙⵖⵣⵏⵓⵙⵇⵇⵉⵎ ⵙ ⵜⵓⴳⵜ ⴰⵙⵏⴼⴰⵔ ⵏ ⵓⵙⵍⴳⵏ 43.22 ⵉⵣⴷⵉⵏ ⵙ ⵜⵏⴼⴳⵓⵔⵉⵏ ⵜⵉⵏⵎⵓⵍⵍⴰⵢⵉⵏ ⴳ ⵜⵉⵖⵔⵉ ⵜⵉⵙ ⵙⵏⴰⵜ, ⵉⴽⵛⵎⵏ ⴳ ⵓⵙⵎⴰⴷ ⵏ ⵓⵎⵓⴽⵏ ⵏ ⵜⵣⵔⴼⵜ, ⵖ ⵉⵍⵍⴰ ⵓⵙⵎⴰⵢⵏⵓ ⵏ ⵓⵏⴳⵔⴰⵡ ⴰⵣⵔⴼⴰⵏ ⴷ ⵓⵏⴰⵎⵓⵔ ⵙ ⵓⵙⵕⵚⵓ ⵏ ⵜⵙⵔⵜⵉⵜ ⵏ ⵜⵏⴼⴳⵓⵔⵜ ⵉⵕⵡⴰⵏ, ⴷ ⵓⵙⴱⴷⴷⵉ ⵏ ⵜⵎⵓⴽⵔⵉⵙⵉⵏ ⵣⴷⵉⵏⵉⵏ ⴷ ⵜⵙⵔⵜⵉⵜ ⵜⴰⵏⴱⴽⴰⴹⵜ ⵙⵍⴰⵡⵏ ⵎⴰⴷ ⵉⵣⴷⵉⵏ ⴷ ⵜⵏⴼⴳⵓⵔⵉⵏ ⵎⵥⵥⵉⵏⵉⵏ, ⴷ ⵎⴰⴷ ⵉⵍⵍⴰⵏ ⴳ ⵉⵙⵓⴳⴰⵎ ⵉⴳⵔⴰⵖⵍⴰⵏⵏ ⴷ ⵉⵏⴰⵎⵓⵔⵏ ⴳ ⵓⵎⵏⵉⴷ ⴰⴷ. 

ⵉⵙⵖⵣⵏⵓⵙⵇⵇⵉⵎ ⵙ ⵜⵓⴳⵜ ⴰⵙⵏⴼⴰⵔ ⵏ ⵓⵙⵍⴳⵏ 10.23 ⵉⵥⵍⵉⵏ ⵙ ⵓⵏⵙⵎⴰⵍⴰ ⴷ ⵓⵙⵡⵓⴷⴷⵓ ⵏ ⵉⵖⵣⵓⵜⵏ, ⴳ ⵜⵉⵖⵔⵉ ⵜⵉⵙ ⵙⵏⴰⵜ, ⵉⵣⴷⵉⵏ ⴷ ⵓⵣⵣⵔⴰⵢ ⵏ ⵜⵎⵓⴽⵔⵉⵙⵉⵏ ⵍⵍⴰⵏⵉⵏ ⴳ ⵓⵙⵡⵉⵔ ⵏ ⵖⵉⵍⴰⴷ ⴳ ⵓⵎⵏⵉⴷ ⵏ ⵓⵎⵓⴽⵏ ⵏ ⵜⵎⵓⴽⵔⵉⵙⵉⵏ ⵏ ⵓⵙⵉⴷⴼ ⴷ ⵜⵏⴼⵔⵓⵜ ⴳ ⵓⵙⵎⵀⵍ ⵏ ⵜⵉⵍⴰⵍⵜ ⵏ ⵜⵎⵔⵙⴰⵍ ⵏ ⵉⵖⵣⵓⵜⵏ ⵍⵍⵉⵖ ⴳⴳⵓⵜⵏ ⵉⴱⴽⴽⴰⴹⵏ, ⴷ ⵓⵙⴽⵔ ⵏ ⵓⵎⵢⴰⵙⴰ ⵊⴰⵔ ⴰⵏⴰⵡ ⵏ ⵓⴱⴽⴽⴰⴹ ⴷ ⵓⴷⵔⵉⵣ ⵏⵏⵙ, ⴷ ⵜⵉⵍⴰⵍⵜ ⵏ ⵜⵏⴼⴳⵓⵔⵜ ⵉⵙⵉⵜⵜⵉⵏ ⵜⵉⵍⴻⵍⵍⵉ, ⴷ ⵓⵙⵎⵖⵔ ⵏ ⵜⵉⵍⴰⵍⵜ ⵏ ⵓⵖⵣⵓ ⴳ ⵉⴳⵔⴰⵏ ⵏ ⵓⵎⵓⴽⵏ ⴷ ⵓⵙⵖⵔⵜ. 

ⴷⴼⴼⵉⵔ, ⴳ ⵜⵖⵉⵎⵉⵜ ⵜⴰⵣⵣⵔⴰⴼⵜ ⵜⵉⵙ ⵙⵏⴰⵜ, ⵉⵍⵍⴰ ⵓⵙⵜⴰⵢ ⵙ ⵜⵓⴳⵜ ⵏ ⵜⵙⵓⵎⵔⵜ ⵏ ⵓⵙⵍⴳⵏ ⵉ ⵓⵙⵏⴼⵍ ⵏ ⵓⵎⵏⵏⵉ 4 ⴷ 319 ⵏ ⵓⵙⵍⴳⵏ 39.05 ⵉⵥⵍⵉⵏ ⵙ ⵉⵣⵔⴼⴰⵏ ⴰⵢⵍⴰⵏⵏ, ⵉ ⵓⵎⵙⴰⵙⴰ ⴷ ⵓⵙⵍⴳⵏ ⵉⵙⵏⵎⴰⵍⴰⵏ ⵜⴰⵎⴰⵙⵜⴰⵏⵜ ⴷ ⵓⵙⵍⴳⵏ ⵏ ⵜⴱⵔⵉⴷⵜ ⵜⴰⵖⵔⵎⴰⵏⵜ. 

ⵙⵜⵓⴳⵜ, ⵉⵍⵍⴰ ⵓⵍⴰ ⵓⵙⵖⵣⵏ ⵏ ⵓⵙⵇⵇⵉⵎ ⵏ ⵜⵙⵓⵎⵔⵜ ⵏ ⵓⵙⵍⴳⵏ ⵉ ⵓⵙⵏⴼⵍ ⵏ ⵉⵎⵏⵏⵉⵜⵏ 2 ⴷ 174 ⴷ 306 ⴷ 310 ⴷ 317 ⴳ ⵓⵙⵍⴳⵏ 39.08 ⵉⵣⴷⵉⵏ ⴷ ⵓⵙⵍⴳⵏ ⵏ ⵉⵣⵔⴼⴰⵏ ⴰⵢⵍⴰⵏⵏ, ⵃⵎⴰ ⴰⴷ ⵢⵉⵍⵉ ⵓⴼⵔⴰⴳ ⵏ ⵉⵣⵔⴼⴰⵏ ⴰⵢⵍⴰⵏⵏ ⴷ ⵓⵙⵖⵓⴷⵓ ⵏ ⵉⵎⵏⵏⵉⵜⵏ ⵜⵜⴰⵡⴱⴷⴰⵔⵏⵉⵏ.