ⴰⵙⴷⴷⴻⴷ ⴼ ⵓⵎⵓⴽⵏ ⵏ ⵓⵏⴳⵔⴰⵡ ⵏ ⵜⵣⵔⴼⵜ ⴷ ⵡⴰⵍⴰⵢ ⵏ ⵜⵉⵕⵡⵉ ⵜⴰⵣⵔⴼⴰⵏⵜ ⴳ ⵡⴰⵙⵙ ⵏ ⵜⵖⵔⵉ ⴼ ⵜⴱⵔⵉⴷⵜ ⵜⴰⵖⵔⵎⴰⵏⵜ

ⵜⵙⵏⵎⴰⵍⴰ ⵜⵙⵇⵇⵉⵎⵜ ⵏ ⵜⵣⵔⴼⵜ ⴷ ⵓⵣⵣⵔⴰⴼ ⴷ ⵉⵣⵔⴼⴰⵏ ⵏ ⵓⴼⴳⴰⵏⴳ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵕⴰⵙ 5 ⵢⵓⵏⵢⵓ 2024, ⵙ ⵜⴷⵔⴰⵡⵜ ⴷ ⵜⵎⴰⵡⴰⵙⵜ ⵏ ⵜⵣⵔⴼⵜ, ⴰⵙⵙ ⵏ ⵜⵖⵔⵉ ⴼ ⵓⵙⵏⴼⴰⵔ ⵏ ⵓⵙⵍⴳⵏ 02.23 ⵉⵥⵍⵉⵏ ⵙ ⵜⴱⵔⵉⴷⵜ ⵜⴰⵖⵔⵎⴰⵏⵜ. 

ⵉⵡⴰⵜⵜⵙ ⵓⵏⵎⵓⵇⵇⴰⵔ ⵉⵎⵙⴰⵙⴰⵏ ⴷ ⵓⵎⴹⴰⴽⴰⵕ ⵉⵣⵓⵣⵣⵔⵏ ⵏ ⵓⵙⵏⴼⴰⵔ ⴰⴷ ⴰⵙⴱⵓⵖⵍⵓ ⵏ ⵓⵎⴹⴰⴽⴰⵕ ⴰⴳⴷⵓⴷⴰⵏ ⴷ ⵓⵙⵏⴼⵍ ⵏ ⵓⵙⵡⵉⵏⴳⵎ ⵃⵎⴰ ⴰⴷ ⵢⵉⵍⵉ ⵓⴹⵕⵉⵙ ⵉⵖⵓⴷⴰⵏ ⵉ ⵚⴰⵃⴰ ⵏ ⵉⵏⵎⵓⵔⴰⵏ ⴷ ⵡⵉⴷⴰ ⵜⵜⴽⴽⴰⵏⵉⵏ ⵜⴰⵣⵔⴼⵜ.

ⵉⵙⵎⵏⵉⴷ ⵎⴰⵙⵙ ⵎⵓⵃⴰⵎⴰⵎⴷ ⵓⵣⵣⵉⵏ ⵜⴰⴳⵓⵔⵉ ⵙ ⵉⵙⵎ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵉⵙⴷⴷⵉⴷ ⴰⵜⵉⴳ ⵏ ⵓⵏⵎⵓⵇⵇⴰⵔ ⴰⴷ ⵏ ⵓⴷⵔⴰⵡ ⴷ ⵓⵎⵙⴰⵡⴰⵍ ⵍⵍⵉ ⵉⵙⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⵙⵎⴽⵍ ⵏ ⵉⵙⵏⴼⴰⵔⵏ ⵏ ⵉⴹⵕⵉⵚⵏ, ⴷ ⵜⵎⵓⴽⵔⵉⵙⵉⵏ ⵜⵉⵏⴰⵎⵓⵏⵉⵏ, ⵢⵉⵏⵉ ⵎⴰⵙ ⵔⴰⴷ ⵢⴰⵡⵙ ⴳ ⵓⵎⵙⴰⵙⴰ ⵅⴼ ⵉⴹⵕⵉⵚⵏ ⴰⴷ ⴷ ⵓⵣⵣⴳⵉⵔ ⵏⵏⵙⵏ. 

ⵢⵉⵏⵉ ⵎⴰⵙ ⵉⴳⴰ ⵓⵙⵏⴼⴰⵔ ⵏ ⵓⵙⵍⴳⵏ ⴼ ⵜⴱⵔⵉⴷⵜ ⵜⴰⵖⵔⵎⴰⵏⵜ ⴰⴹⵕⵉⵚ ⴰⵏⴰⵎⵎⴰⵙ ⴳ ⵓⵣⵣⵔⴰⴼ ⴰⵏⴰⵎⵓⵔ, ⵉⵡⴰⵜⵜⵙ ⴰⴷ ⵢⵉⵍⵉ ⵓⵙⵡⵓⴷⴷⵓ ⵉⵥⵉⵍⵏ ⵏ ⵜⵣⵔⴼⵜ, ⴷ ⵓⵙⵕⵚⵓ ⵏ ⵜⵢⴰⵏⵜ ⵏ ⵜⵣⵔⴼⵜ, ⴷ ⵓⵙⵏⵎⴰⵍⴰ ⵏ ⵜⵥⵍⴰⵢⵜ ⵜⴰⴳⵔⴰⵖⵍⴰⵏⵜ, ⴷ ⵓⵙⴽⵔ ⵏ ⵜⵉⵕⵡⵉ ⵜⴰⵣⵔⴼⴰⵏⵜ ⴷ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵡⵉⵍⵍⵉ ⵜⴽⴽⴰⵏⵉⵏ ⴰⵏⴳⵔⴰⵡ ⴰⴷ, ⴷ ⵓⵙⵎⵔⵙ ⵏ ⵜⵎⵓⵟⵟⵓⵏⵜ ⴷ ⵓⵙⵙⵕⵙⵓ ⵏ ⵜⵙⵉⵎⴰⵏⵜ ⵏ ⵜⵏⴱⴰⴹⵜ ⵜⴰⵣⵔⴼⴰⵏⵜ. 

ⵉⵙⴰⵡⵍ ⵓⵍⴰ ⴼ ⵜⵏⴰⵥⴰⵕⵉⵏ ⴳⴳⵓⵜⵏⵉⵏ ⵣⴷⵉⵏⵉⵏ ⴷ ⵓⴹⵔⵉⵚ ⴳ ⵓⵎⵏⴰⴹ ⵏ ⵉⵎⵓⴽⵏⵏ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ. ⵢⵉⵏ ⵎⴰⵙ ⵔⴰⴷ ⵢⴰⵡⵙ ⵓⴹⵕⵉⵥ ⴰⴷ ⴳ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵙ ⵓⵚⵕⴰⴹ ⴰⵣⵔⴼⴰⵏ ⴷ ⵜⵉⵍⵉⵜ ⵏ ⵉⵣⵔⴼⴰⵏ ⴷ ⵓⵣⵣⴳⵉⵔ ⵏ ⵉⴱⴹⵉⵢⵏ ⴷ ⵓⵣⵓⵛⵛⵍ ⵏ ⵜⴱⵔⵉⴷⵉⵏ, ⵔⴰⴷ ⵉⵟⵟⴼ ⵉⴷⵔⵉⵣⵏ ⴼⵓⵍⴽⵉⵏⵉⵏ ⴼ ⵓⵏⵣⵡⵉ ⵏ ⵓⵙⵙⴰⵔⵓ ⴳ ⵜⴳⵍⴷⵉⵜ ⵉⵙⴷⵓⵙ ⵜⴰⵎⵢⵉⵎⴰⵏⵜ ⵏ ⵉⴷ ⴱⴰⴱ ⵏ ⵓⵙⵙⴰⵔ, ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⵍⵍⴰⵏ ⴽⵉⴳⴰⵏ ⵏ ⵉⵙⵍⴳⵏⵏ ⵣⵣⵉⴳⵣⵏⵉⵏ ⵏⵏⵓⵕⵣⵎⵏⵉⵏ ⴼ ⵓⵙⵙⴰⵔⵓ ⴰⵎ ⴰⵎⵇⵇⵏ ⴰⵏⴰⵎⵓⵔ. 

ⵉⵙⴷⴷⵉⴷ ⵎⴰⵙⵙ ⵄⴰⴱⴷ ⵍⵍⴰ ⵟⵉⴼ ⵡⴰⵀⴱⵉ, ⴰⵎⴰⵡⵙⴰⵙ ⵏ ⵜⵣⵔⴼⵜ, ⵎⴰⵙ ⵉⵜⵜⵓⵙⴽⴰⵔ ⵓⵙⵓⵊⴷ ⵏ ⵓⵙⵏⴼⴰⵔ ⵏ ⵜⴱⵔⵉⴷⵜ ⵜⴰⵖⵔⵎⴰⵏⵜ ⵙ ⵜⴱⵔⵉⴷⵜ ⵜⴰⵎⴰⴷⵔⴰⵡⵜ ⴰⴽⴷ ⵜⵉⵎⴰⵡⵙⴰⵙⵉⵏ ⴷ ⵜⵎⵙⵙⵓⴳⴰⵔ ⵜⵉⴳⴷⵓⴷⴰⵏⵉⵏ, ⵢⵉⵏⵉ ⵎⴰⵙ ⵜⴳⴰ ⵜⴰⵔⵙⵍⵜ ⵏ ⵓⵙⵏⴼⴰⵔ ⴰⴷ ⴰⵙⵏⵎⴰⵍⴰ ⵏ ⵜⵎⴰⵙⴰⵢⵉⵏ ⴳⵔ ⵉⵎⵙⵜⴳⴳⴰⵔⵏ ⴳ ⵜⵡⵓⵔⵉ ⵜⴰⵣⵔⴼⴰⵏⵜ. 

ⵢⵉⵏⵉ ⵓⵎⴰⵡⵙⴰⵙ ⵏ ⵜⵣⵔⴼⵜ ⵎⴰⵙ ⵢⵓⵎⴰ ⵓⵙⵏⴼⴰⵔ ⵏ ⵓⵙⵍⴳⵏ 02.23 ⴰⴳⵣⵣⵓⵎ ⵉⵥⵍⵉⵏ ⵙ ⵜⵎⵓⵟⵟⵓⵏⵜ ⵏ ⵜⴱⵔⵉⴷⵉⵏ ⴷ ⵜⵎⵙⴽⴰⵔ ⵜⵉⵣⵔⴼⴰⵏⵉⵏ, ⵉ ⵓⵙⵔⵅⵓ ⵏ ⵜⴱⵔⵉⴷⵉⵏ ⵏ ⵓⵚⵕⴰⴹ ⴷ ⵓⴹⴼⵕ ⵏ ⵓⵙⵎⴰⵜⵜⵉ ⴰⵎⵓⵟⵟⵓⵏ, ⵉⵙⴷⴷⵉⴷ ⴼ ⵡⴰⵜⵉⴳ ⵏ ⵜⵉⵕⵡⵉ ⵏ ⵓⵙⵡⵓⴷⴷⵓ ⵏ ⵓⵣⵎⵣ ⴰⵣⵔⴼⴰⵏ. 

ⵢⵉⵏⵉ ⵎⴰⵙ ⵢⵓⵎⴰ ⵓⵙⵏⴼⴰⵔ ⵏ ⵓⵙⵍⴳⵏ ⵏ ⵜⴱⵔⵉⴷⵜ ⵜⴰⵖⵔⵎⴰⵏⵜ ⵜⵓⵎⴰⵢⵉⵏ ⵣⴷⵉⵏⵉⵏ ⴷ ⵓⵙⵔⵙ ⵏ ⵓⵣⵎⵣ ⵏ ⵡⴰⵍⴰⵙ ⵏ ⵉⴱⴹⵉⵢⵉⵏ ⴳ 15 ⵏ ⵡⴰⵙⵙ ⴳ ⴽⵉⴳⴰⵏ ⵏ ⵉⵙⴷⴰⵡⵏ, ⴷ ⵜⵥⵕⵉⴳⵜ ⵏ ⵉⴱⴹⵉⵢⵏ ⴷ ⵓⵣⵣⴳⵉⵔ ⵏⵏⵙⵏ ⴳ ⵓⵣⵎⵣ ⴷ ⵢⵓⵙⴰⵏⴷ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵉⴷ ⴱⴰⴱ ⵏ ⵓⵚⵕⴰⴹ. 

ⵉⵙⴷⴷⵉⴷ ⵎⴰⵙⵙ ⵙⴰⵄⵉⴷ ⴱⵏ ⵄⵣⵉⵣ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⵣⵔⴼⵜ ⴷ ⵓⵣⵣⵔⴰⴼ ⴷ ⵉⵣⵔⴼⴰⵏ ⵏ ⵓⴼⴳⴰⵏ, ⵎⴰⵙ ⵉⵍⵍⴰ ⵓⵏⵎⵓⵇⵇⴰⵔ ⴰⴷ ⴳ ⵓⵙⴰⵜⵉ ⵏ ⵉⵙⵡⴰⵍⴰⵢⵏ ⵉⴳⵍⴷⴰⵏⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⵜⴰⵡⴱⴷⴰⵔⵏⵉⵏ ⴳ ⵜⵏⵔⴰⴷⵜ ⵜⴰⴳⵍⴷⴰⵏⵜ ⵙ ⵜⵎⵍⴷⴰ ⵏ ⵓⴽⵜⵜⵓⵢ ⵡⵉⵙ 60 ⵏ ⵓⵙⴽⵔ ⵏ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ, ⵍⵍⵉ ⵉⵡⴰⵜⵜⵙⵏ ⴰⵙⵕⵚⵓ ⵏ ⵜⴷⵍⵙⴰ ⵏ ⵜⵎⴷⵔⴰⵡ ⴷ ⵓⵎⵙⴰⵡⴰⵍ ⴷ ⵓⵙⴷⵓⵙ ⵏ ⵜⵎⵢⵉⵎⴰⵏⵜ ⴳ ⵜⵎⵔⵙⴰⵍ, ⵢⵉⵏⵉ ⵎⴰⵙ ⵉⵎⵙⴰⵙⴰ ⵓⵎⴹⴰⴽⴰⵕ ⴰⴷ ⴷ ⵓⵎⴹⴰⴽⴰⵕ ⵉⵣⵓⵣⵣⵔⵏ ⵏ ⵉⵎⴰⴳⵔⴰⴷⵏ ⵏ ⵓⵙⵏⴼⴰⵔ ⵏ ⵓⵙⴽⴳⵏ ⴳ ⵜⵙⵇⵇⵉⵍⵜ ⵏ ⵜⵣⵔⴼⵜ ⴷ ⵓⵣⵣⵔⴰⴼ ⴷ ⵉⵣⵔⴼⴰⵏ ⵏ ⵓⴼⴳⴰⵏ, ⵉⵡⴰⵜⵜⴰⵙ ⴰⵏⵏⵓⵕⵚⵎ ⵏ ⵓⵎⵙⴰⵡⴰⵍⴰ ⴽⴷ ⵎⴰⵕⵕⴰ ⵉⵎⵙⴽⴰⵔⵏ ⴳ ⵓⵏⴳⵔⴰⵡ ⴰⴷ ⵃⵎⴰ ⴰⴷ ⵉⵍⵉⵏⵜ ⵜⵙⵓⵎⴰⵔ ⵍⵍⵉ ⵔⴰⴷ ⵙⵎⵏⵉⴷⵏ ⵉⵎⵓⵔⴰ ⵅⴼ ⵓⵙⵏⴼⴰⵔ ⵏ ⵓⵙⵍⴳⵏ ⵏ ⵜⴱⵔⵉⴷⵉⵜ ⵜⴰⵖⵔⵎⴰⵏⵜ. 

ⴳ ⵜⵖⵉⵎⵉⵜⵉⵏ, ⵜⵉⵎⴰⵙⵙⴰⵏⵉⵏ, ⵉⵍⵍⴰ ⵓⵙⴷⴷⴻⴷ ⵎⴰⵙ ⵉⴳⴰ ⵓⵙⵏⴼⴰⵔ ⵏ ⵓⵙⵍⴳⵏ ⴰⵙⵓⵖⵍ ⵏ ⵓⵙⵎⴰⵇⵇⵍ ⴰⴳⵍⴷⴰⵏ ⴰⵎⴰⵜⵜⵓⵢ ⵉⵖⵔⴰⵏ ⵉ ⵜⵉⵍⵉⵜ ⵏ ⵜⵉⵕⵡⵉ ⵜⴰⵣⵔⴼⴰⵏⵜ ⵙ ⵓⵙⵔⵅⵓ ⴷ ⵜⵎⴰⴼⴰⵡⵜ ⵏ ⵜⴱⵔⵉⴷⵉⵏ, ⴷ ⵡⴰⵍⴰⵢ ⵏ ⵜⵉⵕⵡⵉ ⵏ ⵉⴱⴹⵉⵢⵏ ⴷ ⵜⵏⵓⴼⴰ ⵜⵉⵣⵔⴼⴰⵉⵏ ⴷ ⵓⵙⴽⵔ ⵏ ⵓⵏⴰⵎⴽ ⴰⵎⴰⵢⵏⵓ ⵏ ⵜⵣⵔⴼⵜ ⵙ ⵓⵙⴽⵔ ⵏ ⵓⵙⴰⵢⵔⵓⵔ ⵏ ⵓⵏⵎⵓⵔⵉ, ⴷ ⵓⵣⵣⴳⵉⵔ ⵏ ⵓⴷⵓⵙⵜⵓⵔ ⵏ 2011 ⵙ ⵓⵎⵙⴰⵙⴰ ⴰⵣⵣⵔⴰⴼ ⵏ ⵉⵎⵇⵏⵏ ⵉⴳⵔⴰⵖⵍⴰⵏⵏ ⴷ ⵉⵙⵖⵍⴰⴼ ⵏ ⵓⵎⵇⵇⵏ ⵏ ⵓⵎⵓⴽⵏ ⵏ ⵓⵏⴳⵔⴰⵡ ⵏ ⵜⵣⵔⴼⵜ, ⵉⵏⵉⵏ ⵉⵎⴷⵔⴰⵡⵏ ⵎⴰⵙ ⵉⴳⴰ ⵓⵙⵏⴼⴰⵔ ⵏ ⵓⵙⵍⴳⵏ ⵏ ⵜⴱⵔⵉⴷⵜ ⵜⴰⵖⵔⵎⴰⵏⵜ ⵜⴰⴳⵔⴰⵡⵍⵍⴰ ⵉⴱⵙⵓⵙⵏ ⴳ ⵓⴱⵔⵉⴷ ⴰⵣⵣⵔⴰⴼ ⴳ ⵜⴳⵍⴷⵉⵜ, ⵍⵍⵉ ⵉⵙⴰⵡⵍ ⵓⵙⵍⴳⵏ ⴼ ⵉⴳⵔⴰⵏ ⵣⴷⵉⵏⵉⵏ ⴷ ⵜⵢⴰⵏⵜ ⵏ ⵜⵣⵔⴼⵜ ⴷ ⵓⴼⵔⴰⴳ ⵏ ⵜⵥⵍⴰⵢⵜ ⴷ ⵓⵎⴰⵜⴰ ⵏ ⵓⵏⴳⵔⴰⵡ ⴰⵣⵔⴼⴰⵏ ⵃⵎⴰ ⴰⴷ ⵢⵉⵍⵉ ⵓⵙⵔⵅⵓ ⵏ ⵡⴰⴷⴰⴼ ⵉⴳⴰⴷⴷⴰⵏ ⴷ ⵉⵕⵡⴰⵏ ⵙ ⵜⵣⵔⴼⵜ,ⴷ ⵓⵕⵥⵥⵓⵎ ⵏ ⵜⴳⴳⵓⵔⵜ ⴷⴰⵜ ⵏ ⵜⵣⵔⴼⵜ ⵜⴰⵎⵓⵟⵟⵓⵏⵜ. 

ⴷⵔⵓⵏ ⴳ ⵓⵏⵎⵓⵇⵇⴰⵔ ⴰⴷ ⵉⴱⵕⵍⴰⵎⴰⵏⵉⵢⵏ ⴷ ⵉⵎⵙⴽⴰⵔⵏ ⵉⵎⵔⵙⵍⴰⵏⵏ ⴷ ⵉⵎⵔⵣⵓⵜⵏ ⴷ ⵉⴽⴰⴷⵉⵎⵉⵢⵏ, ⵉⵍⵍⴰ ⴳⵉⵙ ⵓⵣⵣⵔⴰⵢ ⵏ ⵜⴰⵏⵏⴰⵢⵢⵉⵏ ⵣⴷⵉⵏⵉⵏ ⴷ ⵜⵎⵥⵍⵉⵜ ⴷ ⵉⴱⴹⵉⵢⵏ ⵣⴷⵉⵏ ⴷ ⴰⵔⵜⵉⵥⵍⵉⵜ, ⴷ ⵜⴰⴳⵯⵉⵜ, ⴷ ⵜⵎⵓⴽⵔⵉⵙⵉⵏ ⵏ ⵜⵕⵥⵉ ⵙ ⵡⴰⵍⴰⵙ ⴷ ⵡⴰⵜⵉⴳ ⵏ ⵡⴰⴷⴰⴼ ⵙ ⵜⵙⵏⴱⴹⴰⵢⵜ ⵜⴰⵏⴰⴼⵍⵍⴰⵜ ⵍⵍⵉ ⵉⴳⴰⵏ ⴰⵖⴱⴰⵍⵓ ⵉⵙⵜⴰⵡⵎⵎⴰⵏ ⵉ ⵓⵙⵎⵓⵏ ⵏ ⵜⵡⵓⵔⵉ ⵜⴰⵣⵔⴼⴰⵏⵜ ⴷ ⵓⵙⵙⴼⵔⵓ ⵏ ⵓⵍⵓⴳⵏ ⴰⵣⵔⴼⴰⵏ. 

ⵉⵍⵍⴰ ⵓⵣⵣⵔⴰⵢ ⵏ ⵜⵏⴰⵥⴰⵕⵉⵏ ⵏ ⵓⵙⵎⵖⵔ ⵏ ⵢⵉⴳⵔ ⵏ ⵜⴱⵔⵉⴷⵜ ⵜⴰⵎⵉⵡⴰⵏⵜ, ⴷ ⵡⴰⵜⵉⴳ ⵏ ⵓⵙⵖⵓⴷⵓ ⵏ ⵜⵓⵚⴽⴰ ⵏ ⵓⴹⵕⵉⵚ ⴷ ⵜⵓⵜⵍⴰⵢⵜ ⵏⵏⵙ ⴷ ⵜⴳⵓⵔⵉⵡⵉⵏ ⵏⵏⵙ, ⴷ ⵓⵣⵣⵔⴰⵢ ⵏ ⵜⵎⵓⴽⵔⵉⵙⵉⵏ ⵍⵍⵉ ⴷ ⵜⵉⵡⵉ ⵜⵎⵓⴽⵔⵉⵙⵜ ⴷ ⵍⵉⵊⵜⵉⵀⴰⴷ ⴰⵣⵔⴼⴰⵏ ⴷ ⵉⵎⵏⴰⴷⵏ ⵏ ⵓⵙⴳⴷ. 

ⵙⴰⵡⵍⵏ ⵉⴷ ⴱⴰⴱ ⵏ ⵜⴽⵛⵛⵓⵎⵉⵏ ⴼ ⵓⵣⵣⵔⴰⵢ ⵏ ⵓⵙⵍⴳⵏ ⵏ ⵖⵉⵍⴰⴷ ⵃⵎⴰ ⴰⴷ ⵉⵎⵙⴰⵙⴰ ⴷ ⵉⵙⵏⴼⵍⵏ ⵉⵏⴰⵎⵓⵏⵏ ⴷ ⵉⴷⵎⵙⴰⵏⵏ ⵏ ⵍⵎⵖⵔⵉ, ⵉ ⵓⵙⵖⵓⴷⵓ ⵏ ⵓⴹⵕⵉⵚ ⴰⴷ ⵙⵍⴰⵡⴰⵏ ⴰⴽⴽⵯ ⴳ ⵓⵎⵏⵉⴷ ⵏ ⵜⵎⵙⴽⴰⵔ ⵏ ⵓⵙⵉⵡⴹ ⴷ ⵓⵙⵔⵙ ⵏ ⵜⴰⵕⵥⵉⵡⵉⵏ ⴷ ⵓⵙⵉⴷⴼ ⴰⵣⵔⴼⴰⵏⵙ ⵜⵣⵔⴼⵜ ⴷ ⵓⵙⵎⵔⵙ ⵏ ⵉⵎⴰⵙⵙⵏ ⵉⵍⵉⴽⵟⵔⵓⵏⵉⵢⵏ ⵙ ⵓⵎⵙⴰⵙⴰ ⴷ ⵉⵙⵏⴼⵍⵏ ⵉⵎⵓⵟⵟⵓⵏⵏ ⵍⵍⴰⵏⵉⵏ ⴳ ⵓⵎⴰⴹⴰⵍ. 

ⵜⵜⵓⴼⴽⴰⵏⵜ ⵛⵉⴳⴰⵏ ⵏ ⵜⴰⵏⵏⴰⵢⵢⵉⵏ ⴷ ⵜⵙⵓⵎⴰⵔ ⵅⴼ ⵜⵙⵏⴱⴹⴰⵢⵉⵏ ⵜⵉⵏⵙⴱⴰⴱⵉⵏ ⴷ ⵜⵎⵙⵙⵓⴳⵓⵔⵉⵏ, ⴳ ⵎⴰⴷ ⵉⵥⵍⵉⵏ ⵙ ⵜⴱⵔⵉⴷⵜ ⵏ ⵓⵙⵉⵡⴹ ⴷ ⵓⵣⵣⴳⵉⵔ ⴷ ⵓⴼⵔⴰⴳ ⵏ ⵜⵓⴷⵔⵜ ⵜⴰⵏⵉⵎⴰⵏⵜ ⵏ ⵉⴷ ⴱⴰⴱ ⵏ ⵜⵣⵔⴼⵜ ⴷ ⵓⵡⵇⵇⵔ ⵏ ⵓⵣⵔⴼ ⴳ ⵜⵣⵔⴼⵜ ⴷ ⵢⵉⵙⴽⵉⵍ ⴳ ⵜⴰⵕⵥⵉⵡⵉⵏ ⴷ ⵓⵙⵔⵙ ⵏ ⵓⵣⵎⵣ ⵏ ⵓⴼⵔⵓ ⵏ ⵜⵏⴼⴳⵓⵔⵉⵏ. 

ⵉⵍⵍⴰ ⵓⴱⴷⴰⵔ ⵏ ⵜⵉⵍⴰⵍⵜ ⵏ ⵜⴳⵔⴰⵡⵜ ⵏ ⵉⵎⴰⵔⴰⵜⵏ ⵏ ⵜⵣⵔⴼⵜ ⴳ ⵓⵙⵕⵚⵓ ⵏ ⵜⵔⵙⵍⵜ ⵏ ⵓⵙⵡⵓⴷⴷⵓ ⵏ ⵓⵣⵎⵣ ⴰⵣⵔⴼⴰⵏ ⵙ ⵜⵎⴰⵢⵏⵓⵜⵉⵏ ⵏ ⵓⵙⵏⴼⴰⵔ ⵏ ⵓⵙⵍⴳⵏ ⵏ ⵜⴱⵔⵉⴷⵜ ⵜⴰⵖⵔⵎⴰⵏⵜ, ⵉⵍⵍⴰ ⵏ ⵓⵣⵎⵎⴻⵎ ⵏ ⵡⴰⵜⵉⴳ ⵏ ⵓⵙⵙⵏ ⵏ ⵜⴳⵔⴰⵡⵜ ⵏ ⵉⵎⴰⵔⴰⵜⵏ ⵏ ⵜⵔⴼⵜ ⴳ ⵜⵖⴰⵡⵙⵉⵡⵉⵏ ⵣⴷⵉⵏⵉⵏ ⴷ ⵓⵚⵕⴰⴹ ⵃⵎⴰ ⴰⴷ ⵢⵉⵍⵉ ⵓⴼⵔⴰⴳ ⵏ ⵓⵣⵎⵣ ⴰⵣⵔⴼⴰⵏ ⴷ ⵓⵙⵖⵓⴷⵓ ⵏ ⵓⵙⵡⵓⴷⴷⵓ ⵏ ⵜⵖⵉⵎⵉⵜⵉⵏ ⴷ ⵜⵎⵙⴽⴰⵔ ⵜⵜⴰⵡⴹⴼⴰⵕⵏⵉⵏ ⴷⴼⴼⵉⵔ ⵏ ⵜⵥⵕⵉⴳⵜ ⵏ ⵉⴱⴹⵉ. 

ⵙⴷⴷⵉⴷⵏ ⵉⵎⴷⵔⴰⵡⵏ ⵎⴰⵙ ⴷ ⵉⵎⴰⵏ ⵏ ⵜⵎⴰⵢⵏⵓⵜⵉⵏ ⵍⵍⵉ ⴷ ⵢⵉⵡⵉ ⵓⴹⵕⵉⵚ ⴰⵣⵣⵔⴰⴼ, ⴰⵔ ⵎⵎⴰⵍⴰⵏⵜ ⵜⵉⵔⴰⵜ ⴳ ⵓⵏⵢⴰⵍⴽⴰⵎ ⴷ ⵓⵎⵇⵇⵏ ⵏ ⵓⵎⵓⴽⵏ ⵏ ⵓⵏⴳⵔⴰⵡ ⵏ ⵜⵣⵔⴼⵜ , ⵍⵍⵉ ⴷ ⵢⵓⴳⵎⵏ ⵙⴳ ⵉⵙⴳⵓⴷⵉⵜⵏ ⴱⵓⵖⵍⴰⵏⵉⵏ ⴼⴽⴰⵏⵉⵏ ⴰⴷⴷⵓⵔ ⵉ ⵜⵣⵔⴼⵜ ⵜⴰⵎⵖⵔⵉⴱⵉⵜ ⴷ ⵜⵉⵍⵉⵜ ⵏ ⵜⵔⵙⴰⵍ ⵏ ⵜⵉⵕⵡⵉ ⴷ ⵜⵏⵏⵓⴱⴹⴰ, ⴷ ⵓⵏⵢⴰⵍⴽⴰⵎ ⵉⵥⵉⵍⵏ ⴰⴽⴷ ⵜⵉⵣⵣⵉⴳⵣⵉⵏ ⵍⵍⴰⵏⵉⵏ ⴳ ⵢⵉⴳⵔ ⵏ ⵜⴻⵜⵉⴽⵏⵓⵍⵓⵊⵉⵜ ⵜⴰⵎⵓⵟⵟⵓⵏⵜ ⴷ ⵉⵣⵔⴼⴰⵏ ⵏ ⵓⵏⵄⴰⵕ ⴷ ⵜⴱⵔⵉⴷⵉⵏ ⵏ ⵜⵕⵥⵉ ⴷ ⵜⵎⵙⴽⴰⵔ ⵏ ⵓⵙⵉⵡⴹ ⴷ ⵓⵣⵣⴳⵉⵔ..

ⴳ ⵓⵎⵏⴰⴹ ⵏ ⵜⵖⵔⵉ ⵏ ⵜⵉⵍⴰⵍⵜ ⵏ ⵉⵎⵙⴽⴰⵔⵏ ⵍⵍⴰⵏⵉⵏ ⴳ ⵓⵏⴳⵔⴰⵡ ⵏ ⵜⵣⵔⴼⵜ, ⵉⵍⵍⴰ ⵓⵙⴷⴷⴻⴷ ⴼ ⵡⴰⵜⵉⴳ ⵏ ⵜⵣⵣⵓⵍⵜ ⵏ ⵜⵎⵓⵣⴰⵓⵜ ⵜⴰⵣⵔⴼⴰⵏⵜ ⴷ ⵜⵎⵓⴽⵔⵉⵙⵉⵏ ⴷ ⵜⴱⴱⴰⵢⴹⴰⵕⵉⵏ ⴷⴰⵜ ⵏ ⵓⵎⵓⵣⴰⵢ ⴰⵣⵔⴼⴰⵏ, ⵉⵍⵍⴰ ⵓⵙⵎⵏⵉⴷ ⵏ ⵜⵙⵓⵎⴰⵔ ⵍⵍⵉ ⵔⴰⴷ ⵢⴰⵡⵙⴳ ⵓⵙⵏⴼⵍ ⵏ ⵉⵎⴰⴳⵔⴰⴷⵏ ⵙⵏⵎⴰⵍⴰⵏⵉⵏ ⵜⴰⵎⵓⵣⴰⵢⵜ ⴰⴷ. 

ⵉⵍⵍⴰ ⵓⵍⴰ ⵓⵙⴷⴷⴻⴷ ⵎⴰⵙ ⵜⵀⵎⵎⴰ ⵜⴱⵔⵉⴷⵜ ⵜⴰⵖⵔⵎⴰⵏⵜ ⵍⵄⴷⵓⵍ ⵙ ⵓⵣⵣⵔⴰⵢ ⵏ ⵉⴹⵕⵉⵚⵏ ⴷ ⵜⵓⵎⴰⵢⵉⵏ ⵣⴷⵉⵏⵉⵏ ⵏ ⵓⵕⵣⵎ ⴷ ⵓⵏⵏⵓⵕⵣⵎ ⴳ ⵓⵙⴰⵜⵉ ⵏ ⵓⵎⵓⴽⵏ ⵏ ⵓⵏⴳⵔⴰⵡ ⵏ ⵜⵣⵔⴼⵜ ⴷ ⵡⴰⵍⴰⵢ ⵏ ⵜⵉⵕⵡⵉ ⵜⴰⵣⵔⴼⴰⵏⵜ. 

ⵖⵎⴽ ⵍⵍⵉ ⵉⵍⵍⴰ ⵓⵙⴷⴷⴻⴷ ⴼ ⵡⴰⵜⵉⴳ ⵏ ⵜⵉⵍⴰⵍⵜ ⵏ ⵓⵎⴰⵣⴰⵏ ⴰⵣⵔⴼⴰⵏ, ⵜⵉⵍⵉ ⵜⵖⵔⵉ ⵉ ⵓⵙⴽⵜⵉ ⵏ ⵜⵉⵍⴰⵡⵜ ⵏ ⵜⵎⵙⴽⵔⵜ ⵜⴰⵣⵣⵓⵍⴰⵏⵜ ⴷ ⵜⵏⴰⵥⴰⵕⵉⵏ ⴷⴰⵜ ⵏⵏⵙ ⴳ ⵓⵙⴰⵜⵉ ⵏ ⵜⴱⵔⵉⴷⵜ ⵏ ⵓⵙⵉⵡⴹ ⴷ ⵓⵣⵣⴳⵉⵔ ⵍⵍⵉ ⴷ ⵉⵇⵇⴰⵏ ⵓⵙⵖⵡⵏ ⵙ ⵜⵎⵔⵙⴰⵍ ⴷ ⵉⵍⵓⴳⵏⵏ ⵍⵍⵉ ⵔⴰⴷ ⵢⴰⵡⵙ ⴳ ⵓⵙⴽⵔ ⵏ ⵜⵉⵕⵡⵉ ⵜⴰⵣⵔⴼⴰⵏⵜ. 

ⴳ ⵓⵏⵎⵓⵇⵇⴰⵔ ⴰⴷ, ⵜⵍⵍⴰ ⵜⵖⵔⵉ ⵉ ⵡⴰⵜⵉⴳ ⵏ ⵏ ⵓⵙⴷⵔⵓ ⵏ ⵎⴰⵕⵕⴰ ⵏ ⵉⵎⵙⴽⴰⵔⵏ ⴳ ⵓⵏⴳⵔⴰⵡ ⵏ ⵜⵣⵔⴼⵜ ⵉ ⵜⵉⴽⴽⵉ ⵏ ⵜⴰⵏⵏⴰⵢⵢⵉⵏ ⴷ ⵜⵙⵓⵎⴰⵔ ⵍⵍⵉ ⵔⴰⴷ ⵢⴰⵡⵙ ⴳ ⵓⵙⵖⵓⴷⵓ ⵏ ⵓⵙⵏⴼⴰⵔ ⵏ ⵓⵙⵍⴳⵏ ⵏ ⵜⴱⵔⵉⴷⵜ ⵜⴰⵖⵔⵎⴰⵏⵜ ⵍⵍⵉ ⵉⴳⴰⵏ ⵢⴰⵏ ⵓⵙⵏⴼⴰⵔ ⵉⵙⵜⴰⵡⵀⵎⵎⴰⵏ ⵙⵏⵎⴰⵍⴰⵏⵉⵏ ⵜⴰⵡⵓⵔⵉ ⵜⴰⵣⵔⴼⴰⵏⵜ ⵙ ⵓⵣⴷⴰⵢ ⴷ ⵉⵣⵔⴼⴰⵏ ⵜⵜⴰⵡⴱⴷⴰⵔⵏⵉⵏ ⴳ ⵓⴷⵓⵙⵜⵓⵔ ⵏ ⵜⴳⵍⴷⵉⵜ.