ⵜⴰⴳⵓⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⵏⵎⵓⵇⵇⴰⵔ ⴼ ⵓⵙⵏⴼⴰⵔ ⵏ ⵓⵙⵍⴳⵏ 02.23 ⴼ ⵜⴱⵔⵉⴷⵜ ⵜⴰⵖⵔⵎⴰⵏⵜ, ⵉⵙⵎⵏⵉⴷ ⵜⵜ ⵓⵎⴰⵔⵉ ⵎⴰⵙⵙ ⵎⵓⵃⴰⵎⵎⴰⴷ ⵓⵣⵣⵉⵏ

ⵜⵙⵏⵎⴰⵍⴰ ⵜⵙⵇⵇⵉⵎⵜ ⵏ ⵜⵣⵔⴼⵜ ⴷ ⵓⵣⵣⵔⴰⴼ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⴰⵏⵎⵓⵇⵇⴰⵔ ⴼ ⵓⵙⵏⴼⴰⵔ ⵏ ⵓⵙⵍⴳⵏ 02.23 ⴼ ⵜⴱⵔⵉⴷⵜ ⵜⴰⵖⵔⵎⴰⵏⵜ. ⵉⵙⵎⵏⵉⴷ ⵎⴰⵙⵙ ⵎⵓⵃⴰⵎⵎⴰⴷ ⵓⵣⵣⵉⵙⵏ ⵜⴰⴳⵓⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ.
“ ⵙ ⵉⵙⵎ ⵏ ⵕⴱⴱⵉ

- ⵎⴰⵙⵙ ⴰⵎⴰⵡⵙⴰⵙ; 
- ⵎⴰⵙⵙ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⵣⵔⴼⵜ ⴷ ⵓⵣⵣⵔⴰⴼ ⴷ ⵉⵣⵔⴼⴰⵏ ⵏ ⵓⴼⴳⴰⵏ; 
- ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵎⵖⴰⵔⵏ ⴷ ⵉⵙⵍⵎⴰⴷⵏ ⴷ ⵉⵎⴰⵙⵜⴰⵏⵏ; 
- ⵉⵙⵜ ⵎⴰⵙⵙⴰ ⴷ ⵎⴰⵙⵙ ⵉⵏⵎⵀⴰⵍⵏ; 
- ⵜⵉⵏⴳⴳⵯⴰ ⴷ ⵉⵏⴳⴳⵯⴰ ⵉⴱⵕⵍⴰⵎⴰⵏⵉⵢⵏ; 
- ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ; 
ⵉⴳⴰ ⵉⵢⵉ ⴰⴷⴷⵓⵔ ⴰⴷ ⴰⵎⵥⵖ ⴰⵡⴰⵍ ⴳ ⵓⵏⵎⵓⵇⵇⴰⵔ ⴰⴷ ⵍⵍⵉ ⵜⵙⵏⵎⴰⵍⴰ ⵜⵙⵇⵇⵉⵎⵜ ⵏ ⵜⵣⵔⴼⵜ ⴷ ⵓⵣⵣⵔⴰⴼ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴼ ⵓⵙⵏⴼⴰⵔ ⵏ ⵓⵙⵍⴳⵏ ⵏ ⵜⴱⵔⵉⴷⵜ ⵜⴰⵣⵣⵔⴰⴼⵜ, ⵙ ⵉⵙⵎ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵍⵍⵉ ⵉⵍⵍⴰⵏ ⴳ ⵜⵙⵎⵉⴳⵍⵜ ⵜⴰⵎⴰⴷⴷⵓⴷⵜ ⴱⵕⵕⴰ ⵏ ⵜⵎⵓⵔⵜ, ⵙⴷⴷⵉⴷⵖ ⴼ ⵓⵅⵎⵎⴻⵎ ⵏⵏⵙ ⴷ ⵓⵅⵎⵎⴻⵎ ⵏ ⵓⵙⵉⵔⴰ ⵏ ⵓⵙⵇⵇⵉⵎ ⴳ ⵓⵏⵎⵓⵇⵇⴰⵔ ⴰⴷ ⴷ ⵉⵙⵉⵜⵉⵎⵏ ⵏⵏⵙ ⵉ ⵓⵎⵓⵔⵙ  ⵍⵍⵉ ⵔⴰⴷ ⵢⴰⵡⵙ ⴳ ⵓⵙⵖⵣⵏ ⵏ ⵓⴹⵕⵉⵚ ⴼ ⵉⵍⵍⴰ ⵓⵎⵙⴰⵙⴰ. 
ⵉⵍⵍⴰ ⵓⵙⵏⴰⵎⴰⵍ ⵏ ⵓⵏⵎⵓⵇⵇⴰⵔ ⴰⴷ ⴳ ⵓⵙⴰⵜⵉ ⵏ ⵜⴱⵔⵉⴷⵜ ⵏ ⵜⴷⵔⴰⵡⵜ ⴷ ⵓⵎⵙⴰⵡⴰⵍ ⵍⵍⵉ ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⵙⵎⴽⵍ ⵏ ⵉⵙⵏⴼⴰⵔⵏ ⵉⴹⵕⵉⵚⵏ, ⴷ ⵜⵎⵓⴽⵔⵉⵙⵉⵏ ⵟⵟⴰⴼⵏⵉⵏ ⴰⵎⵏⴰⴷ ⴰⵏⴰⵎⵓⵏ ⴰⵅⴰⵜⴰⵔ ⵍⵍⵉ ⵔⴰⴷ ⵢⴰⵡⵙ ⴳ ⵓⵎⵙⴰⵙⴰ ⴰⵎⴰⵜⴰⵢ ⴼ ⵉⴹⵕⵉⵚⵏ ⴷ ⵓⵙⵙⵔⵅⵓ ⵏ ⵓⵣⵣⴳⵉⵔ ⵏⵏⵙⵏ ⵉⵕⵡⴰⵏ. 
ⵜⴰⴱⵔⵉⴷⵜ ⴰⴷ ⵓⵔ ⵜⴳ ⵜⴰⵎⴰⵢⵏⵓⵜ, ⵜⴳⴰ ⵜⴰⵎⵢⵓⵔⵜ ⵜⴰⵎⵖⵔⵉⴱⵉⵜ ⴳ ⵓⵙⴽⵔ ⵏ ⵓⵎⵛⴰⵡⴰⵕ ⵅⴼ ⵜⵎⵙⴰⵔⵉⵏ ⵜⵉⵏⴰⵎⵓⵏⵉⵏ ⵜⵉⵅⴰⵜⴰⵔⵉⵏ, ⵖ ⵏⵉⵜ ⵍⵍⴰⵏ ⵉⴹⵕⵉⵚⵏ ⵉⵣⵔⴼⴰⵏⵏ ⵍⴰⵏⵉⵏ ⴰⴷⵔⵉⵣ ⵎⵇⵇⵓⵔⵏ ⴼ ⵜⵣⴷⴰⵢⵉⵏ ⴷ ⵜⵎⴰⴷⴷⴰⵙⵉⵏ ⵜⵉⵏⴰⵎⵓⵏⵉⵏ ⴷ ⵜⴷⵎⵙⴰⵏⵉⵏ ⴷ ⵜⴷⵍⵙⴰⵏⵉⵏ. 
ⵉⵙⵙⵕⵚⴰ ⵓⴷⵓⵙⵜⵓⵔ ⵏ 2011 ⵜⴰⴱⵔⵉⴷⵜ ⴰⴳ ⴳ ⴽⵉⴳⴰⵏ ⵏ ⵉⵎⴳⵔⴰⴷⵏ ⵏⵏⵙ, ⵜⴰⴱⵔⵉⴷⵜ ⵏ ⵜⵎⴷⵔⴰⵡⵜ ⴷ ⵓⵎⵛⴰⵡⴰⵕ ⴳ ⵓⵙⵓⵊⴷ ⴷ ⵓⵣⵣⴳⵉⵔ ⴷ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ. 
ⵓⵔ ⴳⵉⵙ ⵜⵓⵔⴷⴰ ⵎⴰⵙ ⴷ ⵜⴰⵎⵏⵏⴰⵡⵜ ⵏ ⵉⵎⴷⵔⴰⵡⵏ ⴳ ⵓⵏⵎⵓⵇⵇⴰⵔ ⴰⴷ ⴷ ⵡⴰⵏⴰⵡ ⵏ ⵜⵎⵔⵙⴰⵍ ⴷ ⵜⵓⴼⵔⵉⵢⵉⵏ ⵍⵍⵉ ⴷⵔⵓⵏⵉⵏ, ⴰⵢⵍⵍⵉ ⵔⴰⴷ ⵉⵙⴽⵔ ⴳ ⵜⵉⵢⵢⴰⴼⵓⵜⵉⵏ ⵏⵏⵙ ⴰⵍⴰⵢ ⵉ ⵓⵙⵖⵣⵏ ⵏ ⵓⴹⵕⵉⵚ ⴱⴰⵀⵔⴰ ⵉⵖⵓⴷⴰⵏ, ⵉⴱⴷⴷⵏ ⴼ ⵓⵣⵣⴳⵉⵔ ⵉⵕⵡⴰⵏ ⴳ ⵜⵍⵍⴰ ⵜⵉⵢⴰⴼⵓⵜ. ⵜⴰⴷⵔⴰⵡⵜ ⵏ ⵜⵎⴰⵡⴰⵙⵜ ⵙ ⵎⴰⵙⵙ ⴰⵎⴰⵡⵙⴰⵙ ⴷ ⵉⵏⵎⵀⴰⵍⵏ ⴷ ⵉⴳⵯⵏⵙⴰⵙⵏ ⵏ ⵜⵣⵣⵓⵍⵉⵏ ⵜⵉⵣⵔⴼⴰⵏⵉⵏ, ⴷ ⵉⵎⵖⴰⵔⵏ ⵏ ⵉⵎⴰⵙⴰⵜⴰⵏⵏ ⵣⵔⵉⵏⵉⵏ ⵓⵍⴰ ⵡⵉⵏ ⵖⵉⵍⴰⴷ, ⴷ ⵉⵙⵍⵎⴰⴷⵏ ⵉⵎⵣⵔⴰⵡⵏ ⴷ ⵉⵎⴰⵙⵜⴰⵏⵏ ⴷ ⵉⴳⵎⴰⵎⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⵏⵎⵓⵇⵇⴰⵔ ⴰⴷ, ⵔⴰⴷ ⴱⴰⵀⵔⴰ ⵉⵕⵡⵓ, ⵉⵟⵟⴼ ⵜⴰⵢⵢⴰⴼⵓⵜ ⵏⵏⵙ ⵉⴳⴳⵓⵜⵏ ⴳ ⵉⵎⵉⵥ ⵏ ⵓⴹⵕⵉⵚ ⴰⴷ ⴷ ⵓⵙⵙⵏ ⵏ ⵜⵓⵎⴰⵢⵉ ⵏⵏⵙ. 
- ⵎⴰⵙⵙ ⴰⵎⴰⵡⵙⴰⵙ;
- ⵎⴰⵙⵙ ⴰⵏⵙⵙⵉⵅⴼ;
- ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ; 
ⵏⵍⵍⴰ ⴰⵙⵙ ⴰⴷ ⴷⴰⵜ ⵏ ⵓⴹⵕⵉⵚ ⴰⵏⴰⵎⵎⴰⵙ ⴳ ⵉⵣⵣⵔⴰⴼⵏ ⵉⵏⴰⵎⵓⵔⵏ, ⵉⵡⴰⵜⵜⵙⵏ ⵙ ⵉⵡⵜⵜⴰⵙ ⵉⵇⴱⵓⵔⵏ ⵏ ⴽⵓ ⴰⴹⵕⵉⵚ, ⵜⴰⵣⵣⵉⴳⵣⵜ ⵉⵖⵓⴷⴰⵏ ⵏ ⵜⵣⵔⴼⵜ, ⴷ ⵓⵙⵙⵕⵚⵓ ⵏ ⵜⵢⴰⵏⵜ ⵏ ⵜⵣⵔⴼⵜ, ⴷ ⵓⵙⵏⵎⴰⵎⴰ ⵏ ⵜⵎⵥⵍⵉⵜ ⵜⴰⴳⵔⴰⵖⵍⴰⵏⵜ, ⴷ ⵓⵙⴽⵔ ⵏ ⵜⵉⵕⵡⵉ ⵜⴰⵣⵔⴼⴰⵏⵜ, ⴷ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵉⵡⴷⴰⵏ ⴷⴰⵜ ⵏ ⵜⵣⵔⴼⵜ, ⴷ ⵓⵙⵖⵣⵏ ⵏ ⵜⵎⵓⵟⵟⵓⵏⵜ ⴳ ⵜⵣⵔⴼⵜ ⴷ ⵜⵎⵙⴽⴰⵔ, ⴷ ⵓⵙⵕⵚⵓ ⵏ ⵜⵙⵉⵎⴰⵏⵜ ⵏ ⵜⵏⴱⴰⴹⵜ ⵜⴰⵣⵔⴼⴰⵏⵜ, ⵎⴽ ⵍⵍⴰⵏⵜ ⴳ ⵜⵎⵎⵙⴽⵯⵜⵉⵜ ⵏ ⵓⵙⵏⴼⴰⵔ ⵏ ⵓⴹⵕⵉⵚ. 
ⵉⴳⴰ ⵍⵃⴰⵍ ⴰⵙⵏⴼⴰⵔ ⵏ ⵓⴹⵕⵉⵚ ⵙ ⵜⵏⴰⵥⴰⵕⵉⵏ ⵜⵉⵎⵏⵏⴰⵡⵉⵏ, ⴳⴳⵓⵜⵏⵉⵏ ⵜⵉⵙⵉⵍⴰⵏⵉⵏ, ⵉⴽⵛⵎⵏ ⴳ ⵓⵎⵏⴰⴹ ⵉⵎⵓⴽⵏⵏ ⵉⵅⴰⵜⴰⵔⵏ ⵍⵍⵉ ⵉⴼⵔⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ. ⵉⵍⵍⴰ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵙ ⵓⵚⵕⴰⴹ ⴰⵣⵔⴼⴰⵏ ⴷ ⵜⵉⵍⵉⵜ ⵏ ⵉⵣⵔⴼⴰⵏ ⵏ ⵎⴰⵔⵔⴰ ⵉⵡⴷⴰⵏ, ⴷ ⵓⴹⵎⵏ ⵏ ⵓⵣⵣⴳⵉⵔ ⵏ ⵉⴱⴹⵉⵢⵏ ⴷ ⵓⵣⵓⵛⵛⵍ ⵏ ⵜⴱⵔⵉⴷⵉⵏ, ⵔⴰⴷ ⵉⵟⵟⴼ ⵓⴹⵕⵉⵚ ⴰⴷ ⵉⴷⵔⵉⵣⵏ ⵥⵉⵍⵏⵉⵏ ⴼ ⵓⵏⵣⵡⵉ ⵏ ⵓⵙⵙⴰⵔⵓ ⴳ ⵎⴰⵣⵉⵔⵜ ⵏⵏⵖ ⵍⵍⵉⵖ ⵔⴰⴷ ⵢⴰⵡⵙ ⴳ ⵓⵙⴱⵓⵖⵍⴰ ⵏⵏⵙ, ⴷ ⵓⵙⴷⵓⵙ ⵏ ⵜⵎⵢⵉⵎⴰⵏⵜ ⵏ ⵉⴷ ⴱⴰⴱ ⵏ ⵓⵙⵙⴰⵔⵓ, ⵍⵍⵉ ⵉⵟⵟⴰⴼⵏ ⵉⵙⵍⴳⵏⵏ ⵣⵣⵉⴳⵣⵏⵉⵏ ⵕⵥⵎⵏⵉⵏ ⴳ ⵢⵉⴳⵔ ⵏ ⵓⵙⵙⴰⵔⵓ ⵍⵍⵉ ⵉⵙⵏⴳⴰⴷⴷⴰ ⵓⵎⵇⵇⵏ ⴰⵏⴰⵎⵓⵔ ⵍⵍⵉ ⵎⵓ ⵜⵙⵙⵏⵎ ⴰⵅⵎⵎⴻⵎ ⵏⵏⵙ ⴰⴽⴽⵯ. 
ⵓⵔ ⵙⵖⴰⵡⵙⴰⵖ ⴰⴷⴷ ⵙⵙⴽⵯⵜⵉⵖ ⴰⵜⵉⴳ , ⵉⵣⵣⵔⴰⴼⵏ ⴳ ⵓⴱⵓⵖⵍⵓ ⵏ ⴽⵔⴰⵢⴳⴰⵜ ⵜⴰⵎⴰⵣⵉⵔⵜ ⴳ ⵓⵎⵏⵉⴷ ⵏ ⵓⵙⵙⴰⵔⵓ, ⵎⴰⵛ ⵉⵇⵇⴰⵏⴷ ⴰⴷ ⴽⵯⵜⵉ ⵎⴰⵙ ⵏⵍⵍⴰ ⴷⴰⵜ ⵏ ⵓⵎⵃⵉⵣⵡⴰⵔ ⴰⴳⵔⴰⵖⵍⴰⵏ ⵉⴷⵓⵙⵏ ⴳ ⵓⵎⵏⵉⴷ ⵏ ⵓⵙⵙⴰⵔⵓ ⵏ ⵜⵥⴹⴰⵕⵉⵏ. ⵙ ⵓⵙⴷⴷⴻⴷ, ⵜⴰⵎⴰⵣⵉⵔⵜ ⵏⵏⵖ ⵜⵙⴽⵔ ⵉⵎⵓⴽⵏⵏ ⵉⴷⵙⵜⴰⵔⵏ ⴷ ⵉⵎⵔⵙⵍⴰⵏⵏ ⵍⵍⵉ ⵜⵙⵖⵣⵏ, ⵜⵉⵡⵉ ⵓⵍⴰ ⴰⵙⴷⵖⵔ ⴰⴳⵔⴰⵖⵍⴰⵏ, ⴷ ⵜⵎⵢⵉⵎⴰⵏⵜ ⵏ ⵜⵔⴰⴱⴱⵓⵜ ⵜⴰⴳⵔⴰⵖⵍⴰⵏⵜ ⴳ ⵜⵙⵔⵜⴰⵢ ⵏⵏⵙ ⴷ ⵜⵙⵓⵍⴰⵏⵜ ⵏ ⵎⴰⴷ ⵜⵙⴽⴰⵔ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴷ ⵜ ⵉⵏⵚⵕ ⵕⴱⴱⵉ, ⴰⵢⵍⵍⵉ ⵉⵙⴽⵔⵏ ⴰⵎⵓⴽⵏ ⵏ ⵓⵏⴳⵔⴰⵡ ⵏ ⵜⵣⵔⴼⵜ, ⴷ ⵓⵙⵕⵚⵓ ⵏ ⵜⵙⵉⵎⴰⵏⵜ ⵏ ⵜⵏⴱⴰⴹⵟ ⵜⴰⵣⵣⵔⴰⴼⵜ, ⴳⵉⵏ ⵉⵥⵎⵓⵥⵥⴰⵍ ⴼⴰⵡⵏⵉⵏ ⴳ ⵓⵙⵕⵚⵓ ⵏ ⵜⵎⵢⵉⵎⴰⵏⵜ ⴳ ⵜⵎⵔⵙⴰⵍ ⴳ ⵓⵙⵡⵉⵔ ⴰⴳⵯⵏⵙⴰⵏ ⴷ ⵡⵉⵏ ⴱⵕⵕⴰ. 
ⵉⵇⵇⴰⵏ ⴷ ⴰⴷ ⵏⴼⵔⴽ ⴳ ⵓⵎⵏⵉⴷ ⴰⴷ ⵎⴰⵙ ⴷ ⴰⵎⵓⴽⵏ ⵏ ⵜⵣⵔⴼⵜ ⵉⵍⵍⴰ ⵙ ⵓⴼⵔⴰⴳ ⴰⴳⵍⴷⴰⵏ ⴰⵎⴰⵜⵜⵓⵢ, ⵎⴽ ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⴰⵎⴷ ⵡⵉⵙ ⵚⴹⵉⵚ ⵍⵍⵉ ⵉⵙⵎⴷ ⵉ “ⵡⴰⵏⴰⵍⴽ ⴰⵎⴰⵢⵏⵓ ⵏ ⵜⵏⴱⴰⴹⵜ” , “ⴰⵏⴰⵎⴽ ⴰⵎⴰⵢⵏⵓ ⵏ ⵓⵎⵓⴽⵏ ⵏ ⵜⵣⵔⴼⵜ ⵍⵍⵉ ⵉⴳⴰⵏ ⴰⴷ ⵜⵉⵍⵉ ⵜⵣⵔⴼⵜ ⴳ ⵜⵏⴰⴼⵜ ⵏ ⵓⵏⵎⵓⵔⵉ”.
ⴼⵔⴽⵖ ⵎⴰⵙ ⴷ ⵜⴰⵎⵏⵏⴰⵡⵜ ⵏ ⵉⵎⴷⵔⴰⵡⵏ ⴳ ⵓⵏⵎⵓⵇⵇⴰⵔ ⴰⴷ ⴷ ⵜⵎⵏⴰⴳⴰⵔⵜ ⵏ ⵉⵙⵎⴰⵇⵇⵍⵏ ⴷ ⵜⵎⵢⴰⴷⴰⵙⵉⵏ ⵍⵍⵉ ⵔⴰⴷ ⵉⵜⵜⵓⵙⵎⵏⵉⴷ ⴳ ⵓⵏⵎⵓⵇⵇⴰⵔ ⴰⴷ, ⵔⴰⴷ ⵙⴱⵓⵖⵍⵓⵏⵜ ⴰⵎⴹⴰⴽⴰⵕ ⴰⴳⴷⵓⴷⴰⵏ ⴼ ⵓⵙⵍⴳⵏ ⴰⵏⴰⵎⵎⴰⵙ ⵍⵍⵉ ⴰⴽⴽⵯ ⵉⵔⴰ ⵡⴰⵎⵓⵏ ⴰⵎⵖⵔⵉⴱⵉ, ⴰⵢⵍⵍⵉ ⵔⴰⴷ ⴰⵖ ⵢⴰⵊⵊ ⵏⴽⴽⵏⵉ ⵉⴳⵎⴰⵎⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵍⵍⵉⵖ ⵏⴳⴰ ⵉⵎⵣⵣⵔⴰⴼⵏ, ⵃⵎⴰ ⴰⴷ ⵏⵙⵙⵏ ⵉⵅⵎⵎⵉⵎⵏ ⵏ ⵉⴷ ⴱⴰⴱ ⵏ ⵜⵣⵣⵓⵍⵉⵏ ⴷⴼⴼⵉⵔ ⵏ ⵓⵙⵙⴼⵍⴷ ⵉ ⵎⴰⵕⵕⴰ ⵉⵎⴷⵔⴰⵡⵏ. 
ⵙⵉⵜⵉⵎⵖ ⴰⵎⵓⵔⵙ ⵉ ⵜⵡⵓⵔⵉⵡⵉⵏ ⵏⵏⵓⵏ, ⴰⵔ ⴽⵯⵏ ⵙⵏⵉⵎⵎⵉⵔⵖ ⴼ ⵓⵙⴼⵍⴷ ⵏⵏⵓⵏ”.