ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⴽⵕⴰⴹ ⵉⵙⵏⴼⴰⵔⵏ ⵏ ⵉⵙⵍⴳⵏⵏ ⴼ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵓⵣⵓⵛⵛⵍ ⴰⵎⴳⵓⵔⴰⵏ ⴷ ⵉⵖⵔⵔⵓⴱⴰ ⵏ ⵜⴳⵯⵎⵔⵜ

ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵜⵓⴳⵜ, ⴰⵢⵏⴰⵙ 29 ⵉⵏⵏⴰⵢⵔ 2024, ⴽⵕⴰⴹ ⵉⵙⵏⴼⴰⵔⵏ ⵏ ⵉⵙⵍⴳⵏ ⴼ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵉⵖⵔⵔⵓⴱⴰ ⴷ ⵜⵎⴳⵓⵔⵉ, ⴳ ⵜⵖⵉⵎⵉⵜ ⵜⴰⵣⵣⵔⴰⴼⵜ ⵍⵍⵉ ⵉⵙⵙⵉⵅⴼ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵙ ⵜⵉⵍⵉⵜ ⵏ ⵎⴰⵙⵙ ⵛⴰⴽⵉⴱ ⴱⵏⵎⵓⵙⴰ ⴰⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵙⵍⵎⴷ ⴰⵎⵏⵣⵓ ⴷ ⵜⵓⵏⵏⵓⵏⵜ, ⴷ ⵎⴰⵙⵙⴰ ⵖⵉⵜⴰ ⵎⵣⵣⵓⵔ ⵜⴰⵎⴰⵡⵙⴰⵙⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵎⵓⴽⵏ ⵏ ⵜⵎⵙⵙⵓⴳⵓⵔⵜ, ⴷ ⵎⴰⵙⵙ ⵎⵓⵚⵟⴰⴼⴰ ⴱⴰⵢⵜⴰⵙ ⴰⵎⴰⵡⵙⴰⵙ ⵉⵜⵜⵓⵙⵎⴰⴳⴰⵍⵏ ⵙ ⵜⵣⴷⴰⵢⵉⵏ ⴷ ⵓⴱⵕⵍⴰⵎⴰⵏ ⴰⵙⵙⵉⵡⵍ ⴰⵎⴰⴷⴷⵓⴷ ⵙ ⵉⵙⵎ ⵏ ⵜⵏⴱⴰⴹⵜ. 

ⵉⵜⵜⵓⵙⵖⵣⴰⵏ ⵓⵙⵏⴼⴰⵔ ⵏ ⵓⵙⵍⴳⵏ  03.24 ⵉ ⵓⵙⵏⴼⵍ ⵏ ⵓⵙⵍⴳⵏ 07.00 ⴼ ⵢⴽⴰⴷⵉⵎⵉⵢⵉⵏ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ, ⵍⵍⵉ ⴼ ⵉⴱⴷⴷ ⵓⵙⵏⴼⴰⵔ ⵏ ⵓⵏⴳⵔⴰⵡ ⴰⴷⵙⵍⴰⵏ ⴰⵎⴰⵢⵏⵉ ⵉⵥⵍⵉⵏ ⵙ ⵉⵎⵙⵡⵓⵔⵉⵢⵏ ⵏ ⵜⵎⴰⵡⵙⴰⵜ ⴰⴷ, ⵉⵜⵜⵓⵙⴽⴰⵔⵏ ⵙ ⵜⵎⵢⴰⴷⴰⵙⵜ ⵏ ⵜⵎⴰⴷⵔⴰⵡⵜ ⴰⴽⴷ ⵉⵎⵓⵍⵍⵉⵜⵏ ⵏ ⵉⵙⵙⵍⵎⴷ ⴷ ⵜⵙⵇⵇⵉⵎⵜ ⵜⴰⵎⴰⵡⵙⴰⵙⵜ ⵜⴰⴼⴽⵕⴰⴹⵜ. 

ⵉⵣⴷⵉ ⵓⴹⵕⵉⵚ ⴰⴷ ⴷ ⵓⵣⵣⴳⵉⵔ ⵏ ⵓⵙⵍⴳⵏ-ⴰⵙⴰⵜⵉ 51.17 ⴼ ⵓⵏⴳⵔⴰⵡ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵓⵔⵣⵣⵓ ⴰⵎⴰⵙⵙⴰⵏ ⴳ ⵉⵍⵍⴰ ⵓⵙⵎⴰⵢⵏⵓ ⵏ ⵜⵣⵣⵓⵍⵜ ⵏ ⵓⵙⵙⵍⵎⴷ ⴷ ⵓⵙⵎⵓⵜⵜⴳ ⴷ ⵓⵙⵡⵓⴷⴷⵓ, ⴷ ⵓⵎⵙⴰⵙⴰ ⵏ ⵉⵏⴳⵔⴰⵡⵏ ⵉⴷⵙⵍⴰⵏⵏ ⵍⵍⴰⵏⵉⵏ, ⴷ ⵜⵡⵉⵣⵉ ⵏ ⵎⴰⵕⵕⴰ ⵉⵎⵙⴽⴰⵔⵏ ⴳ ⵓⵙⴽⵔ ⵏ ⵉⵡⵜⵜⴰⵙ ⵏ ⵓⵎⵓⴽⵏ ⴰⵙⴳⵎⴰⵏ, ⵙ ⵎⴰⴷ ⵉⵣⴷⵉⵏ ⵊⴰⵔ ⵉⵣⵔⴼⴰⵏ ⴷ ⵉⵣⵓⵛⵛⵍⵏ, ⴷ ⵓⵙⵎⵀⵍ ⵏ ⵡⴰⵏⴰⵡ ⵓⵏⴳⵉⵎ ⴰⵎⴰⵢⵏⵓ ⵏⵜ ⵜⴳⵍⴷⵉⵜ. 

ⵙ ⵓⵙⵍⴳⵏ ⴰⴷ, ⵉⵜⵜⵓⴼⴽⴰ ⵓⴼⵔⵉⵙ ⵏ “ⵓⵎⵙⵖⴰⵏ” ⵉ ⴽⵓ ⵉⵎⵙⵖⴰⵏⵏ ⵏ ⵜⵎⴰⵡⴰⵙⵜ ⴰⵡⴷ ⵡⵉⵍⵍ ⴼ ⵉⵍⵍⴰ ⵓⵙⵍⴳⵏ 07.00 ⵏ ⵜⴽⴰⴷⵉⵎⵉⵢⵉⵏ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⵍⵍⵉ ⵉⵜⵜⵓⵙⵏⴼⴰⵍⵏ, ⴰⵢⵍⵍⵉ ⵉⴳⴰⵏ ⵜⴰⵎⵔⴰⵔⵓⵜ ⵉ ⴽⵉⴳⴰⵏ ⵏ ⵉⵎⵙⵖⴰⵏⵏ ⵏ ⵜⵎⴰⵡⴰⵙⵜ, ⵉⵙⴰⵜⵉⵢⵏ ⵏ ⵜⴽⴰⴷⵉⵎⵉⵢⵉⵏ ⴳ ⵎⴰⴷ ⵉⵣⵔⵉⵏ. 

ⵉⵜⵜⵓⵙⵖⵣⴰⵏ ⵓⵙⵏⴼⴰⵔ ⵏ ⵓⵙⵍⴳⵏ 56.23 ⵙ ⵡⴰⵍⴰⵙ ⵏ ⵓⵎⵏⵏⵉ 43 ⵏ ⵓⵙⵍⴳⵏ 19.94 ⴼ ⵜⵙⴳⴳⵉⵡⵉⵏ ⵏ ⵓⵣⵓⵛⵛⵍ ⴰⵎⴳⵓⵔⴰⵏ, ⵍⵍⵉ ⴷ ⵢⵉⵡⵉⵏ ⴰⵍⴰⵙ ⵏ ⵜⵉⵔⵔⴰ ⵏ ⵓⵎⵏⵏⵉ 43 ⵏ ⵓⵙⵍⴳⵏ 19.94 ⴼ ⵜⵙⴳⴳⵉⵡⵉⵏ ⵏ ⵓⵣⵓⵛⵛⵍ ⵎⴳⵓⵔⴰⵏ, ⵃⵎⴰ ⴰⴷ ⵢⵉⵍⵉ ⵓⵎⵙⴰⵙⴰ ⴰⴽⴷ ⴰⵙⵍⴳⵏ ⴰⵙⴰⵜⵉ 03.22 ⵉⴳⴰⵏ ⴰⵎⵇⵇⵏ ⵏ ⵓⵙⵙⴰⵔⵓ ⴷ ⵓⵙⵍⴳⵏ ⴰⵙⴰⵜⵉ 19.69 ⴼ ⵓⵎⵓⴽⵏ ⵏ ⵉⵔⴳⴰⵢⵏ. 

ⵙ ⵓⵙⵍⴳⵏ ⴰⴷ, ⵔⴰⴷ ⴰⵡⵉⵏ ⵉⵙⵏⴼⴰⵔⵏ ⵜⵜⵓⵙⴽⴰⵔⵏⵉⵏ ⴳ ⵜⵙⴳⴳⵉⵡⵉⵏ ⵏ ⵓⵣⵓⵛⵛⵍ ⴰⵎⴳⵓⵔⴰⵏ ⴰⵙⵏⴰⵍ ⵉⵜⵜⵓⴱⴷⴰⵔⵏ ⴳ ⵓⵎⵇⵇⵏ ⵏ ⵓⵙⵙⴰⵔⵓ, ⵢⴰⵍⵍ ⵉⵍⴰ ⴰⵏⵛⴽ ⵏ ⵉⵙⵏⴼⴰⵔⵏ ⴰⴷ. 

ⵉⵜⵜⵓⵙⵖⵣⴰⵏ ⵓⵙⵏⴼⴰⵔ ⵏ ⵓⵙⵍⴳⵏ 57.22 ⵉ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⵙⵍⴳⵏ 59.14 ⴼ ⵎⵙⵓⵖⵜ ⵏ ⵉⵖⵔⵔⵓⴱⴰ ⵏ ⵜⴳⵯⵎⵔⵜ ⴷ ⵓⵚⴽⵓ ⵏⵏⵙⵏ, ⴳ ⵓⵙⴰⵜⵉ ⵏ ⵓⵎⵓⴽⵏ ⵏ ⵉⵙⵍⴳⵏⵏ ⵏ ⵢⵉⴳⵔ ⵏ ⵜⴳⵯⵎⵔⵜ ⵜⴰⵢⵍⴰⵏⵜ, ⴷ ⵓⵙⴷⵓⵙ ⵏ ⵉⵎⴰⵙⵙⵏ ⵏ ⵡⴰⵔⴰⵢ ⵙⴳ ⵜⴳⵯⵎⵔⵜ ⵜⴰⵔⴰⵍⴳⵉⵏⵜ ⴷ ⵓⵙⴱⴷⴷⵉ ⵏⵏⵙ, ⵙ ⵓⵙⴱⴷⴷⵉ ⵏ ⵓⵚⴽⵓ ⵏ ⵉⵖⵔⵔⵓⴱⴰ ⵏ ⵜⴳⵯⵎⵔⵜ ⴷ ⵓⵙⵏⴼⵍ ⴷ ⵓⵚⴽⵓ ⵏⵏⵙ ⵜⴰⵔ ⵜⵓⵔⴰⴳⵜ ⵙⴳ ⵜⵏⴱⴰⴹⵜ ⵉⵜⵜⵓⵙⵎⴰⴳⴰⵍⵏ ⵙ ⵜⴳⵯⵎⵔⵜ ⵜⴰⵢⵍⴰⵏⵜ. 

ⵢⵉⵡⵉ ⴷ ⵓⵙⵍⴳⵏ ⴰⴷ ⵜⵉⵏⴼⴳⵓⵔⵉⵏ ⵣⴷⵉⵏⵉⵏ ⴷ ⵓⵚⴽⵓ ⵏ ⵉⵖⵔⵓⴱⴰ ⵜⴰⵔ ⵜⵓⵔⴰⴳⵜ ⵙⵍⵡⴰⵏ ⴰⴽⴽⵯ ⵉⵖⵔⵔⵓⴱⴰ ⵏ ⵜⴳⵯⵎⵔⵜ ⵜⴰⵇⴱⵓⵔⵜ, ⴷ ⵓⵙⵔⵙ ⵏ ⵡⴰⴷⴷⴰⴷ ⵏ ⵓⵖⵓⵍ ⵏ ⵉⴱⴽⴽⴰⴷⵏ ⵜⵜⴰⵡⴱⴷⴰⵔⵏⵉⵏ ⴳ ⵓⵙⵍⴳⵏ ⴰⴷ, ⴷ ⵓⵙⵉⵙⴼⵉⵡ ⵏ ⵜⴱⵔⵉⴷⵜ ⵏ ⵓⴽⵓⵙ ⵏ ⵉⵖⵔⵔⵓⴱⴰ ⴰⵔⵓⵍⴳⵉⵏⵏ, ⴷ ⵓⵙⵔⵙ ⵏ ⵜⵍⴳⴰⵎⵜ ⵏ ⵉⵙⴰⵡⵓⵔⵏ ⵏ ⵉⵖⵔⵔⵓⴱⴰ ⵏ ⵜⴳⵎⵔⵜ ⵙⴳ ⵜⵎⵙⵙⵓⴳⵓⵔⵜ ⵉⵥⵍⵉⵏ.