ⵜⴰⵙⵎⵓⵏⵉ ⵏ ⵜⵙⵇⵇⵉⵎⵜ ⵏ ⵜⵉⴹⴰⴼ ⵏ ⵜⴷⵔⵉⵎⵜ ⵜⴰⵎⴰⵜⴰⵢⵜ ⴼ ⵓⵏⵇⵇⵉⵙ ⵏ ⵓⵣⵣⵔⴰⵢ ⵏ ⵓⵖⴰⵡⴰⵙ ⴰⵏⴰⵎⵓⵔ: "ⵜⵉⵎⴷⵉⵏⵉⵏ ⵜⴰⵔ ⴰⵇⵥⴹⵉⵕ"

ⵜⵙⵏⵎⴰⵍⴰ ⵜⵙⵇⵇⵉⵎⵜ ⵏ ⵜⵉⴹⴰⴼ ⵏ ⵜⴷⵔⵉⵎⵜ ⵜⴰⵎⴰⵜⴰⵢⵜ ⵜⴰⵙⵎⵓⵏⵉ ⵍⵍⵉ ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵎⴰⵙⵙ ⵉⴷⵔⵉⵙ ⵄⴰⴷⴰⵡⵉ ⵚⵇⵇⵍⵍⵉ ⴰⵙⵙ ⵏ ⵓⵙⵉⵏⴰⵙ 23 ⵢⵓⵏⵢⵓ 2020, ⵜⵥⵍⵉ ⵉ ⵓⵙⵙⴼⵍⴷ ⵉ ⵓⵏⵇⵇⵉⵙ ⵏ ⵓⵣⵣⵔⴰⵢ ⵏ ⵓⵖⴰⵡⴰⵙ ⴰⵏⴰⵎⵓⵔ: "ⵜⵉⵎⴷⵉⵏⵉⵏ ⵜⴰⵔ ⴰⵇⵥⴹⵉⵕ", ⵍⵍⵉ ⵜⵙⴽⵔ ⵜⵙⵏⴱⴹⴰⵢⵜ ⵏ ⵓⵙⵉⴹⵏ, ⵙ ⵜⵓⵜⵔⴰ ⵏ ⵜⵙⵇⵇⵉⵎⵜ ⵙ ⵓⵎⵙⴰⵙⴰ ⴷ ⵓⵎⵏⵏⵉ 148 ⵙⴳ ⵓⴷⵓⵙⵜⵓⵔ.

ⵉⴳⴰ ⵓⵏⵇⵇⵉⵙ ⴰⴷ ⵍⵍⵉ ⵉⵙⵎⵏⵉⴷ ⵎⴰⵙⵙ ⵉⴷⵔⵉⵙ ⵊⵟⵟⵓ ⴰⵏⵙⵙⵉⵅⴼ ⴰⵎⵣⵡⴰⵔⵓ ⵏ ⵜⵙⵏⴱⴹⴰⵢⵜ ⵏ ⵓⵙⵉⴹⵏ ⴳ ⵓⵖⴰⵡⴰⵙ ⴰⵙⴳⵯⵙⴰⵏ ⵏ ⵜⵡⵓⵔⵉ ⵏ ⵜⵙⵇⵇⵉⵎⵜ ⵏ ⵜⵉⴹⴰⴼ ⵏ ⵜⴷⵔⵉⵎⵜ ⵜⴰⵎⴰⵜⴰⵢⵜ.

ⵢⵉⵡⵉ ⴷ ⵓⵙⵎⵏⵉⴷ ⵉⵙⵉⵙⴼⵉⵡⵏ ⴼ ⵉⵡⵜⵜⴰⵙⵏ ⵏ ⵜⵙⵎⵉⴳⵍⵜ ⵏ ⵜⵉⴹⴰⴼ ⵍⵍⵉ ⵜⵙⴽⵔ ⵜⵙⵏⴱⴹⴰⵢⵜ ⵏ ⵓⵙⵉⴹⵏ, ⵙ ⵓⵎⵙⴰⵙⴰ ⴷ ⵉⵙⵇⵙⵉⵜⵏ ⵉⴱⵕⵍⴰⵎⴰⵏⵉⵢⵏ ⵍⵍⵉ ⵜⴼⴽⴰ ⵜⵙⵇⵇⵉⵎⵜ ⵉ ⵓⵙⴽⵔ ⵏ ⵓⵏⵇⵇⵉⵙ ⴰⴷ, ⵙ ⵓⵣⵣⵔⴰⵢ ⵏ ⴽⵓ ⵓⴷⵎⴰⵡⵏ ⵏ ⵓⵖⴰⵡⴰⵙ: ⴰⵙⵖⵉⵡⵙ, ⵜⵉⵢⴰⴼⵓⵜⵉⵏ, ⵉⵎⴰⵙⵙⵏ ⵏ ⵓⵣⵣⴳⵉⵔ, ⵉⴷⵔⵉⵣⵏ ⴼ ⵉⵎⵣⴷⴰⵖⵏ ⵍⵍⵉ ⵎⵓ ⵉⵚⴰⵃⴰ. ⵜⴼⵙⵉ ⵜⵙⵎⵉⴳⵍⵜ ⴰⴷ ⵓⵍⴰ ⴰⵎⵙⴰⵙⴰ ⵏ ⵜⵎⵔⴰⵔⵓⵜⵉⵏ ⵍⵍⵉ ⴷ ⵢⵉⵡⵉ ⵓⵖⴰⵡⴰⵙ ⵉ ⵜⵎⵓⴽⵔⵉⵙⵜ ⵏ ⵜⵣⴷⵓⵖⵉⵏ ⵏ ⵓⵇⵥⴹⵉⵕ, ⴷ ⵓⵎⵙⴰⵙⴰ ⵏ ⵉⵎⴰⵙⵙⵏ ⵏ ⵜⵡⵓⵔⵉ ⵏⵏⵙ ⴷ ⵡⴰⵏⴰⵡ ⴷ ⵡⴰⵥⴰⵕ ⵏ ⵜⵎⵓⴽⵔⵉⵙⵜ, ⵖⵎⴽ ⴰⵏⵏ ⴷ ⵓⵣⵣⵔⴰⵢ ⵏ ⵓⵖⴰⵡⴰⵙ ⵏ ⵓⵏⵢⴰⵍⴰⴽⵎ ⵏⵏⵙ ⴰⴽⴷ ⵉⵖⴰⵡⴰⵙⵏ ⵢⴰⴹⵏⵉⵏ, ⵙ ⵓⵙⴼⵙⵉ ⵏ ⵓⵙⵎⴰⴷ ⵏ ⵜⵎⵙⴽⴰⵔ ⵏⵏⵙ ⴷ ⵉⵏⴳⵔⴰⵡⵏ ⵏ ⵜⵉⴹⴰⴼ ⴷ ⵉⵙⵡⵓⴷⴷⵓⵜⵏ ⵏ ⵡⴰⵔⴰⵢ ⵍⵍⴰⵏⵉⵏ.

ⵉⴱⴷⴷ ⵓⵣⵣⵔⴰⵢ ⴼ ⵓⵙⵖⵉⵡⵙ ⴰⴷⵖⴰⵔⴰⵏ ⴷ ⵜⵎⵢⴰⵇⵇⴰⵏⵉⵏ ⵏ ⵓⵙⵙⵥⵕⴼ ⴷ ⵓⵣⵣⴳⵉⵔ, ⴷ ⵉⵙ ⵉⵍⵍⴰ ⵓⵣⵣⴳⵉⵔ ⵏⵏⵙ ⵙ ⵓⵎⵙⴰⵙⴰ ⴷ ⵉⵎⵏⵣⴰⵢⵏ ⵏ ⵜⵙⵓⴳⵔⵜ ⴷ ⵜⵉⵕⵡⵉ, ⴷ ⵓⵣⵣⵔⴰⵢ ⵏ ⵓⵏⴱⴰⴹ ⵏ ⵓⵖⴰⵡⴰⵙ ⴷ ⵓⵏⴳⵔⴰⵡ ⵏ ⵜⵉⴹⴰⴼ ⴷ ⵓⴹⴼⵕ ⵍⵍⵉ ⵙⵔⵙ ⵉⵥⵍⵉⵏ, ⴷ ⵓⵙⴼⵙⵉ ⵏ ⵉⵎⴰⵙⵙⵏ ⵉⵥⵕⴼⴰⵏⵏ ⴷ ⵉⵖⴰⵡⴰⵙⵏ ⵏ ⵓⵙⵙⵥⵕⴼ ⵍⵍⴰⵏⵉⵏ ⴷ ⵜⵙⵓⵍⵜ ⵏⵏⵙⵏ, ⴷ ⵓⵙⴼⵙⵉ ⵏ ⵓⵙⵓⵔⵙ ⵏ ⵉⴽⴰⵍⵉⵡⵏ ⵥⵍⵉⵏⵉⵏ ⵙ ⵓⵖⴰⵡⴰⵙ.

ⵉⵙⵙⵏⵜⵉ ⵓⵖⴰⵡⴰⵙ ⵏ "ⵜⵉⵎⴷⵉⵏⵉⵏ ⵜⴰⵔ ⴰⵇⵥⴹⵉⵕ" ⵖ 2004, ⵖ ⵓⵙⴰⵜⵉ ⵏ ⵜⵙⵔⵜⵉⵜ ⵏ ⵓⵡⴰⵏⴽ  ⵖ ⵢⵉⴳⵔ ⵏ ⵜⵣⴷⵓⵖⵜ, ⵙ ⵉⵙⵡⴰⵍⴰⵢⵏ ⵉⴳⵍⴷⴰⵏⵏ ⴰⵜⵜⵓⵢⵏⵉⵏ, ⴷ ⴽⵉⴳⴰⵏ ⵏ ⵉⵙⵉⵡⴹⵏ ⵓⵏⴱⵉⴹⵏ, ⴷ ⵓⵎⵙⴰⵙⴰ ⴷ ⵉⵡⵜⵜⴰⵙⵏ ⵏ ⵜⴳⵎⵉ ⵜⴰⵙⵓⵍⴰⵏⵜ ⵖ ⵜⴽⵛⵎ ⵜⵎⴰⵣⵉⵔⵜ ⵏⵏⵖ. ⵉⵡⴰⵜⵜⵙ ⵓⵖⴰⵡⴰⵙ ⴰⴷ ⴰⵃⵉⵢⵢⴷ ⵏ ⴽⵓ ⵜⵓⵣⴷⵓⵖⵉⵏ ⵏ ⵓⵇⵥⴹⵉⵕ ⵖ ⴽⵓ ⵜⵉⵎⴷⵉⵏⵉⵏ ⵏ ⵍⵎⵖⵔⵉⴱ ⵖ 2010 (ⵏⵖ ⴰⴷ ⵉⴳ ⵖⴰⵙ ⵢⴰⵏ  ⵡⴰⴽⵉⵏ ⵎⵥⵥⵉⵏ) ⴷ ⵓⵙⵎⴽⵍ  ⵏ 217.000 ⵏ ⵜⵓⵡⵊⴰ ⵖ 70 ⵏ ⵜⵎⴷⵉⵏⵜ ⴷ ⵡⴰⵎⵎⴰⵙ ⴰⵖⵔⵎⴰⵏ.ⴰⵔ ⵜⵉⴳⵉⵔⴰ ⵏ 2018, ⵉⵣⵣⵉⴳⵣ ⵓⴽⴰⵏ ⵓⵖⴰⵡⴰⵙ ⴰⴷ, ⵢⵓⵎⴰ 472.700 ⵏ ⵜⵓⵡⵊⴰ ⵖ 85 ⵏ ⵜⵎⴷⵉⵏⵜ ⴷ ⵡⴰⵎⵎⴰⵙ ⴰⵖⵔⵎⴰⵏ.

ⵖ ⵡⴰⵜⵉⴳ ⵏ ⵓⵖⴰⵡⴰⵙ ⴷ ⵉⴷⵔⵉⵣⵏ ⵏⵏⵙ, ⴼⴼⵖⵏⵜ ⵜⴰⵏⵏⴰⵢⵉⵏ ⵏ ⵜⵙⵏⴱⴹⴰⵢⵜ ⵏ ⵓⵙⵉⴹⵏ ⵎⴰⵙ ⴷ ⵜⵓⵣⴷⵓⵖⵉⵏ ⵏ ⵓⵇⵥⴹⵉⵕ ⴳⴰⵏⵜ ⵢⴰⵜ ⵜⵎⵓⴽⵔⵉⵙⵜ ⵉⵛⴷⴷⴰ ⴰⴷ ⵜⵜⵓⵃⵉⵢⵢⵉⴷ, ⴷ ⵓⵙⵖⵓⴷⵓ ⵏ ⵜⵎⵙⵓⵜⵍⵉⵏ ⵏ ⵜⵓⴷⵔⵜ ⵏ ⵜⴰⵡⵊⵉⵡⵉⵏ ⵛⵃⴰⵏⵉⵏ ⵓⵔ ⴱⴰⵀⵔⴰ ⵉⵙⵎⴷ ⵍⵍⵉⵖ ⵉⵍⵍⴰ ⵙ ⵜⵓⵍⴰⴼⵜ ⵜⴰⵙⵉⵍⴰⵏⵜ ⴼ ⵜⵣⴷⵓⵖⵜ. ⵖⵎⴽ ⵍⵍⵉ ⵍⵍⴰⵏⵜ ⵜⵎⵓⴽⵔⵉⵙⵉⵏ ⵖ ⵓⵚⴽⵓ ⴰⵏⵉⵎⴰⵏ ⵏ ⵉⴽⴰⵍⵉⵡⵏ ⵜⵜⵓⴼⴽⴰⵏⵉⵏ, ⴷ ⵓⵔ ⵜⵜⵓⵙⴽⴰⵔⵏ ⵉⵡⵜⵜⴰⵙⵏ ⵣⴷⵉⵏⵉⵏ ⴷ ⵜⵡⵓⵔⵉⵡⵉⵏ ⵏ ⵜⵓⵚⴽⴰⵡⵜ ⵜⴰⵎⴰⵢⵏⵓⵜ, ⵉⵍⵉⵏⵜ ⵜⵎⵓⴽⵔⵉⵙⵉⵏ ⵓⵍⴰ ⵖ ⵓⵙⵡⵓⴷⴷⵓ ⵏ ⵜⵡⵓⵔⵉ ⵏ ⴷⴰⵜ ⵏ ⵓⵙⵎⴰⵜⵜⵉ ⴷ ⵓⵙⵙⵣⴷⵖ ⵏ ⵉⵡⴷⴰⵏ ⵉⵎⵏⵜⴰⵢⵏ.  

ⵜⵣⵎⵎⵉⵎ ⵜⵙⵏⴱⴹⴰⵢⵜ ⵏ ⵓⵙⵉⴹⵏ ⵎⴰⵙ ⵓⵔ ⵜⵙⵇⵇⵉⵇ ⵜⵡⵓⵔⵉ ⵏ ⵓⵙⵖⵉⵡⵙ, ⴷ ⵓⵔ ⵜⵜⵔⵙⵏⵜ ⵜⵎⴰⵙⴰⵢⵉⵏ ⵏ ⵉⵎⵙⴽⴰⵔⵏ, ⴷ ⵓⵔ ⴷⵓⵙⵏⵜ ⵜⴳⵔⴰⵡⵉⵏ ⵏ ⵓⵏⴱⴰⴹ, ⵉⵍⵉⵏⵜ ⵜⵎⵓⴽⵔⵉⵙⵉⵏ ⵖ ⵓⵙⵡⵉⵔ ⵏ ⵓⴹⴼⵕ ⴷ ⵓⵣⵣⵔⴰⵢ ⵏ ⵓⵖⴰⵡⴰⵙ.

ⵖ ⵜⵉⵕⵡⵉ ⵏ ⵓⵖⴰⵡⴰⵙ, ⵜⵣⵎⵎⵉⵎ ⵜⵙⵏⴱⴹⴰⵢⵜ ⵏ ⵓⵙⵉⴹⵏ, ⵎⴰⵙ ⵓⵔ ⵉⵕⵡⵉ ⵓⵖⴰⵡⴰⵙ ⵏ ⵓⵙⵙⵥⵕⴼ ⵍⵍⵉ ⵉⵍⴽⵎⵏ ⵜⵜⵎⵉ ⵏⵏⵙ, ⵓⵔ ⵉⵍⵍⵉ ⵓⵍⴰ ⵉⵎⵉⵥ ⵏ ⵉⵙⵓⵖⴰⵍ ⵏ ⵓⵙⵙⵥⵕⴼ ⵏ ⵜⵡⵓⵔⵉⵡⵉⵏ.

ⵜⵣⵎⵎⵉⵎ ⵜⵙⵏⴱⴹⴰⵢⵜ ⵏ ⵓⵙⵉⴹⵏ ⵜⵉⵎⵓⴽⵔⵉⵙⵏ ⵏ ⵓⵙⵡⵓⴷⴷⵉ ⵏ ⵉⴽⴰⵍⵉⵡⵏ ⵏ ⵓⵖⴰⵡⴰⵙ ⵍⵍⵉ ⴱⴰⵀⵔⴰ ⴷⵔⵓⵙⵏⵉⵏ ⴷⴰⵜ ⵏ ⵉⵙⵖⴰⵡⴰⵙⵜⵏ, ⵖⵎⴽ ⵍⵍⵉ ⵓⵔ ⵍⵍⵉⵏⵜ ⵜⵣⵔⴰⵡⵉⵏ ⵜⵉⵏⴰⴽⴰⵍⵉⵏ ⵙⵙⵉⵙⴼⵉⵡⵏⵉⵏ ⵜⵉⵎⵓⴽⵔⵉⵙⵉⵏ, ⵉⵍⵉⵏⵜ ⵓⵍⴰ ⵜⵎⵓⴽⵔⵉⵙⵉⵏ ⵣⴷⵉⵏⵉⵏ ⴷ ⵜⵎⵙⵖⵉⵡⵜ ⵏ ⵉⴽⴰⵍⵉⵡⵏ, ⴷ ⵓⵙⵔⵙ ⵓⵔ ⵉⴳⴰⴷⴷⴰⵏ ⵏ ⵉⴽⴰⵍⵉⵡⵏ ⵙ ⵢⴰⵜ ⵜⵢⴰⴼⵓⵜ ⵜⴰⴷⵎⵙⴰⵏⵜ ⵉⵛⵃⴰⵏ.

ⵙ ⵓⵎⴰⵜⴰ, ⵜⵣⵎⵎⵉⵎ ⵜⵙⵏⴱⴹⴰⵢⵜ ⵏ ⵓⵙⵉⴹⵏ ⵎⴰⵙ ⵜⵜⵓⵙⵏⴼⴰⵍⵏ ⵉⵡⵜⵜⴰⵙⵏ ⵏ ⵓⵖⴰⵡⴰⵙ ⵖ ⵎⵏⵏⴰⵡⵜ ⵜⵉⴽⴽⴰⵍ, ⵓⵔ ⵉⵍⵍⵉ ⵓⵍⴰ ⵓⵙⴽⵔ ⵙ ⵉⵙⴰⴽⵓⴷⵏ ⵉⵎⴳⴳⵓⵔⴰ, ⵢⵉⵍⵉ ⵓⵙⵉⵡⴹ ⵏ ⵜⵎⴷⵉⵏⵉⵏ “ⵜⴰⵔ ⴰⵇⵥⴹⵉⵕ” ⴱⵍⴰ ⵉⵍⵍⴰ ⵓⵙⵎⴰⴷ ⵏ ⴽⵓ ⵜⵉⴼⴰⴷⵉⵡⵏ.

ⵙ ⵜⵢⴰⴼⵓⵜⵉⵏ ⵍⵍⵉ ⴷ ⵜⵉⵡⵉ ⵜⵙⵎⵉⴳⵍⵜ ⵏ ⵜⵉⴹⴰⴼ ⴼ ⵓⵖⴰⵡⴰⵙ ⵏ ⵜⵎⴷⵉⵏⵉⵏ ⵜⴰⵔ ⴰⵇⵥⴹⵉⵕ, ⵜⴼⴽⴰ ⵜⵙⵏⴱⴹⴰⵢⵜ ⵏ ⵓⵙⵉⴹⵏ ⵉ ⵜⵏⴱⴰⴹⵜ ⵉⵙⵖⵍⴰⴼ ⴰⴷ:

• ⴰⵙⵎⴽⵍ ⵏ ⵜⵎⵓⴽⵔⵉⵙⵉⵏ ⵍⵍⵉ ⵓⵔ ⵓⵊⵊⵉⵏⵉⵏ ⵉⵎⵉⵥ ⵉⵥⵉⵍⵏ ⵏ ⵉⵖⴰⵡⴰⵙⵏ ⵉⴳⴷⵓⴷⴰⵏⵏ, ⵙⵍⴰⵡⴰⵏ ⴰⴽⴽⵯ ⵡⵉⴷ ⵣⴷⵉⵏⵉⵏ ⴷ ⵓⵙⴱⴷⴷⵉ ⵏ ⵜⵣⴷⵓⵖⵜ ⵓⵔ ⵉⵥⵉⵍⵏ ⴰⵎ:”ⵜⵉⵎⴷⵉⵏⵉⵏ ⵜⴰⵔ ⴰⵇⵥⴹⵉⵕ”.
• ⴰⵙⴽⵔ ⵏ ⵜⵎⵢⴰⴷⴰⵙⵜ ⵉⵙⵎⴷⵏ ⵉ ⵜⴳⵎⵉ ⵜⴰⵏⴼⴳⴰⵏⵜ ⵉⵣⵔⵉⵏ ⴰⵡⵜⵜⴰⵙ ⵏ “ⵓⵙⵙⵣⴷⵖ” ⴰⴷ ⵜⴰⵎⵓ ⵓⴷⵎⴰⵡⵏ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ ⵖ ⵉⴷⵖⴰⵔⵏ ⵉⵎⴰⵢⵏⵓⵜⵏ ⵏ ⵓⵙⵏⵓⴱⴳ.
• ⴰⵙⵎⴰⵢⵏⵓ ⵏ ⵓⵙⵎⵏⵉⴷ ⵙ ⵜⵉⴽⴽⵉ ⵏ ⵉⴼⵙⵙⴰⵢⵏ ⴳⴰⵏⵉⵏ ⵉⵎⵏⵏⴰⵡⵏ ⵖ ⵉⵢⴰⴼⵓⵜⵏ ⵏ ⵜⵣⴷⵓⵖⵜ ⵏⵖ ⴰⵙⵏⴰⵍ ⴰⵥⵕⴼⴰⵏ.
• ⴰⵙⵎⴽⵍ ⴱⴰⵀⵔⴰ ⵉⵛⴷⴷⴰⵏ ⵏ ⵓⵙⴱⴷⴷⵉ ⵏ ⵜⵣⵣⵉⴳⵣⵜ ⵏ ⵜⵣⴷⵓⵖⵉⵏ ⵓⵔ ⵥⵉⵍⵏ