ⵜⴰⵙⵇⵇⵉⵎⵜ ⵏ ⵉⴳⵔⴰⵏ ⵉⵙⴰⵢⴼⵓⵜⵏ ⵜⵎⴹⴰⴽⴰⵕ ⴼ ⵉⴷⵔⵉⵣⵏ ⵏ ⵓⴼⵉⵔⵓⵙ ⵏ ⴽⵓⵕⵓⵏⴰ ⴼ ⵜⴷⵎⵙⴰ ⵜⴰⵏⴰⵎⵓⵔⵜ

ⵜⵙⵏⵎⴰⵍⴰ ⵜⵙⵇⵇⵉⵎⵜ ⵏ ⵉⴳⵔⴰⵏ ⵉⵙⴰⵢⴰⴼⵓⵜⵏ ⵖ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵙ ⵏ ⵓⵙⵉⵏⴰⵙ 09 ⵢⵓⵏⵢⵓ 2020, ⵜⴰⵙⵎⵓⵏⵉ ⵍⵍⵉ ⵉⵙⵙⵉⵅⴼ ⵎⴰⵙⵙ ⵙⴰⵄⵉⴷ ⵛⴱⴰⵄⵜⵓ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ, ⵙ ⵜⵉⵍⵉⵜ ⵏ ⵎⴰⵙⵙ ⵎⵓⵍⴰⵢ ⵃⴰⴼⵉⴹ ⵍⵄⴰⵍⴰⵎⵉ ⴰⵎⴰⵡⵙⴰⵙ ⵏ ⵜⵎⴳⵓⵔⵉ ⴷ ⵓⵙⵖⵏⵣⵉ ⴷ ⵜⴷⵎⵙⴰ ⵜⴰⵣⴳⵣⴰⵡⵜ ⴷ ⵜⵎⵓⵟⵟⵓⵏⵜ, ⵉ ⵜⵖⵔⵉ ⵏ ⵓⵖⴰⵡⴰⵙ ⵏ ⵜⵏⴱⴰⴹⵜ ⵖ ⵓⵙⵏⵊⵎ ⵏ ⵢⵉⴳⵔ ⵏ ⵜⵎⴳⵓⵔⵉ ⴷ ⵓⵙⵖⵏⵣⵉ ⴷ ⵜⴷⵎⵙⴰ ⵜⴰⵣⴳⵣⴰⵡⵜ ⴷ ⵜⵎⵓⵟⵟⵓⵏⵜ ⴷⴼⴼⵉⵔ ⵏ ⵓⴱⴰⵢⵢⵓⵕ ⵏ ⴽⵓⵕⵓⵏⴰ ⴷ ⵓⵙⵉⴱⵙⵓⵙ ⵖ ⵉⴷⵔⵉⵣⵏ ⵏⵏⵙ.

ⵉⵙⴰⵡⵍ ⵎⴰⵙⵙ ⴰⵎⴰⵡⵙⴰⵙ ⵖ ⵜⴳⵓⵔⵉ ⵏⵏⵙ ⴼ ⴽⵕⴰⴹ ⵉⵣⵎⴰⵣ ⵎⵎⴰⵍⴰⵏⵉⵏ ⵜⴰⵎⵙⵓⵜⵍⵜ ⵏ ⵖⵉⵍⴰⴷ, ⵜⴰⵎⵣⵡⴰⵔⵓⵜ ⵉⵍⵍⴰ ⴳⵉⵙ ⵓⵅⵎⵎⴻⵎ ⵖ ⵜⴷⵓⵙⵉ ⵏ ⵉⵏⵎⵓⵔⴰⵏ ⴷ ⵓⵙⵡⵉⵏⴳⵎ ⵖ ⵉⵎⴰⵙⵙⵏ ⵍⵍⵉ ⵔⴰⴷ ⵢⴰⵡⵙ ⵖ ⵓⵙⵏⵊⵎ ⵏ ⵜⵓⴷⵔⵜ ⵏⵏⵙⵏ ⵙ ⵉⵣⵡⴰⵔ, ⵉⵙⴷⴷⵉⴷ:” ⵉⵣⵣⵔⵉ ⵍⵎⵖⵔⵉⴱ ⵜⴰⴼⵔⴽⴰ ⴰⴷ ⵙ ⵜⵖⵜⴰⵙⵉⵏ ⵜⵉⵎⵓⵣⴰⵍⵉⵏ ⵜⵜⵓⵙⴽⴰⵔⵏⵉⵏ ⵙ ⵉⵙⵡⴰⵍⴰⵢⵏ ⵉⴳⵍⴷⴰⵏⵏ, ⴳⵉⵙⵏⵜ ⵍⵍⵉⵖ ⵜⵜⵓⵇⵇⴰⵏⵏ ⵉⵡⵜⵜⵜⴰ ⵏ ⵜⵎⴰⵣⵉⵔⵜ”. ⵜⵉⵙ ⵙⵏⴰⵜ, ⵏⵜⵜⴰⵜ ⴰⵖ ⵉⵍⵍⴰ ⵍⵎⵖⵔⵉⴱ ⵖⵓⵍⴰⴷ, ⵢⵉⵏⵉ ⵎⴰⵙⵙ ⴰⵎⴰⵡⵙⴰⵙ:”ⴰⵡⵜⵜⴰⵙ ⵉⴳⴰ ⵜ ⴰⵖⵓⵍ ⵏ ⵜⵓⴷⵔⵜ ⵉ ⵓⵥⵟⵟⴰ ⴰⴷⵎⵙⴰⵏ ⴷ ⵓⵙⵏⴰⵍ ⵏ ⵜⵎⵙⵙⵏⵜⴰⵢ ⵃⵎⴰ ⴰⴷ ⵏⴼⴼⵖ ⵖ ⵜⴰⵙⵙⴰⵙⵜ”.

ⵜⴰⵙⵙⴰⵙⵜ ⴰⴷ ⵜⵎⵍⴰ ⴷ ⵜⵉⵙⵓⴳⴰⵔ ⵏ ⵉⵎⵙⵓⴳⵔⵏ ⵉⵎⵖⵔⵉⴱⵉⵢⵏ ⴷ ⵜⵥⵉⴹⴰⵕ ⵏ ⵜⴷⵎⵙⴰ ⵜⴰⵏⴰⵎⵓⵔⵜ ⴼ ⵜⵏⴰⵎⵉⵜ ⵖ ⵜⵎⵙⵓⵜⴰⵍ ⵛⴷⴷⴰⵏⵉⵏ, ⵜⵉⵍⵉ ⵜⴼⵔⴽⴰ ⵜⵉⵙ ⴽⵕⴰⴹⵜ ⵖ ⵜⵎⵙⵉⵔⵉⵏ ⴷ ⵡⴰⵏⵏⴰⵣⵏ ⵍⵍⵉ ⴷ ⵜⴼⵍ ⵜⵎⵙⵓⵜⵍⵜ ⴰⴷ.

ⵉⵙⵓⵜⴳ ⵎⴰⵙⵙ ⵍⵄⴰⵍⴰⵎⵉ ⵜⴰⵡⵓⵔⵉ ⵏ ⵉⵄⵔⵔⵉⵎⵏ ⵏ ⵍⵎⵖⵔⵉⴱ ⵖ ⴳⴰⵏ ⵉⵜⵉⵇⵏⵉⵢⵏ ⴷ ⵉⵎⵙⵡⵓⵔⵉⵢⵏ ⴷ ⵉⵊⵏⵢⵓⵔⵏ ⴰⵛⴽⵓ “ ⵥⴹⴰⵕⵏ ⵙ ⵓⵙⵎⵓⵜⵜⴳ ⵏⵏⵙⵏ ⵖ ⵢⵉⴳⵔ ⵏ ⵜⵎⴳⵓⵔⵉ ⵏ ⵜⵉⵢⵍⴰⵍⵉⵏ ⴰⴷ ⵙⴽⵔⵏ ⵉⵎⴰⵙⵙⵏ ⵏ ⵓⵙⵓⵏⴼⵓⵙ ⵉⵎⵍⵥⵢ, ⴷ ⵡⴰⵎⴰⵏ ⵏ ⵓⵙⵉⵣⴷⴳ ⵏ ⵍⴰⵏⴽⵓⵍ ⵉⵜⴰⵏⵓⵍ; ⴷ ⵜⴽⵎⴰⵎⵉⵏ ⴷ ⵉⵎⴰⵙⵙⴰⵏ  ⵏ ⵉⵕⵉⵕⴹ ⵏ ⵡⴰⵟⵟⴰⵏ ⵙ ⵓⴼⵉⵔⵓⵙ ⵏ ⴽⵓⵕⵓⵏⴰ ⵙ ⵜⴻⵜⵉⵇⵏⵉⵜ ⵏ “PCR”  ⴷⴷⵓ ⵜⵎⵙⵙⵓⴳⵓⵔⵜ ⵏ ⵜⵎⵔⵙⵍⵜ ⵜⴰⵎⵖⵔⵉⴱⵉⵜ ⵏ ⵜⵎⴰⵙⵙⴰⵏⵉⵏ ⵎⵇⵇⵓⵔⵏⵉⵏ ⵏ ⵉⵙⵍⵍⵡⵉ  ⴷ ⵓⵔⵣⵣⵓ ⴰⵎⴰⵙⵙⴰⵏ”. ⵢⵉⵏⵉ : “ⵜⴰⴷⵎⵙⴰ ⵜⴰⵎⵖⵔⵉⴱⵉⵜ ⴳⵉⵙ ⵉⵙⵓⴽⴰⵏ ⴷ ⵜⵎⵙⵙⵓⵔⵉⵏ ⴷ ⵉⵎⵙⵡⵓⵔⵉⵢⵏ ⴷ ⵉⴷ ⴱⴰⴱ ⵏ ⵜⵡⵓⵔⵉ ⵍⵍⵉ ⴷ ⵎⵍⴰⵏⵉⵏ ⴰⵜⵉⴳⵏ ⵏ ⵜⵡⵉⵣⵉ ⵍⵍⴰⵏⵉⵏ ⵖ ⵡⴰⵎⵓⵏ ⴰⵎⵖⵔⵉⴱⵉ”.

ⵉⵣⵎⵎⵉⵎ ⵎⴰⵙ ⴷ ⵉⵇⵇⴰⵏ ⵉⵎⵉⵥ ⵏ ⵜⵎⵙⵉⵔⵉⵏ ⵅⴰⵜⵔⵏⵉⵏ ⵙⴳ ⵓⴱⴰⵢⵢⵓⵕ ⴰⴷ, ⴳⵉⵙⵏⵜ ⵜⴰⵥⴹⵕⵜ ⵜⴰⵅⴰⵜⴰⵔⵜ ⵏ ⵍⵎⵖⵔⵉⴱ ⴰⴷ ⵉⵣⵣⵔⵉ ⵜⵉⵎⵓⴽⵔⵉⵙⵉⵏ ⴰⵎ ⴰⴱⴰⵢⵢⵓⵕ ⴰⴷ, ⴷ ⵍⵍⵉⵖ ⴷⴰⵔⵙ ⵍⵍⴰⵏⵜ ⵜⵙⵓⴳⴰⵔ ⴷ ⵜⵥⵉⴹⴰⵕ ⵎⵇⵇⵓⵔⵏⵉⵏ ⵖ ⵢⵉⴳⵔ ⵏ ⵉⵙⵍⵍⵡⵉ, ⵉⵅⴰⵚⵚⴰ ⴰⴷ ⴳⵉⵙⵏⵜ ⵏⴳ ⵜⴰⵎⵢⵉⵎⴰⵏⵜ.

ⵉⵏⵏⴰ ⵎⴰⵙⵙ ⵍⵄⴰⵍⴰⵎⵉ ⵎⴰⵙ ⴷ “ⵉⵙⵓⴽⴰⵏ  ⵍⵍⵉ ⵙⴽⴰⵔⵏⵉⵏ ⵜⵉⵎⵜⵜⴰⵡⵉⵏ ⵏ ⵓⵙⴳⴼⴰⵔ ⴷ ⵢⵉⴳⵔ ⵏ ⵜⵎⴳⵓⵔⵉ ⵜⴰⵎⵙⴰⴷⵓⵔⵜ ⵓⵔ ⴰⴽⴽⵯ ⴱⵉⴷⴷⵏ ⵖ ⵓⵣⵎⵣ ⵏ ⵓⴱⴰⵢⵢⵓⵕ, ⵙⵡⵓⵔⵉⵏ ⵖ ⵢⵉⴹ ⵓⵍⴰ ⴰⵣⴰⵍ ⵉ ⵓⵙⴳⴼⴰⵔ ⵏ ⵓⴳⴰⴷⴰⵣ ⴰⵏⴰⵎⵓⵔ”, ⵢⵉⵏⵉ ⵎⴰⵙ “ⵜⵣⵓⵢⴷ ⵜⵙⵎⵓⵔⵜ ⵏ ⵜⵎⵜⵜⴰⵡⵉⵏ ⵏ ⵓⵙⴳⴼⴰⵔ ⵙ ⵚⴹⵉⵚⵜ ⵜⴽⴽⴰⵍ ⵙ ⵓⵙⵎⵣⴰⵣⴰⵍ ⴷ ⵓⵙⵙⴰⵏ ⵉⵎⵙⵉⵎⵢⴰⵔⵏ ⵖ ⵜⵣⵡⵉⵔⵉ ⵏ ⵜⴰⵙⵙⴰⵙⵜ ⵜⴰⴷⵓⵙⴰⵏⵜ, ⵍⵍⵉⵖ ⴰ ⵜⵏⵜ ⵙⵙⴰⵖⵏ ⵎⵉⴷⴷⵏ ⵍⵍⵉⵖ ⴽⵙⵓⴹⵏ ⴰⴷ ⵙⵎⴷⵏⵜ ⵖ ⵜⴰⵙⵙⴰⵙⵜ ⴰⴷ”.

ⵍⵍⵉⵖ ⵉⵙⴷⴷⵉⴷ ⵎⴰⵙ ⵜⵍⵍⴰ ⵜⵎⴰⵖⵜ ⵜⴰⴳⵔⴰⵖⵍⴰⵏⵜ ⵉⵛⴷⴷⴰⵏ ⵖ ⵓⵎⵏⵉⴷ ⵏ ⵜⵎⴳⵓⵔⵉ ⵏ ⵜⵀⵉⵔⵉⵜⵉⵏ, ⵉⵏⵏⴰ ⵓⵎⴰⵡⵙⴰⵙ ⵎⴰⵙ ⵉⵍⵍⴰ ⵓⵎⵣⴳⵓⵔ ⴰⵎⵖⵔⵉⴱⵉ ⵖ “ⵓⵙⵡⵉⵔ ⴰⵎⴰⴹⵍⴰⵏ”. ⵢⵉⵏⵉ:" ⵖ ⵢⴰⵏ ⵡⴰⵢⵢⵓⵔ, ⵥⴹⴰⵕⵏⵜ ⴰⴷ ⴷ ⵓⵔⵔⵉⵏⵜ ⵜⵉⵍⴰⵍ ⵜⵉⴷⵎⵙⴰⵏⵉⵏ ⵖ ⵜⴳⵍⴷⵉⵜ, ⵉⵏⵎⵎⴰⵍⵏⵏ ⵏ (Standard and Poor’s)  ⴰⵔ ⵜⵜⵉⵏⵉⵏ ⴰⵖⵓⵍ ⵏ ⵉⴳⴰⴷⴰⵣⵏ ⵉ ⵓⵙⵡⵓⵉⵔ ⵏ ⴷⴰⵜ ⵏ ⴽⵓⵕⵓⵏⴰ, ⵖⵎⴽ ⵍⵍⵉ ⵔⴰⴷ ⵓⵔⵔⵉⵏ ⵉⵙⵏⴼⵍⵏ ⵏ ⵜⵎⴳⵓⵔⵉ ⵉ ⵜⴳⵉⵔⴰ ⵏ ⵓⵙⴳⴳⵯⴰⵙ ⵙ 20% ⵖ ⵓⴷⵖⴰⵔ ⵏ 30% ⵍⵍⵉ ⴰⴷ ⵉⵜⵜⵓⵅⵎⵎⴰⵎⵏ ⵙⴳ ⵢⴰⵏ ⵡⴰⵢⵢⵓⵔ, ⴷ ⵓⵣⵣⵔⴰⵢ ⵏ ⵉⵅⵎⵎⵉⵎⵏ ⵏ ⵓⵟⵟⵓⵏ ⵏ ⵉⵙⵏⴼⵍⵏ ⵏ ⵓⵙⵖⵏⵣⵉ ⵙⴳ 25% ⴰⵔ 15%".

ⵉⵙⴰⵡⵍ ⵓⵎⴰⵡⵙⴰⵙ ⵓⵍⴰ ⴼ ⵉⵙⵡⵓⴷⴷⵓⵜⵏ ⵍⵍⵉ ⵜⵙⴽⵔ ⵜⵎⴰⵡⴰⵙⵜ ⵖ ⵓⵙⴱⴷⴷⵉ ⵏ ⵓⴱⴰⵢⵢⵓⵕ ⴷ ⵉⴷⵔⵉⵣⵏ ⵏⵏⵙ ⴼ ⵜⵉⵍⴰⵍⵜ ⵜⴰⴷⵎⵙⴰⵏⵜ, ⵢⵉⵏⵉ:"ⵉⵏⵎⵎⴰⵍⵏ ⵉⵎⵣⵡⵓⵔⴰ ⴰⵔ ⵎⵎⴰⵍⴰⵏ ⵎⴰⵙ ⵉⵟⵟⴰⴼ ⵓⴱⴰⵢⵢⵓⵕ ⴰⴷⵔⵉⵣ ⵉⵀⵔⵛⵏ ⴼ ⵉⵎⵉⵙⵙ ⴰⴷⵎⵙⴰⵏ ⴰⵏⴰⵎⵓⵔ, ⵍⵍⵉⵖ ⵢⵓⵔⵔⵉ ⵓⵙⵡⵉⵔ ⵏ ⵉⵙⵉⴼⴰⴹ ⵙ 20% ⵙ ⵓⵙⵎⵣⴰⵣⴰⵍ ⴷ ⵉⵏⵎⵎⴰⵍⵏ ⵏ ⵡⴰⵢⵢⵓⵔ ⵏ ⵉⴱⵔⵉⵔ ⵖ ⵓⵙⴳⴳⵯⴰⵙ ⵉⵣⵔⵉⵏ".

ⵖ ⵎⴰ ⴷ ⵉⵥⵍⵉⵏ ⴷ ⵡⴰⵎⵎⴰⵙⵏ ⵉⵣⵣⵓⵍⴰⵏⵏ ⵏ ⵓⴱⴰⵢⵢⵓⵕ ⵍⵍⴰⵏⵉⵏ ⵖ ⵉⵙⵓⴽⴰⵏ, ⵉⵙⴷⴷⵉⴷ ⵎⴰⵙⵙ ⴰⵎⴰⵡⵙⴰⵙ ⵎⴰⵙ ⴷ ⴰⵖⴱⴰⵍⵓ ⵏⵏⵙⵏⵜ ⵓⵔ ⵜⵏ ⴳⵉⵏ ⵉⵙⵓⴽⴰⵏ ⴰⴷ, ⴰⵛⴽⵓ ⵓⵔ ⵉⵜⵜⵎⴽⵏ ⴰⴷ ⴳⵉⵏⵜ ⴰⵎⵎⴰⵙ ⵏ ⵓⵙⴼⵔⵓⵔⵜ ⵏ ⵓⴱⴰⵢⵢⵓⵕ ⵍⵍⵉⵖ ⵙⴽⵔⵏ ⵙ ⵜⵎⵢⴰⴳⴳⵓⴳⵜ ⵜⴰⵏⴰⵎⵓⵏⵜ ⴷ ⴽⵓ ⵉⵙⵡⵓⴷⴷⵓⵜⵏ ⴷ ⵜⵎⵙⴽⴰⵔ ⵏ ⵡⴰⵔⴰⵢ ⴷ ⵜⴷⵓⵙⵉ ⵙ ⵜⵖⴰⵔⴰⵙⵜ ⵉⵛⴷⴷⴰⵏ".

ⵉⵍⵇⵎ:"ⵉⵔⵉⵎⵏ ⵍⵍⵉ ⵜⵜⵓⵙⴽⴰⵔⵏⵉⵏ ⵖ 52% ⵏ ⵉⵙⵓⴽⴰⵏ ⴰⴷ ⵖ ⵓⵙⵡⵉⵔ ⴰⵏⴰⵎⵓⵔ, ⵓⵔ ⴳⵉⵙⵏ ⵜⵜⵢⵓⴼⴰⵏ ⴰⴱⵍⴰ 0.6 ⵏ ⵉⵎⵓⴹⴰⵏ, ⵢⵉⵍⵉ ⵢⴰⵏ ⵓⵎⴰⴹⵓⵏ ⵖ 17000 ⵏ ⵉⵔⵉⵎ ⵍⵍⵉ ⵜⵙⴽⵔ ⵜⴰⵎⵓⵏⵜ ⵜⴰⵎⴰⵜⴰⵢⵜ ⵏ ⵜⵎⵙⵙⵏⵜⴰⵢ ⵏ ⵍⵎⵖⵔⵉⴱ".

ⵖ ⵓⵎⵏⵉⴷ ⵏ ⵓⴹⴼⵕ ⵏ ⵉⵎⵙⴽⴰⵔⵏ ⵉⴷⵎⵙⴰⵏⵏ, ⵉⵍⵍⴰ ⵓⵙⵎⵓⵙⵙⵓ ⵏ ⵜⵎⴳⵓⵔⵉ ⵜⴰⵏⴰⵎⵓⵔⵜ ⵃⵎⴰ ⴰⴷ ⵜⵙⴽⵔ ⵙ ⵉⵙⵖⴰⵡⵙⴰⵜⵏ ⵖ ⵜⴽⵎⴰⵎⵉⵏ ⴷ ⵉⵢⴰⴼⵓⵜⵏ ⵉⵙⵉⵍⴰⵏⵏ, ⵖ ⵉⵙⵏⴼⴰⵔⵏ ⵜⵜⵓⵙⴽⴰⵔⵏⵉⵏ ⵖ ⵢⵉⴳⵔ ⵏ ⵓⵙⵏⴼⵍ ⴰⵎⵓⵟⵟⵓⵏ, ⵜⵜⵓⵙⴽⴰⵔⵏ ⴽⵉⴳⴰⵏ ⵏ ⵉⵙⵏⴼⴰⵔⵏ ⵖ ⵉⵍⵍⴰ ⵓⵙⵏⵙⵉ ⵏ “ⵡⵉⵇⴰⵢⵜⵏⴰ”.

ⴷⴼⴼⵉ ⵔ ⵏ ⵓⵙⵎⵏⵉⴷ ⴰⴷ, ⵎⵛⴰⵛⴽⴰⵏ ⴷ ⵉⴷ ⵎⴰⵙⵙ ⴷ ⵉⵙⵜ ⵎⴰⵙⵙⴰ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵉⴳⵏⵙⴰⵙⵏ ⵏ ⵜⵔⵓⴱⴱⴰ ⵜⵉⴱⵕⵍⴰⵎⴰⵏⵉⵢⵉⵏ  ⵎⴰⵙ ⵜⵛⵇⵇⴰ ⵜⴼⵔⴽⴰ ⴰⴷ, ⵉⵇⵇⴰⵏ ⴷ ⴰⴷ ⵢⵉⵍⵉ ⵓⵙⵎⵓⵙⵙⵓ ⵏ ⵜⵓⴳⴳⴰⵙ ⴰⴷ ⵓⵎⴰⵏⵜ ⴽⵓ ⵉⵏⵎⵓⵔⴰⵏ ⴷ ⵜⵎⵎⵙⵏⵜⴰⵢ ⵜⵉⵎⵥⵢⴰⵏⵉⵏ ⵓⵍⴰ ⵜⵉⵎⵊⵀⴷⴰⵢ, ⵜⵉⵍⵉ ⵜⵖⵓⵔⵉ ⴰⴷ ⵢⵉⵍⵉ ⵓⵙⵓⵊⴷ ⵏ ⵓⵖⴰⵡⴰⵙ ⵓⵏⴱⵉⴹ ⵉⴹⵎⵏⵏ ⴰⵃⵟⵟⴰ ⴰⵏⴰⵎⵓⵏ ⵉ ⴽⵉⴳⴰⵏ ⵏ ⵎⵉⴷⴷⵏ ⴰⵎ ⵉⵃⵔⴰⵢⴼⵉⵢⵏ ⴷ ⵉⵎⵙⵡⵓⵔⵉⵢⵏ ⵖ ⵜⵏⵉⴷⵉ ⴷ ⵉⵎⵙⵡⵓⵔⵉⵢⵏ ⵖ ⵢⵉⴳⵔ ⵡⴰⵔⵓⵚⴽⵉⵡ.

ⵖⵎⴽ ⵍⵍⵉ ⵖⵔⴰⵏ ⵉⴳⵎⴰⵎⴰⵏ ⵉ “ ⵓⵍⵜⴰⵖ ⵏ ⵍⴰⴱⵏⴰⴽ ⵖ ⵓⵖⵓⵍ ⴷ ⵓⵍⴳⴳⵓⴷ ⵏ ⵜⵙⵓⵜⵍⵜ ⵜⴰⴷⵎⵙⴰⵏⵜ ⵙ ⵉⵙⵥⵕⴼⵏ ⴱⴷⴷⵏⵉⵏ ⴼ ⵜⵎⵥⵍⵉⵜ ⵏ ⴽⵔⴰ ⵏ ⵉⴳⵔⴰⵏ ⴷ ⵜⵎⵓⴽⵔⵉⵙⵉⵏ ⵖ ⵍⵍⴰⵏ ⵖ ⵜⴰⵙⵙⴰⵙⵜ ⴰⴷ, ⵢⵉⵍⵉ ⵓⵍⴰ ⵢⴰⵏ ⵓⵙⵉⵣⵡⵔ ⴰⴷⵎⵙⴰⵏ ⵉ ⵓⵖⵓⵍ ⵏ ⵜⵓⴷⵔⵜ ⵉ ⵢⵉⴳⵔ ⵏ ⵜⵎⴰⵍⵍⴰⵢⵜ”.

ⴱⴷⴷⵏ ⵉⵎⵓⵔⴰ  ⵃⴰⴹⵕⵏⵉⵏ ⴼ ⵓⵛⵛⵉⵍ ⵏ ⵓⵙⵔⵇⴱ ⵏ ⵉⵙⵙⴰⵔⵓⵜⵏ ⵏ ⴱⵕⵕⴰ, ⵖ ⵓⵎⵏⴰⴹ ⵏ ⵜⴰⵎⴰⵖⵜ ⵉⵍⵍⴰⵏ ⵖ ⵓⵎⵏⵉⴷ ⵏ ⵓⵍⴷⴰⵢ ⵏ ⵉⵙⵙⴰⵔⵓⵜⵏ ⴷⴼⴼⵉⵔ ⵏ ⵓⴱⴰⵢⵢⵓⵕ ⵏ ⴽⵓⵕⵓⵏⴰ, ⵉⵏⵉⵏ:" ⵡⴰⵅⵅⴰ ⵍⵍⴰⵏⵜ ⵜⵓⴳⴳⴰⵙ ⵖ ⵢⵉⴳⵔ ⵏ ⵓⴽⵛⵓⵎ ⵏ ⵉⵎⵙⵙⵓⵔⵓⵢⵏ ⵉ ⵡⴰⵢⴷⴰ ⵏ ⵉⴽⴰⵍⵉⵡⵏ, ⵀⴰⵜⵉ ⵙⵓⵍⵏⵜ ⴽⵔⴰ ⵏ ⵜⵎⵓⴽⵔⵉⵙⵏ ⴷ ⵉⵇⵇⴰⵏ ⵓⵣⵔⴰⵢ ⵏⵏⵙⵏⵜ ⵙ ⵓⵖⴰⵡⴰⵙ ⵏ ⵜⵎⵓⵟⵟⵓⵏⵜ ⵍⵍⵉ ⴼ ⵔⴰⴷ ⵜⵙⵡⵓⵔⵉ ⵜⵎⴰⵡⴰⵙⵜ, ⵢⵉⵍⵉ ⵓⵙⵓⵊⴷ ⵏ ⵓⵎⵏⴰⴹ ⴷ ⵢⵓⵙⴰⵏ ⵉ ⵓⵙⴽⵔ ⵏ ⵜⵙⵔⵜⵉⵜ ⵜⴰⵎⴳⵓⵔⴰⵏⵜ ⵜⴰⵎⵖⵔⵉⴱⵉⵜ, ⴷ ⵓⵙⵎⵔⵙⵍ ⵏ ⵓⵙⵔⵇⴱ ⵏ ⵉⵙⵍⵍⵡⵉ".

ⵉⵔⵓⵔ ⵎⴰⵙⵙ ⴰⵎⴰⵡⵙⴰⵙ ⴼ ⵉⵙⵇⵙⵉⵜⵏ ⴷ ⵜⵙⵓⵎⴰⵔ ⵏ ⵉⴷ ⵎⴰⵙⵙ ⴷ ⵉⴷ ⵎⴰⵙⵙⴰ ⵉⴳⵎⴰⵎⵏ, ⵢⵉⵏⵉ:”ⵉⴳⴰ ⵖ ⵜⵎⵢⵓⵔⵜ ⴰⴷ ⵢⵉⵍⵉ ⵓⵙⵏⴼⵍ ⵏ ⵜⵎⵢⴰⵇⵇⴰⵏⵉⵏ ⵏ ⵓⵙⵏⴼⵍ ⵉⵍⴻⵍⵍⵉ ⵃⵎⴰ ⴰⴷ ⵢⵉⵍⵉ ⵓⵙⵎⴽⵍ ⵏ ⵜⵎⵓⴽⵔⵉⵙⵉⵏ ⵍⵍⴰⵏⵉⵏ ⵖ ⵓⵙⴰⵙⵜⵍ  ⵏ ⵓⵙⵖⵏⵣⵉ, ⵖⵎⴽ ⴰⵏⵏ ⴷ ⴽⵉⴳⴰⵏ ⵏ ⵉⵙⵡⵓⴷⴷⵓⵜⵏ ⵏ ⵓⵙⵉⵣⴷⵔ ⵏ ⵉⵙⵖⵡⴰⵏ ⵏ ⵓⵣⵎⵎⴻⵎ ⵖ ⵓⴼⵏⵉⵇ ⴰⵏⴰⵎⵓⵔ ⵏ ⵜⵏⴼⵔⵓⵜ ⵜⴰⵏⴰⵎⵓⵏⵜ ⵉ ⵚⴰⵃⴰ ⵏ ⵉⵙⴱⴱⴰⴱⵏ ⴷ ⵉⵃⵔⴰⵢⴼⵉⵢⵏ”.

ⵖ ⵉⵙⵇⵙⵉⵜⵏ ⵏ ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⴳⵎⴰⵎⵏ  ⵖ ⵓⵎⵏⵉⴷ ⵏ ⵜⵎⴳⵓⵔⵉ ⵏ ⵜⵀⵉⵔⵉⵜⵉⵏ ⵖ ⵓⵙⵡⵉⵔ ⴰⵏⴰⵎⵓⵔ, ⵉⵙⴷⴷⵉⴷ ⵓⵎⵡⴰⵙⴰⵙ ⴼ “ ⵓⵎⵣⴳⵓⵔ ⵏ ⵉⴳⵔ ⴰⵎⵖⵔⵉⴱⵉ”, ⵉⵣⵎⵎⵉⵎ ⵖ ⵓⵎⵏⵉⴷ ⴰⴷ ⵎⴰⵙ ⴷ “ⵜⵉⵎⵙⵙⵓⵔⵉⵏ ⵜⵉⴳⵔⴰⵖⵍⴰⵏⵉⵏ ⵏ ⵜⵀⵉⵔⵉⵜⵉⵏ ⵔⴰⴷ  ⴷⴰⵖ ⵙⵏⵜⵉⵏⵜ ⵜⴰⵡⵓⵔⵉ ⵏⵏⵙⵏⵜ ⵖ ⵍⵎⵖⵔⵉⴱ ⵍⵍⵉⵖ ⵟⵟⴰⴼ ⵜⴳⵍⴷⵉⵜ ⴰⵎⵣⴳⵓⵔ ⵢⴰⵜⵜⵓⵢⵏ  ⵖ ⵓⵎⵏⵉⴷ ⴰⴷ ⴷ ⵜⵙⵓⴳⴰⵔ ⵏ ⵉⵊⵏⵢⵓⵔⵏ ⴷ ⵉⵜⵉⵇⵏⵉⵢⵏ ⵉⵎⵖⵔⵉⴱⵉⵢⵏ”, ⵢⵉⵏⵉ: “ⴽⵉⴳⴰⵏ ⵏ ⵉⵙⵓⴽⴰⵏ ⵏ ⵜⵀⵉⵔⵉⵜⵉⵏ ⵜⵜⵓⵇⵇⴰⵏⵏ ⵖ ⵓⵎⴰⴹⴰⵍ, ⵜⵉⵎⵙⵙⵓⵔⵉⵏ ⵜⵉⵎⵣⵡⵓⵔⴰ ⵕⵥⵎⵏⵉⵏ ⵉⴼⵍⴰⵡⵏ ⵏⵏⵙⵏⵜ ⵍⵍⴰⵏⵜ ⵖ ⵍⵎⵖⵔⵉⴱ”.