ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵏⴼⴰⵔ ⵏ ⵓⵙⵍⴳⵏ ⵉⵙⴽⵔⵏ ⵜⴰⵙⵏⵓⵔⴰⵢⵜ ⵏ ⵜⴳⵎⵉ ⵏ ⴰⵟⵍⴰⵚ ⵎⵇⵇⵓⵔⵏ

ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 30 ⴽⵟⵓⴱⵕ 2023, ⵙ ⵜⵓⴳⵜ ⴰⵙⵏⴼⴰⵔ ⵏ ⵓⵙⵍⴳⵏ ⵉ ⵓⵙⴽⵔ ⵏ ⵜⵙⵏⵓⵔⴰⵢⵜ ⵏ ⵜⴳⵎⵉ ⵏ ⴰⵟⵍⴰⵚ ⵎⵇⵇⵓⵔⵏ, ⴳ ⵜⵖⵉⵎⵉⵜ ⵜⴰⵣⵣⵔⴰⴼⵜ ⵍⵍⵉ ⵉⵙⵙⵉⵅⴼ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵉⵍⵉⵜ ⵏ ⵎⴰⵙⵙ ⵎⵓⵚⵟⴰⴼⴰ ⴱⴰⵢⵜⴰⵙ ⴰⵎⴰⵡⵙⴰⵙ ⵉⵜⵜⵓⵙⵎⴳⴰⵍⵏ ⵙ ⵜⵣⴷⴰⵢⵉⵏ ⴷ ⵓⴱⵕⵍⴰⵎⴰⵏ, ⴰⵎⵙⵙⵉⵡⵍ ⴰⵎⴰⴷⴷⵓⴷ ⵙ ⵉⵙⵎ ⵏ ⵜⵏⴱⴰⴹⵜ.

ⵉⵍⵍⴰ ⵓⵙⵖⵣⵏ ⵏ ⵓⵙⵏⴼⴰⵔ ⵏ ⵓⵙⵍⴳⵏ ⵓⵟⵟⵓⵏ 57.23 ⵉⵣⴷⵉⵏ ⴷ ⵓⵎⵕⵚⵓⵎ ⵙ ⵓⵙⵍⴳⵏ ⵓⵟⵟⵓⵏ 2.23.870 ⵏ 18 ⵕⴰⴱⵉⵄ ⴰⵎⵣⵡⴰⵔⵓ (4 ⴽⵟⵓⴱⵕ 2023), ⵉ ⵓⵙⴽⵔ ⵏ ⵜⵙⵏⵓⵔⴰⵢⵜ ⵏ ⵜⴳⵎⵉ ⵏ ⴰⵟⵍⴰⵚ ⵎⵇⵇⵓⵔⵏ ⵉ ⵓⵣⵣⴳⵉⵔ ⵏ ⵉⵙⵡⴰⵍⴰⵢⵏ ⵉⴳⵍⴷⴰⵏⵏ ⴰⵜⵜⵓⵢⵏⵉⵏ ⵡⴰⵜⵜⵙⵏⵉⵏ ⴰⵍⴰⵙ ⵏ ⵓⵚⴽⵓ ⴷ ⵓⵙⵖⵔⵜ ⴰⵎⴰⵜⴰⵢ ⵏ ⵜⵙⴳⴳⵉⵡⵉⵏ ⵜⵜⴰⵡⴹⵕⵕⴰⵏⵉⵏ ⵖ ⵓⵎⴷⵓⴷⵉ ⵏ ⵍⵃⴰⵡⵣ. ⵉⵍⵍⴰ ⵓⵙⵓⵊⴷ ⵏ ⵢⴰⵏ ⵓⵖⴰⵡⴰⵙ ⴳ ⵙⵎⵎⵓⵙ ⵉⵙⴳⴳⵯⴰⵙⵏ (2024-2028) ⵙ ⵜⵎⵙⴰⵙⵜⵍⵜ ⵉⵍⴽⵎⵏ 120 ⵎⵍⵢⴰⵕ ⵏ ⴷⵔⵀⵎ.

ⵢⵓⵎⴰ ⵓⵖⴰⵡⴰⵙ ⴰⴷ ⴰⵙⴽⵔ ⵏ ⵢⴰⵜ ⵜⵙⵉⵍⴰ ⵜⴰⵅⴰⵜⴰⵔⵜ ⵏ ⵡⴰⵢⴷⴰ ⴷ ⵉⵙⵖⴰⵡⵙⴰⵜⵏ ⵉⵎⵣⵡⵓⵔⴰ ⴳ ⵉⴳⵉⵟⴰⵏ ⴷ ⵉⵎⴰⵙⵙⵏ ⵏ ⵓⵃⴱⵓ ⴷ ⵓⵙⵙⵓ ⴷ ⵉⵙⴰⴼⴰⵔⵏ ⴷ ⵓⵜⵛⵓ ⴳ ⴽⵔⴰⵢⴰⴳⵜ ⵜⴰⵎⵏⴰⴹⵜ, ⵉ ⵓⵣⵣⴳⵉⵔ ⵏ ⵉⵙⵡⴰⵍⴰⵢⵏ ⵉⴳⵍⴷⴰⵏⵏ ⴰⵜⵜⵓⵢⵏⵉⵏ.

ⵉⵙⵔⵙ ⵓⴹⵕⵉⵚ ⴰⵣⵔⴼⴰⵏ ⵜⵉⵙⵎⵉⴳⴰⵍ ⵏ ⵜⵙⵏⵓⵔⴰⵢⵜ ⵉⵣⴷⵉⵏ ⴷ ⵓⵙⴽⵔ ⵏ ⵉⵖⴰⵡⴰⵙⵏ ⵏ ⵓⵖⴰⵡⴰⵙ, ⵙⵍⴰⵡⴰⵏ ⴰⴽⴽⵯ ⴰⵍⴰⵙ ⵏ ⵓⵚⴽⵓ ⴷ ⵓⵙⵖⵔⵜ ⵏ ⵜⵙⴳⴳⵉⵡⵉⵏ ⵜⵜⴰⵡⴹⵕⵕⵏⵉⵏ ⴷ ⵓⵡⵇⵇⵔ ⵏ ⵡⴰⵡⵏⴰⴹ ⴷ ⵜⴰⵢⵙⵉ ⴷ ⵜⵎⵢⵓⵔⵉⵏ ⴷ ⵡⴰⵏⴰⵡⵏ ⵏ ⵜⵓⴷⵔⵜ ⵏ ⵎⵉⴷⴷⵏ ⵏ ⵜⵙⴳⴳⵉⵡⵉⵏ ⴰⴷ, ⴷ ⵓⵙⵡⵓⵔⵉ ⵉ ⵓⵎⵙⴰⵙⴰ ⴷ ⵜⵎⵏⴰⴳⴰⵔⵜ  ⵏ ⵉⵙⵏⴼⴰⵔⵏ ⴰⴷ ⵙ ⵓⵣⴷⴰⵢ ⴷ ⵜⵎⵙⵙⵓⴳⵓⵔⵉⵏ ⴷ ⵉⵎⵙⴽⴰⵔⵏ ⴷ ⵓⴹⴼⵕ ⵏ ⵓⵙⴽⵔ ⵏ ⵓⵖⴰⵡⴰⵙ, ⵜⴰⵣⵣⵉⴳⵣⵜ ⵏ ⵓⵙⵓⵊⴷ ⵏ ⵉⵙⵏⴼⴰⵔⵏ ⴷ ⵜⵎⴽⵕⴰⴷ ⴷ ⵜⵡⵓⵔⵉ ⴷ ⵓⵣⵣⵔⴰⵢ ⵙ ⵉⵙⵖⴰⵍⵏ ⵕⵡⴰⵏⵉⵏ.

ⵙ ⵓⴹⵕⵉⵚ ⴰⴷ ⴰⵣⵔⴼⴰⵏ, ⵉⵇⵇⴰⵏ ⴷ ⴼ ⵜⵎⵙⵙⵓⴳⵓⵔⵉⵏ ⵏ ⵓⵡⴰⵏⴽ ⴷ ⵜⴳⵔⴰⵡⵉⵏ ⵜⵉⵏⴰⴽⴰⵍⵉⵏ ⴷ ⵜⵎⵔⵙⴰⵍ ⵜⵉⴳⴷⵓⴷⴰⵏⵉⵏ  ⴰⴷ ⴼⴽⵉⵏⵜ ⵉ ⵜⵙⵏⵓⵔⴰⵢⵜ ⵙ ⵜⵓⵜⵔⴰ ⵏⵏⵙ, ⵜⵉⵎⵓⵛⴰ ⴷ ⵜⴻⵜⴳⴰⵔⵉⵏ ⴷ ⵉⵏⵖⵎⵉⵙⵏ ⵃⵎⴰ ⴰⴷ ⵜⵙⴽⵔ ⵜⵉⵙⵎⵉⴳⴰⵍ ⵏⵏⵙ.