ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⵙⵉⵏ ⵉⵙⵏⴼⴰⵔⵏ ⵏ ⵉⵙⵍⴳⵏⵏ ⴼ ⵜⵏⴼⴳⵓⵔⵉⵏ ⵏ ⵓⵙⵏⴼⵍ ⴷ ⵉⵖⵣⵓⵜⵏ
ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵙ ⵏ 24 ⴽⵟⵓⴱⵕ 2023, ⵙ ⵜⵓⴳⵯⵜ ⴰⵙⵏⴼⴰⵔ ⵏ ⵓⵙⵍⴳⵏ 43.22 ⴼ ⵜⵏⴼⴳⵓⵔⵉⵏ ⵏ ⵓⵙⵏⴼⵍ, ⴳ ⵜⵖⵉⵎⵉⵜ ⵜⴰⵣⵣⵔⴰⴼⵜ ⵍⵍⵉ ⵉⵙⵙⵉⵅⴼ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵙ ⵜⵉⵍⵉⵜ ⵏ ⵎⴰⵙⵙ ⵄⴰⴱⴷⵍⵍⴰⵟⵉⴼ ⵡⴰⵀⴱⵉ ⴰⵎⴰⵡⵙⴰⵙ ⵏ ⵜⵣⵔⴼⵜ. ⵖ ⵜⵖⵉⵎⵉⵜ ⵜⴰⵣⵣⵔⴰⴼⵜ ⵜⵉⵙ ⵙⵏⴰⵜ, ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵜⵓⴳⵯⵜ ⴰⵙⵏⴼⴰⵔ ⵏ ⵓⵙⵍⴳⵏ 10.23 ⴼ ⵓⵙⵏⵎⴰⵍⴰ ⴷ ⵓⵙⵡⵓⴷⴷⵓ ⵏ ⵉⵖⵣⵓⵜⵏ, ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴷ ⵜⵉⵍⵜⵉ ⵏ ⵎⴰⵙⵙ ⵎⵓⵚⵟⴰⴼⴰ ⴱⴰⵢⵜⴰⵙ ⴰⵎⴰⵡⵙⴰⵙ ⴰⵎⴰⵔⵉ ⵖⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵟ ⵉⵜⵜⵓⵙⵎⴰⴳⴰⵍⵏ ⵙ ⵜⵣⴷⴰⵢⵉⵏ ⴷ ⵓⴱⵕⵍⴰⵎⴰⵏ ⴰⵎⵙⵙⵉⵡⵍ ⴰⵎⴰⴷⴷⵓⴷ ⵙ ⵉⵙⵎ ⵏ ⵜⵏⴱⴰⴹⵜ.
ⵉⴽⵛⵎ ⵓⵙⵏⴼⴰⵔ ⵏ ⵓⵙⵍⴳⵏ 43.22 ⵉⵣⴷⵉⵏ ⴷ ⵜⵏⴼⴳⵓⵔⵉⵏ ⵏ ⵓⵙⵏⴼⵍ ⴳ ⵓⵙⴰⵜⵉ ⵏ ⵓⵙⵎⴰⴷ ⵏ ⵓⵎⵓⴽⵏ ⵏ ⵓⵏⴳⵔⴰⵡ ⵏ ⵜⵣⵔⴼⵜ, ⵉⴱⴷⴷⵏ ⴼ ⵓⵙⵎⴰⵢⵏⵓ ⵏ ⵓⵏⴳⵔⴰⵡ ⴰⵣⵔⴼⴰⵏ ⵙ ⵓⵙⵕⵚⵓ ⵏ ⵜⵙⵔⵜⵉⵜ ⵏ ⵜⵏⴳⵓⵔⵉⵏ ⵉⵕⵡⵡⴰⵏ, ⴷ ⵓⵙⵉⵜⵜⵉ ⵏ ⵜⵎⵓⴽⵔⵉⵙⵉⵏ ⴷⴰⵜ ⵏ ⵜⵣⵔⴼⵜ ⵜⴰⵏⴱⴽⴰⴹⵜ ⴳ ⵎⴰⴷ ⵉⵣⴷⵉⵏ ⴷ ⵜⵏⴼⴳⵓⵔⵉⵏ ⵜⵜⴽⴽⵙⵏⵉⵏ ⵜⵉⵍⴻⵍⵉ ⴳ ⵜⵉⵣⵉ ⵉⴷⵔⵓⵙⵏ.
ⵉⵡⴰⵜⵜⵙ ⵓⵙⵏⴼⴰⵔ ⴰⴷ ⴰⵙⵔⵓⵙ ⵏ ⵓⵙⴰⵜⵉ ⴰⵣⵔⴼⴰⵏ ⵉⵙⵎⴷⵏ ⵉ ⵜⵏⴼⴳⵓⵔⵉⵏ ⵏ ⵓⵙⵏⴼⵍ ⵙ ⵜⵍⵍⵓⴳⵏⴰ ⵍⵍⴰⵏⵉⵏ ⴳ ⵓⵙⵍⴳⵏ ⴰⵏⴱⴽⴰⴹ ⴼ ⵢⵉⴳⵔ ⵏ ⵜⵏⴼⴳⵓⵔⵉⵏ, ⴷ ⵓⵙⵔⵓⵙ ⵏ ⵉⵎⴰⵙⵙⵏ ⵉⵎⵙⴽⴰⵔⵏ ⴳ ⵓⵙⵡⵉⵔ ⵏ ⵓⵙⵍⴳⵏ ⵏ ⵜⴱⵔⵉⴷⵜ ⵜⴰⵏⴱⴽⴰⴹⵟ ⴼ ⵓⴹⴼⵕ ⴷ ⵓⵣⵣⴳⵉⵔ ⵏ ⵜⵏⴼⴳⵓⵔⵉⵏ ⵏ ⵓⵙⵏⴼⵍ.
ⵢⵉⵡⵉ ⴷ ⵓⵙⵏⴼⴰⵔ ⴰⴷ ⵜⵉⵏⴼⴳⵓⵔⵉⵏ ⵏ ⵓⵙⵏⴼⵍ ⴳⴰⵏⵉⵏ ⴰⵙⵡⵓⵔⵉ ⵉ ⵚⴰⵃⴰ ⴰⵎⴰⵜⴰⵢ ⴷ ⵜⵉⴹⴰⴼ ⵜⴰⵍⵉⴽⵟⵔⵉⵏⵉⵜ ⴷ ⵓⵙⵔⵓⵙ ⵏ ⵉⵡⵓⴷⴷⵓⵜⵏ ⵏ ⵓⵙⵖⵔⵜ ⵙ ⵜⵙⵏⵉⵊⵊⵉⵜ ⴰⴼ ⵜⴰⵙⵏⵉⵊⵊⵉⵜ ⵜⴰⴱⵙⵉⴽⵓⵍⵓⵊⵉⵜ ⵙ ⵓⵙⵏⵉⵊⵊⵉ ⵙⴳ ⵉⵙⴷⵓⴷⴷⵓⵢⵏ, ⴷ ⵜⵉⵢⵢⴰⴹ ⴰⵎ ⵡⴰⵔⴰⴷⴰⵙ ⴷⴰⵔ ⵓⵏⴳⵉⵙ ⴷⴰⵔ ⵜⵏⵓⴼⴰ ⵏ ⵉⴱⵓⵍⵉⵙⵏ ⵜⵊⵉⵕⴹⵎⵜ ⵜⴰⴳⵎⴷⴰⵏⵜ.
ⵉⵙⵎⵖⵔ ⵓⴹⵕⵉⵚ ⴰⴷ ⴰⵙⴰⵜⵉ ⵏ ⵜⵉⵍⵉⵜ ⵏ ⵚⴰⵃⴰ ⵙⴳ ⵜⵉⵏⴼⴳⵓⵔⵉⵏ ⵏ ⵓⵙⵏⴼⵍ ⴰⴼⴰⴷ ⴰⴷ ⴰⵎⵓⵏⵜ ⵜⴰⵏⴼⴳⵓⵔⵜ ⵏⵏⴰ ⵏⵏ ⵓⵔ ⵉⵣⵔⵉⵏ ⵙⵎⵎⵓⵙ ⵉⵙⴳⴳⵯⴰⵙⵏ ⴳ ⵓⵖⵣⵓ, ⴷ ⵓⵙⵉⵜⵜⵉ ⵏ ⵉⴱⴽⴽⴰⴹⵏ ⵏ ⵜⵕⴰⵄⵉⵜ ⵜⴰⵥⵕⴼⴰⵏⵜ ⴷ ⵉⴱⴽⴽⴰⴹⵏ ⵏ ⵜⵏⴼⵔⵓⵜ ⵏ ⵓⵡⴰⵏⴽ ⴷ ⵓⴱⵔⵙⵙⵉⵡⴷ ⴷ ⵉⴱⴽⴽⴰⴹⵏ ⵉⵙⵔⴷⴰⵙⵏ ⴷ ⵓⵙⵖⵏⵙⵣⵉ ⴰⴳⵔⴰⵖⵍⴰⵏ ⴳ ⵉⵙⴷⵓⴷⴷⵓⵢⵏ ⴷ ⵉⴳⵎⴰⵎⵏ ⵏ ⵓⴼⴳⴰⵏ, ⴷ ⵓⵙⵎⵔⵙ ⵏ ⵜⵔⴰⵄⴰⵢⵜ ⵏ ⵜⴰⵣⵣⴰⵏⵉⵏ ⴷ ⵉⵡⴷⴰⵏ ⴳⴰⵏⵉⵏ ⵉⵏⵄⴹⵓⴱⴱⴰ.
ⵔⴰⴷ ⵉⴳ ⵓⴹⵕⵉⵚ ⴰⴷ ⴰⴼⵙⵙⴰⵢ ⵏ ⵜⵎⵓⴽⵔⵉⵙⵉⵏ ⴷⴰⵜ ⵏ ⵜⵙⵔⵜⵉⵜ ⵏ ⵜⵏⴼⴳⵓⵔⵜ ⵏ ⵖⵉⵍⴰⴷ, ⵙⵍⴰⵡⴰⵏ ⴰⴽⴽⵯ ⴳ ⵓⵙⴰⵜⵉ ⵏ ⵓⵟⵟⵓⵏⵏ ⴷ ⵜⵎⵓⵛⴰ ⵜⵜⴰⵡⵣⵎⵎⴰⵎⵏⵉⵏ ⴳ ⵓⵙⵡⵉⵔ ⵏ ⵉⵎⵣⴷⴰⴱⵏ ⴳ ⵉⵖⵣⵓⵜⵏ ⴳ ⵍⵎⵖⵔⵉⴱ.
ⵉⴽⵛ ⵓⵙⵏⴼⴰⵔ ⵏ ⵓⵙⵍⴳⵏ 10.23 ⵉⵥⵍⵉⵏ ⵙ ⵓⵙⵏⵎⴰⵍⴰ ⴷ ⵓⵙⵡⵓⴷⴷⵓ ⵏ ⵉⵖⵣⵓⵜⵏ ⴳ ⵓⵙⴰⵜⵉ ⵏ ⵜⵣⵣⵉⴳⵣⵉⵏ ⴷⵔⴰⵏⵉⵏ ⴷ ⵉⵎⵓⴽⵏⵏ ⵉⵅⴰⵜⴰⵔⵏ ⵍⵍⴰⵏⵉⵏ ⴳ ⵜⴳⵍⴷⵉⵜ, ⴳ ⵓⵎⵏⵉⴷ ⵏ ⵓⵙⴷⵓⵙ ⵏ ⵓⵙⵜⴰⵢ ⴰⴷⵉⵎⵓⵇⵔⴰⵟⵉ.
ⵉⵡⴰⵜⵜⵙ ⵓⴹⵕⵉⵙ ⴰⵙⴷⵓⵙ ⵏ ⵓⵣⵔⴼⴰⵏ ⴳ ⵉⵖⵣⵓⵜⵏ ⴷ ⵓⵙⵖⵔⵜ ⵏ ⵉⵏⴽⵔⴰⴼ ⴷ ⵡⴰⵍⴰⵙ ⵏ ⵓⵙⵉⴷⴼ ⵏⵏⵙ, ⵉⵍⵍⴰ ⵓⵙⵡⵓⵔⵉ ⴼ ⵜⵏⴼⵔⵓⵜ ⵏ ⵉⵏⴽⵔⴰⴼ ⴷ ⵉⵡⴷⴰⵏ ⴷ ⵜⵓⵚⴽⵉⵡⵉⵏ ⵍⵍⴰⵏⵉⵏ ⴳⵉⵖⵣⵓⵜⵏ, ⴷ ⵓⴼⵔⴰⴳ ⵏ ⵜⵏⴼⵔⵓⵜ ⵜⴰⵎⴰⵜⴰⵢⵜ ⴷ ⵉⵣⵔⴼⴰⵏ ⵏ ⵉⵏⴽⵔⴰⴼ ⴷ ⵜⵏⴼⵔⵓⵜ ⴷ ⵓⵙⵓⵔⵙⵏ ⵏⵏⵙⵏ ⴰⵏⴼⴳⴰⵏ.
ⵉⵙⴷⴷⵉⴷ ⵓⴹⵕⵉⵚ ⴰⴷ ⴼ ⵓⴼⵔⵉⵙ ⴰⵏⴼⴳⴰⵏ ⴷ ⵜⵎⵏⵜⴰⵍ ⵏ ⵜⵎⵢⵉⴷⵉⵔⵜ ⴳ ⵓⵖⵣⵓ ⵍⵍⵉ ⵉⴳⴰⵏ ⴰⵙⴰⵢⵔⵓⵔ ⵏ ⵓⵙⵖⵔⵜ ⴰⵏⴰⵎⵓⵏ ⵏ ⵉⵡⴷⴰⵏ ⵎⵓ ⵜⵜⵓⴽⴽⴰⵙ ⵜⵍⴻⵍⵍⵉ ⵏⵏⵙⵏ ⴷ ⵡⴰⵍⴰⵙ ⵏ ⵓⵙⵉⴷⴼ ⵏⵏⵙⵏ ⴳ ⵓⵥⵟⵟⴰ ⴰⵏⴰⵎⵓⵏ ⵙ ⵓⵡⵇⵇⵔ ⵏ ⵓⵙⵍⴳⵏ.
ⵉⵍⵍⴰ ⵓⵙⴷⴷⵉⴷ ⵓⵍⴰ ⴼ ⵓⵡⵇⵇⵔ ⵏ ⵉⵣⵔⴼⴰⵏ ⵏ ⵉⵏⴽⵔⴰⴼ, ⴰⵎ ⴰⵣⵔⴼ ⴳ ⵓⵏⵢⴰⵍⴽⴰⵎ ⴷ ⵓⵎⵙⵜⴰⵏ ⵏⵏⴰ ⵙⵜⵉⵏ ⴷ ⵓⵣⵔⴼ ⵏ ⵓⵔⵣⴰⴼ ⴷ ⵓⵚⵉⴼⴷ ⴷ ⵉⵎⵉⵥ ⵏ ⵜⴱⵔⴰⵜⵉⵏ, ⴷ ⵓⵣⵔⴼ ⵏ ⵜⵙⵏⵉⵊⵊⵉⵜ ⴷ ⵜⵖⵔⵉ ⴷ ⵓⵙⵉⵍⵖ ⴰⵣⵣⵓⵍⴰⵏ, ⴷ ⵓⵣⵔⴼ ⵏ ⵓⵙⴽⵔ ⵏ ⵜⵡⵓⵔⵉ ⵉⵍⴰⵏ ⴰⴼⴰⵔⵙ ⴷ ⵉⵣⵔⴼⴰⵏ ⵏ ⵓⵏⵄⴰⵕ
ⵢⵉⵡⵉ ⴷ ⵓⴹⵕⵉⵚ ⵓⵍⴰ ⵉⴱⴷⵉⵢⵏ ⴼ ⵜⵏⴼⴳⵓⵔⵉⵏ ⵥⵍⵉⵏⵉⵏ ⵃⵎⴰ ⴰⴷ ⵢⵉⵍⵉ ⵓⵃⵟⵟⵓ ⵏ ⵜⵣⴷⴰⵢⵉⵏ ⵏ ⵜⵓⵡⵊⴰ ⴷ ⵓⵙⵓⵊⴷ ⵏ ⵓⵙⵉⴷⴼ ⵏⵏⵙⵏ ⴳ ⵡⴰⵎⵓⵏ, ⴷ ⵓⵥⵍⴰⵢ ⵊⴰⵔ ⵉⵔⴳⴰⵣⵏ ⴷ ⵜⵎⵖⴰⵔⵉⵏ ⴷ ⵜⴰⵣⵣⴰⵏⵉⵏ ⴳ ⵜⵉⵣⵉ ⵏ ⵉⵎⵉⵥ.
ⵔⴰⴷ ⵢⴰⵡⵙ ⵓⴹⵕⵉⵚ ⴰⴷ ⴳ ⵓⵣⵣⵔⴰⵢ ⵏ ⵜⵎⵓⵊⴽⵔⵉⵙⵉⵏ ⵍⵍⴰⵏⵉⵏ ⴷⴰⵜ ⵏ ⵓⵙⵍⴳⵏ ⵏ ⵖⵉⵍⴰⴷ, ⴷ ⵓⵎⵓⴽⵏ ⵏ ⵜⵎⵓⴽⵔⵉⵙⵉⵏ ⵣⴷⵉⵏⵉⵏ ⴷ ⵜⵏⴼⵔⵓⵜ ⴷ ⵓⵙⵉⴷⴼ ⴳ ⵓⵙⵎⵀⵍ ⵏ ⵜⵉⵍⴰⵜ ⵏ ⵜⵎⵔⵙⴰⵍ ⵏ ⵉⵖⵣⵓⵜ.