ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⴽⵕⴰⴹ ⵉⵙⵏⴼⴰⵔⵏ ⵏ ⵉⵙⵍⴳⵏⵏ ⴼ ⵜⵉⴼⴰⵡⵜ ⴷ ⵉⵏⵎⵀⴰⵍⵏ ⵉⵙⵉⵎⴰⵏⵏ ⴳ ⵜⵎⵙⵙⵏⵜⴰⵢⵉⵏ ⵜⵉⴳⴷⵓⴷⴰⵏⵉⵏ
ⵉⵡⴰⵜⵜⵙ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵉⵏⴰⵙ 7 ⴱⵕⴰⵢⵕ 2023, ⵙ ⵜⵓⴳⵜ ⴽⵕⴰⴹ ⵉⵙⵏⴼⴰⵔⵏ ⵏ ⵉⵙⵍⴳⵏⵏ ⵣⴷⵉⵏⵉⵏ ⴷ ⵜⵉⴼⴰⵡⵜ ⴷ ⵉⵏⵎⵀⴰⵍ ⵉⵙⵉⵎⴰⵏⵏ ⴳ ⵜⵎⵙⵙⵏⵜⴰⵢⵉⵏ ⵜⵉⴳⴷⵓⴷⴰⵏⵉⵏ, ⴳ ⵜⵖⵉⵎⵉⵜ ⵜⴰⵣⵣⵔⴰⴼⵜ ⵍⵍⵉ ⵉⵙⵙⵉⵅⴼ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵙ ⵜⵉⵍⵉⵜ ⵏ ⵎⴰⵙⵙⴰ ⵍⴰⵢⵍⴰ ⴱⵏⵄⵍⵉ ⵜⴰⵎⴰⵡⵙⴰⵙⵜ ⵏ ⵓⵙⵎⴰⵜⵜⵉ ⴰⵎⵓⵟⵟⵓⵏ ⴷ ⵜⴳⵎⵉ ⵜⴰⵙⵓⵍⴰⵏⵜ.
ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵜⵓⴳⵜ ⴰⵙⵏⴼⴰⵔ ⵏ ⵓⵙⵍⴳⵏ 82.21 ⵉⵣⴷⵉⵏ ⴷ ⵓⴼⴰⵔⵙ ⴰⵏⵉⵎⴰⵏ ⵏ ⵜⵉⴼⴰⵡⵜ, ⴳ ⵜⵉⵖⵔⵉ ⵜⵉⵙ ⵙⵏⴰⵜ, ⵉⵍⵍⴰ ⵓⵙⵓⵊⴷ ⵏⵏⵙ ⵙ ⵓⵎⵙⴰⵙⴰ ⴷ ⵉⵙⵡⴰⵍⴰⵢⵏ ⵉⵙⵜⵔⴰⵜⵉⵊⵉⵢⵏ ⵏ ⵜⵥⴷⴰⵕⵜ ⴳ ⵎⴰⴷ ⵉⵥⵍⵉⵏ ⵙ ⵓⵡⵇⵇⵔ ⵏ ⵡⴰⵏⴰⵡ ⵓⵏⴳⵉⵎ ⴰⵎⴰⵢⵏⵓ, ⴳ ⵓⵙⵎⵖⵔ ⵏ ⵓⴼⴰⵔⵙ ⵡⴰⵔⴰⵏⵎⵎⴰⵙ ⵏ ⵜⵉⴼⴰⵡⵜ, ⴷ ⵓⵙⵖⵓⴷⵓ ⵏ ⵜⵙⵓⴳⵔⵜ ⵏ ⵓⵃⵎⵉⵣⵡⴰⵔ ⵏ ⵢⵉⴳⵔ ⵏ ⵜⵉⴼⴰⵡ<ⵜ ⴷ ⵓⵙⵔⵅⵓ ⵏ ⵜⵎⵙⴽⴰⵔ ⵜⵉⵎⵙⵙⵓⴳⵓⵜⵔⵉⵏ.
ⵉⵍⵍⴰ ⵓⴹⵕⵉⵚ ⴰⴷ ⵃⵎⴰ ⴼ ⵜⵏⴰⵥⴰⵕⵉⵏ ⵣⴷⵉⵏⵉⵏ ⴷ ⵜⵉⵍⴰⵍⵜ ⵏ ⵓⴼⴰⵔⵙ ⴰⵏⵉⵎⴰⵏ ⵣⴷⵉⵏⵉⵏ ⴷ ⵡⴰⵔⵜⵉⵍⵉⵜ ⵏ ⵉⵙⵍⴳⵏⵏ ⴷ ⵜⵓⵚⴽⵉⵡⵉⵏ ⵏ ⵓⴼⴰⵔⵙ ⴰⵏⵉⵎⴰⵏ, ⴷ ⵓⴼⴰⵔⵙ ⴰⵏⵉⵎⴰⵏ ⵏ ⵜⵉⴼⴰⵡⵜ ⵖⴰⵙ ⴳ ⵓⵙⵉⵔⴰ ⴰⵏⴰⵎⵓⵔ ⵏ ⵜⵉⴼⴰⵡⵜ ⴷ ⵡⴰⵎⴰⵏ ⵜⵉⵙⵙⵉ. ⵉⵡⴰⵜⵜⵙ ⵓⵍⴰ ⴰⵙⵏⵎⴰⵍⴰ ⵏ ⵜⵉⵍⴰⵍⵜ ⵏ ⵓⴼⴰⵔⵙ ⵏ ⴼⵉⵜⴰⵡⵜ ⵉ ⵉⵡⵜⵜⴰⵙⵏ ⵏ ⵓⵙⵎⵔⵙ ⴰⵏⵉⵎⴰⵏ ⵉⴽ ⵏⵏⴰ ⵉⴳⴰ ⵓⵖⴱⴰⵍⵓ ⵏ ⵓⴼⴰⵔⵙ, ⴷ ⵓⴹⵎⵏ ⵏ ⵜⴼⴰⵜⵉⵜ ⴷ ⵜⵏⴼⵔⵓⵜ ⵏ ⵓⵥⵟⵟⴰ ⴰⵏⴰⵎⵓⵔ ⵏ ⵜⵉⴼⴰⵡⵜ, ⴷ ⵓⵡⵇⵇⵔ ⵏ ⵜⵔⵙⴰⵍ ⵏ ⵜⵎⴰⴼⴰⵡⵜ ⴷ ⵡⴰⵔⴰⵙⵏⵓⵃⵢⵓ ⵊⴰⵔ ⵎⴰⵕⵕⴰ ⵉⵎⵙⴽⴰⵔⵏ.
ⵉⵍⵍⴰ ⵓⵍⴰ ⵓⵙⵜⴰⵢ ⵙ ⵜⵓⴳⵜ ⵏ ⵓⵙⵏⴼⴰⵔ ⵏ ⵓⵙⵍⴳⵏ 40.19 ⵉ ⵓⵙⵎⴰⴷ ⴷ ⵓⵙⵏⴼⵍ ⵏ ⵓⵙⵍⴳⵏ 13.09 ⴼ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ ⴷ ⵓⵙⵍⴳⵏ 48.315 ⵉⵣⴷⵉⵏ ⴷ ⵓⵙⵏⴳⵉⴷⴷⵉ ⵏ ⵜⵉⴼⴰⵡⵜ ⴷ ⵓⵙⴽⵔ ⵏ ⵜⴳⵔⴰⵡⵜ ⵜⴰⵏⴰⵎⵓⵔⵜ ⵏ ⵓⵏⴳⵉⴷⴷⵉ ⵏ ⵜⵉⴼⴰⵡⵜ, ⴳ ⵜⵉⵖⵔⵉ ⵜⵉⵙ ⵙⵏⴰⵜ, ⵉⵎⵙⴰⵙⴰⵏ ⴷ ⵉⵙⵡⴰⵍⴰⵢⵏ ⵏ ⵜⴳⵍⴷⵉⵜ, ⵍⵍⵉⵖ ⴳⴰⵏ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ ⵜⴰⵔⵙⵍⵜ ⵜⴰⵙⵉⵍⴰⵏⵜ ⴳ ⵜⵙⵜⵔⴰⵜⵉⵊⵉⵜ ⵜⴰⵥⴹⴰⵕⴰⵏⵜ ⵜⴰⵏⴰⵎⵓⵔⵜ ⵍⵍⵉ ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴳ 2009, ⵃⵎⴰ ⴰⴷ ⵏⵣⵔⵉ ⵜⵉⵔⵎⵜ ⵏ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ ⴳ ⵜⵙⵓⴳⵔⵜ ⵏ ⵜⵉⴼⴰⵡⵜ ⴳ 25% ⴰⵔ 2030.
ⵉⵡⴰⵜⵜⵙ ⵓⵙⵍⴳⵏ ⴰⴷ ⴰⵙⵖⵓⴷⵓ ⵏ ⵓⵏⵣⵡⵉ ⵏ ⵜⵡⵡⵓⵔⵉⵡⵉⵏ ⴷ ⵓⵙⴷⵓⵙ ⵏ ⵜⵎⴰⴼⴰⵡⵜ ⴷ ⵓⵙⵔⵅⵓ ⵏ ⵉⵏⵖⵎⵉⵙⵏ ⵣⴷⵉⵏⵉⵏ ⴷ ⵓⵙⵙⴰⵔⵓ ⴷ ⵓⵙⴷⵓⵙ ⵏ ⵢⵉⴳⵔ ⵏ ⵜⵥⴹⵕⵜ ⵜⴰⵎⴰⵢⵏⵓⵜ ⴳ ⵓⵙⵡⵉⵔ ⴰⵏⴰⵎⵓⵔ ⴷ ⵓⴳⵔⴰⵖⵍⴰⵏ, ⴷ ⵓⵙⴷⵓⵙ ⵏ ⵜⴼⴰⵜⵉⵜ ⵏ ⵓⵏⴳⵔⴰⵡ ⴰⵏⴰⵎⵓⵔ ⵏ ⵜⵉⴼⴰⵡⵜ, ⴷ ⵓⵙⴷⵙⵓⵙ ⵏ ⵓⵥⵟⵟⴰ ⵏ ⵜⵎⵙⵙⵏⵜⴰⵢⵉⵏ ⵜⵉⵏⴰⵎⵓⵔⵉⵏ ⴳ ⵢⵉⴳⵔ ⴰⴷ.
ⵖⵎⴽ ⵍⵍⵉ ⵉⵍⵍⴰ ⵓⵙⵜⴰⵢ ⵙ ⵜⵓⴳⵜ ⵏ ⵓⵙⵏⴼⴰⵔ ⵏ ⵓⵙⵍⴳⵏ 40.22 ⵉⵣⴷⵉⵏ ⴷ ⵓⵏⵛⴽ ⵏ ⵉⵏⵎⵀⴰⵍⵏ ⵉⵙⵉⵎⴰⵏⵏ ⴷ ⵜⴼⴰⴷⵉⵡⵉⵏ ⴷ ⵜⴱⵔⵉⴷⵉⵏ ⵏ ⵓⵙⵓⵎⵍ ⵏⵏⵙⵏ ⴳ ⵉⵏⴳⵎⴰⵎⵏ ⵏ ⵜⵎⵙⵙⵏⵜⴰⵢ ⵜⵉⴳⴷⵓⴷⴰⵏⵉⵏ, ⴰⵢⵍⵍⵉ ⵔⴰⴷ ⵉⵙⴷⵓⵙ ⵉⵙⵍⴳⵏ ⵏ ⵓⵎⵓⴽⵏ ⴷ ⵜⵎⵔⵙⴰⵍ ⴷ ⵜⵎⵙⵙⵏⵜⴰⵢ ⵜⵉⴳⴷⵓⴷⴰⵏⵉⵏ.
ⵉⵡⴰⵜⵜⵙ ⵓⴹⵕⵉⵚ ⴰⵙⵖⵓⴷⵓ ⵏ ⵜⵏⵏⵓⴱⴹⴰ ⵏ ⵜⵎⵙⵙⵏⵜⴰⵢ ⵜⵉⴳⴷⵓⴷⴰⵏⵉⵏ ⵙ ⵓⵙⵎⵖⵔ ⵏ ⵜⵣⵣⵓⵍⴰⵏⵜⵏ ⵉⵏⴳⵎⴰⵎⵏ ⵏⵏⵙ ⴷ ⵓⵙⵎⵖⵔ ⵏ ⵜⵡⵡⵓⵔⵉ ⵏ ⵓⵙⴽⵔ ⵏ ⵉⵖⴰⵡⴰⵙⵏ ⵏ ⵜⵎⵙⵙⵏⵜⴰⵢ ⵜⵜⴰⵡⴱⴷⴰⵔⵏⵉⵏ ⴷ ⵓⵙⴽⵔ ⵏ ⵜⵉⵕⵡⵉ ⴷ ⵓⵙⵖⵓⴷⵓ ⵏ ⵜⵏⵓⴼⴰ ⴷ ⵓⵙⵕⵚⵓ ⵏ ⵓⵙⵡⵓⴷⴷⵓ ⵉⴱⴷⴷⵏ ⴼ ⵜⵢⵢⴰⴼⵓⵜⵉⵏ.
ⵔⴰⴷ ⵉⵙⵎⵖⵔ ⵓⵙⵍⴳⵏ ⴰⴷ ⵜⴰⵣⵣⵓⵍⴰⵏⵜ ⵏ ⵉⵏⴳⵎⴰⵎⵏ ⵏ ⵜⵎⵙⵙⵏⵜⴰⵢ ⵜⵉⴳⴷⵓⴷⴰⵏⵉⵏ ⵙ ⵓⵙⵔⵓⵙ ⵏ ⵜⴼⴰⴷⵉⵡⵉⵏ ⵏ ⵓⵙⵎⵍ ⵏ ⵉⵏⵎⵀⴰⵍⵏ ⵉⵙⵉⵎⴰⵏⵏ ⵙ ⵓⵙⵔⵓⵙ ⵏ ⵜⵙⵓⴳⴰⵔ ⵜⵓⵛⵛⵉⵍⵉⵏ ⵉ ⵓⵙⴽⵔ ⵉ ⵜⵙⵎⵉⴳⴰⵍ ⴰⴷ, ⵖⵎⴽ ⴰⵏⵏ ⴷ ⵓⵙⵕⵚⵓ ⵏ ⵜⵙⵉⵎⴰⵏⵜ ⴷ ⵜⵎⴰⵙⴰⵢⵜ ⵏ ⵉⵏⴳⵎⴰⵎⵏ ⵏ ⵜⵎⵙⵙⵓⴳⵓⵔⵜ ⵙⵓⵙⵔⵙ ⵏ ⵜⴱⵔⵉⴷⵜ ⵉⵥⵍⵉⵏ ⴷ ⵉⴳⴰⵏ ⵜⴰⵎⴰⴼⴰⵡⵜⵉ ⵓⵙⵎⵍ ⵏ ⵉⵏⵎⵀⴰⵍⵏ ⴰⴷ, ⵖⵎⴽ ⴰⵏ ⵓⵍⴰ ⴰⵙⵔⵓⵙ ⵏ ⵉⵎⴰⵙⵙⵏ ⵏ ⵓⵙⵙⵔⵇⴱ ⴷ ⵓⵙⴰⵜⵉ ⵙ ⵓⵙⵔⵓⵙ ⵏ ⵓⵏⴳⵔⴰⵡ ⵏ ⵜⵖⵔⴰⴷ ⵉⵜⵜⴰⴼⴽⴰⵏ ⵉ ⵉⵏⵎⵀⴰⵍⵏ ⵉⵙⵉⵎⴰⵏⵏ ⵙ ⵜⴷⵔⴰⵡⵜ ⵉⵕⵡⴰⵏ ⴳ ⵜⵙⵎⵓⵏⴰⵢ ⴳ ⵓⵏⴳⵎⴰⵎ ⵏ ⵓⵎⴹⴰⴽⴰⵔ ⴷ ⵜⵙⵇⵇⵉⵎⵉⵏ, ⵔⴰⴷ ⴳⵉⵏⵜ ⵜⵖⵔⴰⴷ ⵜⵉⵏ ⵓⵙⴳⴳⵯⴰⵙ ⵙⵓⵍⵏⵜ.