ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⵜⴰⵙⵓⵎⵔⵜ ⵏ ⵓⵙⵍⴳⵏ ⴼ ⵜⵎⵔⵙⵍⵜ ⵏ ⵜⵡⵡⵓⵔⵉⵡⵉⵏ ⵜⵉⵏⴰⵎⵓⵏⵉⵏ ⵏ ⵉⵎⵙⵡⵓⵔⵉⵢⵏ ⴷ ⵉⵇⴱⵓⵔⵏ ⵏ ⵓⴱⵕⵍⴰⵎⴰⵏ ⴷ ⵓⵙⵏⴼⴰⵔ ⵏ ⵓⵙⵍⴳⵏ ⴼ ⵓⵣⵔⴼ ⵏ ⵓⵙⵖⵏⵣⵉ

ⵉⵙⵖⵏⵣ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 16 ⵉⵏⵏⴰⵢⵔ 2023, ⵙ ⵓⵎⴽⵕⴰⴹ ⵜⴰⵙⵓⵎⵔⵜ ⵏ ⵓⵙⵍⴳⵏ ⵉⵥⵍⵉⵏ ⵙ ⵓⵙⴽⵔ ⴷ ⵓⵙⵏⵎⴰⵍⴰ ⵏ ⵜⵎⵔⵙⵍⵜ ⵏ ⵜⵡⵡⵓⵔⵉⵡⵉⵏ ⵜⵉⵏⴰⵎⵓⵏⵉⵏ ⵏ ⵉⵎⵙⵡⵓⵔⵉⵢⵏ ⴷ ⵉⵇⴱⵓⵔⵏ ⵏ ⵓⴱⵕⵍⴰⵎⴰⵏ, ⴷ ⵓⵙⵏⴼⴰⵔ ⵏ ⵓⵙⵍⴳⵏ ⵏ ⵓⵙⵣⵏⵣⵉ, ⴳ ⵜⵖⵉⵎⵉⵜⵉⵏ ⵜⵉⵣⵣⵔⴰⴼⵉⵏ ⵍⵉ ⵉⵙⵙⵉⵅⴼ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵜⵉⵍⵉⵜ ⵏ ⵎⴰⵙⵙ ⵎⵓⵚⵟⴰⴼⴰ ⴱⴰⵢⵜⴰⵙ ⴰⵎⴰⵡⵙⴰⵙ ⵉⵜⵜⵓⵙⵎⴰⴳⴰⵍⵏ ⵙ ⵜⵣⴷⴰⵢⵉⵏ ⴷ ⵓⴱⵕⵍⴰⵎⴰⵏ ⴰⵎⵙⵙⵉⵡⵍ ⴰⵎⴰⴷⴷⵓⴷ ⵙ ⵉⵙⵎ ⵏ ⵜⵏⴱⴰⴹⵜ.

ⵙ ⵓⵎⴽⵕⴰⴹ, ⵉⵍⵍⴰ ⵓⵙⵜⴰⵢ ⵏ ⵜⵙⵓⵎⵔⵜ ⵏ ⵓⵙⵍⴳⵏ ⵉ ⵓⵙⴽⵔ ⴷ ⵓⵙⵏⵎⴰⵍⴰ ⵏ ⵜⵎⵔⵙⵍⵜ ⵏ ⵜⵡⵡⵓⵔⵉⵡⵉⵏ ⵜⵉⵏⴰⵎⵓⵏⵉⵏ ⵏ ⵉⵎⵙⵡⵓⵔⵉⵢⵏ ⴷ ⵉⵇⴱⵓⵔⵏ ⵏ ⵓⴱⵕⵍⴰⵎⴰⵏ, ⵉⵍⵍⴰ ⴳ ⵓⵙⴰⵜⵉ ⵏ ⵉⵙⵡⴰⵍⴰⵢⵏ ⵉⴳⵍⴷⴰⵏⵏ ⴰⵜⵜⵓⵢⵏⵉⵏ ⵡⴰⵜⵜⵙⵏⵉⵏ ⴰⵙⵎⵖⵔ ⵏ ⵉⵡⴷⴰⵏ, ⵙ ⵡⴰⵜⵉⴳ ⵏⵏⵙ ⴳ ⵡⴰⵍⴰⵢ ⵏ ⵓⴼⴰⵔⵙ ⵏ ⵜⵣⵣⵓⵍⵜ ⵜⴰⴳⴷⵓⴷⴰⵏⵜ.

ⵜⵡⴰⵜⵜⵙ ⵜⵙⵓⵎⵔⵜ ⴰⴷ ⴰⵙⵎⵖⵔ ⵏ ⵜⵏⵓⴼⴰ ⵜⵉⵏⴰⵎⵓⵏⵉⵏ ⵏ ⵉⵎⵙⵡⵓⵔⵉⵢⵏ ⴷ ⵉⵇⴱⵓⵔⵏ ⵏ ⵓⴱⵕⵍⴰⵎⴰⵏ ⴳ ⵉⴳⵔⴰⵏ ⵏ ⵓⵣⴷⴷⵓⵖ ⴷ ⵓⵙⴼⵍⵙ ⴰⴷⵓⵙⴰⵏ ⴷ ⵜⵏⴰⴼⵜ ⴷ ⵓⵙⴽⵔ ⵏ ⵜⵎⵙⵙⵓⴳⵓⵔⵉⵏ ⵜⵉⵏⴰⵎⵓⵏⵉⵏ ⴷ ⵜⴷⵍⵙⴰⵏⵉⵏ ⴷ ⵜⵉⴽⴽⵉ ⵏ ⵉⵕⵟⵟⴰⵍⵏ ⴷ ⵜⵏⵓⴼⴰ ⵙ ⵜⵎⵥⵍⴰⵢ ⵥⵍⵉⵏⵉⵏ.  

ⵔⴰⴷ ⵜⴰⵡⵙ ⵜⵎⵔⵙⵍⵜ ⴰⴷ ⵜⴰⵏⴰⵎⵓⵏⵜ ⴳ ⵓⵙⴽⵔ ⵏ ⵜⵡⵡⵓⵔⵉ ⵜⴰⵏⴰⵎⵓⵏⵜ ⵉⴷⵓⵙⵏ ⴷ ⵓⵙⵎⵖⵔ ⵏ ⵓⵙⵡⵓⴷⴷⵓ ⵏ ⵜⵡⵡⵓⵔⵉ ⵜⴰⵏⴰⵎⵓⵏⵜ ⵉⴱⴷⴷⵏ ⴼ ⵓⵙⵡⵓⴷⴷⵓ ⴰⵎⵔⵙⵍⴰⵏ.

ⵉⵍⵍⴰ ⵓⵍⴰ ⵓⵙⵖⵣⵏ ⵏ ⵓⵙⵏⴼⴰⵔ ⵏ ⵓⵙⵍⴳⵏ 69.21 ⵉ ⵓⵙⵏⴼⵍ ⵏ ⵓⵙⵍⴳⵏ 15.95 ⵉⵣⴷⵉⵏ ⴷ ⵓⵙⵍⴳⵏ ⵏ ⵓⵙⵖⵏⵣⵉ ⴷ ⵓⵙⵔⵙ ⵏ ⵡⴰⴽⵓⴷⵏ ⵥⵍⵉⵏⵉⵏ ⴷ ⵡⴰⴽⵓⴷ ⵏ ⵓⴼⵔⵓ.

ⵉⵡⴰⵜⵜⵙ ⵓⵙⵍⴳⵏ ⴰⴷ ⴰⴷ ⵉⵍⵉⵏⵉ ⵜⵎⵙⴽⴰⵔ ⵎⵓⵏⵏⵉⵏ ⵣⴷⵉⵏⵉⵏ ⴷ ⵜⴼⴰⴷⵉⵡⵉⵏ ⵏ ⵜⵉⵏⵣⵉ ⵙ ⵓⵙⵔⵙ ⵏ ⵉⴱⴹⵉⵢⵏ ⵥⵍⵉⵏⵉⵏ ⴷ ⵡⴰⴽⵓⴷ ⵏ ⵓⵙⵖⵏⵣⵉ, ⵙ ⵓⵙⴷⵓⵙ ⵏ ⵓⵎⵎⵉⵥⵏ ⵍⵍⴰⵏⵉⵏ ⴷ ⵓⵙⵎⵖⵔ ⵏ ⵡⴰⴽⵓⴷⵏ ⵏ ⵓⴼⵔⵓ, ⵃⵎⴰ ⴰⴷ ⵢⵉⵍⵉ ⵓⵙⵎⵖⵔ ⵏ ⵜⴷⵎⵙⴰ ⵜⴰⵏⴰⵎⵓⵏⵜ ⴷ ⵓⵙⵖⵓⴷⵓ ⵏ ⵓⵏⵣⵡⵉ ⵏ ⵜⵡⵡⵓⵔⵉⵡⵉⵏ ⴷ ⵓⵙⵎⵖⵔ ⵏ ⵜⵎⴰⵣⵉⵔⵜ ⴳ ⵓⵙⴽⴼⵍ ⵏ ⵜⵙⵖⴰⵍ ⵜⵉⴳⵔⴰⵖⵍⴰⵏⵉⵏ.

ⵔⴰⴷ ⵢⵉⵍⵉ ⵓⴹⵕⵉⵚ ⴰⴷ ⴼ ⵡⴰⴽⵓⴷ ⵏ ⵓⴼⵔⴰ ⵏ ⵉⵕⵟⵟⴰⵍⵏ ⴼ ⵜⵡⵡⵓⵔⵉⵡⵉⵏ ⵏ ⵓⵙⵖⵏⵣⵉ ⵊⴰⵔ ⵉⵙⴱⴱⴰⴱⵏ, ⵜⴰⵔ ⵉⵡⴷⴰⵏ ⵉⵏⵉⵎⴰⵏⵏ ⴷ ⵉⵎⵔⵙⵍⴰⵏⵏ ⴼ ⵉⴷⵔⵓⵙ ⵏⵖ ⵉⴳⴰⴷⴷⴰ ⵓⵟⵟⵓⵏ ⵏ ⵓⵙⵏⵖⵏⵉ ⵏⵏⵙ  ⴰⵙⴳⴳⵯⴰⵙⴰⵏ ⴼ ⵙⵉⵏ ⴷⵉ ⵎⵍⵢⵓⵏ ⵏ ⴷⵔⵀⵎ ⴱⵍⴰ ⴰⵔⴳⴰⵢ ⴼ ⵓⴼⴰⵔⵙ ⵉⵍⵍⴰⵏ ⴳ ⵢⵉⴳⵔ ⵏ ⵡⴰⴽⵓⴷⵏ ⵜⵜⴰⵡⴱⴷⴰⵔⵏⵉⵏ ⴳ ⵓⵙⵍⴳⵏ ⴰⴷ.

ⵔⴰⴷ ⵉⴳ ⵓⴹⵕⵉⵚ ⴰⴷ ⴰⵣⵔⴼⴰⵏ ⵉⵎⵉⵙ ⵉⴱⴱⵉⵏ ⴷ ⵜⵎⵓⴽⵔⵉⵙⵉⵏ ⵍⵍⴰⵏⵉⵏ ⴳ ⵢⵉⴳⵔ ⵏ ⵓⴼⵔⴰ, ⴷⴰⵔ ⵜⵎⵙⵙⵏⵜⴰⵢ ⵎⵥⵥⵉⵏⵉⵏ ⴷ ⵜⵎⵊⴷⴰⵢ ⴷ ⵜⵙⵓⴳⴰⵔ ⵏⵏⵙⵏⵜ ⴳ ⵓⵎⵃⵉⵣⵡⴰⵔ.