ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵏⴼⴰⵔ ⵏ ⵓⵙⵍⴳⵏ ⵉⵥⵍⵉⵏ ⵙ ⵓⵙⵏⵎⴰⵍⴰ ⵏ ⵓⵙⵎⵓⵏ ⵏ ⵉⴷⵔⵉⵎⵏ ⴷ ⵓⴱⵟⵟⵓ ⵏ ⵜⵡⵉⵣⵉ ⵏ ⵓⴼⵓⵍⴽⵉ
ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 18 ⵢⵓⵍⵢⵓⵣ 2022, ⴰⵙⵏⴼⴰⵔ ⵏ ⵓⵙⵍⴳⵏ 18.18 ⵉⵥⵍⵉⵏ ⵙ ⵓⵙⵏⵎⴰⵍⴰ ⵏ ⵉⴷⵔⵉⵎⵏ ⴷ ⵓⴱⵟⵟⵓ ⵏ ⵜⵡⵉⵣⵉ ⵏ ⵓⴼⵓⵍⴽⵉ, ⴳ ⵜⵖⵉⵎⵉⵜ ⵜⴰⵣⵣⴰⵔⴰⴼⵜ ⵉⵙⵙⵉⵅⴼ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵙ ⵜⵉⵍⵉⵜ ⵏ ⵎⴰⵙⵙ ⵄⴰⴱⴷⵍⵡⴰⴼⵉ ⵍⴼⵜⵉⵜ ⴰⵎⴰⵡⵙⴰⵙ ⵏ ⵜⴳⵯⵏⵙⴰⵏⵜ ⴷ ⵎⴰⵙⵙ ⵎⵓⵚⵟⴰⴼⴰ ⴱⴰⵢⵜⴰⵙ ⴰⵎⴰⵡⵙⴰⵙ ⵉⵜⵜⵓⵙⵎⴰⴳⴰⵍⵏ ⵙ ⵜⵣⴷⴰⵢⵉⵏ ⴰⴽⴷ ⵓⴱⵕⵍⴰⵎⴰⵏ ⴰⵎⵙⵙⵉⵡⵍ ⴰⵎⴰⴷⴷⵓⴷ ⵙ ⵉⵙⵎ ⵏ ⵜⵏⴱⴰⴹⵜ.
ⵉⵡⴰⵜⵜⵙ ⵓⵙⵏⴼⴰⵔ ⴰⴷ ⴰⵙⵙⵔⵇⴱ ⵏ ⵜⵡⵡⵓⵔⵉ ⵏ ⵓⴼⵓⵍⴽⵉ ⴷ ⵓⵙⵏⵎⴰⵍⴰ ⵏⵏⵙ ⵙ ⵜⵔⵙⴰⵍ ⵏ ⵜⵏⴱⴰⴹⵟ ⵉⵥⵉⵍⵏ ⴷ ⵜⵎⴰⴼⴰⵡⵜ ⴳ ⵓⵙⵎⵓⵏ ⴷ ⵓⴱⵟⵟⵓ ⵏ ⵜⵡⵉⵣⵉ ⴰⴷ, ⵖⵎⴽ ⴰⵏⵏ ⴷ ⵓⵙⵎⵀⵍ ⵏ ⵜⵉⵍⴰⵍⵜ ⵏ ⵉⵎⴰⵙⵙⵏ ⵏ ⵓⵡⴰⵏⴽ ⴳ ⵓⴹⴼⵕ ⴷ ⵜⵉⴹⴰⴼ ⵙ ⵎⴰⴷ ⵉⴼⵔⴳ ⵓⴷⵎ ⴰⵏⴼⴳⴰⵏ ⵏ ⵜⵡⵡⵓⵔⵉ ⴰⴷ, ⴷ ⵓⵙⴱⴷⴷⵉ ⵏ ⴳⴰⵔ ⵉⵡⵜⵜⴰⵙⵏ ⵍⵍⵉ ⵙⵔⵙ ⵥⵍⵉⵏⵉⵏ.
ⵉⴱⴷⴷⴰ ⵓⵙⵏⴼⴰⵔ ⵏ ⵓⵙⵍⴳⵏ ⴼ ⴽⵉⴳⴰⵏ ⵏ ⵜⵔⵙⴰⵍ ⴰⵎ: ⵜⵉⵍⵉⵜ ⵏ ⵜⵓⵔⴰⴳⴰⵜ ⵏ ⵜⵎⵙⵙⵓⴳⵓⵔⵜ ⵉ ⵓⵙⵎⵓⵏ ⵏ ⵉⴷⵔⵉⵎⵏ,ⴰⵙⵔⵓⵙ ⵏ ⵉⵡⵜⵜⴰⵙⵏ ⵥⵍⵉⵏⵉⵏ ⴷ ⵓⵙⵎⵓⵏ ⴳ ⵉⵍⵍⴰ ⵓⵙⵙⵥⵕⴼ ⵏ ⵜⵉⵍⴰⵍ ⴷ ⵉⵙⵏⴼⴰⵔⵏ ⴳⴰⵏⵉⵏ ⵉⵏⴰⵎⵓⵏⵏ ⴷ ⵉⵏⴼⴳⴰⵏⵏ ⴷ ⵡⵉⵏ ⵜⵡⵉⵣⵉ, ⵜⵉⴽⴽⵉ ⵏ ⵜⵡⵉⵣⵉ ⵉ ⵉⵡⴷⴰⵏ ⵍⵍⵉ ⵙⵔⵙ ⵙⵖⴰⵡⵙⴰⵏⵉⵏ, ⴰⵙⵎⵓⵏ ⵏ ⵉⴷⵔⵉⵎ ⵖⴰⵙ ⵙⴳ ⵜⵉⵎⵙⵎⵓⵏⵉⵏ ⵏ ⵡⴰⵎⵓⵏ ⴰⵖⵔⵎⴰⵏ.
ⵢⵉⵡⵉ ⴷ ⵓⵙⵍⴳⵏ ⴰⴷ ⵓⵍⴰ ⵜⴰⵡⵡⵓⵔⵉ ⵏ ⵜⵉⴹⴰⴼ ⵏ ⵓⵙⵎⵓⵏ ⴷ ⵓⴱⵟⵟⵓ, ⵜⵉⴹⴰⴼ ⵏ ⵜⵎⵙⵙⵓⴳⵓⵔⵜ ⵜⴰⴷⵖⴰⵔⴰⵏⵜ ⵏ ⵜⵡⵡⵓⵔⵉⵡⵉⵏ ⵏ ⵜⵉⴹⴰⴼ ⴷ ⵓⵙⵎⵓⵏ, ⵜⵉⴽⴽⵉ ⵏ ⵓⵏⵇⵇⵉⵙ ⴼ ⵜⵡⵡⵓⵔⵉⵡⵉⵏ ⵜⵜⴰⵡⵙⴽⴰⵔⵏⵉⵏ ⵙⴳⴰ ⵜⵙⴳⴰ ⵉⵜⵜⵓⵙⵎⴰⴳⴰⵍⴰⵏ ⵉ ⵜⵎⵙⵙⵓⴳⵓⵔⵜ ⴼ ⵓⵏⵛⴽ ⵏ ⵉⴷⵔⵉⵎⵏ ⵎⵓⵏⵏⵉⵏ ⴷ ⵉⵡⵜⵜⴰⵙⵏ.
ⵔⴰⴷ ⵢⴰⵡⵙ ⵓⵙⵍⴳⵏ ⴰⴷ ⴳ ⵓⵙⵖⵓⴷⵓ ⵏ ⵜⵡⵡⵓⵔⵉ ⵏ ⵜⵏⴱⴰⴹⵉⵏ ⵜⵉⴳⴷⵓⴷⴰⵏⵉⵏ ⴷ ⵉⴼⵔⴷⴰⵙ ⵏ ⵡⴰⵎⵓⵏ ⴰⵖⵔⵎⴰⵏ ⵃⵎⴰ ⴰⴷ ⵜⵜⵓⵙⴽⵉⵔⵏ ⵉⵡⵜⵜⴰⵙⵏ ⴷⴰⵜ ⵏ ⵜⵙⵏⵜⴰⵢⵉⵏ ⴰⴷ ⵍⴰⵏⵉⵏ ⴰⴼⵔⵉⵙ ⴰⵏⴼⴳⴰⵏ ⴷ ⵡⵉⵏ ⵜⵡⵉⵣⵉ.