ⵜⴰⴽⵯⵏⵉⵡⵜ ⵜⴰⵎⴰⵢⵏⵓⵜ ⵊⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵓⵕⵓⴱⴱⴰ ⵙ ⵓⵙⵙⵥⵕⴼ ⵏ ⵜⴰⵎⵓⵏⵜ ⵏ ⵓⵕⵓⴱⴱⴰ

ⵜⵍⵍⴰ ⴳ ⵜⵣⵡⵉⵔⵉ ⵏ ⵎⴰⵢ 2022 ⵜⴽⵯⵏⵉⵡⵜ ⵜⴰⵎⵔⵙⵍⴰⵏⵜ ⵜⴰⵎⴰⵢⵏⵓⵜ ⵊⴰⵔ ⵍⵎⵖⵔⵉⴱ ⴷ ⵜⴰⵎⵓⵏⵜ ⵏ ⵓⵕⵓⴱⴱⴰ ⵉⵙⵎⵓⵏⵏⴰ ⴰⵙⵇⵇⵉⵎ ⵏ ⵉⵎⵓⵔⴰ ⴳ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ: ⴰⵎⴰⵙⵎⵓⵏⵜ ⵜⴰⵏⴰⵎⵓⵔⵜ ⵏ ⴼⵕⴰⵏⵚⴰ, ⴰⵙⵇⵇⵉⵎ ⵏ ⵉⵎⵓⵔⴰ ⴳ ⴱⵉⵍⵊⵉⴽⴰ, ⴰⵙⵇⵇⵉⵎ ⵏ ⵉⵎⵓⵔⴰ ⴳ ⵜⵛⵉⴽ ⵙ ⵓⵙⵏⴰⵍ ⵏ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⵏ ⴽⴽⵓⵥ ⵉⵡⴰⵏⴽⵏ ⵉⴳⵎⴰⵎⵏ ⴳ ⵜⴰⵎⵓⵏⵜ ⵏ ⵓⵕⵓⴱⴱⴰ ⴳⴰⵏⵉⵏ: ⵉⵟⴰⵍⵢⴰ, ⵍⵢⵓⵏⴰⵏ, ⵍⴱⵓⵔⵜⵓⵖⴰⵍ, ⵀⴰⵏⵖⴰⵔⵢⴰ. ⵔⴰⴷ ⵜⴰⵡⵙ ⵜⵡⵡⵓⵔⵉ ⴰⴷ ⴳ ⵓⵙⵎⵓⵙⵙ ⵏ 70 ⵏ ⵓⵎⵓⵣⴰⵢ ⴰⴳⵔⴰⵖⵍⴰⵏ ⵙⴳ ⵉⴱⵕⵍⴰⵎⴰⵏⵏ ⴳⴰⵏⵉⵏ ⵙⴰ ⵃⵎⴰ ⴰⴷ ⵢⵉⵍⵉ ⵚⴰⵃⴰ ⵙⴳ ⵓⵣⵣⵔⴰⴼ ⴰⵎⵏⵏⴰⵡ.

ⴳ ⵉⴱⵔⵉⵔ ⵉⵣⵔⵉⵏ, ⵉⵣⵎⵎⵉⵎ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵙⴳ ⵜⴳⵍⴷⵉⵜ ⵏ ⵍⵎⵖⵔⵉⴱ, ⴷ ⵎⴰⵙⵙ ⵕⵉⵛⴰⵕⴷ ⴼⵉⵔⵔⴰⵏⴷ ⴰⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⴼⵕⴰⵏⵚⴰ, ⵜⴰⴽⵯⵏⵉⵡⵜ ⵏ ⵓⵙⵏⴰⵍ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ, ⵉⵙⵖⵣⵏ ⵜⵜ ⵎⴰⵙⵙ ⵊⵓⵏ ⴽⵔⵉⵙⵜⵓⴼ ⴼⵉⵍⵓⵔⵉ ⴰⵎⵙⵜⴳⴳⴰⵔ ⵏ ⵓⵎⵢⴰⵡⴰⵙ  ⴳ ⵜⴰⵎⵓⵏⵓⵜ ⵏ ⵓⵕⵓⴱⴱⴰ ⴳ ⵕⵕⴱⴰⵟ.

ⵜⵍⵍⴰ ⵜⴽⵯⵏⵉⵡⵜ ⴰⴷ ⴳ ⵙⵉⵏ ⵉⵙⴳⴳⵯⴰⵙⵏ, ⵔⴰⴷ ⵜⴰⵡⵙ ⴳ ⵓⵙⵎⵖⵔ ⵏ ⵜⵎⵙⴰⴽⵔ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳⴰⵏⵉⵏ ⵜⵉⴷⵙⵜⴰⵔⵉⵏ ⵙ ⵓⵏⵙⴼⵍ ⵏ ⵜⵎⵓⵣⴰⵢⵉⵏ ⴷ ⵓⵙⴽⵔ ⵏ ⵜⵖⵓⵔⵉⵡⵉⵏ ⵏ ⵓⵎⵣⴰⵣⴰⵍ ⴰⵎⴽ ⵎⴰⴷ ⵉⵍⵍⴰⵏ ⴳ ⴱⵜⵎⵔⵙⴰⵍ ⴰⵏⵏ ⵜⵜⴰⵡⴱⴷⴰⵔⵏⵉⵏ.

ⵙ ⵜⵡⵡⵓⵔⵉ ⴰⴷ, ⵔⴰⴷ ⵜⵜⵓⵙⴽⵉⵔⵏⵜ ⵜⵖⵓⵔⵉⵡⵉⵏ ⴷ ⵉⵖⴰⵡⴰⵙⵏ ⵏ ⵜⵡⵡⵓⵔⵉ ⴷ ⵉⵙⴰⵡⵓⵔⵏ ⵏ ⵓⵙⵉⵍⵖ ⴷ ⵓⵎⵙⴰⵡⴰⵍ ⴷ ⵓⵙⵏⴼⵍ  ⴳ ⵜⵔⵓⴱⴱⴰ ⵎⵥⵥⵉⵏⵉⵏ.

ⵔⴰⴷ ⵢⵉⵍⵉ ⵓⵙⵏⴼⵍ ⵏ ⵉⵔⵣⴰⴼⵏ ⴷ ⵜⵙⵎⵉⴳⴰⵍ ⵏ ⵜⵖⵓⵔⵉ ⵊⴰⵔ ⵉⴳⵎⴰⵎⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵉⵎⵙⵡⵓⵔⵉⵢⵏ ⵏⵙ ⴷ ⵉⵏⴳⴳⵯⴰ ⵏⵏⵙ ⴳ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵉⵡⴰⵏⴽⵏ ⵉⴳⵎⴰⵎⵏ ⴳ ⵜⴰⵎⵓⵏⵜ ⵏ ⵓⵕⵓⴱⴱⴰ ⴼ ⵉⵙⵓⴳⴰⵎ ⵜⵜⴰⵡⴱⴷⴰⵔⵏⵉⵏ ⴳ ⵜⴻⵜⴳⴰⵔⵜ ⵏ ⵜⴽⵯⵏⵉⵡⵜ, ⵙ ⵓⵙⴽⵔ ⵏ ⵓⵎⵢⴰⵡⵙ ⴷ ⵜⵎⵔⵙⴰⵍ ⴰⴷ ⵜⵉⵉⵣⵔⴰⴼⵉⵏ.

ⵜⴽⵛⵎ ⵜⴽⵯⵏⵉⵡⵜ ⴰⴷ ⴳ “ⵓⵙⵏⴰⵍ ⵏ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ”, ⵜⵡⴰⵜⵜⵙ ⴰⵙⴷⵓⵙ ⵏ ⵜⵎⴷⵔⴰⵡⵜ ⵊⴰⵔ ⵍⵎⵖⵔⵉⴱ ⴷ ⵜⴰⵎⵓⵏⵜ ⵏ ⵓⵕⵓⴱⴱⴰ ⵙ ⵜⵙⵏⵜⴰⵢⵉⵏ ⵢⴰⴹⵏⵉⵏ ⴳ ⵉⵍⵍⴰ ⵓⵖⴰⵡⴰⵙ ⵍⵍⵉ ⵉⵙⴽⵔ ⵓⵙⵇⵇⵉⵎ ⵏ ⵓⵕⵓⴱⴱⴰ ⴰⴽⴷ ⵉⵙⵇⵇⵉⵎⵏ ⵏ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⵍⵍⵉ ⵜⵙⵙⵥⵕⴼ ⵜⴰⵎⵓⵏⵜ ⵏ ⵓⵕⵓⴱⴱⴰ.

ⵜⵙⵏⴰⵍ ⵜⴽⵯⵏⵉⵡⵜ ⴰⴷ ⵜⵉⵍⵉⵜ ⵏ ⵜⵖⴰⵔⵉⵏ ⴳ ⵜⵣⵣⵓⵍⵉⵏ ⵏ ⵜⵎⵙⵜⴳⴳⴰⵔⵜ ⴳ ⵜⵎⵙⵙⵓⴳⵓⵔⵜ ⵏ ⵓⵙⵇⵇⵉⵎ ⴷ ⵜⴷⵔⴰⵡⵜ ⵏ ⵜⴱⴰⵕⵍⴰⵎⴰⵏⵉⵢⵉⵏ ⴳ ⵜⵉⵍⴰⵍⵜ ⵜⴰⴱⵕⵍⴰⵎⴰⵏⵉⵜ ⵙ ⵓⵙⴽⵔ ⵏ ⵓⵏⵎⵓⵇⵇⴰⵔ ⴰⴱⵕⵍⴰⵎⴰⵏⵉ ⵉⵛⵛⴰⵔⵏ ⵏ ⵜⵎⵖⴰⵔⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⴷ ⵓⵙⵏⵎⴰⵍⴰ ⵏ ⵉⵔⵣⴰⴼⵏ ⵏ ⵜⵖⵓⵔⵉ ⵉ ⵚⴰⵃⴰ ⵏⵏⵙⵏⵜ.

ⵜⴳⴰ ⵜⴽⵯⵏⵉⵡⵜ ⴰⴷ ⵜⴰⵎⴰⵢⵏⵓⵜ ⵜⴰⵣⵣⵉⴳⵣⵜ ⵏ ⵜⴰⴷ ⵉⵙⴽⵔ ⵓⵙⵇⵇⵉⵎ ⵏ ⵉⵎⵓⵔⴰ  ⴷ ⵉⴱⵕⵍⴰⵎⴰⵏⵏ ⵏ ⵓⵕⵓⴱⴱⴰ ⴳ 2016 ⴷ 2018, ⴰⵢⵍⵍⵉ ⵉⵎⵎⴰⵍⴰⵏ ⴰⵎⵣⵔⵓⵢ ⵏ ⵜⵣⴷⴰⵢⵉⵏ ⵊⴰⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴰⵎⵓⵏⵜ ⵏ ⵓⵕⵓⴱⴱⴰ ⴷ ⵜⵉⵔⴰⵜ ⵉ ⵓⵙⴷⵓⵙ ⵏ ⵜⵙⵓⴳⴰⵔ ⵏ ⵜⵎⵙⵙⵓⴳⵓⵔⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵃⵎⴰ ⴰⴷ ⵉⵔⵡⵉⵙⵏ ⵜⵎⵙⴽⴰⵔ ⵜⵉⵎⵖⵔⵉⴱⵉⵢⵉⵏ ⴳ ⵓⵣⵣⵔⴰⴷ ⴷ ⵜⵉⴹⴰⴼ ⴷ ⵓⵙⵓⵜⴳ ⵜⵉⵏ ⵓⵕⵓⴱⴱⴰ. ⵖⵎⴽ ⴰⵏⵏ ⴰⴼ ⵉⵍⵍⴰ ⵓⵙⵎⵓⵏ ⵏ ⵜⵎⵓⵣⴰⵢⵉⵏ ⵏ ⴽⵕⴰⴹ ⵉⴱⵕⵍⴰⵎⴰⵏⵏ ( ⴼⵕⴰⵏⵚⴰ, ⴱⵉⵍⵊⵉⴽⴰ, ⵜⵛⵉⴽ) ⵙ ⵜⵎⵥⵍⴰⵢ ⵏ ⴽⵓ ⴰⴱⵕⵍⴰⵎⴰⵏ.

ⵜⴱⴷⴷ ⵜⴽⵯⵏⵉⵡⵜ ⴰⴷ ⴼ ⵎⵏⵏⴰⵡⵜ ⵜⵥⴹⴰⵕⵉⵏ:

- ⵜⵉⵕⵡⵉ ⵏ ⵉⵎⵙⴽⴰⵔⵏ ⴳⵉⵙ ⵙⵡⵓⵔⵉⵏⵉⵏ ⵉⴳⵯⵏⵙⴰⵙⵏ ⵏ ⵜⵎⵙⴽⴰⵔ ⵜⵉⴱⵕⵍⴰⵎⴰⵏⵉⵢⵉⵏ ⵜⵉⵎⵏⵏⴰⵡⵉⵏ ⵏ ⵓⵕⵓⴱⴱⴰ.

- ⴰⵎⵙⴰⵙ ⵏ ⵓⵖⴰⵡⴰⵙ ⴰⴽⴷ ⵉⵙⵖⴰⵡⵙⴰⵜⵏ ⵏ ⵓⵙⵇⵇⵉⵎ ⵏ ⵏⵉⵎⵓⵔⴰ.

- ⴰⴼⵔⵉⵙ ⴰⵎⴰⵜⴰⵢ ⴰⵙⵉⴷⴼⴰⵏ ⵉⴱⴷⴷⵏ ⴼ ⵜⵎⵢⴰⴷⴰⵙⵜ ⵉⵎⵙⴰⵙⴰⵏ ⴰⴽⴷ ⵜⵉⵙⵔⵜⴰⵢ ⵏ ⵍⵎⵖⵔⵉⴱ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵙ ⵙⵍⴰⵡⴰⵏ ⴰⴽⴽⵯ ⵎⴰⴷ ⵉⵥⵍⵉⵏ ⵙ ⵡⴰⵏⴰⵡ ⵓⵏⴳⵉⵎ ⴰⵎⴰⵢⵏⵓ ⴷ ⵎⴰⴷ ⵉⵍⵍⴰⵏ ⴳ ⵡⴰⵜⵉⴳⵏ ⴳ ⵓⴷⵓⵙⵜⵓⵔ ⵏ ⵜⴳⵍⴷⵉⵜ.