ⵉⵙⴷⴷⵉ ⵎⴰⵙⵙ ⵎⵓⵃⴰⵎⵎⴰⴷ ⵚⵚⴱⴱⴰⵕⵉ, ⴰⵎⴰⵔⵉ ⴰⵎⵣⵡⴰⵔⵓ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴼ ⵡⴰⵜⵉⴳ ⵏ ⵜⵎⵖⴰⵔⵜ ⴳ ⵜⵣⵣⵉⴳⵣⵜ ⴷ ⵓⵙⵏⴼⵍ

ⵉⴷⵔⵓ ⵎⴰⵙⵙ ⵎⵓⵃⴰⵎⵎⴰⴷ ⵚⵚⴱⴱⴰⵕⵉ, ⴰⵎⴰⵔⵉ ⵏ ⴰⵎⵣⵡⴰⵔⵓ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ, ⴳ ⵓⵏⵎⵓⵇⵇⴰⵔ ⵉⵜⵜⵓⵙⴽⴰⵔ ⴼ ⵓⴷⵖⴰⵔ ⵏ ⵜⵎⵖⴰⵔⵜ ⴳ ⵓⵏⴳⵔⴰⵡ ⵏ ⵜⵣⵔⴼⵜ, ⴰⴽⵡⴰⵙ 26 ⵎⴰⵢ 2022, ⵍⵍⵉ ⵜⵙⵏⵎⴰⵍⴰ ⵜⵎⴰⵡⴰⵙⵜ ⵏ ⵜⵣⵔⴼⵜ ⵙ ⵓⵎⵢⴰⵡⴰⵙ ⴷ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ. ⵜⴰⴳⵓⵔⵉ ⵏⵏⵙ:

ⵙ ⵉⵙⵎ ⵏ ⵕⴱⴱⵉ, ⵜⴰⵥⴰⵍⵍⵉⵜ ⴼ ⵓⵔⵇⵇⴰⵚ ⵏⵏⵙ ⵉⵜⵜⵓⵙⵜⴰⵢⵏ

ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ,

ⵎⴰⵙⵙ ⴰⵎⴰⵡⵙⴰⵙ ⵏ ⵜⵣⵔⴼⵜ,

ⵎⴰⵙⵙ ⴰⴳⵯⵏⵙⴰⵙ ⵏ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵜⵣⵔⴼⵜ ⵜⴰⵣⵔⴼⴰⵏⵜ,

ⵎⴰⵙⵙ ⴰⴳⵯⵏⵙⴰⵙ ⵏ ⵜⵏⵙⵙⵉⵅⴼⵜ ⵏ ⵜⵎⵓⵔⴰⵢⵜ ⵜⴰⵎⴰⵜⴰⵢⵜ,

ⵎⴰⵙⵙⴰ ⵜⴰⵎⵙⵇⵇⴰⴷⵜ ⵏ ⵜⴰⵎⵓⵏⵜ ⵏ ⵓⵕⵓⴱⴱⴰ ⴳ ⵕⵕⴱⴰⵟ,

ⵎⴰⵙⵙ ⴰⴳⵯⵏⵙⴰⵙ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ,

ⵎⴰⵙⵙ ⴰⴳⵯⵏⵙⴰⵙ ⵏ ⵓⴳⵔⴰⵡ ⴰⵏⴼⵍⵍⴰ ⵏ ⵓⵎⵢⴰⵡⴰⴹ ⴰⵙⵍⵉⵥⵉⵕ,

ⵎⴰⵙⵙ ⵍⴰⵢⵍⴰ ⵔⵃⵉⵡⵉ ⵜⴰⴳⵯⵏⵙⴰⵙⵜ ⵏ ⵜⵎⵜⵜⴰ ⵎⵓⵏⵏⵉⵏ ⵉ ⵜⵎⵖⴰⵔⵜ ⴳ ⵍⵎⵖⵔⵉⴱ,

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ.

ⵙ ⵜⵓⵎⵔⵜ ⴰⵙ ⴷⵔⵓⵖ ⴳ ⵓⵏⵎⵓⵇⵇⴰⵔ ⴰⴷ ⵙ ⵉⵙⵎ ⵓⵙⵇⵇⵉⵎ ⵏ ⵉⵎⵓⵔⴰ, ⵍⵍⵉ ⵜⵙⵏⵎⴰⵍⴰ ⵜⵎⴰⵡⴰⵙⵜ ⵏ ⵜⵣⵔⴼⵜ ⵙ ⵓⵎⵢⴰⵡⴰⵙ ⴷ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴼ ⵓⴷⵖⴰⵔ ⵏ ⵜⵎⴰⵖⴰⵔ ⴳ ⵓⵏⴳⵔⴰⵡ ⵏ ⵜⵣⵔⴼⵜ ⴷ ⵜⵉⵍⴰⵍⵜ ⵏⵏⵙ ⴳ ⵜⵣⵣⵉⴳⵣⵜ ⴷ ⵓⵙⵏⴼⵍ. ⴰⵔ ⵙⵏⵉⵎⵎⵉⵔⵖ ⵜⴰⵎⴰⵡⴰⵙⵜ ⵏ ⵜⵣⵔⴼⵜ ⵓⵍⴰ ⴰⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴼ ⵜⵖⵓⵔⵉ ⵏⵏⵙⵏ ⴰⴷ ⵏⴷⵔⵓ ⵖ ⵢⴰⵏ ⵓⵙⵏⵜⵍ ⵉⵙⵜⴰⵡⵀⵎⵎⴰⵏ, ⵖ ⵓⵣⵎⵣ ⵖ ⵜⵙⵡⵓⵔⵉ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⵃⵎⴰ ⴰⴷ ⵜⴻⵟⵟⵉⴼ ⵜⵎⵖⴰⵔⵜ ⵉⵣⵔⴼⴰⵏ ⵏⵏⵙ, ⵏⴽⴽⵙ ⵓⵍⴰ ⵜⵉⴱⴱⴰⵢⴹⴰⵕⵉⵏ ⵏⵙⵔⵙ ⵜⵉⴼⴰⴷⵉⵡⵉⵏ ⵍⵍⵉ ⵔⴰⴷ ⵢⴰⵡⵙ ⴳ ⵓⵙⴽⵔ ⵏ ⵢⵉⵙⴽⵉⵍ.

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ.

ⵙⵙⵓⵔⴼⴰⵜ ⵉⵢⵉ ⴰⴷ ⵙⵏⵉⵎⵎⵔⵖ ⵜⴰⵙⵇⵇⵉⵎⵜ ⵏ ⵓⵙⵏⵎⴰⵍⴰ ⴼ ⵓⵙⵜⴰⵢ ⵏⵏⵙ, ⵍⵍⵉ ⵢⵉⵡⵉⵏ ⴰⵅⵎⵎⴻⵎ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⴷ ⵜⵏⴱⴰⴹⵜ ⴷ ⵓⴱⵕⵍⴰⵎⴰⵏ ⴷ ⵜⵎⵔⵙⴰⵍ ⵜⵉⴷⵙⵜⴰⵔⵉⵏ. ⴰⵢⵍⵍⵉ ⵎⵎⴰⵍⴰⵏ ⴽⵓ ⵉⵎⵓⴽⵏⵏ ⵉⴷⵙⵜⴰⵔⵏ ⴷ ⵉⵣⵔⴼⴰⵏⵏ ⴷ ⵉⵙⵔⵜⴰⵏⵏ ⵍⵍⵉ ⵙ ⵜⴻⵟⵟⴰⴼ ⵜⵎⵖⴰⵔⵜ ⵜⴰⵎⵖⵔⵉⴱⵉⵜ ⴷ ⵜⵎⵖⴰⵔⵜ ⵉⵙⵡⵓⵔⵉⵏ ⴳ ⵢⵉⴳⵔ ⵏ ⵜⵣⵔⴼⵜ (ⵜⵉⵎⵖⴰⵔⵉⵏ ⵏ ⵓⵏⴳⵔⴰⵡ ⵏ ⵜⵣⵔⴼⵜ) ⵉⵣⵔⴼⴰⵏ ⵉⴷⵙⵜⴰⵔⵏ, ⵜⴰⵡⵙ ⴳ ⵜⴳⵎⵉ ⴷ ⵜⵏⵓⴼⴰ ⵏ ⵜⵎⵓⵔⵜ ⴷ ⵜⵏⵓⴼⴰ ⵏ ⵡⵉⴷⴰ ⵜⵜⴽⴽⴰⵏⵉⵏ ⴰⵏⴳⵔⴰⵡ ⵏ ⵜⵣⵔⴼⵜ. ⵜⴳⴰ ⵜⴷⵔⴰⵡⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⵏⵎⵓⵇⵇⴰⵔ ⴰⴷ ⵙⴳ ⴰⵅⵎⵎⴻⵎ ⴰⵡⵓⵙⵙⴰⵏ ⵏ ⵉⴳⵯⵏⵙⴰⵙⵏ ⵏ ⵜⵎⵜⵜⵉ ⴳ ⵓⵣⵣⵔⴰⴼ ⴷ ⵜⵉⴹⴰⴼ ⴷ ⵓⵙⵓⵜⴳ ⴷ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ.

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ.

ⵍⵍⴰⵏⵜ ⵜⵎⵙⴰⵔⵉⵏ ⵏ ⵜⵎⵖⴰⵔⵉⵏ ⴳ ⵉⵅⵎⵎⵉⵎⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⴰⵔ ⴰⵙⵏⵜ ⵢⴰⴽⴽⴰ ⵅⵎⵎⴻⵎ ⵉⵥⵍⵉⵏ ⵃⵎⴰ ⴰⴷ ⵉⵍⵉⵏ ⵉⵣⵔⴼⴰⵏ ⵜⴰⵡⵙ ⴳ ⵜⴳⵎⵉ. ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⴳ ⵉⵏⴰⵡ ⵏⵏⵙ ⴰⵎⴰⵜⵜⵓⵢ ⴳ ⵓⵕⵥⵥⵓⵎ ⵏ ⵜⵙⵓⵜⵍⵜ ⵜⴰⵎⵣⵡⴰⵔⵓⵜ ⵏ ⵓⵙⴳⴳⵯⴰⵙ ⴰⵣⵣⵔⴰⴼ ⵡⵉⵙ ⵙⵉⵏ 2003/2004 ⴳ ⵜⵡⴰⵍⴰ ⵜⵉⵙ ⵙⴰⵜ, 10 ⴽⵟⵓⴱⵕ 2003, ⵍⵍⵉⵖ ⵉⵖⵔⴰ ⴱⴰⴱ ⵏ ⵡⴰⴷⴷⵓⵔ: ⵉ ⵓⵏⵏⵓⵕⵥⵎ ⵏ ⵓⴱⴰⵔⴰⵣ ⵉ ⵜⵎⵖⴰⵔⵜ ⵃⵎⴰ ⴰⴷ ⵜⴰⵡⵙ ⴳ ⵉⴳⵔⴰⵡⵏ ⵏ ⵜⵓⴷⵔⵜ ⵜⴰⵏⴰⵎⵓⵔⵜ, ⵍⵍⵉⵖ ⵜⵎⵍⴰ ⵜⵓⴳⴳⵯⴰⵙ ⵏⵏⵙ ⴳ ⵜⵏⵓⴼⴰ ⵏ ⵜⵖⴰⵡⵙⴰ ⵜⴰⵎⴰⵜⴰⵢⵜ”. ⵉⵙⵎⴷ ⵉⵏⴰⵡ ⴰⴳⵍⴷⴰⵏ ⵢⴰⵜⵜⵓⵢⵏ.

ⴳ ⵓⵎⵏⴰⴹ ⴰⴷ, ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⴳ ⵜⴱⵔⴰⵜ ⵏⵏⵙ ⵉ ⵓⴳⵔⴰⵡ ⵡⵉⵙ 13 ⵏ ⵜⵎⵖⴰⵔⵉⵏ ⴳ ⵡⴰⵎⵓⵔ ⵏ ⵡⴰⴽⵓⵛ, 28 ⵢⵓⵏⵢⵓ 2003, ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ:” ...ⵉⵣⵣⵉⴳⵣ ⴱⴰⴱⴱⵜⵏⵏⵖ ⵉⴳⵍⵍⵉⵏ ⵏ ⵍⵃⴰⵙⴰⵏ ⵡⵉⵙ ⵙⵉⵏ ⴰⴷ ⵜ ⵉⵕⵃⵎ ⵕⴱⴱⵉ ⴰⵙⴽⵔ ⵏ ⵍⵎⵖⵔⵉⴱ ⴰⵎⴰⵢⵏⵓ, ⵉⵕⵥⵎ ⵉ ⵜⵎⵖⴰⵔⵉⵏ ⵃⵎⴰ ⴰⴷ ⵙⵡⵓⵔⵉⵏⵜ ⴳ ⵓⵙⵙⵍⵎⴷ ⴷ ⵉⴳⵔⴰⵏ ⵏ ⵜⵡⵡⵓⵔⵉ, ⵉⵙⵍⴻⵍⵍⵉ ⵜⵉⵥⴹⴰⵕⵉⵏ ⵍⵍⵉ ⵟⵟⴰⴼⵏⵜ, ⵉⴼⴽ ⴰⵙⵏⵜ ⵉⴷⵖⴰⵔⵏ ⵏ ⵜⵎⴰⵙⴰⵢⵜ ⴼ ⵜⵎⵙⵙⵓⴳⵓⵔⵜ ⴷ ⵜⵣⵔⴼⵜ ⴷ ⵜⵎⵔⵙⴰⵍ ⵜⵉⴳⴷⵓⴷⴰⵏⵉⵏ, ⵜⵜⵓⴼⴽⵉⵏ ⴰⵙⵏⵜ ⴰⵡⴷ ⵉⴷⵖⴰⵔⵏ ⵏ ⵜⵎⴰⵡⴰⵙⵜ ⴳ ⵜⵏⴱⴰⴹⵟ  ⵉⵎⵍ ⴱⴷⴷⴰ ⵜⵓⴳⴳⵯⴰⵙ ⴷ ⵜⵙⵓⴳⴰⵔ ⵍⵍⵉ ⵟⵟⴰⴼⵏⵜ...”. ⵉⵙⵎⴷ ⵉⵏⴰⵡ ⴰⴳⵍⴷⴰⵏ ⵢⴰⵜⵜⵓⵢⵏ.

ⵙⴳ ⵎⴰⴷ ⵉⵍⵍⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴼ ⵓⴷⴰⴱⵓ ⵏ ⵍⴰⵊⴷⵓⴷ ⵏⵏⵙ, ⵉⵙⴷⴷⵉⴷ ⴼ ⵓⵎⵓⴽⵏ ⵏ ⵓⵙⵓⵔⵙ ⵏ ⵜⵎⵖⴰⵔ, ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⴳ ⵜⴱⵔⴰⵜ ⵉ ⵜⵙⵓⵜⵍⵜ ⵜⵉⵙ 61 ⵏ ⵓⴳⵔⴰⵡ ⵏ ⵜⵎⵖⴰⵔⵉⵏ ⵜⵉⵏⵙⵙⵉⵅⴼⵉⵏ ⵏ ⵜⵎⵙⵙⵏⵜⴰⵢ ⵜⵉⴳⵔⴰⵖⵍⴰⵏⵉⵏ ⴼ :” ⵓⵛⵛⵉⵍ ⵏ ⵓⵙⵎⵓⵙⵙⵓ ⵏ ⵜⵥⴹⴰⵕⵉⵏ ⵜⵉⵏⴰⵎⵔⵉⵏ ⵉ ⵓⵙⴽⵔ ⵏ ⵜⴳⵎⵉ ⵜⴰⵎⴰⵜⴰⵢⵜ ⵉⵙⵓⵍⵏ ⵍⵍⵉ ⵜⵔⴰ ⵜⵎⴰⵣⵉⵔⵜ ⵏⵏⵖ, ⵏⵔⴰ ⴰⵙⴷⵓⵙ ⵏ ⵜⵉⴰⵍⵜ ⵏ ⵜⵎⵖⴰⵔⵜ ⴷ ⵓⵙⵙⵔⵇⴱ ⵏ ⵓⵍⵜⴰⵖ ⵏⵏⵙ ⴳ ⴽⵓ ⵉⴳⵔⴰⵏ ⵏ ⵜⵓⴷⵔⵜ ⵜⴰⵎⴰⵜⴰⵢⵜ: ⵜⴰⴷⵎⵙⴰⵏⵜ ⴷ ⵜⵙⵔⵜⴰⵏⵜ ⴷ ⵜⵏⴰⵎⵓⵏⵜ ⴷ ⵜⴷⵍⵙⴰⵏⵜ”. ⵉⵣⴷⵉ ⴱⴰⴱ ⵏ ⵡⴰⴷⴷⵓⵔ ⵊⴰⵔ ⵢⵉⵙⴽⵉⵍ ⴷ ⵜⴳⵎⵉ ⴳ ⵜⴱⵔⴰⵜ ⵉⵓⴳⵔⴰⵡ ⴰⴼⵔⴰⵖⵍⴰⵏ ⵡⵉⵙ ⵙⵉⵏ ⵏ ⵜⵙⵏⵜⴰⵢⵜ “ⵜⵉⵎⵖⴰⵔⵉⵏ ⴳ ⵉⴼⵔⵉⵇⵢⴰ”, ⵢⵉⵏⵉ:” ⵎⴰⵙ ⴳⴰⵏ ⵉⵙⵡⵓⴷⴷⵓⵜⵏ ⵉ ⵓⵙⴽⵔ ⵏ ⵢⵉⵙⴽⵉⵍ ⵊⴰⵔ ⵉⵔⴳⴰⵣⵏ ⴷ ⵜⵎⵖⴰⵔⵉⵏ ⴰⵛⴰⵎⵓⵛ ⵏ ⴽⵓ ⵜⴰⵙⵜⵔⴰⵜⵉⵊⵉⵜ ⵉⵕⵡⴰⵏ ⵉ ⵜⴳⵎⵉ ⵜⴰⵙⵓⵍⴰⵏⵜ”. ⵢⵉⵏⵉ ⴱⴰⴱ ⵏ ⵡⴰⴷⴷⵓⵔ : ⵎⴰⵙ ⵉⵙⵉⴳⴳⵉⵍ ⵓⴷⵔⴰⵡ ⵏ  ⵜⵎⵖⴰⵔⵜ ⴳ ⵜⵎⵔⵙⴰⵍ ⵢⴰⵜ ⵜⵏⴽⵔⴰ ⵜⴰⵎⴰⵜⴰⵢⵜ, ⴷ ⵓⵙⵏⴼⵍ ⵉⴷⵔⴰⵏ ⵏ ⵓⵏⵍⵉ ⴰⵇⴱⵓⵔ ⴷ ⵓⴼⵔⴰⴳ ⴰⵎⴳⵔⵓ, ⴷ ⵓⵏⵏⵓⵕⵥⵎ ⵏ ⵢⵉⴳⵔ ⵉ ⵜⵎⵖⴰⵔⵜ ⵙ ⵎⴰⴷ ⵢⵓⵙⴰⵏ ⴷ ⵓⵍⵜⴰⵖ ⵏⵏⵙ ⴳ ⵉⴳⵔⴰⵏ ⵏ ⵜⵓⴷⵔⵜ ⵜⴰⵏⴰⵎⵓⵔⵜ, ⵍⵍⵉ ⵜⴻⵟⵟⴰⴼ ⵜⵓⴳⴳⵯⴰⵙ ⵏⵏⵙ ⴷ ⵜⵉⴽⴽⵉ ⵏ ⵚⴰⵃⴰ ⴰⵎⴰⵜⴰⵢ”.

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ.

ⵉⴳⴰ ⵓⴷⵓⵙⵜⵓⵔ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⵏ 2011 ⵜⴰⴼⵔⴽⴰ ⵜⴰⵎⴰⵏⵓⵜ ⴳ ⵓⵙⴷⵓⵙ ⴷ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴳⵉⵙ ⵜⵓⵎⴰⵢⵉⵏ  ⴼ ⵉⵣⵔⴼⴰⵏ ⵏ ⵜⵎⵖⴰⵔⵜ ⴷ ⵢⵉⵙⴽⵉⵍ ⵊⴰⵔ ⵓⵔⴳⴰⵣ ⴷ ⵜⵎⵖⴰⵔⵜ.

ⵉⴳⴰ ⵓⵙⵕⵚⵓ ⴰⴷⵙⵜⴰⵔ ⵏ ⵉⵣⵔⴼⴰⵏ ⵏ ⵜⵎⵖⴰⵔⵉⵏ ⴰⵙⵖⵓⴷⵓ ⵏ ⵉⵙⵓⵔⵙⵏ ⵏⵏⵙ, ⵉⴼⴽⴰ ⵓⴷⵓⵙⵜⵓⵔ ⴰⴷⵖⴰⵔ ⵉⵥⵉⵍⵏ ⵉ ⵜⵎⵖⴰⵔⵜ ⴷ ⵉⵣⵔⴼⴰⵏ ⵏⵏⵙ ⵍⵍⵉⵖ ⵜⴱⴷⴷ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴼ ⵓⵡⵇⵇⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⵙⵉⵜⵜⵉ ⵏ ⵓⵙⵏⵓⵃⵢⵓ ⴷ ⵓⴽⵛⵓⵎ ⵏ ⵜⵎⵢⴰⵇⵇⴰⵏⵉⵏ ⵍⵍⵉ ⵉⵙⵖⵣⵏ ⵙ ⵓⴷⵓⵙⵜⵓⵔ ⴷ ⵉⵣⵔⴼⴰⵏ ⵏ ⵜⴳⵍⴷⵉⵜ ⴷ ⵜⵎⴰⴳⵉⵜ ⵜⴰⵏⴰⵎⵓⵔⵜ, ⵍⵍⵉ ⵢⵓⴳⵔⵏ ⵉⵣⵣⵔⴰⴼⵏ ⵉⵏⴰⵎⵓⵔⵏ ⴷ ⵓⵎⵙⴰⵙⴰ ⵏ ⵉⵣⵣⵔⴰⴼⵏ ⴰⴷ, ⴷ ⵎⴰⴷ ⵢⵉⵡⵉ ⵓⵎⵏⵏⵉ ⵡⵉⵙ ⵚⴹⵉⵚ ⵉⵜⵜⵉⵏⵉⵏ ⵎⴰⵙ ⵉⴳⴰ ⵓⵙⵍⴳⵏ ⴰⵡⵏⵏⵉ ⵢⴰⵜⵜⵓⵢⵏ ⴼ ⵜⵉⵔⴰⵜ ⵏ ⵜⵎⵜⵜⵉ, ⴷ ⵎⴰⵙ ⵉⴳⴰⴷⴷⴰ ⴽⵓⵢⴰⵏ ⴷⴰⵜ ⵏⵏⵙ. ⴷⴰ ⵙⵡⵓⵔⵉⵏⵜ ⵓⵍⴰ ⵜⵏⴱⴰⴹⵉⵏ ⵜⵉⴳⴷⵓⴷⴰⵏⵉⵏ ⵉ ⵓⵙⵎⴰⵜⴰ ⵏ ⵜⵍⴻⵍⵍⵉ ⵏ ⵉⵏⵎⵓⵔⴰⵏ ⴷ ⵢⵉⵙⴽⵉⵍ ⵊⴰⵔ ⵏⵏⵙⵏ ⴷ ⵜⴷⵔⴰⵡⵜ ⵏⵏⵙ ⴳ ⵜⵓⴷⵔⵜ ⵜⴰⵙⵔⵜⴰⵏⵜ ⴷ ⵜⴷⵎⵙⴰⵏⵜ ⴷ ⵜⴷⵍⵙⴰⵏⵜ ⴷ ⵜⵏⴰⵎⵓⵏⵜ.

ⵉⵍⵍⴰ ⵓⵎⵏⵏⵉ 19 ⵏ ⵓⴳⵣⵣⵓⵎ ⵡⵉⵙ ⵙⵉⵏ ⵉⵥⵍⵉⵏ ⵉ ⵜⵍⴻⵍⵉⵢⵉⵏ ⴷ ⵉⵣⵔⴼⴰⵏ ⵉⴷⵙⵍⴰⵏⵏ, ⵉⵙⴰⵡⵍⵏ ⵎⴰⵙ ⵉⴳⴰⴷⴷⴰ ⵓⵔⴳⴰⵣ ⴷ ⵜⵎⵖⴰⵔⵜ ⴳ ⵉⵣⵔⴼⴰⵏ ⵉⵖⵔⵎⴰⵏⵏ ⴷ ⵉⵙⵔⵜⴰⵏⵏ ⴷ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ ⴷ ⵉⴷⵍⵙⴰⵏⵏ ⴷ ⵉⵡⵏⵏⴹⴰⵏⵏ ⵍⵍⵉ ⵜⵜⴰⵡⴱⴷⴰⵔⵏⵉⵏ  ⴳ ⵓⴷⵓⵙⵜⵓⵔ ⴷ ⵜⵎⵢⴰⵇⵇⴰⵏⵉⵏ ⵜⵉⴳⵔⴰⵖⵍⴰⵏⵉⵏ ⵍⵍⵉ ⵉⵙⵖⵣⵏ ⵍⵎⵖⵔⵉⴱ. ⵢⵉⵏⵉ ⵓⵎⵏⵏⵉ 19 ⵎⴰⵙ ⵔⴰⴳ ⵉⴳ ⵢⵉⵙⴽⵉⵍ ⵊⴰⵔ ⵉⵔⴳⴰⵣⵏ ⴷ ⵜⵎⵖⴰⵔⵉⵏ ⴰⵡⵜⵜⴰⵙ ⴰⴷⵙⵜⴰⵔ, ⵔⴰⴷ ⵉⵜⵜⵓⵙⴽⵉⵔ ⵙ ⵓⵙⴽⵔ ⵏ ⵓⵏⴳⵔⴰⵡ ⵏ ⵢⵉⵙⴽⵉⵍ ⴷ ⵓⵙⴱⴷⴷⵉ ⵏ ⵡⴰⵏⴰⵡⵏ ⵏ ⵓⵙⵏⵓⵃⵢⵓ.

ⵉⵙⴰⵡⵍ ⵓⵎⵏⵏⵉ 115 ⵏ ⵓⴷⵓⵙⵜⵓⵔ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵏ 2011 ⴼ ⴰⴷ ⵉⵍⵉⵏⵜ ⵜⵎⵖⴰⵔⵉⵏ ⵜⵉⵏⴱⴹⵓⵜⵉⵏ ⴳ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵜⵏⴱⴰⴹⵜ ⵜⴰⵣⵔⴼⴰⵏⵜ ⵃⵎⴰ ⴰⴷ ⵜⴷⵔⵓ ⵜⵎⵖⴰⵔⵜ ⴳ ⵜⵎⵔⵙⵍⵜ ⴰⴷ ⵜⴰⴷⵙⵜⴰⵔⵜ.

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ.

ⵃⵎⴰ ⴰⴷ ⵜⴳ ⵜⵎⵖⴰⵔⵜ ⵉⵙⵡⵓⵔⵉⵏ ⴳ ⵓⵏⴳⵔⴰⵡ ⵏ ⵜⵣⵔⴼⵜ ⵢⴰⵏ ⵓⵛⴰⵎⵓⵛ ⴰⵙⵜⵔⴰⵜⵉⵊⵉ ⴷ ⵓⵎⵙⴽⴰⵔ ⴰⴷⵙⵍⴰⵏ ⴳ ⵓⵙⵏⴼⵍ ⴷ ⵜⵣⵣⵉⴳⵣⵜ, ⵉⵙⵔⵙ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⴽⵉⴳⴰⵏ ⵏ ⵉⵣⵣⵔⴰⴼⵏ ⴳ ⵓⵎⵏⵉⴷ ⴰⴷ, ⵢⵉⵍⵉ ⴳⵉⵏ ⵓⵙⵍⴳⵏ ⴰⵎⴰⴷⴷⴰⵙ 100.13 ⴼ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵜⵏⴱⴰⴹⵜ ⵜⴰⵣⵔⴼⴰⵏⵜ ⵍⵍⵉ ⵉⵜⵜⵉⵏⵉⵏ  ⴳ ⵓⵎⵏⵏⵉ 23 ⵏ ⵓⵙⵜⴰⵢ ⵏ ⵉⴳⵏⵙⴰⵙⵏ ⵏ ⵉⵏⴱⴹⵓⵜⵏ ⵎⴰⵙ ⵉⵙⵔⵓⵙ ⵓⵙⵇⵇⵉⵎ ⴰⵏⵛⴽ ⵏ ⵉⵙⴳⴳⴰⵡⵔⵏ ⵣⴷⵉⵏⵉⵏ ⵙ ⵜⵎⵖⴰⵔⵉⵏ ⵜⵉⵏⴱⴹⴰⵢⵉⵏ ⵙⴳ ⵉⴳⵎⴰⵎⵏ ⴳⴰⵏⵉⵏ ⵎⵔⴰⵡ ⵜⵜⴰⵡⵙⵜⴰⵢⵏⵉⵏ ⵙ ⵓⵎⵙⴰⵙⴰ ⴷ ⵜⵉⵍⵉⵜ ⵏⵏⵙⵏⵜ ⴳ ⵓⵏⴳⵔⴰⵡ ⵏ ⵜⵣⵔⴼⵜ ⵉ ⴽⵓ ⵜⴰⴳⵔⴰⵡⵜ...., ⵢⵉⵡⵉ ⵓⵎⵏⵏⵉ ⴰⴷ ⴰⵎⴹⴰⴽⴰⵕ ⵉⴳⴳⵓⵜⵏ  ⴳ ⵎⴰⴷ ⵉⵥⵍⵉⵏ ⵙ ⵓⵏⵛⴽ ⵏ ⵜⵎⵖⴰⵔⵉⵏ ⵜⵉⵎⵏⴽⴰⴷⵉⵏ ⵍⵍⴰⵏⵉⵏ ⴳ ⵜⴳⵔⴰⵡⵜ ⵜⴰⵣⵔⴼⴰⵏⵜ.

ⵉⵙⵜ ⵎⴰⵙⵙ ⴷ ⵉⴷ ⵎⴰⵙⵙ,

ⵉⵣⵣⵉⴳⵣ ⵍⵎⵖⵔⵉⴱ ⴳ ⵓⵙⴷⵓⵙ ⵏ ⵜⴷⵉⵎⵓⵇⵔⴰⵟⵉⵜ ⴷ ⵓⵙⵉⵣⴷⵔ ⵏ ⵓⵙⵏⵓⵃⵢⵓ ⵉⴱⴷⴷⵏ ⴼ ⵡⴰⵏⴰⵡ ⴰⵏⴰⵎⵓⵏ, ⵙ ⵉⵎⵓⴽⵏⵏ ⵉⴷⵙⵜⵔⵏ ⴷ ⵉⵣⵣⵔⴰⴼⵏ ⴷ ⵉⵣⵔⴼⴰⵏⵏ ⴷ ⵓⵎⵙⴰⵙ ⴰⴽⴷ ⵜⵉⵎⵢⴰⵇⵇⴰⵏⵉⵏ ⵜⵉⴳⵔⴰⵖⵍⴰⵏⵉⵏ ⴳⴰⵏⵉⵏ ⴰⵙⴰⵜⵉ ⴰⵣⵣⵔⴰⴼ, ⵍⵍⵉ ⵜⵜⵓⵇⵇⴰⵔⵏ ⵉⵡⴰⵏⴽⵏ ⵉⵏⴳⵎⴰⵎⵏ, ⵜⴻⵟⵟⴰⴼ ⵜⵎⵖⴰⵔⵜ ⴰⵙⵡⵉⵔ ⵉⵅⴰⵜⵔⵏ ⴳ ⵓⵏⴳⵔⴰⵡ ⴰⵎⴰⴹⵍⴰⵏ ⴰⵣⵔⴼⴰⵏ (ⴰⵍⵖⵓ ⴰⵎⴰⴹⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ 1948ⵏ ⵜⴰⵎⵢⴰⵇⵇⴰⵏⵜ ⵏ ⵓⵙⴱⴷⴷⵉ ⵏ ⵡⴰⵏⴰⵡⵏ ⵏ ⵓⵙⵏⵓⵃⵢⵓ ⵎⵏⵉⴷ ⵏ ⵜⵎⵖⴰⵔⵜ ⵍⵍⵉ ⵉⵣⵎⵎⵉⵎ ⵍⵎⵖⵔⵉⴱ ⴳ 1993 ⵙ ⵓⵎⵙⴰⵛⴽⴰ ⵏ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⵙ ⵓⵙⵍⴳⵏ 125.12...).

ⵖⵎⴽ ⵍⵍⵉ ⵙⵖⵣⵏ ⵉⵡⴰⵏⴽⵏ ⵉⴳⵎⴰⵎⵏ ⴳ ⵜⵎⵜⵜⴰ ⵎⵓⵏⵏⵉⵏ ⵖ ⵜⵍⵍⴰ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴳ 2015, ⵉⵡⵜⵜⴰⵙⵏ ⵏ ⵜⴳⵎⵉ ⵜⴰⵙⵓⵍⴰⵏⵜ ⴳⴰⵏⵉⵏ ⵉⵡⵜⵜⴰⵙⵏ ⵉⵎⴰⴹⵍⴰⵏ ⴰⵔ 2030, ⵉⵜⵜⵓⵥⵍⴰ ⵡⵉⵙ ⵙⵎⵎⵓⵙ ⵉ “ⵉⵙⴽⵉⵍ ⵊⴰⵔ ⴰⵡⵜⵎ ⴷ ⵜⴰⵡⵜⵎⵜ” ⵍⵍⵉ ⵔⴰⴷ ⵉⵙⴽⵔ ⵜⵉⴳⵎⵉ ⵜⴰⵎⴰⵜⴰⵢⵜ, ⴷ ⵓⵙⴱⴷⴷⵉ ⵏ ⵓⵙⵏⵓⵃⵢⵓ ⵎ,ⵉⴷ ⵏ ⵜⵎⵖⴰⵔⵜ ⴷ ⵜⵉⵍⵉⵜ ⵏ ⵜⵎⵖⴰⵔⵜ ⴳ ⵉⴷⵖⴰⵔⵏ ⵏ ⵜⵎⴰⵙⴰⵢⵜ.

ⵢⵉⵡⵙ ⵎⴰⵢⴰⴷ ⴳ ⵓⵙⵉⴷⴼ ⵏ ⵜⵎⵢⴰⴷⴰⵙⵜ ⵏ ⵡⴰⵏⴰⵡ ⴰⵏⴰⵎⵓⵏ ⴳ ⵓⵏⴳⵔⴰⵡ ⵏ ⵜⵣⵔⴼⵜ, ⵉⵙⴷⴷⵉⴷ ⵓⵙⵏⴼⴰⵔ ⵏ ⵜⵉⵕⵡⵉ ⵏ ⵜⵎⵙⴽⵔⵜ ⵏ ⵜⵎⴰⵡⴰⵙⵜ ⵏ ⵜⵣⵔⴼⵜ - ⵉⴳⵔ ⵏ ⵜⵣⵔⴼⵜ ⵏ ⵓⵙⵏⴼⴰⵔ ⵏ ⵓⵙⵍⴳⵏ ⵏ 2022, ⴼ ⵓⵎⵢⴰⴷⴰⵙ ⵊⴰⵔ ⵉⵡⵜⵎⴰⵏ ⴷ ⵜⵓⵡⵜⵎⵉⵏ ⴳ ⵢⵉⴳⵔ ⵏ ⵜⵣⵔⴼⵜ ⴳ ⵜⵙⴳⴳⵉⵡⵉⵏ ⴷ ⵜⵏⵓⴼⴰ, ⴳⴰⵏⵜ ⵜⵎⵖⴰⵔⵉⵏ 48.38 % ⴳ ⵡⴰⵎⵎⴰⵙ, ⴷ 43.27 ⴳ ⴱⵕⵕⴰ ⴳ ⵜⵎⴰⵡⴰⵙⵜ ⵏ ⵜⵣⵔⴼⵜ.

ⴳ ⵎⴰⴷ ⵉⵥⵍⵉⵏ ⵙ ⵓⴱⵟⵟⵓ ⵏ ⵉⵎⵙⵡⵓⵔⵉⵢⵉⵏ ⵙ ⵓⴱⵟⵟⵓ ⵏ ⵉⵎⵙⵡⵓⵔⵉⵢⵏ ⵙ ⵉⵙⴽⵯⴼⴰⵍ, ⵉⵍⵍⴰ ⵓⵎⵢⴰⵙⴰ ⴳ ⵜⵉⵍⵉⵜ ⵏ ⵜⵎⵖⴰⵔⵜ ⴳ ⵢⵉⴳⵔ ⴰⴷ,  ⴳⴰⵏⵜ ⵜⵎⵖⴰⵔⵉⵏ 47.85% ⵙⴳ ⵎⵙⵡⵓⵔⵉⵢⵏ ⵉⵎⵣⵣⴳⴰⵔⵏ ⴰⵜⵉⵏⵜ ⵜⵎⵖⴰⵔⵉⵏ ⵉⵡⵜⵎⴰⵏ ⴳ ⵉⵎⵙⵙⵓⴳⵓⵔⵏ ⵍⵍⵉ ⵣⵔⵉⵏⵜ 62.31%, ⴰⵢⵍⵍⵉ ⵉⵎⵎⴰⵍⴰⵏ ⵎⴰⵙ ⵉⵍⵍⴰ ⵓⵙⵉⴷⴼ ⵏ ⵡⴰⵏⴰⵡ ⴰⵏⴰⵎⵓⵏ ⴳ ⵓⴳⵔⴰⵡ ⵏ ⵜⵣⵔⴼⵜ, ⴷ ⵓⵙⵙⵔⵇⴱ ⵏ ⵜⵎⵖⴰⵔⵜ ⴳ ⵓⵙⵏⴼⵍ ⴷ ⵜⵣⵣⵉⴳⵣⵜ.

ⵙ ⵜⵎⵍⴷⴰ ⵏ ⵡⴰⵙⵙ ⴰⴳⵔⴰⵖⵍⴰⵏ ⵏ ⵏ ⵜⵏⴱⴹⴰⵢⵉⵏ, ⴰⵙⵙ ⵏ 26 ⵉⴱⵔⵉⵔ 2021, ⵎⴰⵙⵙ ⴳⴳⵓⵜⵏ ⵜⵏⴱⴹⴰⵢⵉⵏ ⴳ ⵢⵉⴳⵔ ⵏ ⵜⵙⵏⴱⴹⴰⵢⵜ, ⵉⴽⴽⴰ ⵜⵜ ⵏⵏ ⵉⴳⴰ ⴽⵔⴰ ⵏ ⵜⵎⵔⴰⵡⵉⵏ ⴳ ⵉⵙⴳⴳⵯⴰⵙⵏ ⵏ ⴽⵕⴰⴹ ⵡⴰⴳⵏⴰⵔⵏ, ⵉⵍⴽⵎ 304 ⵏ ⵜⵏⴱⴹⴰⵢⵜ ⴳ 1996 ⵙⴳ 2324 ⵙ ⵎⴰⴷ ⵓⵔ ⵉⵣⵔⵉⵏ 13 %. ⵉⵍⴽⵎ 375 ⴳ 1998 ⵙⴳ 2641 ⵙ 14.14 %, ⵉⵍⴽⵎ 592 ⵙⴳ 3153 ⴳ 2005 ⵙ 18.77 %, ⴷ 611 ⵙⴳ 3188 ⴳ 2008 ⵙ 19.16%. ⴷ 683 ⵙⴳ 3352 ⴳ 2010 ⵙ 20.36%.  ⴷ 939 ⵙⴳ 3999 ⴳ 2014 s 23.4 %. ⵜⵉⵍⵉ ⵜⵎⵖⴰⵔⵜ ⵜⴰⵎⵖⵔⵉⴱⵉⵜ ⴳ ⴽⵓ ⵜⵙⵏⴱⴹⴰⵢⵉⵏ. ⴳⴰⵏⵜ ⵖⵉⵍⴰⴷ ⵙ 25% (885 ⴳ ⵓⴱⴰⴹ ⴷ 167 ⴳ ⵜⵎⵓⵔⴰⵢⵜ ⵜⴰⵎⴰⵜⴰⵢⵜ). ⴳⵉⵙⵏⵜ 55 ⵏ ⵜⵎⵛⵛⵉⵡⵕⵜ ⴳ ⵜⵉⵏ ⵜⵕⵥⵉ ⴷ 4 ⵜⵎⵙⵜⴰⵏⵉⵏ ⵜⵉⵎⴰⵜⴰⵢⵉⵏ  ⴷ ⵜⵏⵙⴱⴹⴰⵢⵜ ⴰⴷ ⵏⵉⵜ. ⵢⴰⵜ ⵜⴳⴰ ⵜⴰⵏⵙⵙⵉⵅⴼⵜ ⵏ ⵜⵎⵚⵕⵉⵜ ⵙⴰⵜ ⴳⴰⵏⵜ ⵜⵉⵏⵙⵙⵉⵅⴼⵉⵏ ⵏ ⵜⵣⵓⵏⵉ. ⵍⵍⴰⵏⵜ 102 ⵏ ⵜⵎⵛⵛⵉⵡⵔⵜ ⴳ ⵜⵙⵏⴱⴹⴰⵢⵉⵏ ⵏ ⵡⴰⵍⴰⵙ ( 81 ⴳ ⵓⵏⴱⴰⴹ ⴷ 21 ⴳ ⵜⵎⵓⵔⵉ ⵜⴰⵎⴰⵜⴰⵢⵜ) ⴷ 707 ⵏ ⵜⵏⴱⴹⴰⵢⵜ ⴳ ⵜⵙⵏⴱⴹⴰⵢⵉⵏ ⵜⵉⵎⵣⵡⵓⵔⴰ ( 581 ⴳ ⵓⵏⴱⴰⴹ ⴷ 126 ⴳ ⵜⵎⵓⵔⴰⵢⵜ). ⴷ 21 ⴳ ⵡⴰⵎⵎⴰⵙⵏ ⵏ ⵜⵙⵏⴱⴹⴰⵢⵜ (19 ⴳ ⵓⵏⴱⴹ ⴷ 2 ⴳ ⵜⵎⵓⵔⴰⵢⵜ) ⴷ 13 ⵏ ⵜⵎⵛⵛⵉⵡⵕⵜ  ⴷ ⵜⵉⵏ ⵡⴰⵍⴰⵙ ⴰⵎⵙⵙⵓⴳⵓⵔ ⴷ 30 ⴳ ⵜⵙⵏⴱⴹⴰⵢⵉⵏ ⵜⵉⵎⵙⵓⴳⵓⵔⵉⵏ ⴷ 17 ⵏ ⵜⵎⵛⵛⵉⵡⵕⵜ  ⴳ ⵜⵉⵏ ⵡⴰⵍⴰⵙ ⵏ ⵓⵙⵖⵏⵣⵉ, ⴷ 71 ⴳ ⵜⵙⵏⴱⴹⴰⵢⵉⵏ ⵏ ⵓⵙⵖⵏⵣⵉ (58 ⴳ ⵓⵏⴱⴰⴹ ⴷ 13 ⴳ ⵜⵎⵓⵔⴰⵢⵜ), ⴷ 47 ⵏ ⵜⴱⴹⴰⵢⵉⵏ ⵍⵍⴰⵏⵉⵏ ⴷ ⴰⵔ ⵜⵎⵔⵙⴰⵍ ⴷ ⵉⵙⵇⵇⵉⵎⵉⵏ ⴷ ⵜⵎⵙⵇⵇⴰⴷⵉⵏ.

ⵃⵎⴰ ⴰⴷ ⵢⵉⵍⵉ ⵓⵙⵙⵔⵇⴱ ⵏ ⵜⵎⵖⴰⵔⵜ ⵜⴰⵏⴱⴹⴰⵢⵜ, ⵉⵙⵡⵓⵔⵉ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵜⵏⴱⴰⴹⵜ ⵜⴰⵣⵔⴼⴰⵏⵜ ⵃⵎⴰ ⴰⴷ ⵢⵉⵍⵉ ⵢⵉⵙⴽⵉⵍ ⴳ ⵜⵎⴰⵙⴰⵢⵉⵏ ⵙ ⵜⵙⵓⴳⵔⵜ ⴷ ⵡⴰⵏⵏⴰⵣ, ⵜⴱⴷⴷ ⵜⵎⵙⴽⵔⵜ 37 ⵏ ⵓⵖⴰⵡⴰⵙ ⵏ ⵓⵙⵇⵇⵉⵎ ⵉ 2021/2026 ⴼ ⵎⴰⵢⴰⴷ.

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ

ⵜⵏⵏⴰ ⵜⵙⴷⴷⴰⵔⵜ ⵜⵉ ⵙⵏⴰⵜ ⴳ ⵓⵎⵏⵏⵉ 111 ⵏ ⵓⴷⵓⵙⵜⵓⵔ ⵏ 2011 ⵎⴰⵙ ⵥⴹⴰⵕⵏ ⵉⴱⵉⵢⵏ ⴰⴷ ⵙⴽⵔⵏ ⵜⵉⵎⵙⵎⵓⵏⵉⵏ ⵜⵉⵣⵣⵓⵍⴰⵏⵉⵏ ⵙ ⵓⵡⵇⵇⵔ ⵏ ⵜⵙⵉⵎⴰⵏⵜ ⵏ ⵜⵙⵏⴱⴹⴰⵢⵜ ⴷ ⵜⴼⴰⴷⵉⵡⵉⵏ ⵏ ⵓⵙⵍⴳⵏ. ⵜⵜⵓⵙⵙⴰⵏⵏ ⵏⵜ ⵜⵎⵙⵎⵓⵏⵉⵏ ⵜⵉⵣⵣⵓⴰⵍⴰⵏⵉⵏ ⵙ ⵜⵡⵉⵙⵉ ⵏ ⵜⵎⵖⴰⵔⵜ ⴳ ⵉⵙⵉⵔⴰⵜⵏ ⵏⵏⵙⵏⵜ, ⵎⵓⵏⵏⵏⵜ ⴰⴽⴽⵯ ⴳ ⵢⴰⵜ ⵜⵎⵙⵎⵓⵏⵜ ⵙⵔⵙⵏⵜ ⵉⵥⵍⵉⵏ. ⵙⴳ 1998, ⴳⴰⵏⵜ ⵜⵏⴱⴹⴰⵢⵉⵏ ⵜⵉⵏⵙⵙⵉⵅⴼⵉⵏ ⵏ ⵜⵎⵚⵕⵉⵜ ⵏⵖ ⵜⴰⵙⵏⴱⴹⴰⵢⵜ ⵏⵖ ⵜⴰⵙⵎⴰⴳⴰⵍⵜ ⵏ ⵓⴳⵍⵍⵉⴷ, ⵜⵍⵍⴰ ⵜⵏⵙⵙⵉⵅⴼⵜ ⵜⴰⵎⵣⵡⴰⵔⵓⵜ ⵏ ⵜⵎⵚⵕⵉⵜ ⴳ ⵓⵙⵇⵇⵉⵎ ⴰⵏⴰⴼⵍⵍⴰ (ⵜⴰⵙⵏⴱⴹⴰⵢⵜ ⵏ ⵜⵕⵥⵉ) ⴷ ⵜⵏⵙⵙⵉⵅⴼⵜ ⵜⴰⵎⵣⵡⴰⵔⵓⵜ ⵏ ⵜⵙⵏⴱⴹⴰⵢⵜ ⵏ ⵓⵙⵖⵏⵣⵉ (ⵕⵕⴱⴰⵟ), ⴷ ⵜⵏⵙⵙⵉⵅⴼⵜ ⵜⴰⵎⵣⵡⴰⵔⵓⵜ ⵏ ⵜⵙⵏⴱⴷⴰⵢⵜ ⵏ ⵡⴰⵍⴰⵙ ⵏ ⵓⵙⵖⵏⵣⵉ (ⴼⴰⵙ), ⴷ ⵜⵏⵙⵙⵉⵅⴼⵜ ⵜⴰⵎⵣⵡⴰⵔⵓⵜ ⵏ ⵜⵙⵏⴱⴹⴰⵢⵜ ⵜⴰⵎⵣⵡⴰⵔⵓⵜ (ⵕⵕⴱⴰⵟ).

ⵢⵉⵍⵉ ⵓⵙⵓⵎⵍ ⵏ ⵙⵏⴰⵜ ⵜⵏⴱⴹⴰⵢⵉⵏ ⵃⵎⴰ ⴰⴷ ⵙⴽⴰⵔⵏⵜ ⵜⴰⵡⵡⵓⵔⵉ ⵏ ⵓⵙⵏⵜⵎ ⴳ ⵓⵙⵡⵉⵔ ⴰⵏⴰⵎⵓⵔ ⴳ 2020, ⵜⵍⴽⵎ ⵜⵏⴱⴹⴰⵢⵜ ⴰⴷ ⵜⴳ ⵜⴰⵙⵎⴰⴳⴰⵍⵜ ⵏ ⵜⵓⴳⵍⵍⵉⴷ ⴳ ⴽⵔⴰ ⵏ ⵜⵎⵙⴰⵔⵉⵏ, ⵢⵉⵍⵉ ⴳ 2021 ⵓⵙⵎⵍ ⵏ ⵜⵙⵎⴰⴳⴰⵍⵜ ⵜⴰⵎⵣⵡⴰⵔⵓⵜ ⴳ ⵜⵙⵏⴱⴹⴰⵢⵜ ⵜⴰⵎⵣⵡⴰⵔⵓⵜ, ⵢⵉⵍⵉ ⵓⵍⴰ ⵓⵙⵎⵍ ⵏ ⵜⵏⵙⵙⵉⵅⴼⵜ ⵜⴰⵎⵣⵡⴰⵔⵓⵜ ⵏ ⵜⵙⵏⴱⴹⴰⵢⵜ ⵏ ⵡⴰⵍⴰⵙ.

ⵜⴳⴰ 2018 ⴰⵙⵔⵙ ⴰⵎⵣⵔⴰⵢ ⴳ ⵓⵙⵜⴰⵢ ⴰⴷⵉⵎⵓⵇⵔⴰⵟⵉ ⴰⵎⴰⵢⵏⵓ ⵍⵍⵉ ⵜⵙⵜⵉ ⵜⴳⵍⴷⵉⵜ, ⴳ ⵓⵎⵏⵉⴷ ⵏ ⵉⵣⵔⴼⴰⵏ ⵏ ⵜⵎⵖⴰⵔⵜ ⴷ ⵓⵙⵉⵜⵜⵉ ⵏ ⵓⵙⵏⵓⵃⵢⵓ ⵍⵍⵉ ⵉⵍⵍⴰ ⵓⴽⵛⵓⵎ ⵏ ⵜⵎⵖⴰⵔⵜ ⵙ ⵓⵖⴰⵡⴰⵙ ⵏ ⵜⵣⵔⴼⵜ, ⴷ ⴰⵜ ⵏ ⵜⵖⵜⴰⵙⵜ ⵜⴰⴳⵍⴷⴰⵏⵜ ⵜⴰⵎⵣⵔⴰⵢⵜ ⴳ ⵓⵎⵏⵉⴷ ⴰⴷ, ⵍⵍⵉ ⵉⴼⴽⴰ ⵓⵙⵇⵇⵉⵎ ⴰⵎⴰⵙⵙⴰⵏ ⴰⵏⴰⴼⵍⵍⴰ ⵜⴰⵏⵏⴰⵢⵜ ⵏⵏⵙ ⴰⴷ ⵜⴳ ⵜⵎⵖⴰⵔⵜ ⵜⴰⵍⵄⴰⴷⵍⵜ ⵙ ⵉⴱⴹⵉⵢⵉⵏ ⵏⵛⵛⵔⵄ ⵣⴷⵉⵏⵉⵏ ⴷ ⵜⵓⴳⴳⵯⴰ  ⴷ ⵜⵎⵔⵙⴰⵍ ⵏ ⵓⵙⴳⴷ ⵍⵍⴰⵏⵉⵏ ⴳ ⵍⵎⵖⵔⵉⴱ ⴷ ⵍⵎⴰⴷⵀⴰⴱ ⴰⵎⴰⵍⵉⴽⵉ, ⴷ ⵎⴰⴷ ⵜⵍⴽⵎ ⵜⵎⵖⴰⵔⵜ ⵜⴰⵎⵖⵔⵉⴱⵉⵜ ⴳ ⵜⵓⵙⵙⵏⴰ ⴷ ⵜⴷⵍⵙⴰ ⴷ ⵜⵙⵓⴳⴰⵔ ⵏⵏⵙ ⵍⵍⵉ ⵜⵜ ⵙⵍⵍⴽⵎⵏⵉⵏ  ⴰⴷ ⵜⵙⴽⴰⵔ ⵜⴰⵣⵣⵓⵍⵉⵏ ⵜⵉⵣⵔⴼⴰⵏⵉⵏ ( ⵜⵉⵎⴰⵙⵜⴰⵏⵉⵏ, ⵜⵉⵙⵏⵜⴰⵎⵉⵏ, ⵜⵉⴱⴹⴰⵢⵉⵏ, ⵜⵉⵎⵙⵙⵓⵖⵓⵍⵉⵏ...).

ⵉⵙⵜ ⵎⴰⵙⵙ ⴷ ⵉⴷ ⵎⴰⵙⵙ.

ⵉⴳⴰ ⵓⴽⵛⵓⵎ ⵙ ⵜⵣⵔⴼⵜ ⵙⴳ ⵉⵣⵔⴼⴰⵏ ⵉⴷⵙⵍⴰⵏⵏ ⵏ ⵉⵏⵎⵓⵔⴰⵏ, ⵉⴳ ⵓⵙⵙⵔⵅⵓ ⵏ ⵓⴽⵛⵓⵎ ⵏ ⵜⵎⵖⴰⵔⵜ ⵙ ⵓⵣⵔⴼ ⴰⴷ ⵙⴳ ⵉⵣⵔⴼⴰⵏ. ⵜⴻⵟⵟⴰⴼ ⵜⵡⵉⵙⵉ ⵜⴰⵏⴰⵎⵓⵉⵏⵜ ⵜⵉⵍⴰⵍⵜ ⵜⴰⴷⵙⵍⴰⵏⵜ ⴳ ⵓⵙⴷⵓⵙ ⵏ ⵓⴷⵖⴰⵔ ⵏ ⵜⵎⵖⴰⵔⵜ ⴳ ⵓⵎⵏⵉⴷ ⴰⴷ, ⵉⵍⵍⴰ ⵓⵙⵍⴳⵏ 103.13 ⵉⵣⴷⵉⵏ ⴷ ⵓⵙⴱⴷⴷⵉ ⵏ ⵜⴽⵕⴹⵉ ⵎⴳⴰⵍ ⵏ ⵜⵎⵖⴰⵔⵉⵏ ⵙⴳ ⵜⵓⴳⴳⴰⵙ ⵍⵍⵉ ⵉⵙⴽⴰⵔ ⵍⵎⵖⵔⵉⴱ. ⵉⵎⵎⴰⵖ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⵙ ⵜⵓⵎⴰⵢⵜ ⵏ ⵓⵙⵍⴳ 103.13 ⴰⴷ ⵉⵙⴱⴷⴷ ⵜⵉⴽⵕⴹⵉ ⴰⴷ ⵙ ⵓⵙⴽⵔ ⵏ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⴷ ⵜⵎⵏⴰⴹⵉⵏ ⴷ ⵜⴷⵖⴰⵔⴰⵏⵉⵏ. ⴷⴰ ⵜⵙⵡⵓⵔⵉ ⵜⵙⵇⵇⵉⵎⵜ ⴰⴷ ⵜⴰⵏⴰⵎⵓⵔⵜ ⴳ ⵓⵎⵢⴰⵡⴰⴹ ⴷ ⵓⵣⴷⴰⵢ ⵊⴰⵔ ⵉⴳⵔⴰⵏ ⵓⵏⴱⵉⴹⵏ ⴷ ⵜⵎⵙⵙⵓⴳⵓⵔⵉⵏ ⵜⵉⵏⴰⵎⵎⴰⵙⵉⵏ ⵥⵍⵉⵏⵉⵏ. ⵜⵉⵏⵎⵏⴰⴹⵉⵏ ⴷⴰ ⵙⵡⵓⵔⵉⵏⵜ ⴳ ⵓⵎⵢⴰⵡⴰⴹ ⴷ ⵓⵣⴷⴰⵢ ⵊⴰⵔ ⵜⵏⴱⴰⴷⵜ ⵜⴰⵣⵔⴼⴰⵏⵜ  ⴷ ⵉⴳⵔⴰⵏ ⵓⵏⴱⵉⴹⵏ ⴳ ⵓⵙⵡⵉⵔ ⴰⵏⵎⵏⴰⴹ.

ⵢⵉⵡⵉ ⴷ ⵓⵙⵍⴳⵏ ⴰⴷ ⵓⵍⴰ ⴰⴷ ⵉⵍⵉⵏⵜ ⵜⵓⵚⴽⵉⵡⵉⵏ ⴳ ⵜⵙⴱⴹⴰⵢⵉⵏ ⵜⵉⵎⵣⵡⵓⵔⴰ ⴷ ⵜⵉⵏ ⵡⴰⵍⴰⵙ, ⴷ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ ⴷ ⵜⵏⴰⵔⴰ ⵜⴰⵎⴰⵜⵜⵓⵢⵜ ⵏ ⵜⵊⵓⵏⴹⴰⵕⵎⵜ ⵜⴰⴳⵍⴷⴰⵏⵜ, ⴷⴰ ⵙⵙⴼⵍⵉⴷⵏⵜ ⵉ ⵜⵎⵖⴰⵔⵉⵏ ⴳ ⵉⵎⵏⵉⴷⵏ ⵓⵙⵏⵓⴱⴳ ⴷ ⵓⵙⵙⴼⵍⴷ ⴷ ⵓⵙⵏⴰⵍ ⴷ ⵓⴹⴼⵕ.

ⵉⵙⵜ ⵎⴰⵙⵙ ⴷ ⵉⴷ ⵎⴰⵙⵙ.

ⵎⵇⵇⴰⵔ ⵍⵍⴰⵏ ⵓⵎⵎⵉⵥⵏ ⴳ ⵉⵙⴳⴳⵯⴰⵙ ⴰⴷ ⴳⴳⵓⵔⴰⵏⵉⵏ ⴳ ⵓⵎⵏⵉⴷ ⵏ ⵉⵣⵔⴼⴰⵏ ⵏ ⵜⵎⵖⴰⵔⵜ, ⵃⵎⴰ ⴰⴷ ⵢⵉⵍⵉ ⵢⵉⵙⴽⵉⵍ  ⴳⵔ ⵉⵔⴳⴰⵣⵏ ⴷ ⵜⵎⵖⴰⵔⵜ ⴳ ⵡⴰⵎⴰⵓⵏ ⵓⵍⴰ ⴳ ⵓⴳⵯⵏⵙ ⵏ ⵓⵏⴳⵔⴰⵡ ⵏ ⵜⵣⵔⴼⵜ ⵍⵍⵉ ⵉⴳⴰⵏ ⴰⵡⵜⵜⴰⵙ ⴰⴷⵙⵜⴰⵔ.

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ,

ⵎⵎⵔⵖ ⴱⴰⵀⵔⴰ ⵍⵍⵉⵖ ⴷⵔⵓⵖ ⵖ ⵓⵏⵎⵓⵇⵇⴰⵔ ⴰⴷ ⵉⵙⴰⵡⵍⵏ ⴼ ⵓⵙⴷⵓⵙ ⵏ ⵉⵣⵔⴼⴰⵏ ⵏ ⵜⵎⵖⴰⵔⵜ ⴳ ⵓⵏⴳⵔⴰⵡ ⵏ ⵜⵣⵔⴼⵜ, ⵃⵎⴰ ⴰⴷ ⵢⵓⵍⵉⵏ ⵓⵙⵎⵖⵔ ⴷ ⵜⵣⵣⵉⴳⵣⵜ ⵍⵍⵉ ⵜⵔⴰ ⵜⵎⴰⵣⵉⵔⵜ ⵏⵏⵖ, ⵜⴰⵡⵙ ⵜⵎⵖⴰⵔⵜ ⵜⴰⵎⴰ ⵏ ⵓⵔⴳⴰⵣ ⴳ ⵜⵓⴳⴳⵯⴰⵙ ⵜⵓⵏⴳⵉⵎⵜ ⵏ ⵜⵎⴰⵣⵉⵔⵜ ⵏⵏⵖ ⵙ ⵎⴰⴷ ⵉⵍⵍⴰⵏ ⴳ ⵜⵓⴷⵔⵜ ⵉⵥⵉⵍⵏ.

ⵏⴻⵏⵏⵓⵔⵣ ⴰⴷ ⵉⴼⴽ ⵓⵏⵎⵓⵇⵇⴰⵔ ⴰⴷ ⵜⵉⵢⵢⴰⴼⵓⵜⵉⵏ  ⵍⵍⵉ ⵔⴰⴷ ⵉⴱⴷⴷ ⴼ ⵜⵉⵍⴰⵍⵜ ⵏ ⵜⵎⵖⴰⵔⵜ ⴳ ⵓⵏⴳⵔⴰⵡ ⵏ ⵜⵣⵔⴼⵜ ⴷ ⵓⵎⴹⴰⴽⴰⵕ ⵏ ⵉⵎⵏⴰⴷⵏ ⵏ ⵜⵣⵣⵉⴳⵣⵜ ⴷ ⵓⵣⵣⵔⴰⵢ ⵏ ⵜⵏⴰⵥⴰⵕⵉⵏ ⴷ ⵜⴱⴱⴰⵢⴹⴰⵕⵉⵏ, ⵏⵏⵓⵏⵏⵓⵔ ⴰⵎⵓⵔⵙ, ⵔⴰⴷ ⵏⴰⵡⵙ ⴳ ⵜⵣⵣⵉⴳⵣⵜ ⵏ ⵜⵎⴰⵣⵉⵔⵜ ⵏⵏⵖ ⵙ ⵏⵜⴰⵏⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ. ⴰⵣⵓⵍ ⴼⵍⵍⴰⵡⵏ