ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⵉⵙⵏⴼⴰⵔⵏ ⵏ ⵉⵙⵍⴳⵏⵏ ⴼ ⵜⴷⵙⵜⴰⵔⵜ ⵏ ⵉⵙⵍⴳⵏⵏ ⴷ ⵓⵎⵙⴰⵙⴰ
ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 25 ⵉⴱⵔⵉⵔ 2022, ⴰⵙⵏⴼⴰⵔ ⵏ ⵓⵙⵍⴳⵏ ⵉⵣⴷⵉⵏ ⴷ ⵜⴷⵙⵜⴰⵔⵜ ⵏ ⵉⵙⵍⴳⵏⵏ ⴷ ⵓⵎⵙⴰⵙⴰ, ⵖ ⵜⵖⵉⵎⵉⵜ ⵜⴰⵣⵣⵔⴰⴼⵜ ⵍⵍⵉ ⵉⵙⵙⵉⵅⴼ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎ, ⵙ ⵜⵉⵍⵉⵜ ⵏ ⵎⴰⵙⵙ ⵄⴰⴱⴷⵍⵍⴰⵟⵉⴼ ⵡⴰⵀⴱⵉ ⴰⵎⴰⵡⵙⴰⵙ ⵏ ⵜⵣⵔⴼⵜ ⴷ ⵎⴰⵙⵙ ⵎⵓⵚⵟⴰⴼⴰ ⴱⴰⵢⵜⴰⵙ ⴰⵎⴰⵡⵙⴰⵙ ⵉⵜⵜⵓⵙⵎⴰⴳⴰⵍ ⵙ ⵜⵣⴷⴰⵢⵉⵏ ⴰⴽⴷ ⵓⴱⵕⵍⴰⵎⴰⵏ ⴰⵎⵙⵙⵉⵡⵍ ⴰⵎⴰⴷⴷⵓⴷ ⵙ ⵉⵙⵎ ⵏ ⵜⵏⴱⴰⴹⵜ.
ⵉⵙⵖⵣⵏ ⵓⵙⵇⵇⵉⵎ ⴰⵙⵏⴼⴰⵔ ⵏ ⵓⵙⵍⴳⵏ ⴰⵎⴰⴷⴷⴰⵙ 86.15 ⴼ ⵜⴼⴰⴷⵉⵡⵉⵏ ⵏ ⵡⴰⵔⵜⴰⴷⵙⵜⴰⵔⵜ ⵏ ⵉⵙⵍⴳⵏⵏ, ⴳ ⵓⵙⴽⵔ ⵏ ⵓⵎⵏⵏⵉ 133 ⵏ ⵓⴷⵓⵙⵜⵓⵔ ⵏ 2011 ⵍⵍⵉ ⵉⴼⴽⴰⵏ ⴰⵣⵔⴼ ⴰⵎⴰⵢⵏⵓ ⵉ ⵜⵙⵏⴱⴹⴰⵢⵜ ⵜⴰⴷⵙⵜⴰⵔⵜ ⵃⵎⴰ ⴰⴷ ⵜⵙⴽⵔ ⵜⴰⵣⵔⴼⵜ ⵉⵕⵡⴰⵏ ⴳ ⵓⵎⵏⵉⴷ ⴰⴷ.
ⵉⵙⵖⵣⵏ ⵢⴰⴷ ⵓⵙⵇⵇⵉⵎ ⴼ ⵓⵙⵏⴼⴰⵔ ⴰⴷ ⴳ ⵜⵉⵖⵔⵉ ⵜⵉⵙ ⵙⵏⴰⵜ ⴳ 6 ⴱⵕⴰⵢⵕ 2018, ⵎⴰⵛⵛ ⵜⴰⵙⵏⴱⴹⴰⵢⵜ ⵜⴰⴷⵙⵜⴰⵔⵜ ⵓⵔ ⵜⵇⴱⵍ ⵎⵏⵏⴰⵡ ⵉⵎⵏⵏⵉⵜⵏ ⵏⵏⵙ.
ⵔⴰⴷ ⵢⴰⵡⵙ ⵓⵙⵍⴳⵏ ⴰⴷ ⵉ ⵉⵏⵎⵓⵔⴰⵏ ⵃⵎⴰ ⴰⴷ ⴼⵔⴳⵏ ⵉⵣⵔⴼⴰⵏ ⵏⵏⵙⵏ ⵙ ⵓⵏⵢⴰⵍⴽⴰⵎⵏⵏⵙⵏ ⴰⴽⴷ ⵜⵉⵎⵔⵙⴰⵍ ⵜⵉⴷⵙⵜⴰⵔⵉⵏ ⵍⵍⵉⵖ ⵉⴳⴰ ⵓⴷⵓⵙⵜⵓⵔ ⴰⵙⵍⴳⵏ ⴰⵎⴰⵜⵜⵓⵢ, ⴰⵢⵍⵍⵉ ⵔⴰⴷ ⵢⴰⵡⵙ ⴳ ⵓⵙⵎⴰⵢⵏⵓ ⵏ ⵓⵏⴳⵔⴰⵡ ⴰⵣⵔⴼⴰⵏ ⵉⵙⵙⴷⵓⵙ ⵜⴰⴷⵍⵙⴰ ⵏ ⵜⴷⵉⵎⵓⵇⵔⴰⵟⵉⵜ ⴷ ⵜⵏⵎⵓⵔⵉ.
ⵉⵍⵍⴰ ⴳ ⵜⵖⵉⵎⵉⵜ ⴰⴷ ⵓⵍⴰ ⵓⵙⵖⵣⵏ ⵏ ⵓⵙⵏⴼⴰⵔ ⵏ ⵓⵙⵍⴳⵏ 95.17 ⴼ ⵓⵎⵙⴰⵙⴰ ⴳ ⵜⵉⵖⵔⵉ ⵜⵉⵙ ⵙⵏⴰⵜ, ⵔⴰⴷ ⵢⴰⵡⵙ ⴳ ⵜⵓⴷⵔⵜ ⵜⴰⴷⵎⵙⴰⵏⵜ ⴳ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵓⵙⵔⵖⵓ ⵏ ⵓⵙⵙⴰⵔⵓ ⵏ ⴱⵕⵕⴰ ⴷ ⵜⴳⵎⵉ ⴳ ⵜⵎⴰⵣⵉⵔⵜ ⵏⵏⵖ.
ⴽⵛⵎⵏ ⴳ ⵓⵙⵏⴼⴰⵔ ⴰⴷ ⵜⵓⴳⵜ ⵏ ⵉⵙⵏⴼⵍⵏ ⵣⴷⵉⵏⵉⵏ ⴷ ⵓⵙⵖⵏⵣⵉ ⴰⴳⵔⴰⵖⵍⴰⵏ ⴷ ⵓⵎⴰⴹⴰⵍ ⵏ ⵉⴷⵔⵉⵎⵏ ⴷ ⵜⵡⵡⵓⵔⵉⵡⵉⵏ ⴷ ⵓⵙⵔⵅⵓ ⵏ ⵜⴱⵔⵉⴷⵉⵏ ⵍⵍⴰⵏⵉⵏ.
ⵉⴽⵛⵎ ⵓⵙⵍⴳⵏ ⴰⴷ ⴳ ⵓⵣⵣⴳⵉⵔ ⵏ ⵉⵙⵡⴰⵍⴰⵢⵏ ⵉⴳⵍⴷⴰⵏⵏ ⵉⵎⴰⵜⵜⵓⵢⵏ ⵏ ⵉⵏⴰⵡ ⴰⴳⵍⴷⴰⵏ ⵏ 20 ⵖⵓⵛⵜ 2009 ⵙ ⵜⵎⵍⴷⴰ ⵏ ⵓⴽⵜⵜⵓⵢ ⵡⵉⵙ 56 ⵏ ⵜⴳⵔⴰⵡⵍⵍⴰ ⵏ ⵓⴳⵍⵍⵉⴷ ⴷ ⵓⵎⴰⴷⴰⵏ ⵍⵍⵉⵖ ⵉⵍⵍⴰ ⵓⵙⴷⴷⴻⴷ ⴼ ⵓⵙⵎⵖⵔ ⵏ ⵜⴱⵔⵉⴷⵉⵏ ⵜⵉⵣⵔⴼⴰⵏⵉⵏ ⵜⵉⵎⴰⵢⵏⵓⵜⵉⵏ ⵖ ⵉⵍⵍⴰ ⵓⵎⵙⴰⵙⴰ ⴷ ⵓⵎⵙⵓⵔⵓⴼ, ⵖⵎⴽ ⵍⵍⵉ ⵉⵍⵍⴰⵏ ⵓⵍⴰ ⴳ ⵜⴱⵔⴰⵜ ⵜⴰⴳⵍⴷⴰⵏⵜ ⵜⴰⵎⴰⵜⵜⵓⵢⵜ ⵉ ⵜⵙⵓⵜⵍⵜ ⵜⵉⵙ ⵙⵏⴰⵜ ⵏ ⵓⴳⵔⴰⵡ ⴰⴳⵔⴰⵖⵍⴰⵏ ⵏ ⵜⵣⵔⴼⵜ ⵏ 21 ⴽⵟⵓⴱⵕ 2019 ⴳ ⵡⴰⵎⵓⵔ ⵏ ⵡⴰⴽⵓⵛ.