ⵜⴷⵔⵓ ⵎⴰⵙⵙⴰ ⵏⴰⴷⵢⴰ ⴱⵓⵄⵉⴷⴰ ⴳ ⵖ ⵓⴳⵔⴰⵡ ⵏ ⵓⵙⵏⴼⵍ ⵏ ⵜⵏⴱⴰⴹⵉⵏ ⵙ ⵜⵖⴰⵔⴰⵙⵜ ⵜⴰⵔⴷⵙⵜⴰⵔⵜ ⴳ ⵉⴼⵔⵉⵇⵢⴰ, ⵜⵙⴰⵡⵍ ⴼ ⵜⵎⵢⵓⵔⵉⵏ ⵜⵉⵎⵔⵙⵍⴰⵏⵉⵏ ⴳ ⵍⵎⵖⵔⵉⴱ
ⵍⵍⵉⵖ ⵜⴷⵔⵓ ⵎⴰⵙⵙⴰ ⵏⴰⴷⵢⴰ ⴱⵓⵄⵉⴷⴰ, ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵊⵏ ⴱⵕⵕⴰ ⴳ ⵓⵏⵎⵓⵇⵇⴰⵔ ⴼ ⵓⵙⵏⴼⵍ ⵏ ⵜⵏⴱⴰⴹⵉⵏ ⵙ ⵜⵖⴰⵔⴰⵙⵜ ⵜⴰⵔⴷⵙⵜⴰⵔⵜ, ⵜⵙⵎⵏⵉⴷ ⴰⵙⵙ ⵏ ⵓⴽⵡⴰⵙ 17 ⵎⴰⵕⵚ 2022, ⵢⴰⵜ ⵜⴳⵓⵔⵉ ⵖ ⵜⵙⴷⴷⵉⴷ ⴼ ⵡⴰⵜⵉⴳ ⵏ ⵓⴱⵕⵍⴰⵎⴰⵏ ⴳ ⵓⵙⴱⴷⴷⵉ ⵏ ⵓⵙⵏⴼⵍ ⵏ ⵜⵏⴱⴰⴹⵉⵏ ⵙ ⵜⵖⴰⵔⴰⵙⵜ ⴰⴷ, ⵉⴳ ⵎⴰⵢⴰⴷ ⵙⴳ ⵜⵉⵍⴰⵍ ⵏ ⵓⴱⵕⵍⴰⵎⵏ ⴰⴼⵔⵉⵇⵉ ⵍⵍⵉⵖ ⵜⵣⴷⵉ ⴷ ⵜⵎⵙⴽⵔⵜ ⵜⴰⴷⵉⵎⵓⵇⵔⴰⵟⵉⵜ.
ⵜⵙⴷⴷⵉⴷ ⵎⴰⵙⵙⴰ ⴱⵓⵄⵉⴷⴰ ⵎⴰⵙ ⴳⴰⵏⵜ ⵜⵎⵢⵓⵔⵉⵏ ⵜⵉⵎⵔⵙⵍⴰⵏⵉⵏ ⴳ ⵍⵎⵖⵔⵉⴱ ⵜⵉⵇⴱⵓⵔⵉⵏ ⵙⴳ ⵜⴰⵙⵓⵜⵉⵏ, ⵉⵣⵣⵔⵉ ⴳⵉⵙⵏⵜ ⵍⵎⵖⵔⵉⴱ ⵜⵉⴼⵔⴽⵉⵡⵉⵏ ⵛⴷⴷⴰⵏⵉⵏ ⴳ ⵓⵔⴳⴳⵉⴳ, ⵢⵉⵏⵉ ⵎⴰⵙ ⵜⵎⵎⴰⵖ ⴳ ⵓⵔⴳⴳⵉⴳ ⵏ ⵉⴼⵔⵉⵇⵢⴰ ⴷ ⵓⵍⵜⴰⵖ ⵖ ⵡⴰⵍⴰⵢ ⵏ ⵜⵏⴰⵥⴰⵕⵉⵏ .
ⵜⵙⴷⴷⵉⴷ ⵓⵍⴰ ⴼ ⵡⴰⵜⴳⵉ ⵏ ⵜⵡⵉⵣⵉ ⴳ ⵓⵙⵡⵉⵔ ⵏ ⵜⵡⵡⵓⵔⵉ ⵜⴰⴼⵔⵉⵇⵉⵜ ⵉⵛⵛⴰⵔⵏ ⵉ ⵜⵎⵔⴰⵔⵓⵔ ⵉ ⵉⵏⴰⵔⵓⵣⵏ ⵏ ⵜⴰⵡⵊⴰ ⵜⴰⴼⵔⵉⵇⵉⵜ ⵙ ⴽⵓ ⵉⴼⵔⴷⴰⵙ ⵏⵏⵙ.
ⵜⵙⴰⵡⵍ ⵎⴰⵙⵙ ⴱⵓⵄⵉⴷⴰ ⵓⵍⴰ ⴼ ⵜⵉⵍⴰⵍⵜ ⵏ ⵉⴱⵕⵍⴰⵎⴰⵏⵉⵢⵏ ⴼⵔⴽⵏⵉⵏ ⵙ ⵓⵙⵜⴰⵢ ⴰⴷⵉⵎⵓⵇⵔⴰⵟⵉ , ⴷ ⵔⴰⴷ ⴱⴷⴷⵏ ⵎⵏⵉⴷ ⵏ ⵉⵙⴷⵓⴷⴷⵓⵢⵏ ⵏ ⵜⴷⵉⵎⵓⵇⵔⴰⵟⵉⵜ ⵜⴰⵎⴰⵢⵏⵓⵜ, ⵉⵙⴷⵓⴷⴷⵓⵢⵏ ⴰⴷ ⵓⵔ ⵍⵍⵉⵏⵉⵏ ⵖⴰⵙ ⵖ ⵉⴼⵔⵉⵇⵢⴰ ⵎⴰⵛⵛ ⵓⵍⴰ ⵖ ⵜⴷⵉⵎⵓⵇⵔⴰⵟⵉⵢⵉⵏ ⵜⵉⵇⴱⵓⵔⵉⵏ ⵖ ⵜⵍⵍⴰ ⵜⴰⵙⵙⴰⵙⵜ ⵜⴰⵎⵔⵙⵍⴰⵏⵜ.
ⵜⵖⵔ ⵎⴰⵙⵙⴰ ⴱⵓⵄⵉⴷⴰ ⵉ ⵓⵙⴽⵔ ⵏ ⵜⵓⴳⴳⴰⵙ ⵉ ⵜⵉⵍⵉⵜ ⵏ ⵓⵏⴳⵔⴰⵡ ⴰⴷⵙⵜⴰⵔ ⴳ ⵉⴼⵔⵉⵇⵢⴰ ⵉⵟⵟⴰⴼⵏ ⵜⵉⵏⴰⵥⴰⵕⵉⵏ ⵅⴰⵜⵔⵏⵉⵏ, ⵢⵉⵍⵉ ⵓⴱⵕⵍⴰⵎⴰⵏⵉ ⴳ ⵜⵣⵡⵉⵔⵉ ⵉⵖ ⵍⵍⴰⵏⵜ ⵜⴼⴰⴷⵉⵡⵉⵏ ⵏ ⵓⵙⵎⵓⵜⵜⵓⵢ ⴷ ⵓⵙⵎⴰⵢⵏⵓ ⴰⴷⵉⵎⵓⵇⵔⴰⵟⵉ.
ⵜⵙⴰⵡⵍ ⵓⵍⴰ ⴼ ⵜⵉⵍⴰⵍⵜ ⵏ ⵓⴱⵕⵍⴰⵎⴰⵏ ⴷ ⵜⵉⵏⵎⵍ ⵏ ⵜⵏⵎⵓⵔⵉⵏ ⵖ ⵉⵍⵍⴰ ⵓⴱⵕⵍⴰⵎⴰⵏ ⵏ ⵡⴰⵔⵔⴰⵡ ⵉⴳⴰⵏ ⵉⵎⵉⵙⵙ ⵏ ⵓⴹⴼⵕ ⵏ ⵉⵏⴰⵔⵓⵣⵏ ⵏ ⵉⴳⵯⵏⵙⴰⵙⵏ ⵏ ⵉⵎⴰⴷⴰⵏⵏ ⴳ ⵉⵎⴰⵍ.