ⵉⴷⵔⵓ ⵎⴰⵙⵙ ⵎⵓⵃⴰⵎⵎⴰⴷ ⵡⴰⵣⵣⵉⵏ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵖ ⵓⵏⵎⵓⵇⵇⴰⵔ ⵏ “ⴼⵓⴱⵔⵉⵍ”, ⵉⵙⴰⵡⵍ ⴼ ⵜⵉⵔⵎⵉⵜ ⵏ ⵍⵎⵖⵔⵉⴱ ⵖ ⵓⴼⵔⴰⴳ ⵏ ⵡⴰⵡⵏⴰⴹ

ⵉⴷⵔⵓ ⵎⴰⵙⵙ ⵎⵓⵃⴰⵎⵎⴰⴷ ⵡⴰⵣⵣⵉⵏ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵕⴰⵙ 12 ⵎⴰⵢⵢⵓ ⴳ ⵜⵙⵎⵓⵏⵉ ⵏ ⵓⵙⵏⵎⴰⵍⴰ ⴰⵎⵣⵡⴰⵔⵓ ⵏ ⵉⴱⴽⴰⴹⵏ ⵏ ⵡⴰⵡⵏⴰⴹ ⴳ ⵎⴰⵔⵉⴽⴰⵏ ⵜⴰⵏⴰⵎⵎⴰⵙⵜ ⴷ ⵍⴽⴰⵕⴰⵢⵉⴱ ⴷ ⵍⵎⵉⴽⵙⵉⴽ ⵍⵍⵉ ⵉⵙⵏⵎⴰⵍⴰ ⵓⵏⵎⵓⵇⵇⴰⵔ ⵏ”ⴼⵓⴱⵔⵉⵍ” ⵙ ⵓⴼⵉⵣⵢⵓⴽⵓⵏⴼⵉⵕⵓⵏⵚ.

ⵉⵏⵏⴰ ⵎⴰⵙⵙ ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙ ⵜⵙⵙⵏⵜⵉ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷⴼⴼⵉⵔ ⵏ ⵓⵏⵎⵓⵇⵇⴰⵔ ⵏ ⵡⴰⴽⴰⵍ ⵏ ⵔⵢⵓ ⴷⵉ ⵊⴰⵏⵢⵉⵔⵓ ⴳ 1992 ⵉⵎⵓⴽⵏⵏ ⵅⴰⵜⵔⵏⵉⵏ ⴼ ⵡⴰⵡⵏⴰⴹ ⴷ ⵓⵏⵏⵓⵕⵥⵎ ⵏ ⵓⵖⴰⵡⴰⵙ ⴰⵣⴳⵣⴰⵡ ⵉ ⵓⵙⵎⵖⵔ ⵏ ⵢⵉⴳⵔ ⵏ ⵜⴼⵍⵍⴰⵃⵜ ⴷ ⵓⵙⴱⴷⴷⵉ ⵏ ⵉⵢⴰⴼⵓⵜⵏ ⵜⵜⴰⵡⵙⵏⴼⴰⵍⵏⵉⵏ ⴷ ⵓⵙⵔⵓⵙ ⵏ ⵜⵙⵔⵜⴰⵜⵉⵊⵉⵜ ⵏ ⵓⵙⵎⴽⵍ ⵏ ⵡⴰⵔⵔⴰⵙ. ⵖⵎⴽ ⵍⵍⵉ ⵜⵙⵏⵎⵍⴰ ⵜⴳⵍⴷⵉⵜ ⴰⵏⵎⵓⵇⵇⴰⵔ ⵏ ⵓⵏⵣⵡⵉ ⴽⵓⴱ 22  ⴳ ⵎⵕⵕⴰⴽⵛ ⴳ 2016 ⴰⵢⵍⵍⵉ ⵉⴳⴰⵏ ⵜⴰⵎⵙⴰⵔⵜ ⵜⴰⵅⴰⵜⴰⵔⵜ ⵙ ⵜⵥⵍⵉ ⵜⵎⴰⵣⵉⵔⵜ ⵏⵏⵖ ⵉ ⵚⴰⵃⴰ ⵏ ⵡⴰⵡⵏⴰⴹ ⴷ ⵜⴳⵎⵉ ⵜⴰⵙⵓⵍⴰⵏⵜ.

ⵉⵙⴰⵡⵍ ⵎⴰⵙⵙ ⵡⴰⵣⵣⵉⵏ ⴼ ⵓⵍⵜⴰⵖ ⵏ ⵍⵎⵖⵔⵉⴱ ⴳ ⵢⵉⴳⵔ ⵖ ⵜⵥⴹⴰⵕⵉⵏ ⵖⵓⵙⵏⵉⵏ ⵙⵍⴰⵡⴰⵏ ⴰⴽⴽⵯ ⵜⵉⵏ ⵜⴰⴼⵓⴽⵜ, ⵢⵉⵍⵉ ⴷⴰⵔⵙ ⵓⴷⵖⴰⵔ ⵉⵥⵉⵍⵏ ⴳ ⵓⵎⴰⴹⴰⵍ, ⴳⴰⵏⵜ ⵜⵥⴹⴰⵕⵉⵏ ⵉⵜⵜⵓⵙⵎⴰⵢⵏⵓⵏⵏ 42 % ⴳ ⵉⵙⵖⴰⵡⵙⴰⵜⵏ ⵉⵏⴰⵎⵓⵔⵏ, ⵉⵎⵎⴰⵖ ⴰⴷ ⵉⵍⴽⵎ 52% ⵙ 2030.

ⵢⵉⵏⵉ ⵎⴰⵙⵙ ⵡⴰⵣⵣⵉⵏ ⵎⴰⵙ ⵜⵙⵔⵙ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⵢⴰⵏ ⵓⵙⴰⵜⵉ ⴰⵣⵔⴼⴰⵏ ⵉ ⵓⵙⴱⴽⴹ ⴷ ⵓⴼⵔⴰⴳ ⵏ ⵡⴰⵡⵏⴰⴹ, ⵙ ⵓⴼⵔⴰⴽ ⵙ ⵜⵣⵣⵉⴳⵣⵜ ⵜⴰⴷⵎⵙⴰⵏⵜ ⵏ ⵍⵎⵖⵔⵉⴱ ⴷ ⵓⴷⵔⴰⵣ ⵏⵏⵙ ⴳ ⵉⴳⵔⴰⵏ ⵏ ⵡⴰⵡⵏⴰⴹ, ⵢⴰⵍⵍ ⵓⵎⵣⵣⵔⴰⴼ ⴰⵎⵖⵔⵉⴱⵉ ⴳ ⵓⵙⵡⵉⵔ ⵏⵏⵙ ⴳ ⵓⴼⵔⴰⴳ ⵏ ⵡⴰⵡⵏⴰⴹ.

ⴳ ⵓⵙⵡⵉⵔ ⴰⴷⵙⵜⴰⵔ, ⵉⵙⴰⵡⵍ ⵎⴰⵙⵙ ⵡⴰⵣⵣⵉⵏ ⴼ ⵓⵎⴰⴳⵔⴰⴷ 31 ⵖ ⵉⵍⵍⴰ ⵓⵡⴰⵏⴽ ⴷ ⵜⵎⵔⵙⴰⵍ ⵜⵉⴳⴷⵓⴷⴰⵏⵉⵏ ⴷ ⵜⴳⵔⴰⵡⵉⵏ ⵜⵉⵏⴰⴽⴰⵍⵉⵏ ⴼ ⵓⵣⵔⴼ ⴳ ⵡⴰⵎⴰⵏ ⴷ ⵜⵓⴷⵔⵜ ⴳ ⵡⴰⵡⵏⴰⴹ ⵉⵥⵉⵍⵏ, ⴷ ⵓⵎⴰⴳⵔⴰⴷ 35 ⴼ ⵜⴳⵎⵉ ⵜⴰⵏⴼⴳⴰⵏⵜ ⵉⵙⵓⵍⵏ ⴷ ⵓⴼⵔⴰⴳ ⵏ ⵓⴳⴰⵎⴰ ⴰⵏⴰⵎⵓⵔ ⴷ ⵉⵣⵔⴼⴰⵏ ⵏ ⵜⴰⵙⵓⵜⵉⵏ ⴷ ⵓⵛⴽⴰⵏⵉⵏ.

ⵉⵣⵎⵎⵉⵎ ⵎⴰⵙⵙ ⵡⴰⵣⵣⵉⵏ ⴰⵡⴷ ⴰⵅⵎⵎⴻⵎ ⴰⴳⵍⴷⴰⵏ ⵖ ⵡⴰⵡⵏⴰⴹ, ⵙ ⵜⵓⵎⴰⵢⵜ ⵏ ⵉⵏⴰⵡⵏ ⵉⴳⵍⴷⴰⵏⵏ ⴷ ⵉⵙⵡⴰⵍⴰⵢⵏ ⴰⵜⵜⵓⵢⵏⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ, ⵉⴱⴷⴷ ⵓⵍⴰ ⴼ ⵉⵙⵍⴳⵏⵏ ⵍⵍⴰⵏⵉⵏ ⵙⴳ ⴰⴹⴰⵀⵉⵕ ⵏ 10 ⴽⵟⵓⴱⵕ 1917 ⴼ ⵓⴼⵔⴰⴳ ⵏ ⵜⴰⴳⴰⵏⵉⵏ ⴷ ⵜⵙⴰⵔⵡⴰ ⵏⵏⵙⵏⵜ ⴷ ⵓⵙⵎⴰⵢⵏⵓ ⵏ ⵉⴹⵕⵉⵚⵏ ⵉⵣⵔⴼⴰⵏⵏ ⴳ ⵢⵉⴳⵔ ⵏ ⵡⴰⵡⵏⴰⴹ, ⵖⵎⴽ ⵉⵙⵔⵙ ⵓⵣⵣⵔⴰⴼ ⵜⵉⵏⴼⴳⵓⵔⵉⵏ ⵉ ⵉⵎⵙⴽⴰⵔⵏ  ⵏ ⵉⴱⴽⴽⴰⴹⵏ ⵉⵡⵏⴹⴰⵏⵏ, ⴷⴰ ⵜⴹⴼⵓⵕ ⵜⵎⴰⵔⵉⵜ ⵜⴰⵎⴰⵜⴰⵢⵜ ⴷ ⵓⵣⵣⵔⴰⴼ ⴰⵎⵖⵔⵉⴱⵉ ⵜⵉⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⵜⵉⵏⴰⵎⵓⵔⵉⵏ ⴼ ⵓⴼⵔⴰⴳ ⵏ ⵡⴰⵡⵏⴰⴹ ⴷ ⵉⴱⴽⴽⴰⴹⵏ ⵏⵏⵙ, ⵖⵎⴽⴰⵏⵏ ⴰⴼ ⵜⵜⵓⵙⴽⴰⵔⵏ ⵉⴱⵓⵍⵉⵙⵏ ⵏ ⵡⴰⵡⵏⴰⴹ ⵍⵍⵉ ⵜⵜⴰⵡⵙⵏⵉⵏ ⵉ ⵢⵉⴳⵔ ⵓⵏⴱⵉⴹ ⵉⵜⵜⵓⵙⵎⴰⴳⴰⵍⵏ ⵙ ⵡⴰⵡⵏⴰⴹ ⴳ ⵢⵉⴳⵔ ⵏ ⵡⴰⵔⴰⵢ ⴷ ⵜⵉⴹⴰⴼ ⵏ ⵡⴰⵡⵏⴰⴹ.

ⵉⵙⵎⴷ ⵎⴰⵙⵙ ⵡⴰⵣⵣⵉⵏ ⵜⴰⴽⵛⵛⵓⵎⵜ ⵏⵏⵙ ⵙ ⵜⵙⵓⵎⵔⵉⵏ ⴷ ⵉⵙⵖⵍⴰⴼ ⵙ ⵓⵙⴷⵓⵙ ⵏ ⵓⵙⴰⵜⵉ ⴰⵣⵔⴼⴰⵏ ⵏ ⵓⴼⵔⴰⴳ ⵏ ⵡⴰⵡⵏⴰⴹ ⵃⵎⴰ ⴰⴷ ⵢⵉⵍⵉ ⵓⵣⵔⴰⵢ ⵏ ⵜⵎⵓⴽⵔⵉⵙⵉⵏ ⵍⵍⴰⵏⵉⵏ ⴳ ⴽⵓ ⵉⵡⴰⵏⴽⵏ ⵏ ⵓⵎⴰⴹⴰⵍ, ⴰⵙⵏⴼⵍ ⵏ ⵜⵉⵔⵎⵉⵜⵉⵜⵏ ⴳ ⵓⵙⴰⵜⵉ ⵏ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ ⵊⴰⵔ ⵉⴼⵔⵉⵇⵢⴰ ⴷ ⵎⴰⵔⵉⴽⴰⵏ ⵜⴰⵏⴰⵎⵎⴰⵙⵜ, ⴰⵍⵜⴰⵖ ⵏ ⵡⴰⵎⵓⵏ ⵓⵖⵔⵉⵎ ⴰⵎⴰⴹⵍⴰⵏ ⴳ ⵓⵙⴱⴷⴷⵉ ⵏ ⵉⴱⴽⴽⴰⴹⵏ ⵏ ⵡⴰⵡⵏⴰⴹ ⴷ ⵜⵉⵍⵉⵜ ⵏ ⵜⵓⴳⴳⴰⵙ ⵏ ⵓⵣⴷⴷⵓⵢ ⵉ ⵓⵙⵏⵎⴰⵍⴰ ⵏ ⵉⴱⴽⴽⴰⴹⵏ ⵏ ⵡⴰⵡⵏⴰⴹ ⴳ ⵓⵎⴰⴹⴰⵍ.

ⴰⵔ ⵉⴷⵔⵔⵓ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵙⵎⵓⵏⴰⵢ ⵏ ⴼⵓⴱⵔⵉⵍ ⵙⴳ ⵎⴰⴷ ⴳⵉⵙ ⵉⵍⵍⴰ ⴳ 2014 ⴷ ⴰⵎⵥⵕⴰⵢ, ⵍⵍⴰⵏ ⴳⵉⵙ ⵉⵏⵙⵙⵉⵅⴼⵏ ⵏ ⵉⴱⵕⵍⴰⵎⴰⵏⵏ ⵏ 10 ⵉⵡⴰⵏⴽⵏ ⵉⴳⵎⴰⵎⵏ: ⴳⵡⴰⵟⵉⵎⴰⵍⴰ, ⴱⵉⵍⵉⵣ, ⵙⴰⵍⴼⴰⴹⵓⵕ, ⵀⵓⵏⴷⵓⵕⴰⵚ, ⵏⵉⴽⴰⵔⴰⴳⵡⴰ, ⴽⵓⵙⵜⴰⵔⵉⴽⴰ, ⴱⴰⵏⴰⵎⴰ, ⴷⴷⵓⵎⵉⵏⵉⴽⴰⵏ, ⵍⵎⵉⴽⵙⵉⴽ, ⴱⵓⵔⵜⵓ ⵔⵉⴽⵓ. ⵉⵍⵍⴰ ⵓⵙⵖⵉⵎ ⵏⵏⵙ ⴳ ⵎⴰⵏⴰⴳⵡⴰ ⵜⴰⵎⴰⵥⵓⵏⵜ ⵏ ⵜⴳⴷⵓⴷⴰⵏⵜ ⵏ ⵏⵉⴽⴰⵕⴰⴳⵡⴰ.