ⵉⴷⵔⵓ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⴳ ⵓⴳⵔⴰⵡ 32 ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⵄⵕⴰⴱⵜ

ⵉⴷⵔⵓ ⵍⵎⵖⵔⵉⴱ ⴳ ⵓⴳⵔⴰⵡ 32 ⵏ ⵜⴰⵎⵓⵏⵜ ⵜⴰⴱⵕⵍⴰⵎⵏⵉⵜ ⵜⴰⵄⵕⴰⴱⵜ ⵓⵙⵙⴰⵏ ⵏ 17 ⴷ 18 ⴱⵕⴰⵢⵕ 2022 ⴳ ⵍⵇⴰⵀⵉⵔⴰ ⴳ ⵎⵉⵚⵕ.

ⵉⵙⵙⵉⵅⴼ ⴰⴽⴰⴱⴰⵕ ⵎⴰⵙⵙ ⵎⵓⵃⴰⵎⵎⴰⴷ ⵚⵚⴱⴱⴰⵕⵉ, ⴰⵎⴰⵔⵉ ⴰⵎⵣⵡⴰⵔⵓ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ, ⴳⵉⵙ ⵉⴳⵎⴰⵎⵏ ⵏ ⵜⴰⵢⵢⴰⵡⵜ ⵜⴰⴱⵕⵍⴰⵎⴰⵏⵉⵜ ⵜⴰⵏⴰⵎⵓⵔⵜ ⴳ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⵄⵕⴰⴱⵜ:

• ⵎⴰⵙⵙⴰ ⴼⴰⵟⵉⵎⴰ ⵅⴰⵢⵔ
• ⵎⴰⵙⵙ ⵍⵃⵙⵏ ⵙⵙⴰⵄⴷⵉ
• ⵎⴰⵙⵙ ⵄⴰⴱⴷⵔⵔⴰⵃⵉⵎ ⵡⴰⵄⵎⵔⵓ
• ⵎⴰⵙⵙ ⵄⴰⴱⴷⵔⵔⴰⵣⵣⴰⵇ ⴰⵃⵍⵓⵛ
• ⵎⴰⵙⵙ ⴼⴰⵢⵚⴰⵍ ⵣⵣⵔⵀⵓⵏⵉ
• ⵎⴰⵙⵙ ⵛⵛⵉⵅ ⴰⵃⵎⴷⵓ ⵉⴷⴱⴷⴰ
• ⵎⴰⵙⵙ ⵄⴰⴱⴷⵍⵍⴰⵟⵉⴼ ⵎⵓⵙⵜⴰⵇⵉⵎ

ⵉⵍⵍⴰ ⵓⴳⵔⴰⵡ ⴰⴷ ⴳ ⵓⵎⵏⴰⴹ ⵏ ⵓⵙⵎⵖⵔ ⵏ ⵏ ⵜⵡⵡⵓⵔⵉ ⵜⴰⵄⵕⴰⴱⵜ ⵉⵛⵛⴰⵔⵏ, ⴷ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ  ⵉⴳⴰⵏ ⵜⴰⵙⵉⵍⴰ ⵏ ⵜⵡⵉⵣⵉ ⵜⴰⵄⵕⴰⴱⵜ , ⴷ ⵓⵎⴹⴰⴽⴰⵕ ⵏ ⵜⵏⴰⵥⴰⵕⵉⵏ ⴷⴰⵜ ⵏ ⵓⵎⴰⴹⴰⵍ ⴰⵄⵕⴰⴱ ⴰⵎ ⵜⴰⵏⴼⵔⵓⵜ ⴷ ⵓⴼⵔⴰⴳ ⵏ ⵜⴰⵎⵓⵏⵜ ⴷ ⵜⵉⵍⴰⵍ ⵏ ⵉⴱⵕⵍⴰⵎⴰⵏⵏ ⴳ ⵓⵙⴽⵔ ⵏ ⵓⵙⵎⴰⴷ ⴰⴷⵎⵙⴰⵏ ⴷ ⵓⵙⵎⵀⵍ ⵏ ⵜⵉⵍⴰⵍⵜ ⵏ ⵜⵎⵖⴰⵔⵜ ⵜⴰⵄⵕⴰⴱⵜ ⴷ ⵜⵎⵙⴰⵔⵜ ⵏ ⴼⴰⵍⵉⵚⵟⵉⵏ ⴷ ⵜⴰⴳⵯⵉⵜ ⵏ ⵉⵙⵏⴼⴰⵔⵏ ⴳⴰⵏⵉⵏ ⵎⴳⴰⵍ ⵏ ⵉⵣⵔⴼⴰⵏ ⵏ ⵓⵎⴰⴷⴰⵏ ⵏ ⴼⴰⵍⵉⵚⵟⵉⵏ.

ⴰⵖⴰⵡⴰⵙ ⵏ ⵜⵡⵡⵓⵔⵉ ⵏ ⵓⴳⵔⴰⵡ:

• ⴰⵙⵎⵏⵉⴷ ⵏ ⵓⵏⵇⵇⵉⵙ ⵏ ⵓⵏⵙⵉⵅⴼ ⴷ ⵜⵉⵍⴰⵍ ⵏⵏⵙ ⴷ ⵜⵉⵍⴰⵍ ⵏ ⵜⵙⵇⵇⵉⵎⵜ ⵜⴰⵎⵣⵣⴳⴰⵔⵜ ⵙⴳ ⴰⴳⵔⴰⵡ ⵡⵉⵙ 29, ⴰⴳⵔⴰⵡ ⵡⵉⵙ 30 ⵏ ⵜⴰⵎⵓⵏⵜ, ⴰⴳⵔⴰⵡ ⵡⵉⵙ 31.
• ⴰⵙⵎⵏⵉⴷ ⵏ ⵓⵏⵇⵇⵉⵙ ⵏ ⵓⵏⴼⵍⵓⵙ ⴰⵎⴰⵜⴰⵢ ⴼ ⵉⵙⵓⵔⵙⵏ ⵏ ⵜⴰⵎⵓⵏⵜ ⴷ ⵜⵉⵍⴰⵍ ⵏⵏⵙ ⵙⴳ ⴰⴳⵔⴰⵡ ⵡⵉⵙ 29, ⴰⴳⵔⴰⵡ ⵡⵉⵙ 30, ⴰⴳⵔⴰⵡ ⵡⵉⵙ 31.
• ⴰⵙⵎⵏⵉⴷ ⵏ ⵉⵏⵇⵇⵉⵙⵏ ⵏ ⵜⵙⵓⵜⵍⵉⵏ ⵜⵉⵙ 26 ⴷ 27 ⴷ 28 ⵏ ⵜⵏⵇⵇⵉⵙⵜ ⵜⴰⵎⵣⵣⴳⴰⵔⵜ ⵏ ⵜⴰⵎⵓⵏⵜ ⵜⴰⴱⵕⵍⴰⵎⵏⵉⵜ ⵜⴰⵄⵕⴰⴱⵜ ⴷ ⵓⵙⵖⵣⵏ ⵏⵏⵙⵏⵜ.

ⵖⵎⴽ ⴰⵏⵏ ⵓⵍⴰ ⵜⵉⵙⵎⵓⵏⴰⵢ ⵏ ⵜⵙⵇⵇⵉⵎⵉⵏ: ⵜⴰⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵜⵉⵙⵔⵜⴰⵏⵉⵏ ⴷ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⴷ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵜⵉⵥⵕⴼⴰⵏⵉⵏ ⴷ ⵜⴷⵎⵙⴰⵏⵉⵏ ⴷ ⵜⵙⵇⵇⵉⵎⵜ ⵏ ⵜⵖⴰⵡⵉⵙⵉⵡⵉⵏ ⵏ ⵜⵎⵖⴰⵔⵜ ⴷ ⵜⵎⵥⵉ.

ⵉⵙⵎⵏⵉⴷ ⵎⴰⵙⵙ ⵎⵓⵃⴰⵎⵎⴰⴷ ⵚⵚⴱⴱⴰⵕⵉ, ⴰⵎⴰⵔⵉ ⵏ ⵓⵏⵙⵙⵉⵅⴼ, ⵜⴰⴳⵓⵔⵉ ⵏ ⵓⴽⴰⴱⴰⵕ ⴰⵎⵖⵔⵉⴱⵉ  ⴳ ⵉⵙⵓⵜⴳ ⵙ ⵜⵓⴳⴳⴰⵙ ⵏ ⵜⴰⵎⵓⵏⵜ ⵜⴰⴱⵔⵍⴰⵎⴰⵏⵉⵜ ⵜⴰⵄⵕⴰⴱⵜ ⴳ ⵜⵙⵓⵜⵍⵉⵏ ⵥⵍⵉⵏⵉⵏ ⴳ ⵉⴷⴷⵔ ⵓⵎⴰⴹⴰⵍ.

ⵉⵙⴰⵡⵍ ⵓⵍⴰ ⴼ ⵡⴰⵜⵉⴳ ⵏ ⵓⵎⵙⴰⵡⴰⵍ ⵊⴰⵔ ⴰⵢⵜⵎⴰⵜⵏ ⴳ ⵓⵙⴰⵔⴰⴳ ⴰⵄⵕⴰⴱ, ⴰⵢⵍⵍⵉ ⵉⴳⴰⵏ ⵓⵎⵎⵉⵥ ⴰⵙⵔⵜⴰⵏ ⵏ ⵜⵎⵜⵜⴰ ⵜⴰⵄⵕⴰⴱⵜ ⵍⵍⵉ ⴷⴷⴰⵔ ⵍⵍⴰⵏⵜ ⴽⵉⴳⴰⵏ ⵏ ⵜⵏⴰⵥⴰⵕⵉⵏ ⵏ ⵓⴳⵏⵙ ⴷ ⴱⵕⵕⴰ.

ⵉⵙⴷⴷⵉⴷ ⵎⴰⵙⵙ ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵜⵡⵡⵓⵔⵉ ⴳ ⵓⴳⵏⵙ ⵏ ⵜⵎⵔⵙⴰⵍ ⵜⵉⴱⵕⵍⴰⵎⴰⵏⵉⵢⵉⵏ ⵜⴰⵄⵕⴰⴱⵉⵏ ⴳ ⵜⵍⵍⴰ ⵜⵉⵔⴰⵜ ⵜⴰⵎⴳⵔⵓⵜ ⴷ ⵡⴰⵜⵉⴳⵏ, ⴷ ⵉⵙⵏⵜⴰⵍ ⵎⵇⵇⴰⵔ ⵉⵍⵍⴰ ⵓⵎⵣⴰⵔⴰⵢ ⴳ ⵜⵉⵔⵎⵉⵜ ⴷ ⵜⵉⵍⵉⵜ ⴷ ⵜⵎⵙⴽⵔⵜ, ⴰⵎⵓⵔ ⴰⵄⵕⴰⴱ ⵉⴳⴰ ⵢⴰⵏ, ⵡⵉⵏ ⵓⵙⵎⴰⴷ ⴷ ⵓⵙⵏⴼⵍ ⴷ ⵓⴷⵔⴰⵡ ⴷ ⵓⵎⵙⴰⵡⴰⵍ ⴷ ⵜⵡⵉⵣⵉ ⴳ ⵓⵣⵔⴼ ⴷ ⵡⴰⴷⴷⴰⴷ ⴰⵄⵕⴰⴱ ⵉⵛⵛⴰⵔⵏ.

ⵖⵎⴽ ⵍⵍⵉ ⵉⵙⵓⵜⴳ ⵓⵍⴰ ⵙ ⵜⵉⵍⴰⵍⵜ ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⵄⵕⴰⴱⵜ ⵍⵍⵉ ⵉⴳⴰⵏ ⵜⴰⵎⵙⵜⴳⴳⴰⵔⵜ ⵉⵙⴰⵡⵍⵏ ⴼ ⵓⵎⵏⵉⴷ ⵉⵎⵓⵏⵏ, ⴰⵔ ⵜⴰⴽⴽⴰ ⵜⵉⵎⵏⵜⴰⵍ ⵉ ⵜⵡⵉⵣⵉ ⵜⴰⴱⵕⵍⴰⵎⵏⵉⵜ ⵜⴰⵄⵕⴰⴱⵜ, ⴷ ⵓⵙⴱⴷⴷⵉ ⵏ ⵜⵏⴰⵥⴰⵕⵉⵏ ⴷ ⵡⴰⵏⴰⵡⵏ ⵏ ⵓⵄⴷⴷⵓ ⴼ ⵜⵎⵉⵣⴰⵔ ⵜⴰⵄⵕⴰⴱⵉⵏ ⴰⵎ ⵜⴰⴳⵍⴷⵉⵜ ⵏ ⵙⵙⴰⵄⵓⴷⵉⵢⵢⴰ ⴷ ⵍⵉⵎⴰⵕⴰⵜ, ⴷ ⵓⵎⵣⴰⵖ ⵏ ⵜⵎⵙⴰⵔⵜ ⵏ ⵓⵎⴰⴷⴰⵏ ⴰⵄⵕⴰⴱ ⴰⴼⵉⵍⵉⵚⵟⵉⵏⵉ ⴳ ⵜⵙⵉⵎⴰⵏⵜ ⵏⵏⵙ ⴷ ⵓⵚⴽⵓ ⵏ ⵓⵡⴰⵏⴽ ⵏⵏⵙ ⴰⵏⴰⵎⵓⵔ ⴰⵏⵙⵉⵎⴰⵏ, ⴷ ⵓⵙⴱⴷⴷⵉ ⵏ ⵜⴻⵟⵟⵓⵕⴼⴰ ⴷ ⵜⴽⵕⴹⵉ ⴷ ⵓⴱⵔⵙⵙⵉⵡⴷ ⴷ ⵓⴱⴽⴽⴰⴹ ⴷ ⵓⵙⵎⵔⵙ ⵡⴰⵔⵓⵍⴳⵉⵏ ⵏ ⵉⵔⴱⴰⴱⵏ ⴷ  ⵉⵡⴷⴰⵏ ⴷ ⵉⵎⵉⵣⵉⵜⵏ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ ⵜⴰⵄⵕⴰⴱⵜ ⴷ ⵜⵢⴰⵏⵜ ⴷ ⵓⵔⴳⴳⵉⴳ ⴷ ⵜⵅⵅⵓⵜⵔⴰ ⵜⴰⵏⴰⵎⵓⵔⵜ.