ⴰⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ: ⵜⴰⵡⴰⵍⴰ ⵜⴰⵣⵣⵔⴰⴼⵜ ⵜⵉⵙ 11, 2021-2026:
ⵉⴷⵔⵓ ⵓⴽⴰⴱⴰⵕ ⵏ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⴳ ⵜⵙⵎⵓⵏⵉ ⵜⴰⴱⵕⵍⴰⵎⴰⵏⵉⵜ ⴳ ⵜⵙⵓⵜⵍⵜ ⵜⵉⵙ 27 ⵏ ⵓⴳⵔⴰⵡ ⵏ ⵉⵎⵙⵜⴳⴳⴰⵔⵏ ⵏ ⵜⵎⵢⴰⵇⵇⴰⵏⵜ ⵏ ⵜⵎⵜⵜⴰ ⵎⵓⵏⵏⵉⵏ ⵅⴼ ⵓⵙⵏⴼⵍ ⵏ ⵓⵏⵣⵡⵉ
ⵉⴷⵔⵓ ⵓⴽⴰⴱⴰⵕ ⵏ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⴳ ⵜⵙⵎⵓⵏⵉ ⵜⴰⴱⵕⵍⴰⵎⴰⵏⵉⵜ ⵙ ⵜⵎⵍⴷⴰ ⵏ ⵜⵙⵓⵜⵍⵜ ⵜⵉⵙ 27 ⵏ ⵓⴳⵔⴰⵡ ⵏ ⵉⵎⵙⵜⴳⴳⴰⵔⵏ ⵏ ⵜⵎⵢⴰⵇⵇⴰⵏⵜ ⴼ ⵓⵙⵏⴼⵍ ⵏ ⵓⵏⵣⵡⵉ ⵙ ⵜⵎⴷⵔⴰⵡⵜ ⴷ ⵜⴰⵎⵓⵏⵜ ⵏ ⵓⵕⵓⴱⴱⴰ ⴷ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵎⵉⵚⵕ ⴰⵙⵙ ⵏ 13 ⵏⵓⵡⴰⵏⴱⵉⵔ 2022 ⴳ ⵛⴰⵔⴰⵎ ⵛⵛⵉⵅ ⵎⵉⵚⵕ.
ⵉⵍⵍⴰ ⴳ ⵓⴽⴰⴱⴰⵕ:
- ⵎⴰⵙⵙⴰ ⵜⴰⵎⴰⵔⵉⵜ ⵅⴰⴷⵉⵊⴰ ⵣⵣⵓⵎⵉ, ⵜⴰⵎⴰⵔⵉⵜ ⵏ ⵓⵏⵙⵙⵉⵅⴼ, ⵜⴰⵏⵙⵙⵉⵅⴼⵜ ⵏ ⵓⴽⴰⴱⴰⵕ.
- ⵎⴰⵙⵙⴰ ⵅⴷⴷⵓⵊ ⵙⵙⵍⴰⵙⵉ, ⵜⴰⵔⴰⴱⴱⵓⵜ ⵜⴰⵙⵔⵎⵓⵏⵜ.
- ⵎⴰⵙⵙ ⴰⵎⵛⵛⵉⵡⵕ ⴽⴰⵎⴰⵍ ⴰⵢⵜ ⵎⵉⴽ, ⵜⴰⵔⴰⴱⴱⵓⵜ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ.
- ⵎⴰⵙⵙ ⴰⵎⵛⵛⵉⵡⵕ ⵃⴰⵙⴰⵏ ⵛⵎⵉⵙ, ⵜⴰⵔⴰⴱⴱⵓⵜ ⵏ ⵜⵥⵖⵕⵜ ⴷ ⵜⵎⴰⵜⵔⴰⵔⵜ.
ⵎⵓⵏⵏ ⵉⴳⵏⵙⴰⵙⵏ ⵏ ⵉⴱⵕⵍⴰⵎⴰⵏⵏ ⴳ ⵜⵎⵓⵏⵉ ⴰⴷ ⵙⴳ ⵓⵎⴰⴹⴰⵍ ⵉ ⵓⵙⵎⴽⵍ ⵏ ⵜⵎⵙⴰⵔⵉⵏ ⵏ ⵓⵏⵣⵡⵉ, ⴳ ⵉⵍⵍⴰ ⵓⵙⴱⴷⴷⵉ ⵏ ⵉⴳⴰⵣⵏ ⵀⵔⵛⵏⵉⵏ ⴷ ⵓⵙⵡⵓⵔⵉ ⴷ ⵓⵙⵎⵓⵙⵙ ⵏ ⵓⵙⵙⵥⵕⴼ ⵉ ⵓⵏⵣⵡⵉ ⵉ ⵚⴰⵃⴰ ⵏ ⵜⵎⵉⵣⴰⵔ ⵉⵣⵣⵉⴳⵣⵏ ⴳ ⵜⴳⵎⵉ ⵍⵍⴰⵏⵉⵏ ⴷⴰⵜ ⵏ ⵓⵙⵏⴼⵍ ⵏ ⵓⵏⵣⵡⵉ, ⵖⵎⴽ ⴰⵏⵏ ⴷ ⵓⵎⵙⴰⵡⴰⵍ ⵅⴼ ⵜⴰⵙⵙⴰⵙⵜ ⵏ ⵓⵏⵣⵡⵉ ⴳ ⵓⴳⵏⵙ ⵏ ⵡⴰⵎⵓⵏ ⴰⴱⵕⵍⴰⵎⴰⵏⵉ ⴰⴳⵔⴰⵖⵍⴰⵏ ⵉ ⵓⵙⵔⵓⵙ ⵏ ⵉⴼⵙⵙⴰⵢⵏ ⵉⴱⵕⵍⴰⵎⴰⵏⵉⵢⵏ ⵛⵛⴰⵏⵉⵏ ⵉ ⵓⵎⴰⴹⴰⵍ ⴳ ⵜⵍⵍⴰ ⵜⵙⵓⵍⴰⵏⵜ.
ⵜⵏⵏⴰ ⵎⴰⵙⵙⴰ ⵜⴰⵎⴰⵔⵉⵜ ⵅⴰⴷⵉⵊⴰ ⵣⵣⵓⵎⵉ ⴳ ⵜⴳⵓⵔⵉ ⵏⵏⵙ ⵜⴰⵙⵔⵜⵉⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵉ ⵓⵙⴱⴷⴷⵉ ⵏ ⵓⵙⵏⴼⵍ ⵏ ⵓⵏⵣⵡⵉ ⴷ ⵓⵓⵍⵜⴰⵖ ⵏⵏⵙ ⴳ ⵜⴱⵔⵉⴷⵜ ⵜⴰⵎⴰⴹⵍⴰⵏⵜ ⵉ ⵜⵣⵔⴼⵜ ⵏ ⵓⵏⵣⵡⵉ. ⵖⵎⴽ ⵜⵙⵎⵏⵉⴷ ⵜⵉⵡⵉⵣⵉ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵓⵣⵣⵔⴰⴼ ⴷ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⵉ ⵚⴰⵃⴰ ⵏ ⵜⵎⵙⴰⵔⵜ ⵏ ⵡⴰⵡⵏⴰⴹ, ⴷ ⵉⵙⵡⵓⴷⴷⵓⵜⵏ ⵏ ⵓⵙⵇⵇⵉⵎ ⵉ ⵓⴼⵔⴰⴳ ⵏ ⵡⴰⵡⵏⴰⴹ ⵙⴳ ⵜⵥⴹⴰⵕⵜ ⵜⴰⵎⴰⵢⵏⵓⵜ ⴷ ⵉⵎⴰⵡⴰⵜⵏ ⵏ ⵜⴰⵙⵓⵜ ⵜⴰⵎⴰⵢⵏⵓⵜ ⵉⴳⴰⵏ ⵚⴰⵃⴰ ⵏ ⵡⴰⵡⵏⴰⴹ.
ⵉⵙⴰⵡⵍ ⵓⵎⵛⵛⵉⵡⵕ ⴽⴰⵎⴰⵍ ⴰⵢⵜ ⵎⵉⴽ ⴼ ⵜⵎⵓⴽⵔⵉⵙⵉⵏ ⵏ ⵓⵏⵣⵡⵉ ⴳ ⵓⵎⴰⴹⴰⵍ ⴷ ⵉⴷⵔⵉⵣⵏ ⵏⵏⵙ ⵙ ⵜⵎⵓⴽⵔⵉⵙⵏ ⵍⵍⴰⵏⵉⵏ ⴳ ⵓⵎⵏⵉⴷ ⵏ ⵓⴱⵉⵜⵔⵓⵍ ⴷ ⵓⴳⴰⵣ ⴰⴳⴰⵎⴰⵏ, ⵉⵖⵔ ⵉ ⵓⵣⵣⴳⵉⵔ ⵉⵕⵡⴰⵏ ⵏ ⵜⵙⵜⵔⴰⵜⵉⵊⵉⵜ ⵉⵡⴰⵜⵜⵙⵏ ⴰⴼⴰⵔⵙ ⵏ ⵜⵥⴹⴰⵕⵜ ⴳ ⵓⵔ ⵉⵍⵍⵉ ⵓⴽⴰⵕⴱⵓⵏ ⴷ ⵓⵣⵓⵛⵛⵍ ⵏ ⵓⵙⵎⵖⵔ ⵏ ⵜⵥⴹⵕⵉ ⵜⵉⵎⴰⵢⵏⵓⵜⵉⵏ.
ⵉⴳⴰ ⵓⴳⵔⴰⵡ ⴰⴷ ⵡⴰⴷ ⵉⴳⴰⵏ ⴰⵅⴰⵜⴰⵔ ⵅⴼ ⵓⵏⵣⵡⵉ, ⵉⴳ ⴰⴳⵔⴰⵡ ⵏ ⵉⵅⴰⵜⴰⵔⵏ ⴷ ⵉⴷ ⴱⴰⴱ ⵏ ⵓⵣⵣⵔⴰⴼ ⴷ ⵉⵎⴰⵙⵙⴰⵏⵏ ⴷ ⵡⴰⵎⵓⵏ ⴰⵖⵔⵎⴰⵏ ⵙⴳ ⵓⵎⴰⴹⴰⵍ ⵉ ⵜⵡⴰⴼⵉⵜ ⵏ ⵉⴼⵙⵙⴰⵢⵏ ⵛⵛⴰⵔⵏⵉⵏ ⵉ ⵓⵙⴷⵓⵙ ⵏ ⵜⵡⵡⵓⵔⵉ ⵏ ⵓⵏⵣⵡⵉ.