ⵜⴰⵙⵇⵇⵉⵎⵜ ⵏ ⵉⴳⵔⴰⵏ ⵉⵏⴰⵎⵓⵏⵏ ⵖ ⵓⵙⵇⵇⵉⵎ ⵏ ⵉⵎⵓⵔⴰ ⵜⵙⵖⵣⵏ ⵙ ⵓⵎⴽⵕⴰⴹ ⴰⵙⵏⴼⴰⵔ ⵏ ⵓⵙⵍⴳⵏ ⵓⵟⵟⵓⵏ 25.20 ⵉⵣⴷⵉⵏ ⵙ ⵓⵙⵔⵙ ⵏ ⵉⵙⵡⵓⴷⴷⵓⵜⵏ ⵥⵍⵉⵏⵉⵏ ⵉ ⵉⴷ ⴱⴰⴱ ⵏ ⵜⵡⵓⵔⵉ ⵉⵎⵍⵜⴰⵖⵏ ⵖ ⵓⴼⵏⵉⵇ ⴰⵏⴰⵎⵓⵔ ⵏ ⵜⵏⴼⵔⵓⵜ ⵜⴰⵏⴰⵎⵓⵏⵜ ⴷ ⵉⵅⴷⴷⴰⵎⵏ ⵏⵏⵙⵏ ⵉⵜⵜⵓⵣⵎⵎⴰⵎⵏ, ⵍⵍⵉ ⵉⵜⵜⵓⴹⵕⵕⴰⵏ ⵖ ⵉⴷⵔⵉⵣⵏ ⵏ ⵓⴱⴰⵢⵢⵓⵕ ⵏ ⴽⵓⵕⵓⵏⴰ ⴽⵓⴼⵉⴷ- 19
ⵜⵙⵖⵣⵏ ⵜⵙⵇⵇⵉⵎⵜ ⵏ ⵉⴳⵔⴰⵏ ⵉⵏⴰⵎⵓⵏⵏ ⵖ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵙ ⵏ ⵡⴰⵢⵏⴰⵙ 20 ⵉⴱⵔⵉⵔ 2020 , ⵙ ⵓⵎⴽⵕⴰⴹ ⴰⵙⵏⴼⴰⵔ ⵏ ⵓⵙⵍⴳⵏ ⵓⵟⵟⵓⵏ 25.20 ⵉⵣⴷⵉⵏ ⵙ ⵓⵙⵔⵙ ⵏ ⵉⵙⵡⵓⴷⴷⵓⵜⵏ ⵥⵍⵉⵏⵉⵏ ⵉ ⵉⴷ ⴱⴰⴱ ⵏ ⵜⵡⵓⵔⵉ ⵉⵎⵍⵜⴰⵖⵏ ⵖ ⵓⴼⵏⵉⵇ ⴰⵏⴰⵎⵓⵔ ⵏ ⵜⵏⴼⵔⵓⵜ ⵜⴰⵏⴰⵎⵓⵏⵜ ⴷ ⵉⵅⴷⴷⴰⵎⵏ ⵏⵏⵙⵏ ⵉⵜⵜⵓⵣⵎⵎⴰⵎⵏ, ⵍⵍⵉ ⵉⵜⵜⵓⴹⵕⵕⴰⵏ ⵖ ⵉⴷⵔⵉⵣⵏ ⵏ ⵓⴱⴰⵢⵢⵓⵕ ⵏ ⵓⴼⵉⵔⵓⵙ ⵏ ⴽⵓⵕⵓⵏⴰ ⴽⵓⴼⵉⴷ-19, ⵖ ⵜⵙⵎⵓⵏⵉ ⵍⵍⵉ ⵜⵙⵙⵉⵅⴼ ⵜⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵎⴰⵙⵙⴰ ⵙⴰⵄⵉⴷⴰ ⴰⵢⵜ ⴱⵓⵄⵍⵉ ⵙ ⵜⵉⵍⵉⵜ ⵏ ⵎⴰⵙⵙ ⵎⵓⵃⴰⵎⵎⴰⴷ ⴰⵎⴽⵔⴰⵣ ⴰⵎⴰⵡⵙⴰⵙ ⵏ ⵓⵙⵡⵓⵔⵉ ⴷ ⵓⵙⵉⴷⴼ ⴰⵣⵣⵓⵍⴰⵏ.
ⵜⵙⵙⵉⵙⴼⵉⵡ ⴷ ⵎⴰⵙⵙⴰ ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵖ ⵜⴽⵛⵛⵓⵎⵜ ⵏⵏⵙ ⵎⴰⵙ "ⵜⵥⴹⴰⵕ ⵜⴳⵍⴷⵉⵜ ⵏ ⵍⵎⴰⵖⵔⵉⴱ ⵙ ⵜⵏⴰⵔⴰ ⵉⵥⵉⵍⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜⵙⴽⵔ ⵎⵏⵏⴰⵡ ⵉⵙⵡⵓⴷⴷⵓⵜⵏ ⵖ ⵜⵉⵣⵉ ⴷ ⵢⵓⵙⴰⵏ ⵃⵎⴰ ⴰⴷ ⵢⵉⵍⵉ ⵓⵙⴱⴷⴷⵉ ⵏ ⵓⴱⴰⵢⵢⵓⵕ ⴰⴷ, ⵙ ⵖⵎⴽ ⴰⵏⵏ ⴰⵙ ⴷ ⵜⵣⵡⴰⵔ ⵜⴷⵓⵙⵉ ⵏ ⵓⵏⵎⵓⵔⵉ, ⵍⵍⵉⵖ ⵉⵍⵍⴰ ⵓⴷⴳⴰⵔ ⴰⵏⴼⴳⴰⵏ ⵖ ⵓⴼⵍⵍⴰ ⵏ ⵜⴳⵎⵉ. ⵜⵙⵓⵜⴳ ⵓⵍⴰ ⴰⵜⵉⴳⵏ ⵏ ⵜⵡⵉⵣⵉ ⴷ ⵓⵎⵢⴰⵡⴰⵙ ⵍⵍⵉ ⴷ ⵎⵍⴰⵏ ⴽⵓ ⵉⴼⵔⴷⴰⵙ ⵏ ⵓⵎⴰⴷⴰⵏ ⴰⵎⵖⵔⵉⴱⵉ".
ⵖ ⵜⵏⴽⴷⴰ ⵏ ⵓⵙⵏⴼⴰⵔ ⵏ ⵓⵙⵍⴳⵏ, ⵉⵙⵏⵉⵎⵎⵔ ⵎⴰⵙⵙ ⴰⵎⴰⵡⵙⴰⵙ ⴽⵓ ⵉⵎⵙⵜⴳⴳⴰⵔⵏ ⵉⵏⴰⵎⵓⵔⵏ ⴷ ⵉⵙⴼⴰⵙⴽⴰⵜⵏ ⵏⵏⵙⵏ ⵍⵍⵉ ⵢⵉⵡⵙⵏ ⵖ ⵓⵙⵡⵓⴷⴷⵓ ⵏ ⵜⴰⵙⵙⴰⵙⵜ ⴷ ⵓⵙⵉⴱⵙⵓⵙ ⵏ ⵉⴷⵔⵉⵣⵏ ⵏⵏⵙ. ⵢⵉⵏⵉ ⵎⴰⵙⵙ ⴰⵎⴰⵡⴰⵙⴰⵙ: "ⴰⴹⵕⵉⵚ ⴰⴷ ⵉⴳⴰ ⴰⵙⵔⵙ ⵏ ⵎⵏⵏⴰⵡⵜ ⵜⵎⵙⴽⴰⵔ ⵙ ⵉⵙⵡⴰⵍⴰⵜⵏ ⵉⴳⵍⴷⴰⵏⵏ ⴰⵜⵜⵓⵢⵏⵉⵏ ⵍⵍⵉ ⵣⴷⵉⵏⵉⵏ ⵙ ⵎⵏⵏⴰⵡ ⵉⵙⵡⵓⴷⴷⵓⵜⵏ ⵖ ⵉⵍⵍⴰ ⵓⴼⵏⵉⵇ ⵉⵥⵍⵉⵏ ⵙ ⵓⵙⵡⵓⴷⴷⵓ ⵏ ⵓⴱⴰⵢⵢⵓⵕ ⵏ ⵓⴼⵉⵔⵓⵙ ⵏ ⴽⵓⵕⵓⵏⴰ ⴽⵓⴼⵉⴷ-19, ⵍⵍⵉⵖ ⴷ ⴼⴼⵖⵏ ⵎⵏⵏⴰⵡ ⵉⵙⵡⵓⴷⴷⵓⵜⵏ ⵍⵍⵉ ⵜⵙⴽⵔ ⵜⵙⵇⵇⵉⵎⵜ ⵏ ⵜⵉⴹⴰⴼ ⵜⴰⴷⵎⵙⴰⵏⵜ ⵙ ⵜⵢⵢⵉⵀⵜ ⴷ ⵓⵙⵖⵣⵏ ⵏ ⵜⵏⴱⴰⴹⵜ, ⵙ ⵜⵎⵙⴽⴰⵔ ⵜⵉⵣⵣⵔⴰⴼⵉⵏ ⴷ ⵜⵥⵕⴼⴰⵏⵉⵏ ⵏ ⵜⴹⴼⵕⵜ ⵏ ⵉⴳⵔⴰⵏ ⵉⵏⴰⵎⵓⵏⵏ ⵉⵜⵜⵓⴹⵕⵕⴰⵏ ⵖ ⵜⴰⵙⵙⴰⵙⵜ ⴰⴷ, ⴷ ⵓⵙⵏⴰⵍ ⵏ ⵜⴷⵎⵙⴰ ⵜⴰⵏⴰⵎⵓⵔⵜ ⴷ ⵓⵃⵟⵟⵓ ⵏ ⵜⵣⵣⵓⵍⵉⵏ".
ⵢⵉⵏⵉ ⵎⴰⵙⵙ ⴰⵎⴰⵡⵙⴰⵙ ⵎⴰⵙ "ⵜⵙⴽⵔ ⵜⵙⵇⵇⵉⵎⵜ ⵏ ⵜⵉⴹⴰⴼ ⵜⴰⴷⵎⵙⴰⵏⵜ ⵜⵉⵎⵙⴽⴰⵔ ⵜⵉⵏⴰⵎⵓⵏⵉⵏ ⵖ ⵉⵍⵍⴰ ⴰⴷ ⵜⵜⵓⴼⴽⵉⵏⵜ ⵜⵖⵔⴰⴷ ⵉ ⵉⵎⵙⵡⵓⵔⵉⵢⵏ ⵏ ⵢⵉⴳⵔ ⵓⵙⵍⵉⴳ ⵉⵜⵜⵓⵣⵎⵎⴰⵎⵏ ⴷⴰⵔ ⵓⴼⵏⵉⵇ ⴰⵏⴰⵎⵓⵔ ⵏ ⵜⵏⴼⵔⵓⵜ ⵜⴰⵏⴰⵎⵓⵏⵜ".
ⵉⵍⵍⴰ ⵓⵙⵍⴳⵏ ⴰⴷ ⵃⵎⴰ ⴰⴷ ⵜⵜⵔⵙⵏ ⵉⵙⵡⵓⴷⴷⵓⵜⵏ ⵥⵍⵉⵏⵉⵏ ⵏ ⵓⴹⴼⵕ ⵏ ⵉⴷ ⴱⴰⴱ ⵏ ⵜⵡⵓⵔⵉ ⵉⵜⵜⵓⴹⵕⵕⴰⵏ ⴷ ⵉⵅⴷⴷⴰⵎⵏ ⵏⵏⵙⵏ, ⵢⵉⵍⵉ ⵓⵍⴰ ⵢⴰⵏ ⵓⵙⴰⵜⵉ ⴰⵣⵣⵔⴰⴼ ⵉ ⵉⵙⵡⵓⴷⴷⵓⵜⵏ ⵍⵍⵉ ⵜⵙⴽⵔ ⵜⵏⴱⴰⴹⵜ ⵉ ⵜⵎⵙⴽⴰⵔ ⵉⵍⵍⴰⵏ ⵖ ⵓⵙⵏⴼⴰⵔ ⵏ ⵓⵙⵍⴳⵏ.
ⵙⴳ 15 ⵎⴰⵕⵚ ⴰⵔ 30 ⵢⵓⵏⵢⵓ 2020, ⵔⴰⴷ ⵉⵜⵜⵓⴼⴽⵉ ⵡⴰⵔⵔⴰⵣ ⵉ ⵉⵎⵙⵡⵓⵔⵉⵢⵏ ⴷ ⵉⵎⴰⵏⵓⵏⵏ ⵉⵍⵍⴰⵏ ⵖ ⵓⵙⵉⵍⵖ ⵉ ⵓⵙⵉⴷⴼ « ⵍⵍⵉ ⵣⵎⵎⵉⵎⵏ ⵙⴳ ⴱⵕⴰⵢⵕ 2020 ⴷⴰⵔ ⵓⴼⵏⵉⵇ ⴰⵏⴰⵎⵓⵔ ⵏ ⵜⵏⴼⵔⵓⵜ ⵜⴰⵏⴰⵎⵓⵏⵜ ⵉⴷ ⴱⴰⴱ ⵏ ⵜⵡⵓⵔⵉ ⵉⵍⵍⴰⵏ ⵖ ⵓⵙⵓⵔⵙ ⵉⵛⴷⴷⴰⵏ ⵍⵍⵉⵖ ⵜⵓⴽⵉ ⵜⵉⵍⴰⵍⵜ ⵏⵏⵙⵏ ⵙ ⵜⵣⵣⵉⴳⵣⵜ ⵏ ⵓⴱⴰⵢⵢⵓⵕ ⵏ ⵓⴼⵉⵔⵓⵙ ⵏ ⴽⵓⵕⵓⵏⴰ ⴽⵓⴼⵉⴷ-19, ⵙ ⵉⵍⵓⴳⵏⵏ ⴷ ⵜⴼⴰⴷⵉⵡⵉⵏ ⵉⵍⵍⴰⵏ ⵖ ⵓⵙⵏⴼⴰⵔ ⴰⴷ ⵏ ⵓⵙⵍⴳⵏ, ⴷ ⴰⴷ ⴳⵉⵏ ⵉⵎⵙⵡⵓⵔⵉⵢⵏ ⴷ ⵉⵎⴰⵏⵓⵏⵏ ⵡⵉ ⴷ ⵎⵓ ⵜⴱⴷⴷ ⵜⵡⵓⵔⵉ ⵏⵏⵙⵏ ⵙ ⵓⴱⴰⵢⵢⵓⵕ ⴰⴷ.
ⵖ ⵓⵎⴹⴰⴽⴰⵕ ⴰⵎⴰⵜⴰⵢ, ⵙⴰⵡⵍⵏ ⵉⴷ ⵎⴰⵙⵙ ⴷ ⵉⵙⵜ ⵎⴰⵙⵙⴰ ⵉⵎⵓⵔⴰ ⵉⴳⵏⵙⴰⵙⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ ⴼ ⵓⵙⵓⵜⴳ ⴷ ⵓⵙⵏⵉⵎⵎⵔ ⵏⵏⵙⵏ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴷⴼⴼⵉⵔ ⵏ ⵜⵎⵙⴽⴰⵔ ⵜⵉⵎⵣⵡⴰⵔⴰ ⵉⵍⵍⴰⵏ ⵖ ⵓⵙⴱⴷⴷⵉ ⴷ ⵡⴰⵔⴰⵢ ⵖ ⵓⴱⴰⵢⵢⵓⵕ ⵏ ⵓⴼⵉⵔⵓⵙ ⵏ ⴽⵓⵕⵓⵏⴰ ⴽⵓⴼⵉⴷ 19.
ⵉⵏⵉⵏ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵎⴰⵙ ⴷ ⵉⵇⵇⴰⵏ ⴰⴷ ⵜⵉⵍⵉ ⵜⵉⴹⴰⴼ ⵖ ⵉⴼⵔⴷⴰⵙ ⵉⵎⴳⵓⵔⴰⵏⵏ ⴷ ⵜⵎⵙⵙⵏⵜⴰⵢ, ⵃⵎⴰ ⴰⴷ ⵢⵉⵍⵉ ⵓⵃⵟⵟⵓ ⵏ ⵉⵍⵓⴳⵏⵏ ⵉⴷⴰⵡⵙⴰⵏⵏ ⵍⵍⵉ ⵔⴰⴷ ⵉⴹⵎⵏ ⵜⴰⵣⵣⵉⴳⵣⵜ ⵜⴰⵎⵙⵉⵎⵢⴰⵔⵜ ⵏ ⵓⴼⴰⵔⵙ ⴷ ⵓⵃⵟⵟⵓ ⵏ ⵜⴼⴰⵜⵉⵜ ⵏ ⵉⵎⵙⵡⵓⵔⵉⵢⵏ.