ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵏⴼⴰⵔ ⵏ ⵓⵙⵍⴳⵏ 25.19 ⴼ ⵓⵙⵉⵔⴰ ⴰⵎⵖⵔⵉⴱⵉ ⵏ ⵉⵣⵔⴼⴰⵏ ⵏ ⵓⵎⴰⵔⴰ ⴷ ⵉⵣⵔⴼⴰⵏ ⵢⴰⴹⵏⵉⵏ
ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 27 ⵢⵓⵏⵢⵓ 2022 ⵙ ⵓⵎⴰⴽⵕⴰⴹ, ⴰⵙⵏⴼⴰⵔ ⵏ ⵓⵙⵍⴳⵏ 25.19 ⴼ ⵓⵙⵉⵔⴰ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⵎⴰⵔⴰ ⴷ ⵉⵣⵔⴼⴰⵏ ⵢⴰⴹⵏⵉⵏ, ⴳ ⵜⵖⵉⵎⵉⵜ ⵜⴰⵣⵣⵔⴰⴼⵜ ⵍⵍⵉ ⵉⵙⵙⵉⵅⴼ ⵎⴰⵙⵙ ⵎⵓⵃⴰⵎⴰⵎⴷ ⵚⵚⴱⴱⴰⵕⵉ ⴰⵎⴰⵔⴰⵉ ⴰⵎⴰⵣⵡⴰⵔⵓ ⵏ ⵓⵏⵙⵙⵉⵅⴼ, ⵙ ⵜⵉⵍⵉⵜ ⵏ ⵎⴰⵙⵙ ⵄⴰⴱⴷⵍⵍⴰⵟⵉⴼ ⵡⴰⵀⴱⵉ ⵉⵏⵉⵢⴱⵏ ⴼ ⵎⵓⵃⴰⵎⴰⵎⴷ ⵍⵎⵀⴷⵉ ⴱⵏⵙⵄⵉⴷ ⴰⵎⴰⵡⵙⴰⵙ ⵏ ⵜⵄⵄⵓⵔⵎⴰ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ, ⴷ ⵎⴰⵙⵙ ⵎⵓⵚⵟⴰⴼⴰ ⴱⴰⵢⵜⴰⵙ ⴰⵎⴰⵡⵙⴰⵙ ⴰⵎⴰⵔⵉ ⵉⵜⵜⵓⵙⵎⴰⴳⴰⵍⵏ ⵙ ⵜⵣⴷⴰⵢⵉⵏ ⴷ ⵓⴱⵕⵍⴰⵎⴰⵏ ⴷ ⵡⴰⵎⵓⵏ ⴰⵖⵔⵎⴰⵏ ⴰⵎⵙⵙⵉⵡⵍ ⴰⵎⴰⴷⴷⵓⴷ ⵙ ⵉⵙⵎ ⵏ ⵜⵏⴱⴰⴹⵜ.
ⵉⴳⴰ ⵓⵙⵏⴼⴰⵔ 25.19 ⴰⵙⴽⵔ ⵏ ⵉⵙⵡⴰⵍⴰⵢⵏ ⵉⴳⵍⴷⴰⵏⵏ ⵣⴷⵉⵏⵉⵏ ⴷ ⵓⵙⵓⵜⴳ ⵏ ⵜⴷⵍⵙⴰ ⴷ ⵜⵥⵓⵕⵉ ⴳⴰⵏⵉⵏ ⵜⴰⵔⵙⵍⵜ ⵏ ⵜⴳⵎⵉ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ. ⵔⴰⴷ ⵉⴼⴽ ⵉ ⵓⵙⵉⵔⴰ ⴰⴷ ⴰⵙⵓⵔⵙ ⴰⵣⵔⴼⴰⵏ ⴷ ⵢⵓⵙⴰⵏ ⵉⵟⵟⴰⴼⵏ ⴰⵙⵍⴳⵏ ⴰⵎⴰⵜⴰⵢ ⴷ ⵜⵙⵉⵎⴰⵏⵜ ⵜⴰⵥⵕⴼⴰⵏⵜ, ⴰⵢⵍⵍⵉ ⵔⴰⴷ ⵢⴰⵡⵙ ⴳ ⵓⵙⵎⴰⵢⵏⵓ ⵏ ⵓⵙⵡⵓⴷⴷⵓ ⴷ ⵜⵎⵙⵙⵓⴳⵓⵔⵜ ⵏⵏⵙ, ⴷ ⵓⵙⵕⵚⵓ ⵏ ⵜⵏⵏⵓⴱⴹⴰ ⵏⵏⵙ ⴷ ⵓⵙⵎⵖⵔ ⵏ ⵉⵙⵓⵔⵙⵏ ⵏ ⵉⵎⵙⵏⴼⵍⵓⵍⵏ.
ⵢⵉⵡⵉ ⴷ ⵓⴹⵕⵉⵚ ⴽⵉⴳⴰⵏ ⵏ ⵜⵎⴰⵢⵏⵓⵜⵉⵏ ⵣⴷⵉⵏⵉⵏ ⴷ ⵓⵙⴽⵔ ⵏ ⵢⴰⵏ ⵓⵙⵇⵇⵉⵎ ⵏ ⵜⵎⵙⵙⵓⴳⵓⵔⵜ, ⴰⵙⵇⵇⵉⵎ ⵏ ⵓⴱⵟⵟⵓ ⴷ ⵓⴹⴼⵕ, ⴰⵢⵍⵍⵉ ⵔⴰⴷ ⵢⴰⵡⵙ ⴳ ⵓⵙⵎⵖⵔ ⵏ ⵉⵣⵔⴼⴰⵏ ⵏ ⵓⵎⴰⵔⴰ ⴷ ⵉⵣⵔⴼⴰⵏ ⵜⵏ ⵉⵔⵡⴰⵙⵏ.
ⵉⵙⴰⵡⵍ ⵓⵙⵍⴳⵏ 25.19 ⴼ ⵜⵔⵙⴰⵍ ⵏ ⵓⵙⵡⵓⴷⴷⵓ ⵏ ⵉⵣⵔⴼⴰⵏ ⵏ ⵉⵎⴰⵔⴰⵜⵏ, ⵢⵉⵡⵉ ⴷ ⴰⴷ ⵉⴼⵔⵔⵓ ⵓⵙⵉⵔⴰ ⵜⵉⵖⵔⴰⴷ ⵏ ⵉⴷ ⴱⴰⴱ ⵏ ⵉⵣⵔⴼⴰⵏ ⴳ ⵎⴰ ⵏⵏ ⵓⵔ ⵉⵣⵔⵉⵏ ⵙⵉⵏ ⵉⵢⵉⵔⵏ ⵙⴳ ⴰⵙⵎⴰⴷ ⵏ ⵓⵙⴳⴳⵯⴰⵙ ⴰⵥⵕⴼⴰⵏ ⴳ ⵍⵍⴰⵏ ⵉⴽⵛⵛⵓⵎⵏ ⵙⴳ ⵉⵣⵔⴼⴰⵏ ⴰⴷ. ⵢⴰⵡⵉ ⴷ ⵓⵍⴰ ⴰⵙⴽⵔ ⵏ ⵓⴼⵏⵉⵇ ⴰⵏⴰⵎⵓⵏ ⵉ ⵚⴰⵃⴰ ⵏ ⵉⵎⴰⵔⴰⵜⵏ ⴷ ⵉⴷ ⴱⴰⴱ ⵏ ⵉⵣⵔⴼⴰⵏ ⵃⵎⴰ ⴰⴷ ⵟⵟⵉⴼⵏ ⴰⵙⴼⵍⵙ ⴰⵏⴰⵎⵓⵏ.
ⵔⴰⴷ ⵢⴰⵡⵙ ⵓⵙⵍⴳⵏ ⴰⴳ ⴰⴷ ⵢⵉⵍⵉ ⵢⴰⵏ ⵓⵙⵉⵔⴰ ⴰⵎⴰⵢⵏⵓ ⵙ ⵉⵙⵓⴷⴷⵓⵜⵏ ⵏⵏⵙ ⵅⴰⵜⵔⵏⵉⵏ ⵍⵍⵉ ⵔⴰⴷ ⵢⴰⵡⵙ ⴳ ⵓⵙⴽⵔ ⵏ ⵉⵙⵖⵡⴰⵏ ⵎⵏⵉⴷ ⵏ ⵉⵎⵙⵏⴼⵍⵓⵍⵏ ⴷ ⵓⵙⵕⵚⵓ ⵏ ⵜⴷⵍⵙⴰ ⵏ ⵓⵙⵡⵉⵏⴳⵎ ⴳ ⵜⵎⴰⵣⵉⵔⵜ ⵏⵏⵖ.