ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵏⴼⴰⵔ ⵏ ⵓⵙⵍⴳⵏ ⵏ ⵓⵥⵕⴼ 2023 ⴳ ⵜⵉⵖⵔⵉ ⵜⵉⵙ ⵙⵏⴰⵜ ⵙ ⵜⵓⴳⵜ

ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵡⴰⵙ 8 ⴷⵓⵊⴰⵏⴱⵉⵔ 2022, ⴰⵙⵏⴼⴰⵔ ⵏ ⵓⵙⵍⴳⵏ ⵏ ⵓⵥⵕⴼ 50.22 ⵏ ⵓⵙⴳⴳⵯⴰⵙ ⵏ 20233 ⴳ ⵜⵉⵖⵔⵉ ⵜⵉⵙ ⵙⵏⴰⵜ, ⴳ ⵜⵉⵖⵔⵉ ⵜⵉⵙ ⵙⵏⴰⵜ ⵍⵍⵉ ⵉⵙⵙⵉⵅⴼ ⵎⴰⵙⵙ ⵎⵓⵃⴰⵎⵎⴰⴷ ⵚⵚⴱⴱⴰⵕⵉ ⴷ ⵜⵉⵍⵉⵜ ⵏ ⵎⴰⵙⵙⴰ ⵏⴰⴷⵢⴰ ⴼⵜⵜⴰⵃ ⵄⴰⵍⴰⵡⵉ ⵜⴰⵎⴰⵡⵙⴰⵙⵜ ⵏ ⵜⴷⵎⵙⴰ ⴷ ⵓⵥⵕⴼ ⴷ ⵎⴰⵙⵙ ⴼⴰⵡⵣⵉ ⵍⵇⵊⴰⵄ ⴰⵎⴰⵡⵙⴰⵙ ⵏ ⵜⵎⵙⴰⵙⵜⵍⵜ, ⴷ ⵎⴰⵙⵙ ⵎⵓⵚⵟⴰⴼⴰ ⴱⴰⵢⵜⴰⵙ ⴰⵎⵡⵙⴰⵙ ⵉⵜⵜⵓⵙⵎⴰⴳⴰⵍⵏ ⵙ ⵜⵣⴷⴰⵢⵉⵏ ⴷ ⵓⴱⵕⵍⴰⵎⴰⵏ.

ⵢⵉⵍⵉ ⵓⵙⵖⵣⵏ ⵏ ⵓⵙⵏⴼⴰⵔ ⵏ ⵓⵙⵍⴳⵏ ⵏ ⵓⵥⵕ 50.22 ⵙ ⵓⵎⵙⴰⵙⴰ ⵏ 102 ⵏ ⵓⵎⴰⵔⵉ ⴷ ⵜⴰⴳⵯⵉⵜ ⵏ 27 ⵏ ⵓⵎⴰⵔⵉ. 

ⵢⵉⵍⵉ ⵓⵙⵖⵣⵏ ⵏ ⵓⵙⵏⴼⴰⵔ ⴰⴷ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⴷⴼⴼⵉⵔ ⵏ ⵉⵙⵏⴼⵍⵏ ⵍⵍⵉ ⵉⵙⴽⵔ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴳ ⵎⴰⴷ ⵉⵥⵍⵉⵏ ⵙ ⵉⵔⴳⴰⵢⵏ, ⵖⵔⵉⵏⵉ ⵉⴷ ⵎⴰⵙⵙ ⵉⵎⵓⵔⴰ ⵉ ⵜⵣⵔⴼⵜ ⴷ ⵓⵔⴳⴳⵉⴳ ⵏ ⵉⵔⴳⴰⵢⵏ. 

ⴳⴰⵏ ⵉⵙⵏⴼⵍⵏ ⵏ ⵓⵙⵏⴼⴰⵔ 53 ⵏⵓ ⵙⵏⴼⵍ ⴼ ⵉⵎⵏⵏⵉⵜⵏ 3 ⴷ 4 ⴷ 6 ⴷ 23 ⴷ 40 ⴷ 45 ⴷ ⵓⵎⵏⵏⵉ 17 ⵍⵍⵉ ⵢⵓⵍⵙⵏ. ⵣⴷⵉⵏ ⵉⵙⵏⴼⵍ ⵙ ⵓⵙⵉⵣⴷⵔ ⵏ ⵡⴰⵜⵉⴳ ⵏ ⵉⵔⴳⴰⵢⵏ ⵙⴳ 10 ⴰⵔ 5 ⴳ ⵜⵎⵉⴹ ⵉ ⵜⵎⵙⵙⵓⵔⵉⵏ ⴷ 15 ⴰⵔ 10 ⴳ ⵜⵎⵉⴹⵉ ⵉ ⵉⵡⴷⴰⵏ ⵉⵏⵉⵎⴰⵏⵏ. 

ⴳ ⵓⵙⵓⵊⴷ ⵏ ⵓⵙⵏⴼⴰⵔ ⵏ ⵓⵙⵍⴳⵏ ⵏ ⵓⵥⵕⴼ ⵏ 2023, ⵜⵙⵔⵙ ⵜⵏⴱⴰⴹⵟ ⵎⵏⵏⴰⵡⵜ ⵜⵓⵔⴷⵉⵡⵉⵏ: ⵓⵍⵓⵢ ⵏ ⵜⵓⵜⵔⴰ ⵏ ⴱⵕⵕⴰ (ⵡⴰⵔ ⵏ ⵍⴼⵓⵙⴼⴰⵟ) ⵙ 2.5 %, ⵜⴰⵢⵢⴰⴼⵓⵜ ⵜⴰⵏⴼⵍⴰⵃⵜ ⴳ 75 ⵎⵍⵢⵓⵏ ⵇⵏⵟⴰⵕ, ⴰⵜⵉⴳ ⵏ ⵍⴱⵓⵟⴰⵏ ⴳ 800 ⴷⵓⵍⴰⵔ ⵉ ⵟⵟⵓⵏ, ⴰⵙⵏⴼⵍ ⵏ ⵍⵓⵕⵓ ⵙ ⴷⴷⵓⵍⴰⵔ ⴳ 1.044, ⴰⵙⵡⵉⵔ ⵏ ⵜⴳⵎⵉ ⴳ 4%, ⴷ ⵡⴰⵔⴰⴼⴰⵔⵙ ⵏ ⵜⵎⵙⴰⵙⵜⵍⵜ ⴳ 4.5, ⴰⵍⵓⵢ ⵏ ⵡⴰⵜⵉⴳⵏ ⴳ 2 %.