ⴰⵎⴹⴰⴽⴰⵕ ⵏ ⵜⵣⵣⵉⴳⵣⵜ ⵏ ⵓⵣⵣⴳⵉⵔ ⵏ ⵚⴹⵉⵚ ⵢⵢⵉⵔⵏ ⵉⵎⵣⵡⵓⵔⴰ ⵏ ⵜⵎⵙⴰⵙⵜⵍⵜ ⵏ 2020 ⴷ ⵓⵙⴰⵜⵉ ⴰⵎⴰⵜⴰⵢ ⵏ ⵓⵙⵏⴼⴰⵔ ⵏ ⵓⵙⵍⴳⵏ ⵏ ⵓⵥⵕⴼ ⵏ 2021
ⵜⵙⵏⵎⴰⵍⴰ ⵜⵙⵇⵇⵉⵎⵜ ⵏ ⵜⴷⵔⵉⵎⵜ ⴷ ⵜⴳⵎⵉ ⵜⴰⵎⴰⵜⴰⵢⵜ ⵖ ⵓⵙⵇⵇⵉⵎ ⵏ ⵉⵎⵓⵔⴰ ⵜⴰⵙⵎⵓⵏⵉ ⵍⵍⵉ ⵉⵙⵙⵉⵅⴼ ⵎⴰⵙⵙ ⵄⴰⴱⴷⵓⵍⵍⴰⵀ ⴱⵓⵡⴰⵏⵓ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ, ⵙ ⵜⵉⵍⵉⵜ ⵏ ⵎⴰⵙⵙ ⵎⵓⵃⴰⵎⵎⴰⴷ ⴱⵏⵛⴰⵄⴱⵓⵏ ⴰⵎⴰⵡⵙⴰⵙ ⵏ ⵜⴷⵎⵙⴰ ⴷ ⵓⵥⵕⴼ ⴷ ⵓⵎⵓⴽⵏ ⵏ ⵜⵎⵙⵙⵓⴳⵓⵔⵜ, ⴰⵙⵙ ⵏ ⵡⴰⵢⵏⴰⵙ 28 ⵛⵓⵜⴰⵏⴱⵉⵔ 2020, ⴳⵉⵙ ⴰⵙⵙⴼⵍⴷ ⵉ ⵓⵙⵎⵏⵉⴷ ⵏ ⵎⴰⵙⵙ ⴰⵎⴰⵡⵙⴰⵙ ⴼ ⵜⵣⵣⵉⴳⵣⵜ ⵏ ⵓⵣⵣⴳⵉⵔ ⵏ ⵚⴹⵉⵚ ⵢⵢⵉⵔⵏ ⵉⵎⵣⵡⵓⵔⴰ ⵏ ⵜⵎⵙⴰⵙⵜⵍⵜ ⵏ 2020, ⵖⵎⴽ ⴰⵏⵏ ⴷ ⵓⵙⴰⵜⵉ ⴰⵎⴰⵜⴰⵢ ⵏ ⵓⵙⵓⵊⴷ ⵏ ⵓⵙⵏⴼⴰⵔ ⵏ ⵓⵙⵍⴳⵏ ⵏ ⵓⵥⵕⴼ ⵉ ⵓⵙⴳⴳⵯⴰⵙ ⵏ 2021.
ⵉⵏⵏⴰ ⵎⴰⵙⵙ ⴰⵎⴰⵡⵙⴰⵙ ⵖ ⵜⴳⵓⵔⵉ ⵏⵏⵙ ⵎⴰⵙ « ⵜⵓⵔⵔⵉ ⵜⵢⴰⴼⵓⵜ ⵏ ⵓⵙⵍⴳⵏ ⵏ ⵓⵥⵕⴼ ⵖ ⵡⴰⵢⵢⵓⵔ ⵏ ⵖⵓⵛⵜ ⵖ ⵉⴽⵛⵓⵎⵏ ⵙ 13.8 ⵎⵍⵢⴰⵕ ⵏ ⴷⵔⵀⵎ, ⵎⴰ ⴷ ⵉⴳⴰⵏ 8.8% ⵙ ⵓⵙⵎⵣⴰⵣⴰⵍ ⴷ ⵓⵙⴳⴳⵯⴰⵙ ⵏ 2019 ».
ⵖⵎⴽ ⵍⵍⵉ ⵓⴳⴳⵓⵣⵏ ⵉⴽⵛⵓⵎⵏ ⵏ ⵉⵔⴳⴰⵢⵏ ⵖ ⵜⴳⵉⵔⴰ ⵏ ⵖⵓⵛⵜ ⵙ 11.5 ⵎⵍⵢⴰⵕ ⴷⵔⵀⵎ, ⵎⴰ ⴷ ⵉⴳⴰⵏ 8.3% ⵖ ⵓⵙⴳⴳⵯⴰⵙ ⵏ 2019.
ⵢⵉⵏⵉ ⵎⴰⵙⵙ ⴰⵎⴰⵡⵙⴰⵙ : « ⵎⴰⵙ ⵉⵣⵎⵎⵉⵎ ⵓⵅⵚⵚⴰ ⵏ ⵜⵎⵙⴰⵙⵜⵍⵜ ⵢⴰⵏ ⵡⴰⵍⴰⵢ ⵏ 15.8 ⵎⵍⵢⴰⵕⴷ ⴷⵔⵀⵎ, ⵉⵣⵔⵉ ⵓⵅⵚⵚⴰ ⴰⴷ 55.5 ⵎⵍⵢⴰⵕ ⴷⵔⵀⵎ ⵙ ⵡⴰⵍⴰⵢ ⵏ 25%, ⵉⵖ ⵏⵙⵔⵙ ⵖ ⵜⵙⴳⴰ ⴰⴼⵏⵉⵇ ⵉⵥⵍⵉⵏ ⵙ ⵓⵙⵡⵓⴷⴷⵓ ⵏ ⵓⴼⵉⵔⵓⵙ ⵏ ⴽⵓⵕⵓⵏⴰ ».
ⵖ ⵜⵙⴳⴰ ⵢⴰⴹⵏⵉⵏ, ⵉⵙⴷⴷⵉⴷ ⵎⴰⵙⵙ ⴰⵎⴰⵡⵙⴰⵙ ⵎⴰⵙ ⵔⴰⴷ ⵜⵙⵎⴰⵢⵏⵓ ⵜⵏⴱⴰⴹⵜ ⴰⵙⵡⵉⵏⴳⵎ ⵉⵥⵍⵉⵏ ⵙ ⵜⵣⵣⵉⴳⵣⵜ ⵜⴰⴷⵎⵙⴰⵏⵜ ⵙ ⵓⵙⵉⵣⴷⵔ ⵏ 5.8%, ⵙ ⴰⵢⵍⵍⵉ ⵉⵣⴷⵉⵏ ⴷ ⵓⵙⵓⵔⵙ ⵏ ⵓⴱⴰⵢⵢⵓⵕ ⵖ ⵜⴳⵍⴷⵉⵜ ».
ⵉⵙⵉⵙⴼⵉⵡ ⵎⴰⵙⵙ ⴰⵎⴰⵡⵙⴰⵙ ⵎⴰⵙ ⵢⵓⵔⵔⵉ ⵢⵉⴳⵔ ⵏ ⵜⵎⴰⵍⵍⴰⵢⵜ ⵙ 50% ⵎⴳⴰⵍ ⵏ 27 %, ⴷ ⵡⵉⵏ ⵡⴰⵙⵙⴰⵢ ⵙ 12% ⵎⴳⴰⵍ 9.6%, ⴷ ⵢⵉⴳⵔ ⵏ ⵓⵙⵖⵏⵣⵉ ⵙ 9.1% ⵎⴳⴰⵍ 8%, ⴰⵢⵍⵍⵉ ⵉⵟⵟⴰⴼⵏ ⵉⴷⵔⵉⵣⵏ ⴼ ⵜⵣⵣⵉⴳⵣⵜ ⵏ ⵓⵢⴰⴼⵓ ⴰⴳⵯⵏⵙⴰⵏ ⴰⵎⵙⴰⵔⵉ ⵏ ⵜⴳⵍⴷⵉⵜ ».
ⵖ ⵎⴰ ⴷ ⵉⵥⵍⵉⵏ ⵙ ⵓⵙⵙⵥⵕⴼ ⵏ ⵜⴷⵎⵙⴰ, ⴳⴳⵓⵜⵏ ⵉⵕⵟⵟⴰⵍⵏ ⵏ ⵍⴰⴱⵏⴰⴽ ⵖ ⵙⴰ ⵢⵢⵉⵔⵏ ⴳⴳⵓⵔⴰⵏⵉⵏ ⵖ ⵓⵙⴳⴳⵯⴰⵙ ⵉⵣⵣⵉⴳⵣⵏ ⵙ 29 ⵎⵍⵢⴰⵕ ⵏ ⴷⵔⵀⵎ, ⴳⴰⵏ ⵡⵉⵏ ⵜⵎⵙⵙⵏⵜⴰⵢ ⴷ ⵉⵡⴷⴰⵏ ⵉⵏⵉⵎⴰⵣⴰⵏⵏ, ⴰⵢⵍⵍⵉ ⵢⵉⵡⵙⵏ ⵖ ⵓⵙⵖⵓⴷⵓ ⵏ ⵓⵙⵙⵥⵕⴼ ⵏ ⵜⴷⵎⵙⴰ ⵜⴰⵏⴰⵎⵓⵔⵜ, ⴰⵙⵖⵍ ⵏ ⵚⴰⵃⴰ ⵢⵓⴽⵉ ⵙ 4.58% ⵉⴳⴰⵏ ⴰⵙⵖⵍ ⵏ ⵉⵕⵟⵟⴰⵍⵏ ⵏ ⵍⴰⴱⵏⴰⴽ ⵖ ⵓⵙⴳⴳⵯⴰⵙ ⴰⴷ ».
ⵖ ⵎⴰ ⴷ ⵉⵥⵍⵉⵏ ⵙ ⵓⵙⵖⵍ ⵏ ⵡⴰⵍⴰⵢ ⵏ ⵡⴰⵜⵉⴳⵏ, ⵉⵏⵏⴰ ⵎⴰⵙⵙ ⴱⵏⵛⴰⵄⴱⵓⵏ « ⵎⴰⵙ ⵔⴰⴷ ⵉⵍⴽⵎ 0.6% ⵖ 2020 ⵎⴳⴰⵍ ⵏ 0.2 % 2019, ⵖⵎⴽ ⵍⵍⵉ ⵔⴰⴷ ⵉⵍⴽⵎ ⵓⵏⵛⴽ ⵏ ⵡⴰⵔⵡⵓⵔⵉ 4.2 ⵏ ⵜⵏⵇⵉⴹⵜ ⵙ ⵜⵍⴽⵎ 12.3%, ⵢⵉⵏⵉ ⵎⴰⵙ ⵔⴰⴷ ⵜⵍⴽⵎ 13% ⵖ ⵜⴳⵉⵔⴰ ⵏ ⵓⵙⴳⴳⵯⴰⵙ ⴰⴷ ».
ⵢⵉⵏⵉ ⵎⴰⵙⵙ ⴰⵎⴰⵡⵙⴰⵙ « ⵎⴰⵙ ⵔⴰⴷ ⵉⵣⴰⵢⴷ ⵓⵏⵛⴽ ⵏ ⵜⵣⵣⵉⴳⵣⵜ ⵏ ⵜⴷⵎⵙⴰ ⵜⴰⵏⴰⵎⵓⵔⵜ ⵖ ⵓⵙⴳⴳⵯⴰⵙ ⵏ 2021 ⵙ 4.8%, ⵉⵙⴷⴷⵉⴷ ⵎⴰⵙ ⵔⴰⴷ ⵓⵔ ⵜⵓⵔⵔⵉ ⵖ ⵜⴳⵉⵔⴰ ⵙ ⵓⵙⵡⵉⵔ ⵏ 2019, ⵔⴰⴷ ⵜⵉⵍⵉ ⵖⴰⵙ ⵖ 2020, ⵖⵎⴽ ⵍⵍⵉ ⵔⴰⴷ ⵣⵉⵢⵢⴷⵏ ⵓⵏⵛⴽⵏ ⵏ ⵜⵣⵣⵉⴳⵣⵜ ⵏ ⵜⴷⵎⵙⴰ, ⵙ 4.8% ⵖ 2021 ⴷ 4.2 ⵖ 2022 ⴷ 4.6 ⵖ 2023 ».
ⵢⵉⵏⵉ ⵎⴰⵙⵙ ⴰⵎⴰⵡⵙⴰⵙ ⵎⴰⵙ ⴳⴰⵏⵜ ⵜⵎⵣⵡⵓⵔⴰ ⵏ ⵓⵙⵓⵊⴷ ⵏ ⵓⵙⵏⴼⴰⵔ ⵏ ⵓⵙⵍⴳⵏ ⵏ ⵓⵥⵕⴼ ⵏ 2021 ⴰⵙⵎⵀⵍ ⵏ ⵉⵙⵡⴰⵍⴰⵢⵏ ⵉⴳⵍⴷⴰⵏⵏ ⴰⵜⵜⵓⵢⵏⵉⵏ ⵍⵍⵉ ⵜⵜⵓⴱⴷⴰⵔⵏⵉⵏ ⵖ ⵉⵏⴰⵡ ⵏ ⵓⴷⴰⴱⵓ ⵉⴳⴳⵓⵔⴰⵏ, ⵜⵉⵍⵉ ⵜⵣⵡⵉⵔⵉ ⴷⴰⵔ ⵉⴳⵔⴰⵏ ⵏ ⵜⴷⵓⵙⵉ ⴷ ⵓⵙⵙⵍⵎⴷ, ⴷ ⵜⵖⵓⵙⵙⴰⵔ ⵍⵍⵉ ⵓⵔ ⵜⵜⵓⵎⴽⴰⵏⵏⵉⵏ ⴰⴷ ⵓⵔⵔⵉⵏⵜ, ⵜⵉⵎⵣⵡⵓⵔⴰ ⴰⴷ ⵔⴰⴷ ⵍⴽⵎⵏⵜ ⴰⵏⵛⴽ ⵉⴳⴰⵏ 33 ⵎⵍⵢⴰⵕ ⴷⵔⵀⵎ ».
ⵖ ⵓⵎⴹⴰⴽⴰⵕ ⵉⵏⵏⵓⵕⵥⵎⵏ ⴷ ⵉⴳⵎⴰⵎⵏ ⵏ ⵜⵙⵇⵇⵉⵎⵜ, ⴼⴽⴰⵏ ⵉⴷ ⵎⴰⵙⵙ ⴷ ⵉⵙⵜ ⵎⴰⵙⵙⴰ ⵉⵎⵓⵔⴰ ⵜⵉⵙⵓⵎⵔⵉⵏ ⵥⵍⵉⵏⵉⵏ ⴷ ⵉⴳⵔⴰⵏ ⵏ ⵜⵎⴰⵍⵍⴰⵢⵜ ⴷ ⵜⵏⵓⴼⴰ ⴷ ⵉⵙⵡⵓⴷⴷⵓⵜⵏ ⵍⵍⵉ ⵔⴰⴷ ⵉⵙⵉⵜⵜⵉ ⴰⵔⴳⴳⵉⴳ ⴰⴷⵎⵙⴰⵏ.
ⵖⵔⵉⵏ ⵉⴷ ⵎⴰⵙⵙ ⵉⵎⵓⵔⴰ ⵃⵎⴰ ⴰⴷ ⵢⵉⵍⵉ ⵓⵙⴰⵍⵉ ⵏ ⵓⵙⵙⴰⵔⵓ ⴰⴳⴷⵓⴷⴰⵏ ⵉ ⵓⵙⵉⴷⴷⵔ ⵏ ⵓⵥⵟⵟⴰ ⴰⴷⵎⵙⴰⵏ ⴷ ⵓⵙⴽⵔ ⵏ ⵜⴷⵉⵏⴰⵎⵉⵜ ⵜⴰⵎⴰⵢⵏⵓⵜⵢ ⵏ ⵜⵙⵓⵜⵍⵜ ⵜⴰⴷⵎⵙⴰⵏⵜ ⴷ ⵓⵙⵓⵊⴷ ⵏ ⵜⵣⵣⵓⵍⵉⵏ. ⵖⵎⴽ ⵍⵍⵉ ⴱⴷⴷⵏ ⴼ ⵓⵙⵓⵔⵙ ⵏ ⵜⴼⵍⵍⴰⵃⵜ ⴷ ⵓⵛⵛⵉⵍ ⵏ ⵓⵙⵓⵊⴷ ⵏ ⵜⵙⵜⵔⴰⵜⵉⵊⵉⵜ ⵜⴰⵎⴰⵢⵏⵓⵜ ⵏ ⵓⵙⵏⴰⵍ ⵏ ⵓⵎⴰⴹⴰⵍ ⴰⴼⴰⵔⴰⵏ ⴷ ⵢⵉⴳⵔ ⴰⵏⴼⵍⴰⵃ ⵙ ⵉⵙⵙⵥⵕⴼⵏ ⵏ ⵓⵙⵙⵎⵖⵔ.
ⵖ ⵢⵉⴳⵔ ⴰⴱⴰⵏⴽⵉ, ⵎⵛⴰⵛⴽⴰⵏ ⴷ ⵉⴷ ⵎⴰⵙⵙ ⴷ ⵉⵙⵜ ⵎⴰⵙⵙⴰ ⵉⵎⵓⵔⴰ ⴼ ⵓⵛⵛⵉⵍ ⵏ ⵓⵙⴽⵔ ⵏ ⵜⵎⵢⴰⴷⴰⵙⵜ ⵏ ⵜⵏⵎⵓⵔⵉ ⵖ ⵓⵏⵢⴰⵍⴽⴰⵎ ⵏ ⵍⴰⴱⵏⴰⴽ ⴷ ⵜⵎⵙⵙⵏⵜⴰⵢ ⵎⵥⵥⵉⵏⵉⵏ ⴷ ⵜⵎⵊⵀⴷⴰⵢ ⴷ ⵓⵙⵙⵔⵇⴱ ⵏⵏⵙ ⵉ ⵓⵙⵎⵖⵔ ⵏ ⵢⵉⴳⵔ ⵏ ⵉⵙⵙⵥⵕⴼⵏ.