ⵜⴰⵙⵎⵓⵏⵉ ⵏ ⵜⵙⵇⵇⵉⵎⵜ ⵏ ⵜⵉⴹⴰⴼ ⵏ ⵜⴷⵔⵉⵎⵜ ⵜⴰⵎⴰⵜⴰⵢⵜ ⵖ ⵓⵙⵎⴰⴷ ⵏ ⵜⵖⵔⵉ ⵏ ⵜⴰⵏⴰⴹⵜ ⵏ ⵜⵙⵏⴱⴹⴰⵢⵜ ⵏ ⵓⵙⵉⴹⵏ ⴼ ⵉⴳⵔ ⵏ ⵜⵎⵔⵙⴰⵍ ⴷ ⵜⵎⵙⵙⵏⵜⴰⵢ ⵜⵉⴳⴷⵓⴷⴰⵏⵉⵏ ⴳ ⵍⵎⵖⵔⵉⴱ, ⴰⵙⵉⵏⴰⵙ 2 ⵢⵓⵏⵢⵓ 2020

ⵉ ⵓⵙⵎⴰⴷ ⵏ ⵜⵖⵔⵉ ⵏ ⵜⴰⵏⴰⴹⵜ ⵏ ⵜⵙⵏⴱⴹⴰⵢⵜ ⵏ ⵓⵙⵉⴹⵏ ⴼ:”ⵉⴳⵔ ⵏ ⵜⵎⵔⵙⴰⵍ ⴷ ⵜⵎⵙⵙⵏⵜⴰⵢ ⵜⵉⴳⴷⵓⴷⴰⵏⵉⵏ: ⵜⴰⴷⵔⵓⵜ ⵜⴰⵙⵜⵔⴰⵜⵉⵊⵉⵜ ⴷ ⵓⵏⴱⴰⴹ”, ⵜⵙⵏⵎⴰⵍⴰ ⵜⵙⵇⵇⵉⵎⵜ ⵏ ⵜⵉⴹⴰⴼ ⵏ ⵜⴷⵔⵉⵎⵜ ⵜⴰⵎⴰⵜⴰⵢⵜ ⵜⴰⵙⵎⵓⵏⵉ ⴰⵙⵙ ⵏ ⵓⵙⵉⵏⴰⵙ 2 ⵢⵓⵏⵢⵓ 2020, ⵉ ⵓⵙⴼⵍⴷ ⵏ ⵓⵙⵎⵏⵉⴷ ⴼ ⵓⴼⵏⵉⵇ ⴰⵏⴰⵎⵓⵔ ⵜⵏⴼⵔⵓⵜ ⵜⴰⵏⴰⵎⵓⵏⵜ ⵍⵍⵉ ⵉⵙⵎⵏⵉⴷ ⵓⵎⴰⵔⵉ ⵏ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⵎⵔⵙⵍⵜ ⵙ ⵜⵉⵍⵉⵜ ⵏ ⵎⴰⵙⵙ ⵎⵓⵃⴰⵎⵎⴰⴷ ⴰⵎⴽⵔⴰⵣ ⴰⵎⴰⵡⵙⴰⵙ ⵏ ⵓⵙⵡⵓⵔⵉ ⴷ ⵓⵙⵉⴷⴼ ⴰⵣⵣⵓⵍⴰⵏ.

ⵖ ⵜⵣⵡⵉⵔⵉ ⵏ ⵜⵙⵎⵓⵏⵉ ⴰⴷ ⵍⵍⵉ ⵉⵙⵙⵉⵅⴼ ⵎⴰⵙⵙ ⵉⴷⵔⵉⵙ ⵚⵚⵇⵍⵍⵉ ⵄⴰⴷⴰⵡⵉ, ⵉⵏⵏⴰ ⵎⴰⵙⵙ ⴰⵎⴰⵡⵙⴰⵙ ⵎⴰⵙ ⵉⴳⴰ ⵓⵃⵟⵟⵓ ⴰⵏⴰⵎⵓⵏ ⵢⴰⵜ ⵖ ⵜⵙⴰⵡⵔⵉⵏ ⵜⵉⵏⴰⵎⵓⵔⵉⵏ ⵍⵍⵉ ⵎⵓ ⵜⴼⴽⴰ ⵜⵎⴰⵣⵉⵔⵜ ⵏⵏⵖ ⴰⵜⵉⴳ ⴰⵅⴰⵜⴰⵔ, ⴰⵛⴽⵓ ⵍⵍⴰⵏ ⵖ ⵓⵎⴰⴹⴰⵍ ⵜⵓⴳⵜ ⵏ ⵉⵙⵏⴼⵍⵏ ⴼ ⵉⴽⴽⴰ ⵓⵎⵏⵉⴷ ⴰⴷⵎⵙⴰⵏ ⴷ ⵜⵎⵥⵍⴰ ⵏ ⵚⴰⵃⴰ ⴷ ⵓⵎⵓⴽⵔⵉⵙ ⵏ ⵓⴳⴰⴷⴰⵣ ⵏ ⵓⵙⵡⵓⵔⵉ, ⴰⵢⵍⵍⵉ ⴷ ⵢⵉⵡⵉⵏ ⵜⴰⵎⵣⴰⵍⵜ ⵏ ⵉⴷ ⵍⵎⵏⴰⵢⵏ ⵏ ⵜⵣⵣⵓⵍⵉⵏ, ⵎⴰ ⴰⴷ ⵢⵉⵡⵉ ⴷ ⴰⴷ ⵢⵉⵍⵉ ⵓⵃⵟⵟⵓ ⴰⵏⴰⵎⵓⵏ ⵊⴰⵊ ⵏ ⵓⵎⴹⴰⴽⴰⵕ ⴰⴳⵔⴰⵖⵍⴰⵏ, ⵍⵍⵉⵖ ⵜⴳⴰ ⵢⴰⵏ ⵉⵎⵉⵙⵙ ⵉⵥⵉⵍⵏ ⵏ ⵓⵃⵟⵟⵓ ⵏ ⵓⵍⵓⵍⵍⵓ ⵏ ⵓⵏⵎⵓⵔⵉ ⵉⵍⵉⵏⵜ ⵓⵍⴰ ⵜⵖⵔⴰⴷ ⵉⴹⵎⵏⵏ ⴰⵍⵓⵍⵍⵓ ⴰⴷ.

ⵢⵉⵏⵉ ⵎⴰⵙⵙ ⴰⵎⴰⵡⵙⴰⵙ ⵎⴰⵙ ⴷ ⴰⵅⵎⵎⴻⵎ ⴰⴷ ⵉⴼⴰⵡ ⴱⴰⵀⵔⴰ ⴷⴰⵜ ⵏ ⵓⴱⴰⵢⵢⵓⵕ ⵏ “ⴽⵓⴼⴷ19” ⵍⵍⵉ ⵢⵉⵡⵉⵏ ⵉⴷ ⵍⵎⵏⴰⵢⵏ ⵏ ⵜⵣⵣⵓⵍⵉⵏ, ⵢⴰⵊⵊ ⴽⵉⴳⴰⵏ ⵏ ⵜⵎⵙⵙⵏⵜⴰⵢ ⴰⴷ ⵍⴽⵎⵏⵜ ⵜⴰⴼⵔⴽⴰ ⵏ ⵓⵥⵓⵥⴹ, ⴰⵢⵍⵍⵉⵖ ⵜⵜⵓⴹⵕⵕⴰⵏⵜ ⵜⵓⴳⵜ ⵏ ⵜⵉⵍⴰⵍ ⵜⵉⴷⵎⵙⴰⵏⵉⵏ ⵜⵉⴷⵙⵍⴰⵏⵉⵏ.

ⵖ ⵓⵎⵏⵉⴷ ⴰⴷ, ⵉⵏⵏⴰ ⵎⴰⵙⵙ ⴰⵎⴰⵡⵙⴰⵙ ⵎⴰⵙ ⵜⵙⵔⵙ ⵜⵏⴱⴰⴹⵜ ⵎⵏⵏⴰⵡ ⵉⵖⴰⵡⴰⵙⵏ ⵉⵙⵉⴳⴳⵉⵍⵏ ⴰⵙⵖⵓⴷⵓ ⵏ ⵉⵏⵎⴰⵍⵍⵏ ⵏ ⵓⵃⵟⵟⵓ ⴰⵏⴰⵎⵓⵏ, ⴷ ⵓⵙⵎⵖⵔ ⵏⵏⵙ ⵉ ⵚⴰⵃⴰ ⵏ ⵜⴷⵓⵍⴰ ⵜⵉⵎⴰⵢⵏⵓⵜⵉⵏ, ⵖⵎⴽ ⴰⵏⵏ ⴷ ⵓⵙⵖⵓⴷⵓ ⵏ ⵓⵏⴱⴰⴹ ⵏ ⵉⵏⴳⵔⴰⵡⵏ ⵏⵏⵙ. ⵢⵉⵍⵉ ⴳⵉⵙⵏ ⵓⵖⵖⵔⴷ ⵏ ⵉⵏⴳⵔⴰⵡⵏ ⵏ ⵓⵃⵟⵟⵓ ⴰⵏⴰⵎⵓⵏ ⵃⵎⴰ ⴰⴷ ⵓⵎⵓⵏ ⵉⵎⵙⵡⵓⵔⵉⵢⵏ ⵉⵙⵉⵎⴰⵏⵏ ⴷ ⵉⵎⵙⵡⵓⵔⵉⵢⵏ ⵉⵎⵖⵔⴰⴱⵉⵢⵏ ⵖ ⵜⵎⵉⵣⴰⵔ ⵏ ⴱⵕⵕⴰ ⴷ ⵜⵎⵙⵡⵓⵔⵉⵢⵉⵏ ⴷ ⵉⵎⵙⵡⵓⵔⵉⵢⵏ ⵖ ⵓⴳⵯⵏⵙ ⵏ ⵜⴳⵯⵎⵎⴰ, ⴷ ⵓⵙⵖⵓⴷⵓ ⵏ ⵜⴼⴰⴷⵉⵡⵉⵏ ⵏ ⵉⵎⵉⵥ ⵏ ⵚⴰⵃⴰ ⵖ ⵓⵏⴳⵔⴰⵡ ⵏ ⵡⴰⵔⵔⴰⵣ ⵙⴳ ⵜⵎⵣⴰⵍⵜ ⵏ ⵜⵡⵓⵔⵉ, ⴷ ⵓⴹⴼⵓⵕ ⵏ ⵓⵙⵏⴼⴰⵔ ⵏ ⵓⵎⵓⴽⵏ ⵏ ⵉⵏⴳⵔⴰⵡⵏ ⵏ ⵜⵏⴰⴼⵜ, ⴷ ⵓⴹⴼⵓⵕ ⵏ ⵓⵙⵎⴰⵢⵏⵓ ⵏ ⵓⵏⴳⵔⴰⵡ ⵏ ⵡⴰⵔⵔⴰⵣ ⵙⴳ ⵉⵏⴳⴰⵙⵏ ⵏ ⵜⵡⵓⵔⵉ, ⴷ ⵓⵙⴷⵓⵙ ⵏ ⵓⵏⴱⴰⴹ ⴷ ⵓⴹⴼⵓⵕ ⵏ ⵜⵉⵍⴰⵍ ⵏ ⵢⵉⴳⵔ ⵏ ⵓⵎⵙⴼⴽⴰⵡ.

ⵖ ⵓⵎⵏⵉⴷ ⵢⴰⴹⵏⵉⵏ, ⵉⵏⵏⴰ ⵎⴰⵙⵙ ⴰⵎⴰⵡⵙⴰⵙ ⵎⴰⵙ ⵜⵙⴽⵔ ⵜⵙⵇⵇⵉⵎⵜ ⵏ ⵜⵉⴹⴰⴼ ⵜⴰⴷⵎⵙⴰⵏⵜ ⴽⵉⴳⴰⵏ ⵏ ⵉⵙⵡⵓⴷⴷⵓⵜⵏ ⵏ ⵓⵃⵟⵟⵓ ⵏ ⵜⵙⵓⴳⵔⵜ ⵏ ⵎⵙⵓⵖⵜ ⵉ ⵉⵎⵙⵡⵓⵔⵉⵢⵏ ⵉⵜⵜⵓⵣⵎⵎⴰⵎⵏ ⵖ ⵢⵉⴳⵔ ⴰⵍⵖⴰⵏⵏ ⵖⵎⴽ ⴰⵏⵏ ⵓⵍⴰ ⵜⴰⵡⵊⵉⵡⵉⵏ ⵙⵡⵓⵔⵉⵏⵉⵏ ⵖ ⵢⵉⴳⵔ ⵡⴰⵔⴰⵍⵖⴰⵏⵏ, ⵉⵜⵜⵓⵙⵎⴰⴳⴰⵍ ⵓⴼⵏⵉⵇ ⴰⵏⴰⵎⵓⵔ ⵏ ⵜⵏⴼⵔⵓⵜ ⵜⴰⵏⴰⵎⵓⵏⵜ ⵙ ⵓⵙⵎⵀⵍ ⵏ ⵉⵙⵡⵓⴷⴷⵓⵜⵏ  ⵉⵜⵜⵓⵙⵔⴰⵙⵏ ⵉ ⵉⵎⵙⵡⵓⵔⵉⵢⵏ ⵉⵜⵜⵓⵣⵎⵎⴰⵎⵏ ⴷⴰⵔ ⵓⴼⵏⵉⵇ, ⵖⵎⴽ ⵍⵍⵉ ⵉⵙⴽⵔ ⵓⴼⵏⵉⵇ ⵜⴰⵙⵎⵉⴳⵍⵜ ⴰⴷ ⵙ ⵓⵎⵓⵔⵙ ⵉⵀⵉⵢⵢⴰⵏ.

ⵖ ⵜⵙⴳⴰ ⵏⵏⵙ, ⵉⵙⵎⵏⵉⴷ ⵎⴰⵙⵙ ⴰⵎⴰⵔⵉ ⵏ ⵓⵏⵎⵀⴰⵍ ⴰⵎⴰⵜⴰⵢ ⵢⴰⵏ ⵓⵙⵎⵏⵉⴷ ⵖ ⵍⵍⴰⵏⵜ ⵜⵏⵇⴰⴷ ⴰⴷ:

1- ⵜⵉⵎⵓⵛⴰ ⴷ ⵓⵎⵍⴰⵏ ⴼⴰⵡⵏⵉⵏ ⴼ ⵓⴼⵏⵉⵇ ⴰⵏⴰⵎⵓⵔ ⵏ ⵜⵏⴼⵔⵓⵜ ⵜⴰⵏⴰⵎⵓⵏⵜ.

2- ⵜⵉⵎⵔⴰⵔⵓⵜⵉⵏ ⵏ ⵓⴼⵏⵉⵇ ⴼ ⵜⴰⵏⵏⴰⵢⵉⵏ ⵏ ⵜⵙⵏⴱⴹⴰⵢⵜ ⵏ ⵓⵙⵉⴹⵏ ⵥⵍⵉⵏⵉⵏ ⵙ ⵓⵙⵡⵓⴷⴷⵓ ⵏ ⵓⵏⴳⵔⴰⵡ ⵏ ⵓⵙⴼⵍⵙ ⵓⵛⵛⵉⵍ ⴰⴷⵙⵍⴰⵏ ⵙⴳ ⵜⵎⴰⴹⵓⵏⵜ .

3- ⵉⵙⵡⵓⴷⴷⵓⵜⵏ ⵉⵎⵥⵍⴰⵢ ⵣⴷⵉⵏⵉⵏ ⵙ ⵓⵙⴱⴷⴷⵉ ⵏ ⵉⴷⵔⵉⵣⵏ ⵏ ⵓⵙⴼⵔⵓⵔⵜ ⵏ ⵓⴱⴰⵢⵢⵓⵕ ⵏ ⵓⴼⵉⵔⵓⵙ ⵏ ⴽⵓⵕⵓⵏⴰ “ⴽⵓⴼⵉⴷ 19”.

ⵉⵎⵍⴰ ⴷ ⵎⴰⵙⵙ ⴰⵎⴰⵔⵉ ⵏ ⵓⵏⵎⵀⴰⵍ ⴰⵎⴰⵜⴰⵢ ⵎⴰⵙ ⵣⵎⵎⵉⵎⵏ ⵉⵏⵎⵎⴰⵍⵏ ⵢⴰⵜ ⵜⵣⵣⵉⴳⵣⵜ ⵜⴰⵙⴳⵯⵙⴰⵏⵜ ⵉⴼⴰⵡⵏ ⵍⵍⵉⵖ ⵉⵣⵣⵉⴳⵣ ⵓⵟⵟⵓⵏ ⵏ ⵡⵉⴷⴰ ⵎⵓ ⵉⵚⴰⵃⴰ ⵓⵙⴼⵍⵙ ⴷ ⵉⵙⴷⴰⵡⵏ ⴷ ⵉⵏⵉⴹⴰⵏ ⵙ ⵉⵜⵜⵓⵙⵎⴰⴳⴰⵍ ⵓⴼⵏⵉⵇ, ⴰⴱⵍⴰ ⴰⵏⵎⵎⴰⵍ ⵉⵣⴷⵉⵏ ⴷ ⵉⵎⵙⵡⵓⵔⵉⵢⵏ ⵍⵍⵉ ⵓⴽⴰⵏ ⵉⵜⵜⴰⴳⴳⵓⵣⵏ, ⴰⵢⵍⵍⵉ ⴷ ⵢⵉⵡⵉⵏ ⴰⵙⵖⵓⴷⵓ ⵏ ⵓⵏⴱⴰⴹ ⵏ ⵓⵙⵡⵓⴷⴷⵓ ⵙ ⵓⵙⵎⵔⵙ ⵏ ⵜⴻⵜⵉⴽⵏⵓⵍⵓⵊⵉⵢⵉⵏ ⵜⵉⵎⴰⵢⵏⵓⵜⵉⵏ ⵙⴳ ⵉⵙⴳⴳⵯⴰⵙⵏ ⴰⴷ, ⴰⵢⵍⵍⵉ ⵢⵉⵡⵙⵏ ⵖ ⵓⵙⵖⵓⴷⵓ ⵏ ⵜⵏⵓⴼⴰ ⵙ ⵓⵙⵎⴰⵢⵏⵓ ⵏ ⵜⵔⴽⵎⴰⵎⵜ ⵖ ⵓⵙⵡⵓⴷⴷⵓ ⴱⵍⴰ ⵉⵍⵍⴰ ⵓⵙⵎⵖⵔ ⵏ ⵉⵙⵡⵓⵔⵉⵜⵏ ⵉⵏⴼⴳⴰⵏⵏ.

ⵖ ⵎⴰ ⴷ ⵉⵥⵍⵉⵏ ⴷ ⵓⵏⵢⴰⵍⴽⴰⵎ ⵏ ⵓⴼⵏⵉⵇ ⴰⵏⴰⵎⵓⵔ ⵏ ⵜⵏⴼⵔⵓⵜ ⵜⴰⵏⴰⵎⵓⵏⵜ ⴷ ⵉⵙⵖⵍⴰⴼ ⵏ ⵜⵙⵏⴱⴹⴰⵢⵜ ⵏ ⵓⵙⵉⴹⵏ, ⵉⵙⴷⴷⵉⴷ ⵎⴰⵙⵙ ⴰⵎⴰⵔⵉ ⵏ ⵓⵏⵎⵀⴰⵍ ⴰⵎⴰⵜⴰⵢ, ⵎⴰⵙ ⵜⵎⵎⴰⵖ ⵜⵎⵔⵙⵍⵜ ⴰⴷ ⵜⵙⴽⵔ ⵙ ⵉⵙⵖⵍⴰⴼ ⴰⴷ, ⵜⵙⵡⵓⵔⵉ ⵙ ⵓⵣⴷⴷⵓⵢ ⴷ ⵓⵎⵢⴰⵡⴰⵙ ⴷ ⵜⵎⴰⵡⴰⵙⵜ ⵏ ⵜⴷⵓⵙⵉ ⴷ ⵜⵎⵔⵙⴰⵍ ⵜⵉⵎⵏⵜⴰⵢⵉⵏ ⵃⵎⴰ ⴰⴷ ⵉⵍⵉⵏ ⵉⴼⵙⵙⴰⵢⵏ ⴷ ⵢⵓⵙⴰⵏ ⵉ ⴽⵔⴰ ⵏ ⵜⵎⵓⴽⵔⵉⵙⵉⵏ ⵜⵉⵣⵣⵔⴰⴼⵉⵏ.

ⵖ ⵎⴰ ⴷ ⵉⵥⵍⵉⵏ ⵙ ⵜⵎⵙⴽⴰⵔ ⵏ ⵓⴼⵏⵉⵇ ⴰⵏⴰⵎⵓⵔ ⵏ ⵜⵏⴼⵔⵓⵜ ⵜⴰⵏⴰⵎⵓⵏⵜ ⵉ ⵓⵙⵙⵔⵇⴱ ⵏ ⵓⵡⵇⵇⵔ ⵏ ⵡⴰⴷⴷⴰⴷ ⵏ ⵉⵖⴰⵡⴰⵍⵏ ⵉⴷⴰⵡⵙⴰⵏⵏ, ⵉⵏⵏⴰ ⵎⴰⵙⵙ ⴰⵎⴰⵔⵉ ⵏ ⵓⵏⵎⵀⴰⵍ ⴰⵎⴰⵜⴰⵢ ⵎⴰⵙ ⵜⴱⴷⴷ ⵜⵡⵓⵔⵉ ⵏ ⵓⵙⵔⵓⵙ ⵏ ⵉⵙⵍⴽⵉⵏⵏ ⵏ ⵜⵓⴷⵔⵜ ⴷ ⵓⵍⵎⵎⵓⴷ ⵍⵍⵉ ⵙⵓⵍ ⵓⵔ ⵉⵍⵍⵉⵏ ⵖ ⵓⵃⵟⵟⵓ ⵏ ⵓⴼⵔⵓ ⵏ ⵡⴰⵔⵔⴰⵣⵏ, ⴰⵔ ⵜⵉⵣⵉ ⵢⴰⴹⵏⵉⵏ, ⵖⵎⴽ ⴰⵏⵏ ⵓⵍⴰ ⵉⵎⵉⵥ ⵏ ⵉⵙⴷⴰⵡⵏ  ⵏ ⵡⴰⵔⵔⵣⵏ ⵍⵍⵉ ⴷ ⵓⵔ ⵉⵍⴽⵉⵎⵏ ⵖ ⵜⵉⵣⵉ ⵙⴳ 18 ⵎⴰⵕⵚ 2020, ⴷ ⴰⵢⵍⵍⵉ ⵜⴽⴽⴰ ⵜⵍⵍⴰ ⵜⴰⵙⵙⴰⵙⵜ, ⵓⴼⴰⵏ ⵉⵎⵙⴰⵖⵏ ⴰⴷ ⵜⵏ ⴷ ⵙⵔⵙⵏ ⵉⵖ ⵉⵍⵍⴰ ⵓⵖⵓⵍ ⴰⵎⵙⵉⵎⵢⴰⵔ ⵙ ⵜⵡⵓⵔⵉ, ⵖⵎⴽ ⵍⵍⵉ ⵜⵍⵍⴰ ⵜⵡⵉⵙⵉ ⵏ ⵓⴼⵏⵉⵇ ⴰⵏⴰⵎⵓⵔ ⵏ ⵜⵏⴼⵔⵓⵜ ⵜⴰⵏⴰⵎⵓⵏⵜ ⵖ ⵢⵉⴳⵔ ⴰⴷⵓⵙⴰⵏ ⵉ ⵓⵙⴱⴷⴷⵉ ⵏ ⵉⴷⵔⵉⵣⵏ ⵏ ⵓⴱⴰⵢⵢⵓⵕ ⵏ ⵓⴼⵉⵔⵓⵙ ⵏ ⴽⵓⵕⵓⵏⴰ ⴽⵓⴼⵉⴷ 19, ⵍⵍⵉⵖ ⵉⴼⴽⴰ ⵙⵎⵎⵓⵙ (5) ⵉⴼⵔⴷⵉⵙⵏ ⵏ ⵜⵙⵏⵉⵊⵊⵉⵜ ⵉⴳⵓⵜⵙⵎⵔⴰⴷⴰⵏⵏ ⵙ ⵉⵙⵓⴳⴰⵎ ⵏⵏⵙⵏ ⵉⵏⴼⴳⴰⵏⵏ ⴷ ⵉⵎⵜⵜⵉⵡⵏ ⴷ ⵉⵍⵓⵊⵉⵙⵜⵉⵢⵏ ⵉ ⵜⵏⴱⴰⴹⵉⵏ ⵜⵉⴷⵓⵙⴰⵏⵉⵏ.ⵖⵎⴽ ⵍⵍⵉ ⵜⵍⵍⴰ ⵜⵡⵉⵙⵉ ⵜⴰⵥⵕⴼⴰⵏⵜ ⵏ ⵜⵎⵔⵙⵍⵜ ⵖ ⵓⴼⵏⵉⵇ ⵉⵥⵍⵉⵏ ⵙ ⵓⵙⵡⵓⴷⴷⵓ ⵏ ⵓⴱⴰⵢⵢⵓⵕ ⵏ ⴽⵓⴼⵉⴷ 19, ⴰⴼⵏⵉⵇ ⴰⴷ ⵉⵜⵜⵓⵙⴽⴰⵔⵏ ⵙ ⵉⵙⵡⴰⵍⴰⵢⵏ ⴰⵜⵜⵓⵢⵏⵉⵏ ⵏ ⴱⴰⴱ ⵏ ⵡⴰⴷⴷⵓⵔ, ⵙ ⵓⵏⵛⴽ ⵉⴳⴰⵏ 500 ⵎⵍⵢⵓⵏ ⵏ ⴷⵔⵀⵎ ⵍⵍⵉ ⴷ ⵉⴽⴽⴰⵏ ⵜⴰⵙⵓⵔⵉ ⵍⵍⵉ ⵉⵙⵎⵓⵏ ⵓⴼⵏⵉⵇ ⵖ ⵡⴰⵔⵔⴰⵣ ⵏ ⵜⵎⵣⴰⵍⵜ ⵏ ⵜⵡⵓⵔⵉ.

ⵖⵎⴽ ⵍⵍⵉ ⵉⵙⴰⵡⵍ ⵎⴰⵙⵙ ⴰⵎⴰⵔⵉ ⵏ ⵓⵏⵎⵀⴰⵍ ⴰⵎⴰⵜⴰⵢ ⴼ ⵜⵎⵙⴽⴰⵔ ⵍⵍⵉ ⵉⵙⴽⵔ ⵓⴼⵏⵉⵇ ⴰⵏⴰⵎⵓⵔ ⵏ ⵜⵏⴼⵔⵓⵜ ⵜⴰⵏⴰⵎⵓⵏⵜ ⵖ ⵓⵙⵏⵙⵉ ⵏ ⵉⵙⵡⵓⴷⴷⵓⵜⵏ ⵍⵍⵉ ⵙ ⵜⴼⴼⵖ ⵜⵙⵇⵇⵉⵎⵜ ⵏ ⵜⵉⴹⴰⴼ ⵜⴰⴷⵎⵙⴰⵏⵜ ⵉ ⵚⴰⵃⴰ ⵏ ⵜⵎⵙⵙⵏⵜⴰⵢ ⴷ ⵉⵎⵙⵡⵓⵔⵉⵢⵏ ⵏ ⵢⵉⴳⵔ ⵓⵙⵍⵉⴳ ⴷ ⵓⴼⵔⵓ ⵏ ⵡⴰⵔⵔⴰⵣ ⴰⵢⵢⵓⵔⴰⵏ ⴷ ⵜⵏⵓⴼⴰ ⵏ ⵉⵎⵙⵡⵓⵔⵉⵢⵏ ⵎⵓ ⵜⴱⴱⵉ ⵜⵡⵓⵔⵉ ⵏⵏⵙⵏ ⵖ ⵢⵉⵔⵏ ⵏ ⵎⴰⵕⵚ ⴷ ⵉⴱⵔⵉⵔ 2020.

ⵔⴰⴷ ⵙⵓⵍ ⵜⵜⵓⵙⴽⵉⵔ ⵜⵙⵎⵓⵏⵉ ⵜⵉⵙ ⵙⵏⴰⵜ ⴷ ⵎⴰⵙⵙ ⴰⵎⴰⵡⵙⴰⵙ ⴷ ⵎⴰⵙⵙ ⴰⵎⴰⵔⵉ ⵏ ⵓⵏⵎⵀⴰⵍ ⴰⵎⴰⵜⴰⵢ ⵉ ⵓⵎⴹⴰⴽⴰⵕ ⴼ ⵜⵓⵎⴰⵢⵜ ⵏ ⵓⵙⵎⵏⵉⴷ ⴰⴷ ⵖ ⵓⵏⵎⵓⵇⵇⴰⵔ ⴷ ⵢⵓⵛⴽⴰⵏ, ⵔⴰⴷ ⵢⵉⵍⵉ ⵓⵙⵉⵡⴹ ⵏ ⵜⵉⵣⵉ ⵏⵏⵙ.