ⵉⴷⵔⵓ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵙⵓⵜⵍⵜ ⵜⵉⵙ 142 ⵏ ⵓⴳⵔⴰⵡ ⴰⵎⴰⵜⴰⵢ ⵏ ⵜⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⵙ ⵜⵉⴳⴳⵓⴳⵜ
ⵜⵙⵏⵎⴰⵍⴰ ⵜⵎⵓⵏⵜ ⵜⴱⴰⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⴰⴳⵔⴰⵡ ⵏⵏⵙ ⴰⵎⴰⵜⴰⵢ ⵡⵉⵙ 142 ⵙ ⵜⵉⴳⴳⵓⴳⵜ ⴳ 24 ⴰⵔ 28 ⵎⴰⵢⵢⵓ 2021, ⵜⵥⵍⵉ ⵉ ⵜⵖⴰⵔⴰⵙⵉⵏ ⵏ ⵓⵣⵣⵔⴰⵢ ⵏ ⵜⴼⵔⴽⴰ ⴷⴼⴼⵉⵔ ⵏ ⴽⵓⴼⵉⴷ 19 ⴷ ⵉⵎⴰⵍ ⵉⵥⵉⵍⵏ, ⵜⵉⵍⴰⵍⵜ ⵏ ⵉⴱⵕⵍⴰⵎⴰⵏⵏ ⴳ ⵓⵙⴱⴷⴷⵉ ⵏ ⴽⵓⵕⵓⵏⴰ. ⵜⵉⵍⵉ ⴳⵉⵙ ⵜⵉⵍⵉⵜ ⵜⴰⴱⵕⵍⴰⵎⴰⵏⵉⵜ ⵉⵙⵜⴰⵡⵀⵎⵎⴰⵏ ⵙⴽ ⴽⵉⴳⴰⵏ ⵏ ⵉⴱⵕⵍⴰⵎⴰⵏⵏ ⵏ ⵓⵎⴰⴹⴰⵍ.
ⴷⴼⴼⵉⵔ ⵏ ⵓⵙⵖⵣⵏ ⵏ ⵓⵖⴰⵡⴰⵙ, ⴳ ⵡⴰⵙⵙ ⴰⵎⵣⵡⴰⵔⵓ, ⵉⵙⵎⵏⵉⴷ ⵓⵏⵙⵙⵉⵅⴼ ⵏ ⵜⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵎⴰⵙⵙ ⴷⵡⴰⵔⵜⵉ ⴱⴰⵛⵉⴽⵓ ⴰⵏⵇⵇⵉⵙ ⴼ ⵜⵉⵍⴰⵍ ⵏ ⵜⵎⵓⵏⵜ ⴷ ⵜⵙⵇⵇⵉⵎⵜ ⵜⴰⵎⵣⵣⴳⴰⵔⵜ. ⵢⵉⵍⵉ ⵓⵍⴰ ⵓⵙⵜⴰⵢ ⵏ ⵚⴹⵉⵚ ⵉⴳⵎⴰⵎⵏ ⴳ ⵜⵙⵇⵇⵉⵎⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉ ⵉⴱⵕⵍⴰⵎⴰⵏⵉⵢⵉⵏ ⴷ ⵙⵉⵏ ⵉⴳⵎⴰⵎⵏ ⴳ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⵓⴳⵎⵎⵓⴹ ⴰⵏⴰⵎⵎⴰⵙ.
ⴳ ⵡⵉⵙ ⵙⵉⵏ ⵡⵓⵙⵙⴰⵏ, ⵉⵍⵍⴰ ⵓⵍⵖⵓ ⴼ ⵓⵙⴽⵔ ⵏ ⵜⵙⵎⵖⵓⵔⵜ ⵏ ⴽⵔⵉⵎⵔ ⴱⴰⵙⵉ ⵏ ⵜⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ, ⴷ ⵓⴹⴼⵕ ⵏ ⵜⵉⵍⴰⵍ ⵏ ⵜⵙⵇⵇⵉⵎⵉⵏ ⴷ ⵜⴳⵔⴰⵡⵉⵏ: ⵜⴰⵙⵇⵇⵉⵎⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉ ⵉⴱⵕⵍⴰⵎⴰⵏⵉⵢⵏ, ⴰⵏⵎⵓⵇⴰⵔ ⵏ ⵜⵎⵖⴰⵔⵉⵏ ⵜⵉⴱⵕⵍⴰⵎⴰⵏⵉⵢⵉⵏ, ⴰⵏⵎⵓⵇⴰⵔ ⵏ ⵉⴱⵕⵍⴰⵎⴰⵏⵉⵢⵏ ⵉⵄⵔⵔⵉⵎⵏ ⵏ ⵜⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ, ⵜⴰⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⵓⴳⵎⵎⵓⴹ ⴰⵏⴰⵎⵎⴰⵙ, ⵜⴰⵙⵇⵇⵉⵎⵜ ⵏ ⵓⵙⴷⵓⵙ ⵏ ⵓⵡⵇⵔ ⵏ ⵓⵙⵍⴳⵏ ⴰⴳⵔⴰⵖⵍⴰⵏ ⴰⵏⴼⴳⴰⵏ.
ⵜⴷⵔⵓ ⵎⴰⵙⵙⴰ ⵜⴰⵎⴰⵔⵉⵜ ⵃⴰⵢⴰⵜ ⴱⵓⴼⵕⴰⵛⵏ ⵙⴳ ⵓⵙⵇⵇⵉⵎ ⵏ ⵉⵎⵓⵔⴰ ⴰⵎⵖⵔⵉⴱⵉ ⴳ ⵓⴳⵔⴰⵡ ⵏ ⵜⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⵓⵙⵙⴰⵏ ⵏ 24 ⴷ 25 ⵎⴰⵢⵢⵓ. ⵔⴰⴷ ⵜⵙⴰⵡⵍ ⵜⵙⵓⵜⵍⵜ ⵜⵉⵙ 142 ⴼ ⵜⵎⵙⴰⵔⵉⵏ ⵙⵜⴰⵡⵀⵎⵎⴰⵏⵉⵏ ⴰⵎ: ⵜⵉⵍⴰⵍⵜ ⵏ ⵉⴱⵕⵍⴰⵎⴰⵏⵏ ⴳ ⵓⵙⴱⴷⴷⵉ ⵏ ⵉⴷⵔⵉⵣⵏ ⵏ ⵓⴱⴰⵢⵢⵓⵕ ⵏ ⴽⵓⵕⵓⵏⴰ, ⵜⵉⵙⵜⵔⴰⵜⵉⵊⵉⵢⵏ ⵏ ⵉⴱⵕⵍⴰⵎⴰⵏⵏ ⴳ ⵓⵙⴷⵓⵙ ⵏ ⵜⵏⴼⵔⵓⵜ ⴷ ⵓⴼⵔⴰ ⴳ ⵓⵙⴱⴷⴷⵉ ⵏ ⵉⵙⴷⵓⴷⴷⵉⵢⵏ ⴷ ⵜⵎⴰⵖⵉⵏ ⵣⴷⵉⵏⵉⵏ ⴷ ⵜⵎⵓⴽⵔⵉⵙⵉⵏ ⵏ ⵓⵏⵣⵡⵉ, ⴰⵙⵎⴰⵜⴰ ⵏ “ⵜⵎⵓⵟⵟⵓⵏⵜ” ⴷ ⵜⴷⵎⵙⴰ ⵜⴰⵥⴰⵢⴰⵕⵜ ⵉ ⵓⵙⴽⵔ ⵏ ⵜⴳⵎⵉ ⵜⴰⵙⵓⵍⴰⵏⵜ.
ⵜⵙⵎⵓⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ 179 ⵏ ⵓⴱⵕⵍⴰⵎⴰⵏ ⴰⴳⵎⴰⵎ ⴷ 13 ⵏ ⵓⴳⵎⴰⵎ ⵉⵍⵍⴰⵏ, ⵜⵎⵎⴰⵖ ⴼ ⵓⴼⵔⴰⴳ ⵏ ⵜⴷⵉⵎⵓⵇⵔⴰⵟⵉⵜ ⵜⴰⵎⴰⴹⵍⴰⵏⵜ ⵙ ⵜⵓⴳⴳⴰⵙ ⵏ ⵓⵎⵙⴰⵡⴰⵍ ⴰⵙⵔⵜⴰⵏ ⴷ ⵜⵡⵓⵔⵉⵡⵉⵏ ⴼⴰⵡⵏⵉⵏ, ⴰⵔ ⵜⵙⵡⵓⵔⵉ ⴰⴽⴷ ⵜⵎⵜⵜⴰ ⵎⵓⵏⵏⵉⵏ ⴷ ⵜⵎⴰⴷⴷⴰⵙⵉⵏ ⵍⵍⵉ ⴷ ⵜⴷⵔⵓ ⵉⵡⵜⵜⴰⵙⵏ.