ⴰⵙⵙ ⵏ ⵜⵖⵔⵉ ⵍⵍⵉ ⵜⵙⵏⵎⴰⵍⴰ ⵜⵙⵇⵇⵉⵎⵜ ⵏ ⵜⵣⵔⴼⵜ ⴼ: “ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵍⵎⵖⵔⵉⴱ ⴷ ⵜⵏⴰⵥⴰⵕⵉⵏ ⵏ ⵜⵎⵙⴰⵔⵉⵏ ⵜⵉⵎⴰⵢⵏⵓⵜⵉⵏ”

ⵜⵙⵏⵎⴰⵍⴰ ⵜⵙⵇⵇⵉⵎⵜ ⵏ ⵜⵣⵔⴼⵜ ⴷ ⵓⵣⵣⵔⴰⴼ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⴷⵔⴼⵉⵢⵉⵏ ⴳ ⵓⵙⵇⵇⵉⵎ ⵏ ⵉⵎⵓⵔⴰ, ⵙ ⵜⴷⵔⴰⵡⵜ ⴷ ⵜⵎⴰⵡⴰⵙⵜ ⵏ ⵜⵣⵔⴼⵜ ⴷ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵙⵏⵓⵔⴰⵢⵜ ⵜⴰⵎⴰⵡⵙⴰⵙⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴰⵙⵙ ⵏ ⵜⵖⵔⵉ ⴼ: ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵍⵎⵖⵔⵉⴱ ⴷ ⵜⵏⴰⵥⴰⵕⵉⵏ ⵏ ⵜⵎⵙⴰⵔⵉⵏ ⵜⵉⵎⴰⵢⵏⵓⵜⵉⵏ, ⴰⴽⵕⴰⵙ 18 ⴷⵓⵊⴰⵏⴱⵉⵔ 2024 ⴳ ⵓⵙⵖⵉⵎ ⵏ ⵓⵙⵇⵇⵉⵎ. ⵙ ⵜⵉⵍⵉⵜ ⵏ ⵎⴰⵙⵙ ⵄⴰⴱⴷ ⵍⵍⴰⵟⵉⴼ ⵡⴰⵀⴱⵉ, ⴰⵎⴰⵡⵙⴰⵙ ⵏ ⵜⵣⵔⴼⵜ, ⵉⴳⵯⵏⵙⴰⵙⵏ ⵏ ⵜⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵉⵎⵔⵣⵓⵜⵏ, ⵉⴳⵯⵏⵙⴰⵙⵏ ⵏ ⵡⴰⵎⵓⵏ ⴰⵖⵔⵎⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵍⵎⵖⵔⵉⴱ. 

ⵉⵍⵍⴰ ⵓⵏⵏⵓⵕⵥⵎ ⵏ ⵓⵏⵎⵓⵇⵇⴰⵕ ⵙ ⵜⴳⵓⵔⵉ ⵏ ⵎⴰⵙⵙ ⵎⵓⵃⴰⵎⵎⴰⴷ ⵚⵚⴱⴱⴰⵕⵉ, ⴰⵎⴰⵔⵉ ⴰⵎⵣⵡⴰⵔⵓ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵉⵏⵏⴰ ⵎⴰⵙ ⵉⴼⵔⴽ ⵍⵎⵖⵔⵉⴱ ⵙ ⵜⵏⴰⵥⴰⵕⵉⵏ ⵜⵉⵎⴰⵢⵏⵓⵜⵉⵏ ⴷ ⵜⵎⵙⴰⵔⵉⵏ ⵜⵉⵎⴰⵢⵏⵓⵜⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵎⴰⵙ ⵜⵔⵎⵙ ⵜⵎⴰⵣⵉⵔⵜ ⵏⵏⵖ ⴳ ⵓⵙⵎⴽⵍ ⵏ ⵜⵎⵙⴰⵔⵉⵏ ⴷ ⵉⵙⵏⴼⵍⵏ ⴰⴷ ⴳⴰⵏⵉⵏ ⵉⵣⵔⴼⴰⵏⵏ. 

ⴷⴼⴼⵉⵔ, ⵜⵙⴰⵡⵍ ⵎⴰⵙⵙⴰ ⴼⴰⵟⵉⵎⴰ ⴱⵔⴽⴰⵏ, ⵜⴰⵎⴰⵔⴰⵜ ⵜⴰⵎⴰⵜⴰⵢⵜ ⵏ ⵜⵙⵏⵓⵔⴰⵢⵜ ⵜⴰⵎⴰⵡⵙⴰⵙⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵙ ⵉⵙⵎ ⵏ ⵓⵎⴰⵡⵙⴰⵙ ⵏⵜⵣⵔⴼⵜ,ⵜⵙⴷⴷⵉⴷ ⴰⵙⵖⵡⵏ ⵏ ⵍⵎⵖⵔⵉⴱ ⵙ ⵉⵣⵔⴼⴰⵏ ⵏ ⵓⴼⴳⴰⵏ ⴰⵢⵍⵍⵉ ⵉⴳⴰⵏ ⴰⵙⵜⴰⵢ ⴰⵙⵜⵔⴰⵜⵉⵊⵉ ⵏ ⵓⵡⴰⵏⴽ ⴷ ⵡⴰⵎⵓⵏ, ⴷ ⵜⵓⴳⴳⴰⵙ ⵏ ⵜⴳⵍⴷⵉⵜ ⵉ ⵓⵙⴷⵙⵓⵙ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵙ ⵓⴱⴷⴷⴰⴷ ⴼ ⵉⵙⵡⴰⵍⴰⵢⵏ ⵉⴳⵍⴷⴰⵏⵏ ⵉⵎⴰⵜⵜⵓⵢⵏ ⴷ ⵓⴷⵓⵙⵜⵓⵔ. ⵜⵉⵏⵉ ⵎⴰⵙ ⵍⵍⴰⵏⵜ ⵜⵎⵙⴰⵔⵉⵏ ⵜⵉⵎⴰⵢⵏⵓⵜⵉⵏ ⴰⵎ ⵜⴰⵉⴽⵏⵓⵍⵓⵊⵉⵜ ⵜⴰⵎⵓⵟⵟⵓⵏⵜ ⴷ ⵜⵖⵉⵙⵜ ⵜⴰⵎⴳⵓⵔⴰⵏⵜ ⴷ ⵜⵎⵙⴰⵔⵉⵏ ⵏ ⵡⴰⵡⵏⴰⴹ ⴷ ⵓⵏⵣⵡⵉ, ⴰⵢⵍⵍⵉ ⵉⴳⴰⵏ ⵜⴰⵏⴰⵥⴰⵕⵜ ⵜⴰⵙⵉⵍⴰⵏⵜ ⴷⴰⵜ ⵏ ⵉⵡⴰⵏⴽⵏ ⴷ ⵜⵎⵔⵙⴰⵍ ⵉ ⵓⴼⵔⴰⴳ ⵏ ⵉⵣⵔⴼⴰⵏ ⴷ ⵜⴷⵔⴼⵉⵡⵉⵏ, ⵜⵙⵎⴷ ⵙ ⵓⵙⴷⴷⵉⴷ ⵎⴰⵙ ⴷ ⴰⴼⵔⴰⴳ ⵏ ⵉⵣⵔⴼⴰⵏ ⵏ ⵉⵏⵎⵓⵔⴰⵏ ⴷ ⵜⵣⵣⵉⴳⵙⵜ ⵏ ⵜⵖⵏⵙⴰ ⵉ ⵓⵙⵙⵕⵚⵓ ⵏ ⵜⴷⵍⵙⴰ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉⴳⴰ ⴰⵜⵉⴳⵏ ⵜⵜⵓⵎⵙⴼⵓⵥⵥⵕⵏⵉⵏ ⴳ ⵡⴰⵎⵓⵏ ⴰⵎⵖⵔⵉⴱⵉ. 

ⵙ ⵉⵙⵎ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵉⵙⴰⵡⵍ ⵎⴰⵙⵙ ⵎⵓⵃⴰⵎⵎⴰⴷ ⵍⵀⴰⵛⵎⵉ ⴼ ⵡⴰⵎⵎⴰⴽ ⴰⵎⴰⵢⵏⵓ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⵛⵛⵉⵍ ⵏ ⵓⴼⵔⴰⴳ ⵏ ⵜⵎⵙⴽⵔⵜ ⵏ ⵍⵎⵖⵔⵉⴱ ⴳ ⵉⴳⵔⴰⵏ ⵏ ⵉⵣⵔⴼⴰⵏ ⵏ ⵜⴰⵙⵓⵜⵉⵏ ⵣⵔⵉⵏⵉⵏ, ⵖⵎⴽ ⴰⵏⵏ ⴷ ⵡⴰⵜⵉⴳ ⵏ ⵉⵥⵉⵕ ⵏ ⵜⵎⵙⴰⵔⵉⵏ ⵜⵉⵎⴰⵢⵏⵓⵜⵉⵏ ⴷ ⵜⵏⴰⵥⴰⵕⵉⵏ ⵏⵏⵙⵏ ⴳ ⵉⵙⵡⵉⵔⵏ ⴰⵏⴰⵎⵓⵔ ⴷ ⵓⴳⵔⴰⵖⵍⴰⵏ. 

ⵙ ⵉⵙⵎ ⵏ ⵜⵙⵇⵇⵉⵎⵜ ⵏ ⵜⵣⵔⴼⵜ ⴷ ⵓⵣⵣⵔⴰⴼ ⴷ ⵉⵣⵔⴼⴰⵏ ⵏ ⵓⴼⴳⴰⵏ, ⵉⵙⴰⵡⵍ ⵎⴰⵙⵙ ⵎⵓⵃⴰⵎⵎⴰⴷ ⴱⴰⵄⵣⵉⵣ, ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ, ⵉⵙⵙⴽⵯⵜⵉ ⴷ ⴰⵜⵉⴳ ⵏ ⵓⵙⵏⵜⵍ ⴷ ⵉⵡⵜⵜⴰⵙⵏ ⵏⵏⵙ ⴷ ⵓⵎⵏⴰⴹ ⵏⵏⵙ, ⴷ ⵡⴰⵜⵉⴳ ⵏ ⵜⴰⵙⵓⵜ ⵜⴰⵎⴰⵢⵏⵓⵜ ⴳ ⵉⵣⵔⴼⴰⵏ ⵏ ⵓⴼⴳⴰⵏ, ⵙⵍⴰⵡⴰⵏ ⴰⴽⴽⵯ ⴷⴼⴼⵉⵔ ⵏ ⵉⵙⵏⴼⵍⵏ ⵏ ⵡⴰⵎⵓⵏⵏ ⴷ ⵉⵡⴰⵏⴽⵏ, ⴷ ⵜⵣⴷⴰⵢⵉⵏ ⵊⴰⵔ ⵎⴰⵕⵕⴰ ⵜⵉⵎⵔⵙⴰⵍ ⵜⵉⵏⴰⵎⵓⵔⵉⵏ ⴷ ⵜⴳⵔⴰⵖⵏⴰⵏⵉⵏ, ⴳ ⵓⵎⴰⵍⴰ ⵏ ⵜⵣⵣⵉⴳⵣⵉⵏ ⵏ ⵜⵜⵉⴽⵏⵓⵍⵓⵊⵉⵢⴰ ⵜⴰⵜⵔⴰⵔⵜ ⴷ ⵉⴷⵔⵉⵣⵏ ⵏⵏⵙ ⴼ ⵉⵡⴷⴰⵏ ⴷ ⵡⴰⵎⵓⵏⵏ. 

ⵢⵓⵎⴰ ⵡⴰⵙⵙ ⴰⴷ ⵜⵉⵖⵉⵎⵉⵜⵉⵏ ⵜⵉⵎⴰⵙⵙⴰⵏⵉⵏ: 

ⵜⵉⵖⵉⵎⵉⵜ ⵜⴰⵎⴰⵙⵙⴰⵏⵜ ⵜⴰⵎⵣⵡⴰⵔⵓⵜ: 

- “ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵏⴰⵥⴰⵕⵉⵏ ⵏ ⵜⵖⵉⵙⵜ ⵜⴰⵎⴳⵓⵔⴰⵏⵜ”, ⵎⴰⵙⵙ ⵄⴰⴱⴷ ⵍⵃⵍⵉⵎⵉ, ⴰⵎⴰⵔⵉ ⵏ ⵎⴰⵙⵙ ⵀⵉⵛⴰⵎ ⵎⴰⵍⴰⵟ, ⴰⵏⵎⵖⴰⵍ ⵏ ⵜⵖⴰⵡⵙⵉⵡⵉⵏ ⵜⵉⵏⴱⴽⴰⴹⵉⵏ ⴷ ⵓⵙⵓⵔⴼ ⴷ ⵜⵉⴹⴰⴼ ⵏ ⵓⴱⴽⴽⴰⴹ ⴳ ⵜⵎⴰⵡⴰⵙⵜ ⵏ ⵜⵣⵔⴼⵜ; 

- “ⵜⵉⵍⴰⵍⵜⵏ ⵏ ⵜⵏⵙⵙⵉⵅⴼⵜ ⵜⴰⵎⴰⵜⴰⵢⵜ ⴳ ⵓⴼⵔⴰⴳ ⵏ ⵉⵣⵔⴼⴰⵏ ⴷ ⵜⴷⵔⴼⵉⵡⵉⵏ ⴳ ⵓⵎⴰⵍⵓ ⵏ ⵜⵏⴰⵥⴰⵕⵉⵏ ⵏ ⵜⵎⵙⴰⵔⵉⵏ ⵜⵉⵎⴰⵢⵏⵓⵜⵉⵏ”, ⵎⴰⵙⵙ ⵎⵓⵃⵎⵎⴰⴷ ⵍⴱⵇⵇⴰⵍⵉ, ⵙⴳ ⵜⵏⵙⵙⵉⵅⴼⵜ ⵏ ⵜⵎⵓⵔⴰ ⵜⴰⵎⴰⵜⴰⵢⵜ; 

- “ⵜⵉⵎⵙⴰⵔⵉⵏ ⵜⵉⵎⴰⵢⵏⵓⵜⵉⵏ ⴳ ⵢⵉⴳⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ: ⵜⵉⵎⵢⴰⴷⴰⵙⵉⵏ ⴷ ⵜⵏⴰⵥⴰⵕⵉⵏ ⵏ ⵓⵙⵓⵊⴷ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ”, ⵎⴰⵙⵙ ⴰⵃⵎⴰⴷ ⴰⵊⵄⵓⵏ ⴰⵏⴱⴷⴰⴷ ⵏ ⵜⵖⵉⵡⴰⵏⵜ ⵏ ⵜⵎⴰⵙⵙⴰⵏⵉⵏ ⵜⵉⵣⵔⴼⴰⵏⵉⵏ ⴷ ⵜⵙⵔⵜⴰⵏⵉⵏ ⴳ ⵍⵇⴱⵏⴹⵕⵟ; 

- “ⵜⴰⵎⵢⴰⴷⴰⵙⵜ ⵉⴱⴷⴷⵏ ⴼ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⴰⴽⵛⵛⵓⵎ ⵏ ⵓⵙⴱⴷⴷⵉ ⵏ ⵜⵏⴰⵥⴰⵕⵉⵏ ⵏ ⵜⵎⵙⴰⵔⵉⵏ ⵜⵉⵎⴰⵢⵏⵓⵜⵉⵏ”, ⵎⴰⵙⵙ ⵎⵓⵃⴰⵎⵎⴰⴷ ⵍⵀⴰⵛⵎⵉ ⵙⴳ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ;

- ⵜⵉⵏⴰⵥⴰⵕⵉⵏ ⵜⵉⵎⴰⵢⵏⵓⵜⵉⵏ ⵏ ⵉⵣⵔⴼⴰⵏ ⴳ ⵓⵎⴰⴹⵍ ⴰⵎⵓⵟⵟⵓⵏ, ⵎⴰⵙⵙ ⴰⵎⵉⵏ ⵎⵓⵏⵉⵔ ⵍⵄⴰⵍⴰⵡⵉ, ⵙⴳ ⵓⵙⵇⵇⵉⵎ ⴰⴷⵎⵙⴰⵏ ⴷ ⵓⵏⴰⵎⵓⵏ ⴷ ⵓⵡⵏⴹⴰⵏ. 

ⵜⵉⵖⵉⵎⵉⵜ ⵜⴰⵎⴰⵙⵙⴰⵏⵜ  ⵜⵉⵙ ⵙⵏⴰⵜ: 

- "ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵎⵙⴰⵔⵉⵏ ⵜⵉⵎⴰⵢⵏⵓⵜⵉⵏ, ⵜⵉⵖⵔⵉ ⴳ ⵜⵎⵢⴰⴷⴰⵙⵜ ⵏ ⵓⵏⵢⴰⵍⴽⴰⵎ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵉⵎⴰⵙⵙⵏ ⵏ ⵜⵎⵜⵜⴰ ⵎⵓⵏⵏⵉⵏ ⵉ ⵉⵣⵔⴼⴰⵏ ⵏ ⵓⴼⴳⴰⵏ", ⵎⴰⵙⵙⴰ ⴼⴰⵟⵉⵎⴰ ⴰⴱⵔⴽⴰ, ⵜⴰⵎⴰⵔⴰⵜ ⵜⴰⵎⴰⵜⴰⵢⵜ ⵏ ⵜⵙⵏⵓⵔⴰⵢⵜ ⵜⴰⵎⴰⵡⵙⴰⵙⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ;

- “ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵙⴱⴷⴷⵉ ⵏ ⵜⵏⴰⵥⴰⵕⵉⵏ ⵜⵉⵎⵓⵟⵟⵓⵏⵉⵏ ⴷ ⵜⵖⵉⵙⵜ ⵜⴰⵎⴳⵓⵔⴰⵏⵜ”, ⵎⴰⵙⵙ ⵄⴰⴱⴷ ⵍⵃⴰⴼⵉⴹ ⵉⴷⵎⵉⵏⵓ, ⴰⵙⵍⵎⴰⴷ ⵏ ⵓⵙⵙⵍⵎⴷ ⴰⵎⴰⵜⵜⵓⵢ ⴳ ⵜⵖⵉⵡⴰⵏⵜ ⵏ ⵜⵎⴰⵙⵙⴰⵏⵉⵏ ⵜⵉⵣⵔⴼⴰⵏⵉⵏ ⴷ ⵜⴷⵎⵙⴰⵏⵉⵏ ⴷ ⵜⵏⴰⵎⵓⵏⵉⵏ, ⵙⵙⵡⵉⵙⵉ, ⵕⵕⴱⴰⵟ ; 

-“ ⵜⵉⵏⴰⵥⴰⵕⵉⵏ ⵏ ⵉⵣⵔⴼⴰⵏ ⵉⵎⵓⵟⵟⵓⵏⵏ ⴷ ⵓⴷⵔⵉⵣ ⴼ ⵜⵉⵕⵡⵉ ⵏ ⵉⵣⵔⴼⴰⵏ ⵏ ⵓⴼⴳⴰⵏ”, ⵎⴰⵙⵙⴰ ⵏⴰⵊⵡⴰ ⴰⵛⵔⴽⵉ ⵙⴳⵜ ⵎⵔⵙⵍⵜ ⵏ ⵓⵎⴰⵣⵣⴰⵍ ⵏ ⵜⴳⵍⴷⵉⵜ; 

- “ⴰⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⴷⵔⴼⵉⵡⵉⵏ ⴳ ⵍⵎⵖⵔⵉⴱ ⵜⴰⵔⵙⵍⵜ ⵏ ⵜⴳⵎⵉ ⴷ ⵜⴷⵉⵎⵓⵇⵔⴰⵟⵉⵜ”, ⵎⴰⵙⵙ ⵄⵓⵜⵎⴰⵏ ⵏⵓⵔⴰⵡⵉ, ⴰⵏⵎⵀⴰⵍ ⵏ ⵓⵙⵉⵏⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉⴹⴼⵕⵏ ⵜⴰⵎⵙⵎⵓⵏⵜ ⵏ ⵜⴳⵔⴰⵡⵉⵏ ⵏ ⵉⵎⴰⵙⵜⴰⵏⵏ ⴳ ⵍⵎⵖⵔⵉⴱ; 

- “ⴰⵣⵡⴰⴳ ⴷ ⵉⵣⵔⴼⴰⵏ ⵏ ⵓⴼⴳⴰⵏ”, ⵎⴰⵙⵙ ⵃⴰⵙⴰⵏ ⵉⴷⵔⵉⵙⵉ, ⴰⵏⵙⵙⵉⵅⴼ ⵏ ⵜⵎⴰⴷⴷⴰⵙⵜ ⵜⴰⵎⵖⵔⵉⴱⵉⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ. 

ⵉⵍⵍⴰ ⵓⵎⴹⴰⴽⴰⵕ ⴼ ⵜⵓⵎⴰⵢⵉⵏ ⵏ ⵜⵏⴰⵥⴰⵕⵉⵏ ⵜⵉⵎⴰⵢⵏⵓⵜⵉⵏ ⴷ ⵜⵏⴰⵥⴰⵕⵉⵏ ⴷⴰⵜ ⵏ ⵡⴰⵎⵎⴰⴽⵏ ⵉⵣⵔⴼⴰⵏⵏ ⴷ ⵜⵥⵍⴰⵢⵉⵏ ⵏⵏⵙⵏⵜ ⵜⵉⵎⴰⴹⵍⴰⵏⵉⵏ, ⵢⵉⵍⵉ ⵓⵙⵎⵏⵉⴷ ⵏ ⵉⵙⵖⵍⴰⴼ ⴷ ⵜⵓⵜⵔⴰⵡⵉⵏ ⵃⵎⴰ ⴰⴷ ⵢⴰⵍⵍ ⵍⵎⵖⵔⵉⴱ ⵜⴰⵏⴰⵥⴰⵕⵜ ⴰⴷ ⵏ ⵜⵣⵣⵉⴳⵣⵉⵏⵉ ⵜⵉⵏⴰⵎⵓⵏⵉⵏ ⴷ ⵜⴻⵜⵉⵇⵏⵉⵢⵉⵏ ⴳ ⵉⵙⵡⵉⵔⵏ ⴰⵏⴰⵎⵓⵔ ⴷ ⵓⴳⵔⴰⵖⵍⴰⵏ. 

ⵢⵉⵡⵉ ⵓⵏⵎⵓⵇⵇⴰⵔ ⴰⴷ ⴰⵅⵎⵎⴻⵎ ⵏ ⵉⵎⵔⵣⵓⵜⵏ ⵍⵍⵉ ⵜ ⴹⴼⵕⵏⵉⵏ ⴷ ⵓⵎⴹⴰⴽⴰⵕ ⵏⵏⵙ ⵙ ⵉⵙⵇⵙⵉⵜⵏ ⴷ ⵜⴰⵏⵏⴰⵢⵢⵉⵏ ⴷ ⵉⵙⵖⵍⴰⴼ.