ⵜⴰⴳⵓⵔⵉ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵓⵕⵥⵥⵓⵎ ⵏ ⵡⴰⵙⵙ ⵏ ⵜⵖⵔⵉ ⴼ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵏⴰⵥⴰⵕⵉⵏ ⵏ ⵜⵎⵙⴰⵔⵉⵏ ⵜⵉⵎⴰⵢⵏⵓⵜⵉⵏ

ⵉⵙⵏⵎⴰⵍⴰ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵕⴰⵙ 18 ⴷⵓⵊⴰⵏⴱⵉⵔ 2024 ⴳ ⵓⵙⵖⵉⵎ ⵏ ⵓⵙⵇⵇⵉⵎ ⴳ ⵕⵕⴱⴰⵟ, ⵙ ⵜⴷⵔⴰⵡⵜ ⴷ ⵜⵎⴰⵡⴰⵙⵜ ⵏ ⵜⵣⵔⴼⵜ ⴷ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵙⵏⵓⵔⴰⵢⵜ ⵉⵜⵜⵓⵙⵎⴰⴳⴰⵍⵏ ⵙ ⵉⵣⵔⴼⴰⵏ ⵏ ⵓⴼⴳⴰⵏ, ⴰⵙⵙ ⵏ ⵜⵖⵔⵉ ⴼ: ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵍⵎⵖⵔⵉⴱ ⴷ ⵜⵏⴰⵥⴰⵕⵉⵏ ⵏ ⵜⵎⵙⴰⵔⵉⵏ ⵜⵉⵎⴰⵢⵏⵓⵜⵉⵏ.

ⵙ ⵜⵎⵍⴷⴰ, ⵉⵙⵎⵏⵉⴷ ⵎⴰⵙⵙ ⵎⵓⵃⴰⵎⵎⴰⴷ ⵚⵚⴱⴱⴰⵕⵉ, ⴰⵎⴰⵔⵉ ⵏ ⵓⵏⵙⵙⵉⵅⴼ, ⵜⴰⴳⵓⵔⵉ ⴰⴷ ⵙ ⵉⵙⵎ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ.

ⵙ ⵉⵙⵎ ⵏ ⵕⴱⴱⵉ ⴷ ⵜⵥⴰⵍⵍⵉⵜ ⴷ ⵓⴼⵔⴰ ⴼ ⵓⵕⵇⵇⴰⵚ ⵏⵏⵙ

* ⵎⴰⵙⵙ ⴰⵎⴰⵡⵙⴰⵙ ⵏ ⵜⵣⵔⴼⵜ;

* ⵎⴰⵙⵙⴰ ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ;

* ⵎⴰⵙⵙ ⴰⵏⵙⵙⵉⵅⴼ ⵏ ⵜⵣⵔⴼⵜ ⴷ ⵓⵣⵣⵔⴰⴼ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⴷⵔⴼⵉⵢⵉⵏ;

* ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ;

ⵉⴳⴰ ⵉⵢⵉ ⵜⵓⵎⵔⵜ ⴷ ⵡⴰⴷⴷⵓⵔ ⴰⴷ ⵕⵥⵎⵖ ⴰⵙⵙ ⴰⴷ ⵏ ⵜⵖⵔⵉ, ⵉⴳⴰⵏ ⴰⵣⵔⴼⴰⵏ ⴷ ⵓⵎⴰⵙⵙⴰⵏ ⴷ ⵡⵉⵏ ⵓⵙⵡⵉⵏⴳⵎ, ⴼ ⵓⵙⵏⵜⵍ ⴰⵎⴰⵢⵏⵓ ⴳ ⵓⵙⵡⵉⵔ ⵏ ⵜⴷⵍⵙⴰ ⵜⴰⵣⵔⴼⴰⵏⵜ ⴳ ⵍⵎⵖⵔⵉⴱ ⴷ ⵓⵎⴰⴹⴰⵍ.

ⴷⴰⵜ ⵏ ⵡⴰⵎⵓⵏ ⴰⵣⵔⴼⴰⵏ ⴷ ⵓⵣⵣⵔⴰⴼ ⴳ ⵜⵎⴰⵣⵉⵔⵜ ⵏⵏⵛ ⵜⵉⵏⴰⵥⴰⵕⵉⵏ ⴷ ⵜⵎⴰⵙⴰⵢⵉⵏ ⵜⵉⵎⴰⵢⵏⵓⵜⵉⵏ. ⴰⵔ ⵙⴰⵡⴰⵍⵖ ⴼ ⵓⵙⵏⵜⵍ ⵏ ⵓⵎⵓⵙⵙⵓ ⴰⴷ ⵍⵍⵉ ⵏⵙⵏⵎⴰⵍⴰ ⴳ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵓⵙⴰⵜⵉ ⵏ ⵜⵡⵓⵔⵉ ⵏ ⵜⵙⵇⵇⵉⵎⵜ ⵏ ⵜⵣⵔⴼⵜ ⴷ ⵓⵣⵣⵔⴰⴼ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⴷⵔⴼⵉⵢⵉⵏ, ⵍⵍⵉ ⵜ ⵉⴳⴰⵏ: ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵍⵎⵖⵔⵉⴱ ⴷ ⵜⵏⴰⵥⴰⵕⵉⵏ ⵜⵎⵙⴰⵔⵉⵏ ⵜⵉⵎⴰⵢⵏⵓⵜⵉⵏ, ⵙ ⵜⴷⵔⴰⵡⵜ ⴷ ⵜⵎⴰⵡⴰⵙⵜ ⵏ ⵜⵣⵔⴼⵜ ⴷ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵜⵙⵏⵓⵔⴰⵢⵜ ⵜⴰⵎⴰⵡⴰⵙⴰⵙⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ. 

ⵜⴳⴰ ⵜⵎⵙⴰⵔⵜ ⵜⴰⵣⵔⴼⴰⵏⵜ ⵜⴰⵢⵢⴰⴼⵓⵜ ⵏ ⵓⵙⵡⵉⵏⴳⵎ ⴰⵏⴼⴳⴰⵏ ⴰⵜⵔⴰⵔ, ⵙⴳ ⵓⵙⵉⵡⴹ ⴰⵎⴰⴹⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵍⵍⵉ ⵉⵙⵖⵣⵏ ⵓⴳⵔⴰⵡ ⴰⵎⴰⵜⴰⵢ ⵏ ⵜⵎⵜⵜⴰ ⵎⵓⵏⵏⵉⵏ ⴳ ⴱⴰⵔⵉⵣ ⴳ 10 ⴷⵓⵊⴰⵏⴱⵉⵔ 1948, ⵉⴳ ⵜⴰⵜⴳⴰⵔⵜ ⵜⴰⵎⵣⵔⴰⵢⵜ ⵜⴰⴷⵙⵍⴰⵏⵜ, ⴳ ⵓⵎⵣⵔⵓⵢ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵓⵙⵎⴰⵢⵏⵓ ⴰⵏⴼⴳⴰⵏ ⴰⵎⴰⵢⵏⵓ ⵅⴼ ⵓⴷⵖⴰⵔ ⴷ ⵡⴰⵜⵉⴳ ⴷ ⵓⴷⴷⵓⵔ ⵏ ⵓⴼⴳⴰⵏ ⴳ ⵓⵎⴰⴹⴰⵍ ⵏⵏⵖ. ⵙ ⵖⵎⴽ ⴰⵏⵏ ⴰⴼ ⵜⵙⵎⵓⵙⵙ ⵜⵎⴰⴷⴷⴰⵙⵜ ⵏ ⵜⵎⵜⵜⴰ ⵎⵓⵏⵏⵉⵏ, ⴳ ⵜⵣⵡⵉⵔⵉ ⵏⵏⵙ, ⴽⵉⴳⴰⵏ ⵏ ⵉⵎⵓⵣⴰⵢⵏ ⵙⴳ ⵉⴳⵔⴰⵏ ⵉⵣⵔⴼⴰⵏⵏ ⴷ ⵡⵉⵏ ⵓⵙⵡⵉⵏⴳⵎ ⴷ ⵉⴷⵍⵙⴰⵏⵏ ⵉ ⵜⵉⵔⵔⴰ ⵏ ⵓⴹⵕⵉⵚ ⴰⵎⵙⴽⴰⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵍⵍⵉ ⵉⴳⴰⵏ ⴰⵔ ⵖⵉⵍⴰⴷ ⴰⵙⵖⵍ ⴷ ⵓⵙⴰⴳⵓⵍ ⵉⵛⵛⴰⵔⵏ ⵉⵙⵎⵓⵏⵏ ⵉⵡⴰⵏⴽⵏ ⴷ ⵉⵎⴰⴷⴰⵏⵏ ⴼⵔⴽⵏⵉⵏ ⵙ ⵓⴼⴳⴰⵏ ⵉⴳⴰⵏ ⴰⵜⵉⴳ ⴰⵏⴰⵎⵎⴰⵙ ⵍⵍⵉ ⴷ ⵉⵇⵇⴰⵏ ⵓⴼⵔⴰⴳ ⴰⵏⴰⵎⵓⵔ ⴷ ⵓⵎⴰⴹⵍⴰⵏ. ⵖⵎⴽ ⵍⵍⵉ ⵢⴰⴽⴽⴰ ⵓⵙⵡⵉⴹ ⴰⵎⴰⴹⵍⴰⵏ ⵜⴰⵙⵉⵍⴰ ⵉⵙⵎⵓⵏⵏ ⴰⴼⴳⴰⵏ, ⵙ ⵢⴰⵜ ⵜⵓⵡⵊⴰ ⵉⵟⵟⴰⴼⵏ ⵉⵣⵔⴼⴰⵏ ⵏⵏⵙ ⴱⴷⴷⵏⵉⵏ ⴼ ⵜⵍⴻⵍⵍⵉ ⴷ ⵜⵣⵔⴼⵜ ⴷ ⵓⵙⵓⵎⵓ  ⴷⵓⴼⵔⴰ. 

ⴳⵓⵙⵡⴰⵍⴰ ⴰⴷ, ⵉⵣⵣⵉⴳⵣ ⵓⵏⴳⵔⴰⵡ ⴰⴳⵔⴰⵖⵍⴰⵏ, ⴳ ⵓⵙⴰⵜⵉ ⵏ ⵜⵎⵜⵜⴰ ⵎⵓⵏⵏⵉⵏ ⵏⵖ ⵉⵙⵇⵇⵉⵎⵏ ⴷ ⵜⵎⴰⴷⴷⴰⵙⵉⵏ ⵜⵉⵣⵔⴼⴰⵏⵉⵏ ⵜⵉⴳⵔⴰⵖⵍⴰⵏⵉⵏ, ⴰⵙⵔⵙ ⵏ ⵉⵙⴰⵜⵉⵢⵏ ⴷⵓⵙⴰⵏⵉⵏ ⴷ ⵓⵛⵛⵉⵍⵏ ⵉ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵓⵙⴱⵓⵖⵍⵓ ⵏ ⵜⴷⵍⵙⴰ ⵏⵏⵙ ⴷ ⵓⵚⴽⵓ ⵏ ⵡⴰⵎⵎⴰⴽⵏ ⵏⵏⵙ ⵉⵎⴰⵢⵏⵓⵜⵏ. ⴰⵢⵍⵍⵉⵖ ⵏⵍⴽⵎ ⵖⵉⵍⴰⴷ ⵜⴰⵙⵓⵜⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵙⵍⴰⵡⴰⵏ ⴰⴽⴽⵯ ⵜⴰⵙⵓⵜ ⵜⴰⵎⵣⵡⴰⵔⵓⵜ ⴷ ⵜⵉⵙ ⵙⵏⴰⵜ ⵍⵍⵉ ⴼ ⵉⵙⴰⵡⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵃⴼⴹ ⵕⴱⴱⵉ, ⵜⴱⵔⴰⵜ ⵏⵏⵙ ⵜⴰⵎⴰⵜⵜⵓⵢⵜ ⵍⵍⵉ ⵢⵓⵣⵏ ⵉ ⵓⵏⵎⵓⵇⵇⴰⵕ ⴰⵎⴰⴹⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵍⵍⵉ ⵉⵜⵜⵓⵙⵏⵎⴰⵍⴰⵏ ⴳ ⵡⴰⵎⵓⵔ ⵏ ⵡⴰⴽⵓⵛ ⴰⵙⵙ ⵏ 27 ⵏⵓⵡⴰⵏⴱⵉⵔ 2014, ⵍⵍⵉⵖ ⵉⵏⵏⴰ ⴱⴰⴱ ⵏ ⵡⴰⴷⵓⵔ: “ⵉⵖ ⵟⵟⴰⴼ ⵜⴰⵙⵓⵜ ⵜⴰⵎⵣⵡⴰⵔⵓⵜ ⴷ ⵜⵉⵙ ⵙⵏⴰⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴰⴷⵖⴰⵔ ⵏⵏⵙ ⵓⴽⴰⵏ ⵙⵓⵍ, ⵀⴰⵜⵉ ⵍⵍⴰⵏ ⵉⵙⵏⵜⵍⵏ ⵉⵎⴰⵢⵏⵓⵜⵏ ⴰⵎ ⴰⴼⵔⴰⴳ ⵏ ⵉⵣⵔⴼⴰⵏ ⵏ ⵉⵡⵙⵙⴰⵔⵏ, ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵣⵎⵣ ⴰⵎⵓⵟⵟⵓⵏ, ⴷ ⵜⵎⵙⵙⵏⵜⴰⵢⵜ ⴷ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵓⵙⵖⵔⵜ ⴰⵣⵔⴼⴰⵏ ⵏ ⵉⵎⵣⵍⴰⴹ, ⴷ ⵜⵉⵍⵉⵜ ⵏ ⵉⵣⵔⴼⴰⵏ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ ⴷⴰⵜ ⵏ ⵓⵚⵕⴰⴹ” (ⵉⵙⵎⴷ ⵡⴰⵡⴰⵍ ⵏ ⴱⴰⴱ ⵏ ⵡⴰⴷⴷⵓⵔ). 

ⴰⵎⵓⵏ ⴰⵣⵔⴼⴰ ⴰⴳⵔⴰⵖⵍⴰⵏ ⴷ ⵡⴰⵎⵓⵏ ⴰⵣⵔⴼⴰⵏ ⴰⵏⴰⵎⵓⵔ ⴳ ⵜⵎⴰⵣⵉⵔ ⵜⵏⵏⵖ, ⵓⵔ ⵉⴼⵍ ⴰⵡⴷ ⴽⵔⴰ ⵏ ⵉⴳⵔ ⵙⴳ ⵉⴳⵔⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵏⵏⴰ ⵓⵔ ⵉⵙⵎⴽⵍ ⵙ ⵉⵣⵣⵔⴰⴼⵏ ⴷ ⵜⵎⵢⴰⵇⵇⴰⵏⵉⵏ ⵜⵉⴳⵔⴰⵖⵍⴰⵏⵉⵏ ⵍⵍⵉ ⴷ ⵇⵇⴰⵏⵉⵏ ⴽⵓⵢⴰⵏ. ⵎⴰⵛⵛ ⵜⴰⵣⵣⵉⴳⵣ ⵏ ⵉⵙⵏⴼⵍⵏ ⵏ ⵓⵙⵡⵉⵏⴳⵎ ⴷ ⵜⴼⵍⵙⴰⴼⵜ ⴷ ⵜⵖⴰⵔⵉⵡⵉⵏ, ⴷ ⵉⵙⵏⴼⵍⵏ ⵏ ⵡⴰⵙⵙ ⴰⴷ, ⴰⵔ ⵙⵙⵔⵓⵙⵏ ⵜⵉⵏⴰⵥⴰⵕⵉⵏ ⵜⵉⵎⴰⵢⵏⵓⵜⵉⵏ ⴷ ⵜⵎⵙⴰⵔⵉⵏ ⵜⵉⵎⴰⵢⵏⵓⵜⵉⵏ ⵣⴷⵉⵏⵉⵏ ⴷ ⵉⵣⵔⴼⴰⵏ ⵏ ⵓⴼⴳⴰⵏ. ⵉⵇⵇⴰⵏ ⴼ ⵡⴰⵎⵓⵏ ⴰⵣⵔⴼⴰⵏ ⵜⵉⵎⴰⵙⵙⴰⵏⵉⵏ ⴷ ⵜⵎⵓⵣⴰⵢⵉⵏ ⵜⵉⵎⴰⵢⵏⵓⵜⵉⵏ , ⴷ ⵓⵙⴽⵔ ⵏ ⵜⴳⵓⵔⵉⵡⵉⵏ ⵜⵉⵎⴰⵢⵏⵓⵜⵉⵏ, ⴷ ⴽⵉⴳⴰⵏ ⵏ ⵓⵔⵣⵣⵓ ⴷ ⵓⵎⵙⴰⵡⴰⵍ, ⵙⵍⴰⵡⵏ ⴰⴽⴽⵯ ⴳ ⵓⵎⵢⴰⵡⴰⴹ ⴰⴽⴷ ⴰⵎⵎⴰⵙⵏ ⵉⵎⴰⵙⵙⴰⵏⵏ ⴷ ⵉⴽⴰⴷⵉⵎⵉⵢⵏ ⴷ ⵡⵉⵏ ⵓⵙⵡⵉⵏⴳⵎ ⴳ ⵜⵎⴰⵣⵉⵔⵜ ⵏⵏⵖ, ⵃⵎⴰ ⴰⴷ ⵏⵉⵥⴹⵉⵕ ⴰⴷ ⵏⵙⵙⵏ ⵉⵙⵏⴼⵍⵏ ⵉⵎⴰⵢⵏⵓⵜⵏ ⴷ ⵜⵎⵢⴰⴷⴰⵙⵉⵏ ⵜⵉⵎⴰⵢⵏⵓⵜⵉⵏ ⵍⵍⵉ ⵙⵉⴳⴳⵉⵍⵏ. 

ⵜⴰⵎⴰⵢⵜ ⵉ ⵕⴱⴱⵉ, ⴷⴰⵔⵏⵖ ⴰⴱⵓⵔⵣ ⵉⵖⵣⴰⵏⵏ ⵎⴰⵙ ⴷ ⵜⴰⵎⴰⵣⵉⵔⵜ ⵏⵏⵖ, ⵉⴳⴰ ⵜⴰⵡⵓⵔⵉ ⵏ ⵓⴳⵍⵍⵉⴷ ⵏⵏⵖ ⴰⴷ ⵜ ⵉⵃⴼⴹ ⵕⴱⴱⵉ ⴷ ⵜⵡⵉⵙⵉ ⵏⵏⵙ ⴰⴽⴷ ⴰⵎⵓⵏ ⴰⵣⵔⴼⴰⵏ ⴷ ⵜⵎⵔⵙⴰⵍ ⵍⵍⵉ ⵣⴷⵉⵏⵉⵏ ⴷ ⵢⵉⴳⵔ ⴰⵣⵔⴼⴰⵏ, ⵔⵎⵙⵏⵜ ⴳ ⵓⵙⵎⴽⵍ ⴰⴽⴷ ⵜⵉⵏⴰⵥⴰⵕⵉⵏ ⴰⴷ ⴷ ⵉⵙⵏⴼⵍⵏ ⴰⴷ ⵉⵣⵔⴼⴰⵏⵏ ⴳ ⵓⵎⴰⴹⴰⵍ, ⵙ ⵍⴰⵡⴰⵏ ⴰⴽⴽⵯ ⴳ ⵓⵎⴰⴹⴰⵍ ⴰⵄⵕⴰⴱ ⴷ ⵉⴼⵔⵉⵇⵢⴰ, ⵉⴳ ⵍⵎⵖⵔⵉⴱ ⴰⵏⴰⵡ ⴳ ⵓⵎⵏⵥⴰⵡ ⴷ ⵜⵙⴳⴰ ⵍⵍⵉ ⵢⵉⵡⵉⵏ ⴰⵅⵎⵎⴻⵎ ⴷ ⵜⴰⵢⵏⵉⵜ ⴷ ⵓⵙⵓⵜⴳ. 

ⵏⵥⵕⴰ ⵎⴰⵎⵏⴽ ⵜⵙⵎⴽⵍ ⵜⵎⴰⵣⵉⵔⵜ ⵏⵏⵖ ⵜⵉⵎⵙⴰⵔⵉⵏ ⵜⵉⵎⴰⵢⵏⵓⵜⵉⵏ ⴳ ⵢⵉⴳⵔ ⴰⵣⵔⴼⴰⵏ, ⴳ ⵎⴰⴷ ⵉⵥⵍⵉⵏ ⵙ ⵉⴷⵔⵉⵣⵏ ⵏ ⵉⵙⵏⴼⵍⵏ ⵉⵎⵓⵟⵟⵓⵏⵏ ⴷ ⵉⵎⵉⵣⵉⵜⵏ ⴷ ⵉⴷⵔⵉⵣⵏ ⴼ ⵉⵣⵔⴼⴰⵏ ⵏ ⵉⵡⴷⴰⵏ ⴷ ⵜⴳⵔⴰⵡⵉⵏ, ⴷ ⵉⴷⵔⵉⵣⵏ ⵏ ⵜⵖⵉⵙⵜ ⵜⴰⵎⴳⵓⵔⴰⵏⵜ ⴷ ⵉⴷⵔⵉⵣⵏ ⵏ ⵉⵏⵙⴼⵍⵏ ⵏ ⵓⵏⵣⵡⵉ ⴼ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵉⵣⵡⴰⴳⵏ ⵎⴳⴰⵍ ⵏ ⵓⵔⴳⴳⵉⴳ ⴷ ⵓⵙⵓⵏⴼⵓ ⴷ ⵡⴰⴷⴷⵓⵔ, ⴷ ⵓⵃⵓ ⵏ ⵜⵓⴷⵔⵜ ⴷ ⵉⵙⵓⵔⵙⵏ ⵉⵏⴰⵎⵓⵏⵏ ⴷ ⵉⴷⵎⵙⴰⵏⵏ, ⴷ ⵎⴰⴷ ⵉⵍⵍⴰⵏ ⴳ ⵓⵎⴰⴹⴰⵍ ⴳ ⵜⴰⵕⵥⵉⵡⵉⵏ ⴳ ⵜⵏⴼⴳⵓⵔⵉⵏ ⵏ ⵜⵙⵏⵉⵊⵊⵉⵜ ⴷ ⵜⵎⴳⵓⵔⵉ ⴷ ⵜⵡⴰⴼⵉⵜⵉⵏ ⴳⴰⵏⵉⵏ ⵎⴳⴰⵍ ⵏ ⵓⴼⴳⴰⵏ ⴷ ⵜⵉⵍⵉⵜ ⵏⵏⵙ ⴷ ⵜⵣⵣⵉⴳⵣⵜ ⵏⵏⵙ ⴳ ⵡⴰⴽⴰⵍ, ⴷ ⵜⵣⴷⴰⵢⵉⵏ ⵏ ⵜⵡⵓⵔⵉⵡⵉⵏ ⵏ ⵜⵙⴱⴱⴰⴱⵜ ⴷ ⵜⴷⵎⵙⴰ ⴷ ⵉⵣⵔⴼⴰⵏ ⵏ ⵓⴼⴳⴰⵏ. 

ⴰⵎⵎⴰⴽ ⵏ ⵓⵙⵖⵡⵏ ⴰⴷ ⵙ ⵜⵉⴹⴰⴼ ⴷ ⵓⴹⴼⵕ ⵏ ⵜⵎⵙⴰⵔⵉⵏ ⵜⵉⵣⵔⴼⴰⵏⵉⵏ ⵜⵉⵎⴰⵢⵏⵓⵜⵉⵏ, ⵉⵙ ⵉⵟⵟⴰⴼ ⵓⵏⴳⵔⴰⵡ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵜⴰⴷⵉⵏⴰⵎⵉⵜ ⵉⴷⵓⵙⵏ ⵖ ⵣⵣⵉⴳⵣⵏ ⵡⴰⵎⵎⴰⴽⵏ ⴷ ⵉⵙⵡⵉⵏⴳⵉⵎⵏ ⴷ ⵜⵎⵢⴰⴷⴰⵙⵉⵏ ⴷ ⵜⴳⵓⵔⵉⵡⵉⵏ ⵜⵉⵣⵔⴼⴰⵏⵉⵏ, ⵖ ⵉⵍⵍⴰ ⵓⵙⵎⴰⵢⵏⵓ ⴷ ⵓⵙⵖⵓⴷⵓ ⵙ ⵉⵙⵏⴼⵍⵏ ⵉⵏⴰⵎⵓⵏⵏ ⴷ ⵜⵣⵣⵉⴳⵣⵜ ⵏ ⵉⵙⵡⵉⵏⴳⵉⵎⵏ ⴷ ⵉⵔⵣⵣⵓⵜⵏ ⵉⵎⴰⵙⵙⴰⵏⵏ, ⵙⵍⴰⵡⵏ ⴰⴽⴽⵯ ⵙ ⵉⵔⵣⵣⵓⵜⵏ ⴳ ⵓⵙⵡⵉⵔ ⵏ ⵜⵎⴰⵙⵙⴰⵏⵉⵏ ⵙⵇⵇⵉⵇⵏⵉⵏ ⴷ ⵜⵙⵏⵙⵉ ⴷ ⵜⵎⴰⵙⵙⴰⵏⵉⵏ ⵜⵉⵏⴼⴳⴰⵏⵉⵏ. 

ⵙ ⵖⵎⴽ ⴰⴷ ⴰⵙ ⵜⵔⵎⵙ ⵜⵎⴰⵣⵉⵔⵜ ⵏⵏⵖ  ⴳ ⵓⵙⴽⵔ ⵏ ⵜⵣⴷⴰⵢⵉⵏ ⵊⴰⵔ ⵢⵉⴳⵔ ⴰⵣⵔⴼⴰⵏ ⴷ ⵓⵙⵡⴰⵍⴰ ⴰⴷⵉⵎⵓⵇⵔⴰⵟⵉ ⴷ ⵓⵚⴽⵓ ⴰⵎⵔⵙⵍⴰⵏ ⵍⵍⵉ ⵉⴳⴰⵏ ⴰⵏⴰⵡ ⴰⵙⴳⴰⵡⴰⵏ ⴷ ⵓⵎⵏⵥⵡⴰⵏ ⵍⵍⵉ ⵢⵉⵡⵏ ⴰⵡⵇⵇⵕ ⴳ ⵉⵏⵎⵓⵇⵇⴰⵔⵏ ⵉⵣⵔⴼⴰⵏⵏ ⵉⴳⵔⴰⵖⵍⴰⵏⵏ.

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ, ⵜⴰⵏⵎⵎⵉⵔⵜ ⴼ ⵜⵉⵍⵉⵜ ⴷ ⵜⵡⵉⵣⵉ ⵏⵏⵓⵏ, ⵙ ⵓⵙⵎⵓⵔⵙ ⵉ ⵡⴰⵙⵙ ⴰⴷ ⵏ ⵜⵖⵔⵉ. 

ⴰⵣⵓⵍ