ⴰⵙⵉⵡⴹ ⵏ ⵕⵕⴱⴰⵟ ⴳ ⵓⵙⵎⴰⴷ ⵏ ⵓⴳⵔⴰⵡ ⵏ ⵉⵎⴰⵍ
ⴰⵙⵉⵡⴹ ⵏ ⵓⴳⵔⴰⵡ ⵏ ⵉⵎⴰⵍ, ⵜⴰⵙⵓⵜⵍⵜ ⵏ ⵕⵕⴱⴰⵟ
“ⵉ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ ⵉ ⵉⵎⴰⵍ”
ⵉⵙⵏⵎⴰⵍⴰ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵙⵇⵇⵉⵎ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ, ⵙ ⵓⵎⵢⴰⵡⴰⵙ ⴷ ⵜⵎⵔⵍⵙⵜ “ⵉⵏⵎⵓⵇⵇⴰⵕⵏ ⵏ ⵉⵎⴰⵍ”, ⴷ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵡⵉⵏ ⵉⵎⵛⵛⵉⵡⴰⵕ ⴳ ⵛⵛⵉⵍⵉ, ⴳ ⵕⵕⴱⴰⵟ, ⵜⴰⵎⴰⵥⵓⵏⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ, ⴰⵙⵙ ⵏ 17 ⴷ 18 ⴷⵓⵊⴰⵏⴱⵉⵔ 2024, ⵜⵉⵡⵓⵔⵉⵡⵉⵏ ⵏ ⵓⴳⵔⴰⵡ ⵏ ⵉⵎⴰⵍ ⵙ ⵜⴷⵔⴰⵡⵜ ⵏ ⵉⵎⴰⵡⵙⴰⵙⵏ ⴷ ⵉⴱⵕⵍⴰⵎⴰⵏⵉⵢⵏ ⴷ ⵉⴽⴰⴷⵉⵎⵉⵢⵏ ⵙⴳ ⵙⵏⴰⵜ ⵜⵎⵉⵣⴰⵔ ⴷ ⵜⵎⵉⵣⴰⵔ ⵜⵉⵎⴷⴷⵓⴽⴽⵯⵍⴰⵍ ⴷ ⵉⵎⵣⵔⴰⵡⵏ ⵉⵎⵔⵣⴰ ⵉⵎⵖⵔⵉⴱⵉⵢⵏ.
ⴰⵔ ⴱⴰⵀⵔⴰ ⵙⵏⵉⵎⵎⵉⵔⵏ ⵉⵎⴷⵔⴰⵡⵏ ⴳ ⵓⴳⵔⴰⵡ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⴼ ⵓⵙⵏⵓⴱⴳ ⵏ ⵓⵎⵓⵙⵙⴰ ⴰⴷ ⵉⵙⵜⴰⵡⵀⵎⵎⴰⵏ;
ⴰⵔ ⴱⴰⵀⵔⴰ ⵙⵏⵉⵎⵎⵉⵔⵏ ⵓⵍⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ, ⵙⵓⵜⴳⵏ ⴰⵙⵎⴰⵇⵇⵍ ⵏⵏⵙ, ⴷ ⵜⵏⴰⵔⴰ ⵏⵏⵙ ⵉ ⵜⴳⵍⴷⵉⵜ ⵏ ⵍⵎⵖⵔⵉⴱ, ⵜⴰⵎⴰⵣⵉⵔⵜ ⵉⵜⵜⴰⵡⵙⵏ ⴳ ⵓⵙⴷⵓⵙ ⵏ ⵓⵎⵄⵉⵡⵏ ⴷ ⵓⵎⵙⴰⵡⴰⵍ ⴰⴳⵔⴰⵖⵍⴰⵏ, ⴷ ⵓⵙⵙⵕⵙⵓ ⵏ ⵜⴳⵎⵉ ⵜⴰⵙⵓⵍⴰⵏⵜ ⴷ ⵓⵙⵙⵔⵅⵓ ⵏ ⵓⵙⵏⴼⵍ ⵏ ⵜⵓⵙⵙⵏⴰ;
ⴰⵔ ⵙⵏⵉⵎⵎⵉⵔⵏ ⴰⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴼ ⵓⵙⵏⴰⵍ ⵏⵏⵙ ⴰⵎⵔⵙⵍⴰⵏ ⴳ ⵓⵙⵏⵎⴰⵍⴰ ⵏ ⵓⵏⵎⵓⵇⵇⴰⵕ ⴰⴷ, ⴷ ⵓⵙⵖⵡⵏ ⵏ ⵓⵎⵙⴰⵡⴰⵍ ⵉⵕⵡⴰⵏ, ⴷ ⵜⵡⵉⵙⵉ ⵏⵏⵙ ⴳ ⵓⵏⵄⴰⵕ ⵏ ⵜⵎⵙⴰⵔⵉⵏ ⵜⵉⵎⴰⴹⵍⴰⵏⵉⵏ ⵜⵓⵍⴳⵉⵏⵉⵏ, ⴰⵎ ⴰⵙⵏⵎⴰⵍⴰ ⵏ ⵓⴳⵔⴰⵡ ⴰⴷ ⴷ ⵓⵎⵓⵔⵙ ⵏⵏⵙ, ⴷ ⵜⵙⵏⵜⴰⵢⵉⵏ ⵢⴰⴹⵏⵉⵏ ⵙⵜⴰⵡⵀⵎⵎⴰⵏⵉⵏ ⴳ ⵉⵙⵡⵉⵔⵏ ⴰⵏⵎⵏⴰⴷ ⴷ ⵓⵎⴰⴹⵍⴰⵏ;
ⴷⴼⴼⵉⵔ ⵏ ⵙⵉⵏ ⵡⵓⵙⵙⴰⵏ ⵏ ⵓⵎⴹⴰⴽⴰⵕ ⴼ ⵜⵎⵙⴰⵔⵉⵏ ⵙⵜⴰⵡⵀⵎⵎⴰⵏⵉⵏ ⵣⴷⵉⵏⵉⵏ ⴷ ⵓⵏⵣⵡⵉ ⴷ ⵜⵥⴹⴰⵕⵜ ⴷ ⵜⵖⵉⵙⵜ ⵜⴰⵎⴳⵓⵔⴰⵏⵜ ⴷ ⵉⴷⵔⵉⵣⵏ ⵏⵏⵙ ⵉⵏⴰⵎⵓⵏⵏ, ⴷ ⵜⵏⴰⵥⴰⵕⵉⵏ ⵏ ⵉⵎⴰⵍ ⴳ ⵢⵉⴳⵔ ⵏ ⵜⴷⵓⵙⵉ ⴷ ⵜⵏⴼⵔⵓⵜ ⵏ ⵓⵜⵛⵓ, ⴷ ⵢⵉⵙⴽⵉⵍ ⴽⴰⵔ ⵜⵎⵖⴰⵔⵉⵏ ⴷ ⵉⵔⴳⴰⵣⵏ, ⴷ ⵜⵓⴳⴳⴰⵙ ⴳ ⵉⵙⵡⵉⵔⵏ ⴰⵙⵉⵏⵔⴰⵏ ⴷ ⵓⴳⵜⵉⵔⴰⵏ ⵉ ⵓⵙⴱⴷⴷⵉ ⵏ ⵜⵏⴰⵥⴰⵕⵉⵏ ⴰⴷ ⵍⵍⴰⵏⵉⵏ ⴷⴰⵜ ⵏ ⵓⴼⴳⴰⵏ;
ⴳ ⵓⵎⵏⴰⴹ ⴰⵎⴰⴹⵍⴰⵏ ⴳ ⵍⵍⴰⵏ ⵜⴰⵙⵙⴰⵙⵉⵏ ⵜⵉⵊⵢⵓⵙⵔⵜⴰⵏⵉⵏ ⴳⴳⵓⵜⵏⵉⵏ ⵙ ⴳⴰⵔ ⵉⴷⵔⵉⵣⵏ ⴼ ⵓⴼⴳⴰⵏ ⴷ ⵜⴳⵎⵉ ⴳ ⵓⵎⴰⴹⴰⵍ ⴰⴽⴽⵯ:
- ⵙⴷⴷⵉⴷⵏ ⵉⵎⴷⵔⴰⵡⵏ ⴳ ⵓⴳⵔⴰⵡ ⴰⴷ ⴼ ⵜⵎⴷⵔⴰⵡⵜ ⵜⴰⵙⵜⵔⴰⵜⵉⵊⵉⵜ ⵊⴰⵔ ⵉⴼⵔⵉⵇⵢⴰ ⴷ ⵎⴰⵔⵉⴽⴰⵏ ⵜⴰⵍⴰⵜⵉⵏⵉⵜ ⵉ ⵜⴳⵎⵉ ⴳ ⵓⵙⴰⵜⵉ ⵏ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ, ⴷ ⵜⵉⵍⴰⵍⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴳⴷⵓⴷⴰⵏⵜ ⵏ ⵛⵛⵉⵍⵉ ⴳ ⵓⵙⴷⵓⵙ ⵏⵏⵙ ⵉ ⵓⵙⴱⴷⴷⵉ ⵏ ⵜⵏⴰⵥⴰⵕⵉⵏ ⵜⵉⵎⴰⴹⵍⴰⵏⵉⵏ ⵙ ⵓⵙⵎⴰⵇⵇⵍ ⵉⴼⴼⵓⵙ-ⵉⴼⴼⵓⵙ.
- ⵙⵓⵜⴳⵏ ⴰⵜⵉⴳ ⵏ ⵓⴳⵔⴰⵡ ⵏ ⵉⵎⴰⵍ ⵉⴳⴰⵏ ⴰⵙⴰⵢⵔⴰⵔ ⵏ ⵓⵎⵙⴰⵡⴰⵍ ⴷ ⵓⵙⵡⵉⵏⴳⵎ ⵉⵛⵛⴰⵔⵏ ⴳ ⵓⵎⴰⴹⴰⵍ ⵉⵛⴷⴷⴰⵏ, ⵙ ⵓⵙⴷⵓⵙ ⵏ ⵜⵎⵢⴰⴷⴰⵙⵜ ⴷ ⵜⵎⴷⵔⴰⵡⵜ ⵊⴰⵔ ⵉⴱⵕⵍⴰⵎⴰⵏⵏ ⵉⵏⴰⵎⵓⵔⵏ ⴷ ⵜⵎⴰⴷⴷⴰⵙⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵜⵉⵙⴳⴰⵡⴰⵏⵉⵏ ⴷ ⵜⴳⵔⴰⵖⵍⴰⵏⵉⵏ ⴷ ⵜⵙⴷⴰⵡⵉⵜⵉⵏ ⴷ ⵡⴰⵎⵓⵏ ⴰⵖⵔⵎⴰⵏ.
ⴳ ⵓⵙⴰⵜⵉ ⵏ ⵜⵎⵙⴰⵔⵉⵏ ⴷ ⵜⴰⵙⵙⴰⵙⵉⵏ ⵜⵉⵎⴰⴹⵍⴰⵏⵉⵏ, ⴰⵔ ⵙⴷⴷⵉⴷⵏ ⵉⵎⴷⵔⴰⵡⵏ ⴼ ⵡⴰⵜⵉⴳ ⵏ ⵓⵎⵙⴰⵡⴰⵍ ⴷⴰⵔ ⵡⴰⵎⵓⵏ ⴰⴳⵔⴰⵖⵍⴰⵏ ⵉ ⵜⵡⴰⴼⵉⵜ ⵏ ⵉⴼⵙⵙⴰⵢⵏ ⴳ ⵜⵍⵍⴰ ⵜⵏⵏⵓⴱⴹⴰ ⴷ ⵉⵚⴰⵃⴰⵜⵏ ⵛⵛⴰⵔⵏⵉⵏ ⵏ ⵜⵔⴰⴱⴱⵓⵜ ⵜⴰⴳⵔⴰⵖⵍⴰⵏⵜ, ⴷ ⵓⵚⴽⵓ ⵏ ⵉⵎⴰⵍ ⴰⵙⵓⵍⴰⵏ ⴳ ⵉⵍⵍⴰ ⵚⴰⵃⴰ ⵉ ⴽⵓⵢⴰⵏ ⴳ ⵜⵥⴹⴰⵕⵉⵏ ⴷ ⵜⵎⴰⵙⵙⴰⵏⵉⵏ ⴷ ⵜⵡⴰⴼⵉⵜⵉⵏ ⴷ ⵜⴱⵖⵓⵔⵉⵏ ⵏⵏⵙ.
ⴰⵔ ⴷⴰⵖ ⵜⵜⴰⵍⵙⵏ ⵉⵎⴷⵔⴰⵡⵏ ⴰⵙⵖⵡⵏ ⵉ ⵜⵣⵣⵉⴳⵣⵜ ⵏ ⵓⵎⵢⴰⵡⴰⵙ ⵉ ⵜⵡⴰⴼⵉⵜ ⵏ ⵉⴼⵙⵙⴰⵢⵏ ⵉⵎⴰⵢⵏⵓⵜⵏ ⴷ ⵓⵚⴽⵓ ⵏ ⵉⵎⴰⵍ ⵉⵥⵉⵍⵏ ⵉ ⵚⴰⵃⴰ ⵏ ⵜⴰⵙⵓⵜⵉⵏ ⵏ ⵉⵎⴰⵍ, ⴳ ⵓⵙⴰⵜⵉ ⵏ ⵜⵓⴷⵔⵜ ⵉⵛⵛⴰⵔⵏ ⴷ ⵓⵡⵇⵇⵕ ⵏ ⵡⴰⵢⵢⴰⴷ ⴷ ⵜⴷⵍⵙⴰ ⵏⵏⵙ.
- ⴰⵔ ⵙⴷⴷⴷⵉⵏ ⵉⵎⴷⵔⴰⵡⵏ ⴳ ⵓⴳⵔⴰⵡ ⴰⴷ ⴼ ⵓⵚⴽⵓ ⵏ ⵓⴼⵔⴰ ⴷ ⵜⵉⵍⵉⵜ ⵏ ⵜⵏⴼⵔⵓⵜ ⵉⴱⴷⴷⵏ ⴼ ⵓⵙⵍⴳⵏ ⴰⴳⵔⴰⵖⵍⴰⵏ ⴷ ⵓⵡⵇⵇⵔ ⵏ ⵜⵅⵅⵓⵜⵔⴰ ⴷ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵉⵡⴰⵏⴽⵏ ⴷ ⵜⴼⴰⵜⵉⵜ ⵏ ⵉⴽⴰⵍⵉⵡⵏ ⵏⵏⵙ, ⵉ ⵓⵙⵙⵕⵚⵓ ⵏ ⵜⵍⵍⵓⴳⵏⴰ ⵜⴰⴳⵔⴰⵖⵍⴰⵏⵜ ⴷ ⵡⴰⵔⴰⵢ ⵙⴳ ⵜⴰⵙⵙⴰⵙⵉⵏ ⴳⴰⵏⵉⵏ ⵎⴳⴰⵍ ⵏ ⵜⴳⵎⵉ ⴷ ⵜⵓⴷⵔⵜ ⵉⵛⵛⴰⵔⵏ.
- ⴰⵔ ⴰⵇⵇⵕⴰⵏ ⵉ ⵉⵡⴰⵏⴽⵏ ⵍⵍⵉ ⵜⵀⵎⵎⴰ ⵜⵖⵜⴰⵙⵜ ⵜⴰⴳⵔⴰⵖⵍⴰⵏⵜ ⵉ ⵓⵙⴽⵔ ⵏ ⵉⵙⵡⵓⴷⴷⵓⵜⵏ ⵓⵛⵛⵉⵍⵏ ⵉ ⵓⵙⵏⴼⵍ ⵏ ⵜⵙⵖⴰⵍ ⵏ ⵉⴳⴰⵣⵏ ⵙⴽⴰⵔⵏⵉⵏ ⵜⵉⵔⵖⵉ ⵏ ⵡⴰⴽⴰⵍ, ⴷ ⵓⵙⵙⵔⵅⵓ ⵏ ⵉⵎⵉⵥ ⵏ ⵜⵎⵉⵣⴰⵔ ⵏ ⵉⴼⵔⵇⵉⵢⴰ ⴷ ⵎⴰⵔⵉⴽⴰⵏ ⵜⴰⵍⴰⵜⵉⵏⵉⵜ ⵏ ⵜⴻⵜⵉⴽⵏⵓⵍⵓⵊⵉⵜ ⵏ ⵜⴷⵎⵙⴰ ⵜⴰⵣⴳⵣⴰⵡⵜ, ⴷ ⵓⴼⴰⵔⵙ ⵏ ⵜⵥⴹⴰⵕⵜ ⵙⴳ ⵉⵙⵓⴳⴰⵎ ⵉⵎⴰⵢⵏⵓⵜⵏ, ⴷ ⵓⵙⵎⵓⵙⵙⵓ ⵏ ⵡⴰⵎⴰⵏ ⴷ ⵓⵙⵔⵙ ⵏⵏⵙⵏ ⵉⵥⵉⵍⵏ ⴷ ⵓⵙⵉⵎⵉⵎ ⵏ ⵡⴰⵎⴰⵏ ⵏ ⵢⵉⵍ, ⴰⵢⵍⵍⵉ ⵔⴰⴷ ⵢⴰⵡⵙ ⴳ ⵓⵚⴽⵓ ⵏ ⵉⵙⵏⴼⴰⵔⵏ ⵉⵏⴼⵍⴰⵃⵏ ⴳⴰⵏⵉⵏ ⵉⵅⴰⵜⴰⵔⵏ ⵙⴽⴰⵔⵏⵉⵏ ⵜⴰⵏⴼⵔⵓⵜ ⵏ ⵓⵜⵛⵓ.
- ⴰⵔ ⴰⵇⵇⵔⴰⵏ ⵉ ⵓⵙⵙⵔⵅⵓ ⵏ ⵓⵙⵎⴰⵜⵜⵉ ⵏ ⵜⴻⵜⵉⴽⵏⵓⵍⵓⵊⵉⵜ ⵙ ⵜⵎⵉⵣⴰⵔ ⵏ ⵉⵎⴰⵥⵓⵏⵏ, ⵄ ⵓⵙⵎⵔⵙ ⴰⵙⵓⵍⴰⵏ ⵏ ⵉⴽⴰⵍⵉⵡⵏ ⵉⵏⴼⵍⴰⵃⵏ ⴷ ⵜⵉⵍⵉⵜ ⵏ ⵓⵜⵛⵓ, ⴰⵔ ⴰⵇⵇⵔⴰⵏ ⵓⵍⴰ ⵉ ⵓⵙⴱⴷⴷⵉ ⵏ ⵓⵙⴳⵓⴼⵙⵓ ⵏ ⵢⵉⵍ ⵍⵍⵉ ⴰⴷ ⵉⵇⵇⴰⵏ ⴰⴷ ⵉⴳ ⵙⴳ ⵜⵎⵣⵡⵓⵔⴰ ⵏ ⵓⵖⴰⵡⴰⵙ ⴰⴳⵔⴰⵖⵍⴰⵏ ⵏ ⵓⵏⵣⵡⵉ.
- ⴰⵔ ⵙⵙⴷⴷⵉⵏ, ⴳ ⵢⵉⴳⵔ ⵏ ⵓⵣⵡⴰⴳ, ⴼ ⵉⵎⴰⵏ ⵏ ⵓⵎⵇⵇⵏ ⴰⵎⴰⴹⵍⴰⵏ ⵏ ⵓⵣⵡⴰⴳ ⵙ ⵜⵎⵍⴷⴰ ⵏ ⵓⴳⵔⴰⵡ ⵓⵏⴱⵉⴹ ⵏ ⵡⴰⵎⵓⵔ ⵏ ⵡⴰⴽⵓⵛ ⴳ 10 ⴷⵓⵊⴰⵏⴱⵉⵔ 2018, ⵍⵍⵉ ⵜⵙⵖⵣⵏ ⵜⵎⵙⵎⵓⵏⵜ ⵜⴰⵎⴰⵜⴰⵢⵜ ⵏ ⵜⵎⵜⵜⴰ ⵎⵓⵏⵏⵉⵏ ⴳ 18 ⴷⵓⵊⴰⵏⴱⵉⵔ 2018, ⵙⵍⴰⵡⴰⵏ ⴰⴽⴽⵯ ⵎⴰⴷ ⵉⵥⵍⵉⵏ ⵙ ⵓⴹⵎⵏ ⵏ ⵓⵣⵡⴰⴳ ⵏ ⵓⴼⵔⴰ ⴳ ⵍⵍⴰⵏ ⵉⵣⵔⴼⴰⵏ ⵏ ⵉⵎⵣⵡⴰⴳ.
- ⴰⵔ ⵜⵜⵣⵎⵎⵉⵎⵏ ⵜⵉⵥⴹⴰⵕⵉⵏ ⵏ ⵜⴻⵜⵉⴽⵏⵓⵍⵓⵊⵉⵜ ⵙⵍⴰⵡⵏ ⴰⴽⴽⵯ ⵜⵉⵖⵉⵙⵜ ⵜⴰⵎⴳⵓⵔⴰⵏⵜ ⴳ ⵜⴷⵎⵙⴰ ⴷ ⵜⵏⵓⴼⴰ ⴷ ⵜⵎⴰⵙⵙⴰⵏⵉⵏ ⴷ ⵓⵙⵡⵓⴷⴷⵓ, ⵉⵎⴷⵔⴰⵡⵏ ⴳ ⵓⴳⵔⴰⵡ ⵏ ⵉⵎⴰⵍ, ⴰⵔ ⵜⵙⴷⴷⵉⴷⵏ ⴼ ⵉⵙⴷⵓⴷⴷⵓⵢⵏ ⵏ ⵜⵖⵉⵙⵜ ⵜⴰⵎⴳⵓⵔⴰⵏⵜ ⵍⵍⵉ ⵓⵔ ⵉⵜⵜⵓⵃⴽⴰⵎⵏ, ⴷ ⵜⵎⵣⵔⴰⵢⵜ ⵜⴰⵎⵓⵟⵟⵓⵏⵜ ⴳ ⵜⴻⵜⵉⴽⵏⵓⵍⵓⵊⵉⵜ ⴰⴷ ⵊⴰⵔ ⵉⵥⵥⵍⵎⴹ ⴷ ⵉⴼⴼⵓⵙ, ⴷ ⵉⵎⵉⵣⵉⵜⵏ ⵏ ⴳⴰⵔ ⴰⵙⵎⵔⵙ ⵏ ⵜⴻⵜⵉⴽⵏⵓⵍⵓⵊⵉⵜ ⴰⴷ ⴳ ⵜⵓⵡⵊⴰ ⴷ ⵜⵎⴰⵙⵙⴰⵏⵉⵏ ⴷ ⵜⵉⵍⴰⵍⵜ ⵏ ⵓⴼⴳⴰⵏ, ⴰⵔ ⴰⵇⵇⵔⴰⵏ ⵉ ⵓⵙⵔⵙ ⴰⵣⵓⵛⵛⵍ ⵏ ⵜⵏⵏⵓⴱⴹⴰ ⵜⴰⴳⵔⴰⵖⵍⴰⵏⵜ ⵉ ⵓⵙⵡⵓⴷⴷⵓ ⵏ ⵉⵙⵎⵔⵙⵏ ⴷ ⵜⵓⵎⴰⵢⵉⵏ ⵏ ⵜⵖⵉⵙⵜ ⵜⴰⵎⴳⵓⵔⴰⵏⵜ ⴷ ⵜⵣⵣⵉⴳⵣⵜ ⵏ ⵜⵎⵓⵛⴰ.
- ⴰⵔ ⴷ ⵙⵙⴽⵯⵜⴰⵢⵏ ⵜⴰⵙⵙⴰⵙⵉⵏ ⴳ ⵉⴷⴷⵔⴰ ⵓⴼⴳⴰⵏ ⴳ ⵓⴱⴰⵢⵢⵓⵕ ⵏ ⴽⵓⴼⵉⴷ 19, ⴰⵔ ⴰⵇⵇⵔⴰⵏ ⵉ ⵓⵙⵎⴰⵜⵜⵉ ⵏ ⵜⴻⵜⵉⴽⵏⵓⵍⵓⵊⵉⵜ ⵜⵓⴷⴷⵉⵔⵜ, ⴷ ⵜⵎⴳⵓⵔⵉ ⵏ ⵉⵙⴰⴼⴰⵔⵏ ⴷ ⵜⴰⵙⵙⵎⵉ ⵉ ⵜⵎⵉⵣⴰⵔ ⵏ ⵉⴼⴼⵓⵙ, ⵙⵍⴰⵡⴰⵏ ⴰⴽⴽⵯ ⴳ ⵉⴼⵔⵉⵇⵢⴰ ⴷ ⵎⴰⵔⵉⴽⴰⵏ ⵜⴰⵍⴰⵜⵉⵏⵉⵜ, ⴷ ⵓⵙⵉⵜⵜⵉ ⵏ ⵉⵙⵙⴽⵔⴰⴼ ⴷⴰⵜ ⵏ ⵜⵎⵉⵣⴰⵔ ⴰⴷ ⴼ ⵜⴻⵜⵉⴽⵏⵓⵍⵓⵊⵉⵜ ⴷ ⵓⴼⴰⵔⵙ ⵏ ⵜⴰⵙⵙⵎⵉ ⴷ ⵉⵙⴰⴼⴰⵔⵏ. ⴰⵔ ⵙⵓⵜⴳⵏ ⵜⵉⵙⵏⵜⴰⵢⵉⵏ ⵏ ⵍⵎⵖⵔⵉⴱ ⵙ ⵜⴰⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ, ⴳ ⵓⵙⴽⵔ ⵏ ⵉⵙⵏⴼⴰⵔⵏ ⵏ ⵓⴼⴰⵔⵙ ⵏ ⵜⴰⵙⵙⵎⵉ ⵉ ⵚⴰⵃⴰ ⵏ ⵉⵎⵖⵔⵉⴱⵉⵢⵏ ⴷ ⵉⴼⵔⵉⵇⵉⵢⵏ ⵎⴰⵕⵕⴰ.
ⴳ ⵜⴳⵉⵔⴰ ⵏ ⵓⴳⵔⴰⵡ, ⴰⵔ ⴰⵇⵇⵔⴰⵏ ⵉⵎⴷⵔⴰⵡⵏ ⵉ ⵓⵙⵔⵙ ⵏ ⵓⵙⵡⵉⵏⴳⵎ ⴳ ⵉⵎⴰⵍ ⴳ ⵜⵏⴰⵥⴰⵕⵏ ⴷⴰⵜ ⵏ ⵓⴼⴳⴰⵏ, ⴷ ⵜⵎⵙⴰⵔⵉⵏ ⵏ ⵜⵎⵏⴰⴳⴰⵔⵜ ⵏ ⵉⵖⴰⵡⴰⵙⵏ ⴷ ⵉⴳⵔⴰⵡⵏ ⴷ ⵉⵏⵎⵓⵇⵇⴰⵔⵏ ⵏ ⵜⵎⴰⴷⴷⴰⵙⵉⵏ ⵜⵉⴳⵜⵉⵔⴰⵏⵉⵏ ⴳ ⵉⵖⴰⵡⴰⵏ ⵏ ⵜⴳⵎⵉ ⵜⴰⵏⴰⵎⵓⵔⵜ ⴷ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ.
