ⴰⵙⴼⵓⴳⵍⵓ ⵏ ⵓⵙⵎⴰⴷ ⵏ ⵓⵙⵏⴼⴰⵔ ⵏ ⵜⴳⵯⵎⴰⵜ ⵊⴰⵔ ⵍⵎⵖⵔⵉⴱ ⴷ ⵜⴰⵎⵓⵏⵜ ⵏ ⵓⵕⵓⴱⴱⴰ
ⵉⵙⵎⴷⵓⵙⵏⴼⴰⵔ ⵏ ⵜⴳⵯⵎⴰⵜ ⵜⴰⵎⵔⵙⵍⴰⵏⵜ ⵊⴰⵔ ⵍⵎⵖⵔⵉⴱ ⴷ ⵜⴰⵎⵓⵏⵜ ⵏ ⵓⵕⵓⴱⴱⴰ, ⵍⵍⵉ ⵜⵙⵙⵥⵕⴼ ⵜⴰⵎⵓⵏⵜ ⵏ ⵓⵕⵓⴱⴱⴰ, ⵍⵍⵉⵖ ⵍⵜⵖⵏ ⵙⴰ ⵏ ⵉⵙⵇⵇⵉⵎⵏ ⵉⴱⵕⵍⴰⵎⴰⵏⵉⵢⵉⵏ ⴳ ⵓⵖⴰⵡⴰⵙ ⵏ ⵓⵙⵏⴰⵍ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⴳⵍⴷⵉⵜ ⵏ ⵍⵖⵔⵉⴱ, ⴳ 28 ⴷⵓⵊⴰⵏⴱⵉⵔ 2024.
ⵜⵙⵙⵥⵕⴼ ⴰⵙⵏⴼⴰⵔ ⴰⴷ ⵜⴰⵎⵓⵏⵜ ⵏ ⵓⵕⵓⴱⴱⴰ, ⵜⵍⵍⴰ ⵜⵎⵙⵙⵓⴳⵓⵔⵜ ⵏⵏⵙ ⵙ ⵓⵙⵏⴰⵍ ⵏ ⵜⵎⵀⵍⴰ ⵏ ⵜⵎⵙⴰⵙⵜⵍⵜ ⴷ ⵓⵥⵕⴼ ⵏ ⴱⵕⵕⴰ ⵉⴹⴼⵕⵏ ⵜⴰⵎⴰⵡⴰⵏⵜ ⵏ ⵜⴷⵎⵙⴰ ⴷ ⵓⵣⵔⴼ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱⵏ ⴳ 32 ⵏ ⵡⴰⵢⵢⵓⵔ (ⵙⴳ 29 ⵉⴱⵔⵉⵔ 2022 ⴰⵔ 28 ⴷⵓⵊⴰⵏⴱⵉⵔ 2024), ⵉⴷⵔⵓ ⴳⵉⵙ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⴼⵕⴰⵏⵙⴰ (ⴰⵎⴷⵔⴰⵡ ⴰⵙⵉⵍⴰⵏ), ⴷ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵜⵛⵉⴽ ⴷ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⴱⵉⵍⵊⵉⴽ (ⵉⵎⴷⵔⴰⵡⵏ ⵉⵙⵉⵍⴰⵏⵏ) ⴷ ⵓⵙⵏⴰⵍ ⵏ ⵉⴱⵕⵍⴰⵎⴰⵏⵏ ⵏ ⴽⴽⵓⵥ ⵉⵡⴰⵏⴽⵏ: ⵉⵟⴰⵍⵢⴰ, ⵍⵢⵓⵏⴰⵏ, ⵀⴰⵏⵖⴰⵔⵉⵢⴰ, ⵍⴱⵓⵔⵜⵓⵖⴰⵍ.
ⴳ ⵓⵙⴰⵜⵉ ⴰⴷ, ⵜⴻⵜⵜⵓⵙⵏⵎⴰⵍⴰ 41 ⵏ ⵜⵉⵍⴰⵍⵜ ⴳ ⴷⵔⵓⵏ 48 ⵏ ⵓⵎⵓⵣⴰⵢ ⵙⴳ ⵙⴰⵜ ⵜⵎⵔⵙⴰⵍ ⵜⵉⴱⵕⵍⴰⵎⴰⵏⵉⵢⵉⵏ , ⴰⵢⵍⵍⵉ ⵉⵎⵎⴰⵍⴰⵏ ⵜⴰⵎⵏⵏⴰⵡⵜ ⵉⴳⴳⵓⵜⵏ ⵏ ⵜⵎⵙⴽⴰⵔ ⵜⵉⴱⵕⵍⴰⵎⴰⵏⵉⵢⵉⵏ.
ⵜⵍⵍⴰ ⵜⴳⵯⵎⴰⵜ ⴰⴷ ⴳ ⵓⵙⴰⵜⵉ ⵉⵅⴰⵜⵔⵏ ⵏ ⵓⵙⵏⴰⵍ ⵏ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⵙ ⵓⵣⴷⴰⵢ ⴷ ⵜⵙⵏⵜⴰⵢⵉⵏ ⵢⴰⴹⵏⵉⵏ, ⴰⵎ ⵜⴰⴳⵯⵎⴰⵜ ⴷ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴷ ⵓⵖⴰⵡⴰⵙ ⵍⵍⵉ ⵜⵙⴽⴰⵔ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵔⵓⴱⴱⴰ ⵉ ⵚⴰⵃⴰ ⵏ ⵓⴱⵕⵍⴰⵎⴰⵏ, ⵍⵍⵉ ⵜⵙⵙⵥⵕⴼ ⵜⴰⵎⵓⵏⵜ ⵏ ⵓⵕⵓⴱⴱⴰ.
ⵜⵉⵏⵏⴰⵡⵜ ⵜⴰⵎⴳⴳⴰⵔⵓⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴷ ⵎⴰⵙⵙⴰ Yaël BRAUN-PIVET ⵜⴰⵏⵙⵙⵉⵅⴼⵜ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⴼⵕⴰⵏⵚⴰ, ⵔⴰⴷ ⵜⴳ ⵜⴰⵎⵍⴷⴰ ⵏ ⵓⵙⵎⵏⵉⴷ ⵏ ⵜⵉⵢⵢⴰⴼⵓⵜ ⵏ ⵓⵙⵏⴼⴰⵔ. ⵖⵎⴽ ⴰⵏⵏ ⴷ ⵜⵉⵕⵡⵉ ⵏ ⵓⵎⵢⴰⵡⴰⵙ ⵊⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴰⵎⵓⵏⵜ ⵏ ⵓⵕⵓⴱⴱⴰ ⴷ ⵉⵎⴷⵔⴰⵡⵏ ⴰⴽⴽⵯ. ⵔⴰⴷ ⵜⴳ ⵓⵍⴰ ⴰⵣⵎⵣ ⴰⵙⵔⵜⴰⵏ ⴼ ⵓⴼⵔⵉⵙ ⴰⵙⵜⵔⴰⵜⵉⵊⵉ ⴷ ⵓⵎⵣⵔⴰⵢ ⴼ ⵜⵣⴷⴰⵢⵜ ⵉⵥⵉⵍⵏ ⵊⴰⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴰⵎⵓⵏⵜ ⵏ ⵓⵕⵓⴱⴱⴰ.
ⵔⴰⴷ ⴷⵔⵓⵏ ⴳ ⵓⵏⵎⵓⵇⵇⴰⵕ ⵙⵎⵎⵓⵙ ⵉⴽⴰⴱⴰⵕⵏ ⵉⴱⵕⵍⴰⵎⴰⵏⵉⵢⵏ ⵙⴳ ⴼⵕⴰⵏⵚⴰ ⴷ ⴱⵉⵍⵊⵉⴽ ⴷ ⵍⵢⵓⵏⴰⵏ ⴷ ⵀⴰⵏⵖⴰⵔⵢⴰ ⴷ ⵍⴱⵓⵕⵟⵓⵖⴰⵍ, ⴷⴰⵜ ⵏ ⵓⵎⴰⵡⴰⵙⴰⵙ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵜⴰⵎⵓⵏⵜ ⵏ ⵓⵕⵓⴱⴱⴰ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ, ⵎⴰⵙⵙ Daniele DOTTO ⴰⴳⵯⵏⵙⴰⵙ ⵏ ⵎⴰⵙⵙⴰ Patricia LLOMBART CUSSAC ⵜⴰⵎⵙⵇⵇⴰⴷⵜ ⵜⴰⵏⵙⵙⵉⵅⴼⵜ ⵏ ⵓⴽⴰⴱⴰⵕ ⵏ ⵜⴰⵎⵓⵏⵜ ⵏ ⵓⵕⵓⴱⴱⴰ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ, ⴷ ⵉⴳⵯⵏⵙⴰⵙⵏ ⵉⴷⵓⴱⵍⵓⵎⴰⵙⵉⵢⵏ ⵏ ⵉⵡⴰⵏⴽⵏ ⵉⵎⴷⵔⴰⵡⵏ.
ⵜⵡⴰⵜⵜⵙ ⵜⵉⵏⵏⴰⵡⵜ ⴰⴷ ⴰⵙⵙⴽⵯⵜⵉ ⵏ ⵡⴰⵜⵉⴳⵏ ⵏ ⵜⴳⵯⵎⴰⵜ, ⴰⵙⵎⵏⵉⴷ ⵏ ⵜⵡⵓⵔⵉⵡⵉⵏ ⵜⵜⴰⵡⵙⴽⴰⵔⵏⵉⵏ ⴷ ⵜⵉⵢⵢⴰⴼⵓⵜⵉⵏ ⵏⵏⵙⵏⵜ, ⴷ ⵓⵙⵔⵙ ⵏ ⵉⵎⵏⴰⴷⵏ ⵏ ⵓⵎⵢⴰⵡⴰⵙ ⵏ ⵉⵎⴰⵍ ⵊⴰⵔ ⵍⵎⵖⵔⵉⴱ ⴷ ⵓⵕⵓⴱⴱⴰ, ⵖⵎⴽ ⴰⵏⵏ ⴷ ⵉⴱⵔⵍⴰⵎⴰⵏⵏ ⵉⵏⴰⵎⵓⵔⵏ ⵉⵎⴷⵔⴰⵡⵏ.
ⵜⵍⵍⴰ ⴼ ⵜⵎⵙⵙⵓⴳⵓⵔⵜ ⵏ ⵓⵙⵏⴼⴰⵔ ⴰⴷ ⵜⴰⵎⵀⵍⴰ ⵏ ⵜⵎⵙⴰⵙⵜⵍⵜ ⴷ ⵓⵥⵕⴼ ⵏ ⴱⵕⵕⴰ ⵉⴹⴼⵕⵏ ⵜⴰⵎⴰⵡⴰⵙⵜ ⵏ ⵜⴷⵎⵙⴰ ⴷ ⵓⵥⵕⴼ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ. ⵜⵙⵙⵥⵕⴼ ⵜ ⵜⴰⵎⵓⵏⵜ ⵏ ⵓⵕⵓⴱⴱⴰ.
