ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵏⴼⴰⵔ ⵏ ⵓⵙⵍⴳⵏ ⴼ ⵓⵎⵓⴽⵏ ⵏ ⵡⴰⵎⵎⴰⵙⵏ ⵉⵙⴳⴰⵡⴰⵏⵏ ⵏ ⵓⵙⵙⴰⵔⵓ ⴷ ⵓⵙⴽⵔ ⵏ ⵜⵙⵇⵇⵉⵎⵉⵏ ⵜⵉⵙⴳⴰⵡⴰⵏⵉⵏ ⵎⵓⵏⵏⵉⵏ ⵏ ⵓⵙⵙⴰⵔⵓ, ⵜⵉⵖⵔⵉ ⵜⵉⵙ ⵙⵏⴰⵜ

ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 9 ⴷⵓⵊⴰⵏⴱⵉⵔ 2024 ⵙ ⵜⵓⴳⵜ, ⴰⵙⵏⴼⴰⵔ ⵏ ⵓⵙⵍⴳⵏ 22.24 ⵉ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⵙⵍⴳⵏ 47.18 ⴼ ⵓⵎⵓⴽⵏ ⵏ ⵡⴰⵎⵎⴰⵙⵏ ⵉⵙⴳⴰⵡⴰⵏⵏ ⵏ ⵓⵙⵙⴰⵔⵓ ⴷ ⵓⵙⴽⵔ ⵏ ⵜⵙⵇⵇⵉⵎⵉⵏ ⵜⵉⵙⴳⴰⵡⴰⵏⵉⵏ ⵎⵓⵏⵏⵉⵏ ⵏ ⵓⵙⵙⴰⵔⵓ ⴳ ⵓⵙⴰⵜⵉ ⵏ ⵜⵖⵔⵉ ⵜⵉⵙ ⵙⵏⴰⵜ. ⴳ ⵜⵖⵉⵎⵉⵜ ⵜⴰⵣⵣⵔⴰⴼⵜ ⵍⵍⵉ ⵉⵙⵙⵉⵅⴼ ⵎⴰⵙⵙ ⵎⵓⵃⴰⵎⵎⴰⴷ ⵚⵚⴱⴱⴰⵕⵉ ⴰⵎⴰⵣⵉⵔ ⴰⵎⵣⵡⴰⵔⵓ ⵏ ⵓⵏⵙⵙⵉⵅⴼ, ⵙ ⵜⵉⵍⵉⵜ ⵏ ⵎⴰⵙⵙ ⴽⴰⵔⵉⵎ ⵣⵉⴷⴰⵏ ⴰⵎⴰⵡⵙⴰⵙ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵙⴰⵔⵓ ⴷ ⵜⵎⵏⴰⴳⴰⵔⵜ ⴷ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ, ⴷ ⵎⴰⵙⵙ ⵄⴰⴱⴷ ⵍⵊⴱⴱⴰⵕ ⵕⵕⴰⵛⵉⴷⵉ ⴰⵎⴰⵔⴰ ⵏ ⵓⵡⴰⵏⴽ ⵉⵜⵜⵓⵙⵎⴰⴳⴰⵍⵏ  ⵙ ⵓⵙⵉⴷⴼ ⴰⵏⴰⵎⵓⵏ. 

ⵓⵎⴰⵏ ⵉⵙⵏⴼⵍⵏ 18 ⵏ ⵓⵙⵏⴼⵍ ⴳ ⵓⵎⵏⵏⵉ ⴰⵎⵣⵡⴰⵔⵓ ( 4 ⴷ 31) ⴷ ⵓⵎⵏⵏⵉ ⵡⵉⵙ ⵙⵉⵏ (6 ⴷ 7 ⴷ 10 ⴷ 25 ⴷ 29) ⴷ ⵓⵎⵏⵏⵉ 4 ( 30 ⵙ ⵡⴰⵍⴰⵙ ⵙⵏⴰⵜ ⵜⵉⴽⴽⴰⵍ, 30 ⵙ ⵡⴰⵍⴰⵙ ⵏ ⴽⵕⴰⴹⵜ ⵜⵉⴽⴽⴰⵍ).

ⵉⵡⴰⵜⵜⵙ ⵓⵙⵏⴼⴰⵔ ⴰⴷ ⴰⵙⵖⵓⴷⵓ ⵏ ⵜⵉⵕⵡⵉ ⵏ ⵜⴱⵔⵉⴷⵜ ⵏ ⵜⴰⵕⵥⵉⵡⵉⵏ, ⵔⴰⴷ ⵢⵉⵍⵉ ⵓⵙⵏⴼⵍ ⵏ ⵜⵙⵇⵇⵉⵎⵜ ⵜⴰⵎⴰⵡⵙⴰⵙⵜ ⵏ ⵜⵏⴰⵔⴰ, ⵙ ⵜⵙⵇⵇⵉⵎⵜ ⵜⴰⵎⴰⵡⵙⴰⵙⵜ ⵏ ⵜⴰⵕⵥⵉⵡⵉⵏ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⴰⵔ ⵜⵡⴰⵍⴰ ⵜⵏⴱⴰⴹⵜ ⵉⵜⵜⵓⵙⵎⴰⴳⴰⵍⵏ ⵜⴰⵙⵉⵔⴰⵜ ⵏ ⵜⵙⵇⵇⵉⵎⵜ ⵉⵍⵍⴰⵏ ⴼ ⵡⴰⵎⴰⵎⵙⵏ ⴰⴷ. 

ⵔⴰⴷ ⵢⴰⵡⵙ ⵓⴹⵕⵉⵚ ⴰⴷ ⴳ ⵓⵙⵏⴼⵍ ⵏ ⵡⴰⵎⴰⵎⵙⵏ ⵉⵙⴳⴰⵡⴰⵏⵏ ⵏ ⵓⵙⵙⴰⵔⵓ ⴷ ⵓⵙⵙⵕⵚⵓ ⵏ ⵜⵉⵍⴰⵍⵜ ⵏⵏⵙ ⴳ ⵓⵙⵎⵖⵔ ⵏ ⵓⵙⵙⴰⵔⵓ ⴳ ⵓⵙⵡⵉⵔ ⴰⵙⴳⴰⵡⴰⵏ ⴷ ⵓⵙⵎⵓⵏ ⵏ ⵓⵙⴰⵜⵉ ⵉⵥⵍⵉⵏ ⵙ ⵜⵖⵜⴰⵙⵉⵏ ⴰⴷ, ⵙ ⵓⵙⴽⵔ ⵏ ⵜⵙⵇⵇⵉⵎⵉⵏ ⵜⵉⵙⴳⴰⵡⴰⵏⵉⵏ ⵏ ⵓⵙⵙⴰⵔⵓ ⴷ ⵓⵙⵙⵔⵅⵓ ⵏ ⵜⴱⵔⵉⴷⵉⵏ ⴷ ⵓⵙⵖⵓⴷⵓ ⵏ ⵉⵣⵎⵣ ⵏ ⵓⵙⵎⴽⵍ ⵏ ⵓⵥⴰⵥⵓ ⵏ ⵓⵙⵙⴰⵔⵓ ⴷ ⵓⵙⵉⵣⴷⵔ ⵏ ⵉⵙⵖⴰⵍⵏ ⵏ ⵜⴰⴳⵯⵉⵜ ⵏ ⵉⵙⵏⴼⴰⵔⵏ.