ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⴳⵣⵣⵓⵎ ⴰⵎⵣⵡⴰⵔⵓ ⵏ ⵓⵙⵏⴼⴰⵔ ⵏ ⵓⵙⵍⴳⵏ ⵏ ⵓⵥⵕⴼ ⵏ ⵓⵙⴳⴳⵯⴰⵙ ⵏ 2025 ⵙ ⵜⵓⴳⵯⵜ
ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵜⵓⴳⵜ ⴰⴳⵣⵣⵓⵎ ⴰⵎⵣⵡⴰⵔⵓ ⵏ ⵓⵙⵏⴼⴰⵔ ⵏ ⵓⵙⵍⴳⵏ ⵏ ⵓⵥⵕⴼ ⵓⵟⵟⵓⵏ 60.24 ⵏ ⵓⵙⴳⴳⵯⴰⵙ 2025, ⴳ ⵜⵖⵉⵎⵉⵜ ⵜⴰⵣⵣⵔⴰⴼⵜ ⵉⴽⴽⴰⵏ 10 ⵜⵙⵔⴰⴳⵉⵏ , ⵓⴽⵡⴰⵙ 14 ⵏⵓⵡⴰⵏⴱⵉⵔ 2024 ⴰⵔ ⵜⵉⵙⵔⴰⴳⵉⵏ ⵜⵉⵎⵣⵡⵓⵔⴰ ⵏ ⵓⵙⵉⵎⵡⴰⵙ.
ⵉⵙⵙⵉⵅⴼ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵜⵉⵖⵉⵎⵉⵜ ⵙ ⵜⵉⵎⵉⵜ ⵏ ⵎⴰⵙⵙⴰ ⵏⴰⴷⵢⴰ ⴼⵜⵜⴰⵃ ⵜⴰⵎⴰⵡⵙⴰⵙⵜ ⵏ ⵜⴷⵎⵙⴰ ⴷ ⵓⵥⵕⴼ, ⵎⴰⵙⵙ ⴼⴰⵡⵣⵉ ⵍⵇⵊⴰⵄ, ⴰⵎⴰⵡⵙⴰⵙ ⵉⵜⵜⵓⵙⵎⴰⴳⴰⵍⵏ ⵙ ⵜⵎⵙⴰⵙⵜⵍⵜ, ⵎⴰⵙⵙ ⵎⵓⵚⵟⴰⴼⴰ ⴱⴰⵢⵜⴰⵙ ⴰⵎⴰⵡⵙⴰⵙ ⵉⵜⵜⵓⵙⵎⴰⴳⴰⵍⵏ ⵙ ⵜⵣⴷⴰⵢⵉⵏ ⴷ ⵓⴱⵕⵍⴰⵎⴰⵏ, ⵎⴰⵙⵙ ⵍⵃⵙⵏ ⵙⵙⴰⵄⴷⵉ, ⴰⵎⴰⵔⴰ ⵏ ⵓⵡⴰⵏⴽ ⵖⵔ ⵜⵎⴰⵡⵙⴰⵙⵜ ⵏ ⵜⵎⴰⵍⵍⴰⵢⵜ ⴷ ⵜⵉⵏⴷⵉ ⴷ ⵜⴷⵎⵙⴰ ⵜⴰⵏⴰⵎⵓⵏⵜ ⴷ ⵜⵉⵏ ⵓⵎⵢⴰⵡⴰⵙ, ⵉⵜⵜⵓⵙⵎⴰⴳⴰⵍⵏ ⵙ ⵜⵉⵏⴷⵉ ⴷ ⵜⴷⵎⵙⴰ ⵜⴰⵏⴰⵎⵓⵏⵜ ⴷ ⵜⵉⵏ ⵓⵎⵢⴰⵡⴰⵙ.
ⵉⵎⵙⴰⵙⴰ 208 ⵏ ⵓⵎⴰⵔⵉ ⴼ ⵓⴳⵣⵣⵓⵎ ⴰⵎⵣⵡⴰⵔⵓ ⵏ ⵓⵙⵍⴳⵏ ⵏ ⵓⵥⵕⴼ, ⵢⴰⴳⵯⵉ ⵜ 56 ⵏ ⵓⵎⴰⵔⵉ, ⵜⴰⴳⵯⵉ ⵢⴰⵜ ⵜⵎⴰⵔⵉⵜ ⴰⵙⵜⴰⵢ, ⵍⴽⵎⵏ ⵉⵙⵏⴼⵍⵏ 532 ⵙⴳ ⵜⵏⴱⴰⴹⵜ ⴷ ⵜⵔⵓⴱⴱⴰ ⴷ ⵜⴳⵔⵓⵎⵎⴰⵏ ⵜⵓⴳⵯⵜ ⵓⵍⴰ ⵜⵓⵣⵍⵜ ⴷ ⵙⵏⴰⵜ ⵜⵎⵓⵔⴰ ⵓⵔ ⵡⴰⵍⴰⵏⵉⵏ.
ⴱⴷⴷⵏ ⵉⵙⵡⴰⵍⴰⵢⵏ ⵉⵎⴰⵜⴰⵢⵏ ⵏ ⵓⵙⵏⴼⴰⵔ ⵏ ⵓⵙⵍⴳⵏ ⵏ ⵓⵥⵕⴼ ⵏ 2025 ⴼ ⵓⵙⴷⵓⵙ ⵏ ⵜⵔⵙⴰⵍ ⵏ ⵓⵡⴰⵏⴽ ⴰⵏⴰⵎⵓⵏ ⴷ ⵓⴼⵔⴰⴳ ⵏ ⵓⵎⵢⴰⵙ ⴰⵥⵕⴼⴰⵏ ⴷ ⵓⴷⵎⵙⴰⵏ, ⵖⵎⴽ ⴰⵏⵏ ⴷ ⵜⵎⵙⴽⴰⵔ ⴷ ⵉⵎⵓⴽⵏⵏⴳⴳⵓⵜⵏⵉⵏ, ⴰⵎ ⵎⴰⴷ ⵉⵥⵍⵉⵏ ⵙ ⵉⵔⴳⴰⵢⵏ ⴷ ⵓⴼⵔⴰⴳ ⴰⵏⴰⵎⵓⵏ ⴷ ⵓⵙⵙⵔⵇⴱ ⵏ ⵓⵙⵙⴰⵔⵓ.
ⵉⴱⴷⴷ ⵓⵙⵓⵊⴷ ⵏ ⵜⵏⴱⴰⴹⵜ ⵏ ⵓⵙⵏⴼⴰⵔ ⴰⴼ ⴼ ⵜⵓⵔⴷⵉⵡⵉⵏ ⴱⴷⴷⵏⵉⵏ ⴼ ⵓⵙⵖⵍ ⵏ ⵜⵣⵣⵓⴳⵜ ⴳ 2 %, ⴷ ⵡⴰⵍⴰⵓ ⵏ ⵜⵓⵜⵔⴰ ⵏ ⴱⵕⵕⴰ ⵏ ⵍⴼⵓⵚⴼⴰⵟ ⴷ ⵉⵙⵓⴼⵖ ⵏⵏⵙ ⵙ 3.2 %, ⴷ ⵜⵉⵢⵢⴰⴼⵓⵜ ⵏ ⵜⴼⵍⵍⴰⵃⵜ ⴳ 70 ⵏ ⵓⵇⵏⵟⴰⵕ, ⴷ ⵡⴰⵎⵎⴰⵙ ⵏ ⵡⴰⵜⵉⴳ ⵏ ⵓⴳⴰⵣ ⵏ ⵍⴱⵓⵜⴰⵏ ⴳ 500 ⴷⵓⵍⴰⵕ ⵉ ⵟⵟⵓⵏ.
ⵔⴰⴷ ⵉⵙⵏⵎⴰⵍⴰ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵉⵎⵡⴰⵙ, ⵜⵉⵖⵉⵎⵉⵜ ⵜⴰⵎⵣⵡⴰⵔⵓⵜ ⵉⵥⵍⵉⵏ ⵙ ⵓⵙⵎⵏⵉⴷ ⵏ ⵓⵏⵇⵇⵉⵙ ⵏ ⵜⵙⵇⵇⵉⵎⵉ ⴼ ⵜⵎⵙⴰⵙⵜⵍⵉⵏ ⵜⴰⵢⵢⴰⵡⵉⵏ ⴷ ⵓⵎⴹⴰⴽⴰⵕ ⵏ ⵓⴳⵣⵣⵓⵎ ⴰⵎⵣⵡⴰⵔⵓ ⵏ ⵓⵙⵏⴼⴰⵔ ⵏ ⵓⵙⵍⴳⵏ ⵏ ⵓⵥⵕⴼ ⵏ 2025, ⴷ ⵜⵖⵉⵎⵉⵜ ⵜⵉⵙ ⵙⵏⴰⵜ ⵉⵥⵍⵉⵏ ⵉ ⵜⵎⵔⴰⵔⵓⵜ ⵏ ⵜⵏⴱⴰⴹⵜ ⴷ ⵓⵙⵜⴰⵢ ⵏ ⵓⴳⵣⵣⵓⵎ ⵡⵉⵙ ⵙⵉⵏ ⴷ ⵓⵙⵏⴼⴰⵔ ⴰⴽⴽⵯ.
