ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵏⴼⴰⵔ ⵏ ⵓⵙⵍⴳⵏ ⴼ ⵜⵎⴳⵓⵔⵉ ⵏ ⵙⵙⵓⵍⵉⵎⴰ ⴷ ⵡⴰⵍⴰⵙ ⵏ ⵓⵙⵏⵎⴰⵍⴰ ⵏ ⵡⴰⵎⵎⴰⵙ ⴰⵎⵖⵔⵉⴱⵉ ⵏ ⵙⵙⵓⵍⵉⵎⴰ
ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 4 ⵏⵓⵡⴰⵏⴱⵉⵔ 2024 ⵙ ⵜⵓⴳⵜ, ⴰⵙⵏⴼⴰⵔ ⵏ ⵓⵙⵍⴳⵏ 18.23 ⴼ ⵜⵎⴳⵓⵔⵉ ⵏ ⵙⵙⵓⵍⵉⵎⴰ ⴷ ⵡⴰⵍⴰⵙ ⵏ ⵓⵙⵏⵎⴰⵍⴰ ⵏ ⵡⴰⵎⴰⵎⵙ ⴰⵎⵖⵔⵉⴱⵉ ⵏ ⵙⵙⵓⵍⵉⵎⴰ, ⴳ ⵜⵖⵉⵎⵉⵜ ⵜⴰⵣⵣⵔⴰⴼⵜ ⵍⵍⵉ ⵉⵙⵙⵉⵅⴼ ⵎⴰⵙⵙ ⵎⵓⵃⴰⵎⵎⴰⴷ ⵚⵚⴱⴱⴰⵕⵉ ⴰⵎⴰⵔⵉ ⵏ ⵓⵏⵙⵙⵉⵅⴼ, ⵙ ⵜⵉⵍⵉⵜ ⵏ ⵎⴰⵙⵙ ⵎⵓⵃⴰⵎⵎⴰⴷ ⵎⵀⴷⵉⴷⵏ ⵙⵄⵉⴷ, ⴰⵎⴰⵡⵙⴰⵙ ⵏ ⵉⵄⵔⵔⵉⵎⵏ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ.
ⵉⵡⴰⵜⵜⵙ ⵓⴹⵕⵉⵚ ⴰⴷ ⴰⵣⵣⵔⴰⴼ ⴰⵙⵎⵓⵏ ⵏ ⵉⵎⵏⵣⴰⵢⵏ ⵣⴷⵉⵏⵏ ⴷ ⵓⵙⵏⵎⴰⵍⴰ ⵏ ⵜⵎⴳⵓⵔⵉ ⵏ ⵙⵙⵓⵍⵉⵎⴰ ⴷ ⵡⴰⵍⴰⵙ ⵏ ⵓⵙⵏⵎⴰⵍⴰ ⵏ ⵡⴰⵎⵎⴰⵙ ⵏ ⵙⵙⵓⵍⵉⵎⴰ ⴳ ⵓⴹⵕⵉⵚ ⵉⴳⴰⵏ ⴰⵙⵍⴳⵏ ⵏ ⵙⵙⵓⵍⵉⵎⴰ, ⴷ ⵓⵙⴽⵔ ⵏ ⵜⵎⴳⵓⵔⵉ ⵜⴰⵎⴰⵢⵏⵓⵜ ⵏ ⵙⵙⵓⵍⵉⵎⴰ ⵙ ⵜⵖⴰⵔⴰⵙⵜ ⵉⴳⴰⵏ ⵜⴰⵎⴰⵢⵏⵓⵜ ⵉⴱⴷⴷⵏ ⴼ ⵜⵏⵏⵓⴱⴹⴰ ⴷ ⵜⵏⴳⴰⴷⴷⴰⵢⵜ ⴷ ⵜⵎⴰⴼⴰⵡⵜ.
ⵢⵉⵡⵉⴷ ⵓⵙⵏⴼⴰⵔ ⵏ ⵓⵙⵍⴳⵏ ⴰⴷ ⵉⵣⴷⵉⵏ ⵙ ⵜⵓⵔⴰⴳⵉⵏ ⵏ ⵓⴼⴰⵔⵙ ⵏ ⵙⵙⵓⵍⵉⵎⴰ, ⴷ ⵓⵙⵔⵙⵏ ⵏ ⵓⵏⴳⵔⵡ ⴰⵎⴰⵢⵏⵓ ⵏ ⵓⵙⵖⵣⵏ ⴰⴳⵔⴰⵖⵍⴰⵏ ⴼ ⵓⵣⵣⴳⵉⵔ ⵏ ⵓⴼⴰⵔⵙ, ⵉ ⵚⴰⵃⴰ ⵏ ⵉⵡⴷⴰⵏ ⵓⵔ ⴹⴼⵕⵏⵉⵏ ⴰⵍⵓⴳⵏ ⵏ ⵍⵎⵖⵔⵉⴱ, ⴷ ⵓⵙⵙⵔⵇⴱ ⵏ ⵓⵙⵙⴰⵔⵓ ⴰⵏⴰⵎⵓⵔ ⴷ ⵡⵉⵏ ⴱⵕⵕⴰ ⴳ ⵢⵉⴳⵔ ⵏ ⵙⵙⵓⵍⵉⵎⴰ ⵙⵙ ⵓⵙⵙⵔⵅⵓ ⵏ ⵜⴱⵔⵉⴷⵉⵏ ⴷ ⵓⴹⴼⵔ ⵏ ⵉⵎⵓⴽⵏⵏ ⵏ ⵜⴳⵍⴷⵉⵜ.
ⵢⵉⵡⵉ ⴷ ⵓⵙⵏⴼⴰⵔ ⴰⴷ ⵎⴰⵙ ⵉⵥⴹⴰⵕ ⵡⴰⵎⴰⵎⵙ ⴰⵎⵖⵔⵉⴱⵉ ⵏ ⵙⵙⵓⵍⵉⵎⴰ ⴰⴷ ⵉⴹⴼⵕ ⵜⵉⵎⵙⵙⵓⵔⵉⵏ ⵜⵓⵙⵍⵉⴳⵉⵏ, ⵍⵍⵉ ⵓⵎⵥⵏⵉⵏ ⵜⵓⵔⴰⴳⵜ, ⵙ ⵜⵓⵜⵔⴰ ⵏⵏⵙⵏⵜ, ⵃⵎⴰ ⴰⴷ ⴰⵎⵥⵏⵜ ⵜⵓⵔⴰⴳⵉⵏ ⵙ ⵓⴽⵛⵓⵎ ⵙ ⵉⴷⵖⴰⵔⵏ ⵏ ⵓⴼⴰⵔⵙ, ⵙ ⵢⴰⵏ ⵓⵙⵖⵡⵏ ⵖ ⵉⵍⵍⴰ ⵓⵡⵇⵇⵔⵔ ⵏ ⵓⵙⵉⵏⴰⵔⵢⵓ ⵏ ⵜⵔⵙⴰⵍ ⵏ ⵜⴳⵍⴷⵉⵜ ⴷ ⵓⵏⴳⵔⴰⵡ ⴰⵎⴰⵜⴰⵢ ⴷ ⵜⵖⴰⵔⵉⵡⵉⵏ, ⴷ ⴰⵔⴰⵙⴽⵔ ⵏ ⵓⵙⵏⴼⵍ ⴰⵙⵉⵍⴰⵏ ⴳⵉⵙ.
ⴳ ⵎⴰⴷ ⵉⵥⵍⵉⵏ ⵙ ⵜⵙⴷⴰⵡⵉⵢⵏ ⴷ ⵜⵎⵔⵙⴰⵍ ⵏ ⵓⵙⵎⵓⵜⴳ ⴳ ⵜⵣⵣⵓⵍⵉⵏ ⵏ ⵙⵙⵓⵍⵉⵎⴰ ⴷ ⵓⵙⵍⵉⵥⵉⵕ, ⵉⵇⵇⴰⵏ ⴷ ⴰⴷ ⵢⵉⵍⵉ ⵓⵙⵉⵡⴹ ⵏⵏⵙⵏⵜ ⵣⵡⴰⵔ ⴷⴰⵔ ⵡⴰⵎⴰⵎⵙ ⴰⵎⵖⵔⵉⴱⵉ ⵏ ⵙⵙⵓⵍⵉⵎⴰ ⴳ ⵓⵙⴰⵜⵉ ⵏ ⵜⵉⵍⴰⵍ ⵏ ⵉⵣⵔⴰⵡⵏ ⵏⵏⵙⵏⵜ, ⴷ ⵎⴰⴷ ⵉⵥⵍⵉⵏ ⵙ ⵜⵓⵔⴰⴳⵜ ⵏ ⵓⵙⵎⵔⵙ ⵏ ⵜⴷⴰⵍⴰ ⵏ ⵙⵙⵓⵍⵉⵎⴰ ⵙⴳ ⵛⴰ ⵏ ⵜⵎⵙⵎⵓⵏⵜ ⵏⵖ ⵜⴰⵎⵙⵙⵓⵔⵓⵜ.
