ⵉⴷⵔⵓ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⴽⵜⵜⵓⵢ ⵡⵉⵙ 45 ⵏ ⵓⴱⵕⵍⴰⵎⴰⵏ ⵏ ⵍⴰⵏⴷⵉⵣ
ⴷⵔⵓⵏ ⵉⴳⵎⴰⵎⵏ ⵜⴰⵢⵢⴰⵡⵜ ⵜⴰⵏⴰⵎⵓⵔⵜ ⴷⴰⵔ ⵓⴱⵕⵍⴰⵎⴰⵏ ⵏ ⵍⴰⵏⴷⵉⵣ, ⵎⴰⵙⵙⴰ ⴼⴰⵜⵉⵏ ⵍⵖⴰⵍⵉ (ⴰⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ), ⵎⴰⵙⵙ ⵎⵓⵃⴰⵎⵎⴰⴷ ⵜⵜⵡⵉⵎⵉ ⴱⵏⵊⵍⵍⵓⵏ (ⵜⴰⵥⵖⵓⵕⵜ ⴷ ⵜⵎⴰⵜⵔⴰⵔⵜ) ⴳ ⵜⵙⵓⵜⵍⵜ ⵏ ⴽⵟⵓⴱⵕ ⴳ 22 ⴰⵔ 25 ⴽⵟⵓⴱⵕ 2024 ⴳ ⴱⵓⴳⵓⵟⵟ, ⵉⵎⵙⴰⵙⴰⵏ ⴷ ⵓⵙⴼⵓⴳⵍⵓ ⵏ ⵓⴽⵜⵜⵓⵢ ⵡⵉⵙ 45 ⵏ ⵓⴱⵕⵍⴰⵎⴰⵏ ⵏ ⵍⴰⵏⴷⵉⵣ.
ⴷⵔⵓⵏ ⵉⴳⵎⴰⵎⵏ ⵏ ⵜⴰⵢⵢⴰⵡⵜ ⴳ ⵜⵙⵎⵓⵏⴰⵢ ⵏ ⵜⵙⵇⵇⵉⵎⵉⵏ ⴳ ⵜⵍⵍⴰ ⵜⵙⵇⵇⵉⵎⵜ ⵏ ⵜⵙⵔⵜⵉⵜ ⵏ ⴱⵕⵕ. ⵢⵉⵍⵉ ⵓⵙⵉⵙⴼⵉⵡ ⵏ ⵜⵉⴷⵜ ⵏ ⵓⵙⵔⵙ ⴳ ⵜⵙⴳⴳⵉⵡⵉⵏ ⵏ ⵉⴼⴼⵓⵙ. ⵢⵉⵍⵉ ⵓⵙⵎⵏⵉⴷ ⵏ ⵉⵙⵏⴼⴰⵔⵏ ⵓⵏⴳⵉⵎⵏ ⵅⴰⵜⵔⵏⵉⵏ ⴷ ⵉⵙⵙⴰⵔⵓⵜⵏ ⵍⵍⴰⵏⵉⵏ ⴳ ⵜⵙⴳⴳⵉⵡⵉⵏ ⴰⴷ. ⵙⴷⴷⵉⴷⵏ ⴼ ⵜⵉⵍⴰⵍⵜ ⵏ ⵜⵓⴳⴳⴰⵙ ⴰⴷ ⴳ ⵓⵙⵕⵚⵓ ⵏ ⵜⵔⵙⴰⵍ ⵏ ⵜⵏⴼⵔⵓⵜ ⴷ ⵓⵔⴳⴳⵉ, ⴷ ⵓⵙⴱⴷⴷⵉ ⵏ ⵉⵙⴷⵓⴷⴷⵉⵢⵏ ⵏ ⵓⴱⵔⵙⵙⵉⵡⴷ ⴷ ⵉⴱⴽⴽⴰⴹⵏ. ⴳ ⵓⵎⵏⴰⴹ ⴰⴷ, ⵉⵍⵍⴰ ⵓⵙⴱⵔⵔⴽ ⵏ ⵓⵙⵉⵡⴹ ⵏ ⵜⴳⴷⵓⴷⴰⵏⵜ ⵏ ⵍⵉⴽⵡⴰⴹⵓⵕ ⴼ ⵓⵓⴽⴽⵓⵙ ⵏ ⵓⵙⵉⵙⵙⵏ ⵏⵏⵙ ⵙ ⵜⵉⵍⵉⵜ ⵏ ⵎⴰⵔⵓⵔ, ⵢⵉⵍⵉ ⵓⵙⵙⴽⵯⵜⵉ ⵏ ⵡⴰⴷⴷⴰⴷⵏ ⵏ ⵉⵡⴰⵏⴽⵏ ⵉⵎⴷⴷⵓⴽⴽⵯⴰⵍ ⵙⵏⴰⵍⵏⵉⵏ ⵜⴰⵎⵖⵔⵉⴱⵉⵜ ⵏ ⵚⵚⵃⵕⴰ, ⵙⵍⴰⵡⴰⵏ ⴰⴽⴽⵯ ⵚⴱⴰⵏⵢⴰ ⴷ ⴼⵕⴰⵏⵚⴰ, ⴰⴷⴷⴰⴷⵏ ⵍⴰⵏⵉⵏ ⵜⵉⵎⵉⵜⴰⵔ ⵜⵉⵎⵣⵔⴰⵢⵉⵏ ⴷ ⵜⵙⵔⵜⴰⵏⵉⵏ ⴷⵔⴰⵏⵉⵏ.
ⵜⵙⵎⵏⵉⴷ ⵜⴳⵯⵏⵙⴰⵙⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵎⵖⵔⵉⴱⵉ ⵜⴰⴳⵓⵔⵉ ⵙ ⵉⵙⵎ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⵜⵙⵙⵔⵖⴷ ⴰⴽⵜⵜⵓⵢ ⵡⵉⵙ 45 ⵏ ⵓⴱⵕⵍⴰⵎⴰⵏ ⵏ ⵍⴰⵏⴷⵉⵣ.
ⵉⵍⵍⴰ ⵓⵍⴰ ⵓⵙⵓⵜⴳ ⵏ ⵜⵉⵍⴰⵍⵜ ⵏ ⵜⵎⴰⴷⴷⴰⵙⵜ ⴰⴷ ⴳ ⵓⵙⵡⵉⵔ ⵏ ⵓⵎⵏⵥⴰⵡ, ⵙⵍⴰⵡⵏ ⴰⴽⴽⵯ ⵎⴰⵙ ⵜⵉⵡⵙ ⵜⵉⵍⵉⵜ ⵏ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴳ ⵓⴱⵕⵍⴰⵎⴰⵏ ⵏ ⵍⴰⵏⴷⵉⵣ ⴷ ⴰⴳⵎⴰⵎ ⵉⵎⵥⵕⵉ ⴳ ⵓⵙⵏⴰⵍ ⵏ ⵓⵙⵉⴷⴼ ⵏ ⵉⵡⴰⴽⵏ ⵏ ⵍⴰⵏⴷⵉⵣ ⴷ ⵓⵙⴰⵜⵉ ⵏ ⵓⵙⵜⴰⵢ ⴰⵙⵜⵔⴰⵜⵉⵊⵉ ⵏ ⵍⵎⵖⵔⵉⴱ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⴰⵎⴷ ⵡⵉⵙ ⵚⴹⵉⵚ ⴷ ⵓⵙⴷⵓⵙ ⵏ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ, ⵢⵉⵍⵉ ⵓⵍⴰ ⵓⵙⵎⵏⵉⴷ ⵏ ⵜⵙⵏⵜⴰⵢⵜ ⵏ ⵍⴰⵟⵍⴰⵚⵉ ⵉⵡⴰⵜⵜⵙⵏ ⴰⵙⵎⵖⵔ ⵏ ⵓⵎⵢⴰⵡⴰ ⵊⴰⵔ ⵉⴼⵔⵉⵇⵢⴰ ⴷ ⵎⴰⵔⵉⴽⴰⵏ ⵜⴰⵍⵜⵉⵏⵉⵜ.