ⵊⵓⵏⵉⴼ: ⵉⴷⵔⵓ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⴳ ⵓⵣⵣⵔⴰⵢ ⵏ ⵓⵏⵇⵇⵉⵙ ⴰⵎⵣⵡⴰⵔⵓ ⵅⴼ ⵜⵎⵢⴰⵇⵇⴰⵏⵜ ⵜⴰⴳⵔⴰⵖⵍⴰⵏⵜ ⵉ ⵓⴼⵔⴰⴳ ⵏ ⵎⴰⵕⵕⴰ ⵉⵡⴷⴰⵏ ⵙⴳ ⵓⵏⵖⵓⴱⵓ ⵓⵛⵛⵉⵍ
ⵉⴷⵔⵓ ⵓⴽⴰⴱⴰⵕ ⴰⴱⴰⵕⵍⴰⵎⴰⵏⵉ ⴳ ⵓⵣⵣⵔⴰⵢ ⵏ ⵓⵏⵇⵇⵉⵙ ⴰⵎⵣⵡⴰⵔⵓ ⵉⵥⵍⵉⵏ ⵙ ⵓⵙⴽⵔ ⵏ ⵜⵎⵢⴰⵇⵇⴰⵏⵜ ⵜⴰⴳⵔⴰⵖⵍⴰⵏⵜ ⵉ ⵓⴼⵔⴰⴳ ⵏ ⵎⴰⵕⵕⴰ ⵉⵡⴷⴰⵏ ⵙⴳ ⵓⵏⵖⵓⴱⵓ ⵓⵛⵛⵉⵍ ⴳ ⵊⵓⵏⵉⴼ ⴳ ⵙⵡⵉⵙⵔⴰ ⵓⵙⵙⴰⵏ ⵏ 24 ⴷ 25 ⵛⵓⵜⴰⵏⴱⵉⵔ.
ⵢⵓⵎⴰ ⵓⴽⴰⴱⴰⵕ: ⵎⴰⵙⵙ ⵙⴰⵄⵉⴷ ⴱⴰⵄⵣⵉⵣ, ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⵣⵔⴼⵜ ⴷ ⵓⵣⵣⵔⴰⴼ ⴷ ⵉⵣⵔⴼⴰⵏ ⵏ ⵓⴼⴳⴰⵏ, ⵎⴰⵙⵙ ⵍⴰⵃⵉⵙⵉⵏ ⴱⵏ ⵟⵟⴰⵢⵢⵉⴱ ⵙⴳ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ, ⵎⴰⵙⵙ ⵙⴰⵍⵉⵎⴰ ⵣⵉⴷⴰⵏⵉ ⵙⴳ ⵜⴰⵎⵓⵏⵜ ⵜⴰⵎⴰⵜⴰⵢⵜ ⵏ ⵉⵎⵙⵡⵓⵔⵉⵢⵏ ⴳ ⵍⵎⵖⵔⵉⴱ, ⵎⴰⵙⵙ ⵅⴰⵍⵉⵀⵏⵏⴰ ⵍⴳⵔⵛ ⵙⴳ ⵜⴽⵓⵏⴼⵉⴷⵉⵕⴰⵍⵉⵜ ⵜⴰⴷⵉⵎⵓⵇⵔⴰⵟⵉⵜ ⵉ ⵜⵡⵓⵔⵉ.
ⵔⴰⴷ ⵢⵉⵍⵉ ⵓⵣⵣⵔⴰⵢ ⵏ ⵓⵏⵇⵇⵉⵙ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵅⴼ ⵓⵙⴽⵔ ⵏ ⵜⵎⵢⴰⵇⵇⴰⵏⵜ ⵜⴰⴳⵔⴰⵖⵍⴰⵏⵜ ⵉ ⵓⴼⵔⴰⴳ ⵏ ⵎⴰⵕⵕⴰ ⵉⵡⴷⴰⵏ ⵙⴳ ⵓⵏⵖⵓⴱⵓ ⵓⵛⵛⵉⵍ ⴷⴰⵜ ⵏ ⵓⵏⵇⵇⵉⵙ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵙⴰⵜⵉ ⵏ ⵓⵎⵙⴰⵡⴰⵍ ⵊⴰⵔ ⵓⴽⴰⴱⴰⵕ ⴰⵎⴰⴷⴷⵓⴷ ⴷ ⵜⵙⵇⵇⵉⵎⵜ ⵉⵥⵍⵉⵏ ⵙ ⵡⴰⴷⴷⴰⴷⵏ ⵏ ⵓⵖⵓⴱⵓ ⵓⵛⵛⵉⵍ, ⵙ ⵓⵎⵙⴰⵙⴰ ⴷ ⵉⵙⵖⵡⴰⵏ ⵉⴳⵔⴰⵖⵍⴰⵏⵏ ⵏ ⵎⵍⵖⵔⵉⴱ ⴳ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⵏⵢⴰⵍⴰⴽⴰⵎ ⵏ ⵜⵎⴰⵣⵉⵔⵜ ⵏⵏⵖ ⴰⴽⴷ ⵉⵎⵉⵙⵙⵏ ⵉⴳⵔⴰⵖⵍⴰⵏⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵙ ⵓⵙⵎⴰⵇⵇⵍ ⴰⵙⵜⵔⴰⵜⵉⵊⵉⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ.
ⵜⵍⵍⴰ ⵜⴷⵔⴰⵡⵜ ⴰⴷ ⴳ ⵓⵙⴰⵜⵉ ⵏ ⵓⵙⵖⵡⵏ ⵏ ⵜⵎⴰⵣⵉⵔⵜ ⵏⵖ ⴳ ⵢⵉⴳⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⵏⵢⴰⵍⴰⴽⵎ ⵏⵏⵙ ⴷ ⵜⴳⵔⴰⵡⵉⵏ ⵏ ⵜⵎⵢⴰⵇⵇⴰⵏⵉⵏ, ⵙ ⵜⴷⵉⵏⴰⵎⵉⵔ ⵉⵥⵍⵉⵏ ⵙ ⵓⵙⵎⵏⵉⴷ ⵏ ⵉⵏⵇⵇⵉⵙⵏ ⴰⴷ ⴳ ⵜⵉⵣⵉ ⵏⵏⵙⵏ, ⴷ ⵜⴷⵔⴰⵡⵜ ⴳ ⵉⵎⵙⴰⵡⴰⵍⵏ ⵥⵍⵉⵏⵉⵏ ⵙ ⵜⵉⴹⴰⴼ ⵏ ⵜⵎⵜⵜⴰ ⵎⵓⵏⵏⵉⵏ, ⴰⵢⵍⵍⵉ ⵉⵎⵎⴰⵍⴰⵏ ⵜⵉⵎⵙⴽⴰⵔ ⴷ ⵓⵎⵎⵉⵥⵏ ⵉⵏⴰⵎⵓⵔⵏ ⴷ ⵉⵙⴰⵡⵓⵔⵏ ⵏ ⵓⵎⵓⴽⵏ ⴳ ⵢⵉⴳⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ.