ⵀⵉⵍⵙⵉⵏⴽⵉ: ⴰⵔⵣⴰⴼ ⵏ ⵓⴽⴰⴱⴰⵕ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⵉ ⵓⴱⵕⵍⴰⵎⴰⵏ ⵏ ⴼⵉⵏⵍⴰⵏⴷⴰ

ⴳ ⵓⵙⴰⵜⵉ ⵏ ⵓⵙⵎⵀⵍ ⵏ ⵜⵙⵜⵔⴰⵜⵉⵊⵉⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⵎⵏⵉⴷ ⵏ ⵓⵎⵢⴰⵡⴰⵙ ⴰⵎⵔⵙⵍⴰⵏ ⴷ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ, ⵉⵙⴽⵔ ⵓⴽⴰⴱⴰⵕ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⵢⴰⵏ ⵓⵔⵣⴰⴼ ⵏ ⵜⵡⵓⵔⵉ ⵉ ⵀⵉⵍⵙⵉⵏⴽⵉ. 

ⵢⵓⵎⴰ ⵓⴽⴰⴱⴰⵕ ⵎⴰⵙⵙⴰ ⵙⴰⵍⵎⴰ ⴱⵏⵄⵣⵉⵣ, ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ, ⵎⴰⵙⵙ ⴱⵍⵄⵙⵙⴰⵍ ⵛⵛⴰⵡⵉ, ⵙⴳ ⵜⵔⴰⴱⴱⵓⵜ ⵜⴰⴷⵙⴰⵜⴰⵔⵜ ⵜⴰⴷⵉⵎⵓⵇⵔⴰⵟⵉⵜ ⵜⴰⵏⴰⵎⵓⵏⵜ, ⵎⴰⵙⵙⴰ ⵕⵕⴼⵄⴰ ⵎⴰⵍⵄⵉⵏⵉⵏ, ⵙⴳ ⵜⵔⴰⴱⴱⵓⵜ ⵏ ⵡⴰⵍⴰⵢ ⴷ ⵜⵙⵔⵎⵓⵏⵜ. ⵉⵍⵍⴰ ⵓⵙⵏⵓⴱⴳ ⵏ ⵓⴽⴰⴱⴰⵕ ⵙ ⵜⵉⵍⵉⵜ ⵏ ⵓⵎⵙⵇⵇⴰⴷ ⵏ ⵜⴳⵍⴷⵉⵜ ⵎⴰⵙⵙ ⵎⵓⵃⴰⵎⵎⴰⴷ ⴰⵛⴳⴰⵍⵓ, ⵙⴳ ⵓⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⵏ ⴼⵉⵏⵍⴰⵏⴷⴰ ⵎⴰⵙⵙ Jussi Hala-Aho.

ⵉⵙⵓⵜⴳ ⵓⵎⵙⵜⴳⴳⴰⵔ ⵏ ⴼⵉⵏⵍⴰⵏⴷⴰ ⵜⵉⵣⴷⴰⵢⵉⵏ ⵥⵉⵍⵏⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ, ⵙⵍⴰⵡⴰⵏ ⴰⴽⴽⵯ ⴰⵙⵏⵓⴱⴳ ⵉⵥⵉⵍⵏ ⵍⵍⵉ ⴰⵙ ⵉⵙⴽⵔ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, 24 ⵎⴰⵢ 2024, ⴳ ⵓⵔⵣⴰⴼ ⵏⵏⵙ ⵖ ⵕⵕⴱⴰⵟ, ⴰⵢⵍⵍⵉ ⵉⵎⵎⴰⵍⴰⵏ ⴰⵜⵉⴳ ⵏ ⵜⵣⴷⴰⵢⵉⵏ ⵏⴳⵔ ⴼⵉⵏⵍⴰⵏⴷⴰ ⴷ ⵍⵍⵉ ⵍⴽⵎⵉⵏ 65 ⵏ ⵓⵙⴳⴳⵯⴰⵙ. 

ⵉⴱⴷⴷ ⵓⵍⴰ ⴼ ⵡⴰⴷⴷⴰⴷ ⵏ ⵜⵎⴰⵣⵉⵔⵜ ⵏⵏⵙ ⵍⵍⵉ ⵉⵍⵍⴰⵏ ⴷ ⵜⵙⵓⵎⵔⵜ ⵜⴰⵎⵖⵔⵉⴱⵉⵜ ⵏ ⵉⵏⴱⴰⴹ ⴰⵏⵉⵎⴰⵏ ⵉ ⵜⵙⴳⴳⵉⵡⵉⵏ ⵏ ⵉⴼⴼⵓⵙ ⴷⴷⵓ ⵏ ⵜⵅⵅⵓⵜⵔⴰ ⵜⴰⵎⵖⵔⵉⴱⵉⵜ, ⴰⵢⵍⵍⵉ ⵉⵜⵜⵓⴱⴷⴰⵔⵏ ⴷ ⵓⵙⵉⵡⴹ ⵏ ⵓⵏⵎⵓⵇⵇⴰⵔ ⵏ ⵎⴰⵙⵙ ⵏⴰⵚⵉⵕ ⴱⵓⵕⵉⵟⴰ, ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵢⵏ ⵏ ⴱⵕⵕⴰ, ⴰⴽⴷ ⵜⴰⵏⴳⴳⵯⵓⵜ ⵏⵏⵙ ⴳ ⴼⵉⵏⵍⴰⵏⴷⴰ ⵎⴰⵙⵙⴰ Elina Valtonen , ⴳ 6 ⵖⵓⵛⵜ ⵉⵣⵔⵉⵏ. 

ⵉⵙⴰⵡⵍ ⵓⴽⴰⴱⴰⵕ ⴰⵎⵖⵔⵉⴱⵉ ⴼ ⴰⵕⵕⴰ ⵉⵙⴰⵡⵓⵔⵏ ⵅⴰⵜⵔⵏⵉⵏ ⵍⵍⴰⵏⵉⵏ ⴳⵢⵉⴳⵔ ⴰⵣⵣⵔⴰⴼ ⴰⵎⵖⵔⵉⴱⵉ ⵙⵍⴰⵡⴰⵏ ⴰⴽⴽⵯ ⴰⵍⵓⴳⵏ ⵏ ⵜⵓⵡⵊⴰ, ⵖⵎⴽ ⴰⵏⵏ ⴷ ⵜⵉⵍⴰⵍⵜ ⵏ ⵓⴱⵕⵍⴰⵎⴰⵏ ⴳ ⵓⵙⴷⵓⵙ ⵏ ⵜⵣⴷⴰⵢⵉⵏ ⵊⴰⵔ ⵍⵎⵖⵔⵉⴱ ⴷ ⴼⵉⵏⵍⴰⵏⴷⴰ. 

ⵉⵍⵍⴰ ⵓⵙⵏⵓⴱⴳ ⵏ ⵓⴽⴰⴱⴰⵕ ⵙⴳ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕ. ⵉⵍⵍⴰ ⵓⵎⴹⴰⴽⴰⵕ ⴼ ⵜⵙⵏⵜⴰⵢⵜ ⵜⴰⵙⵔⵜⴰⵏⵜ ⵉ ⵍⴰⵟⵍⴰⵚⵉ, ⴰⵣⵡⴰⴳ ⴷ ⵓⵎⵏⴰⴹ ⵏ ⵓⵙⵙⴰⵔⵓ ⴳ ⵍⵎⵖⵔⵉⴱ, ⵜⵉⵥⴹⴰⵕⵉⵏ ⵏ ⵜⵎⴰⵣⵉⵔⵜ ⵉ ⵓⵙⵏⴱⴳ ⵏ ⵓⵙⵙⴰⵔ ⵏ ⴼⵉⵏⵍⴰⵏⴷⴰ ⴳ ⵉⴳⵔⴰⵏ ⵏ ⵜⴼⵍⵍⴰⵃⵜ, ⵜⴰⵜⵉⴽⵏⵓⵍⵓⵊⵉⵜ, ⵜⵉⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ. 

ⵉⵙⵏⵓⴱⴳ ⴰⴽⴰⴱⴰⵕ ⴰⴷ ⵎⴰⵙⵙ Matias Mattinen ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵜⴰⴱⵕⵍⴰⵎⴰⵏⵉⵜ ⵏ ⵓⴽⴰⴱⴰⵕ ⵏ ⵜⴰⵎⵓⵏⵜ ⵜⴰⵏⴰⵎⵓⵔⵜ (ⵉⵍⵍⴰ ⴳ ⵜⵏⴱⴰⴹⵜ),  ⵍⵍⵉ ⵉⵙⴰⵡⵍⵏ ⴼ ⵜⵣⵣⵉⴳⵣⵜ ⵏⵜ ⵎⵙⴽⵔⵜ ⵜⴰⴷⵉⵎⵓⵇⵔⴰⵟⵉⵜ ⴳ ⴼⵉⵏⵍⴰⵏⴷⴰ ⵍⵍⵉⵖ ⴷⵔⵓⵏⵜ ⵜⵎⵖⴰⵔⵉⵏ ⴳ ⵉⵙⵜⴰⵢⵏ ⵙⴳ 1906, ⵜⵉⵎⵣⵡⵓⵔⴰ ⴳ ⵓⵎⴰⴹⴰⵍ, ⴳⵉⵏⵜ ⵖⵉⵍⴰⴷ 90 ⵏ ⵜⵎⴰⵔⵉⵜ ⵖ 200 ⴳ ⵓⴱⵕⵍⴰⵎⴰⵏ, ⵎⵔⴰⵡⵜ ⴳⵉⵙⵏⵜ ⵖⵓⵔⵙⵏⵜ ⵎⴰⴷ ⵉⴷⵔⵓⵙⵏ ⴼ 30 ⵏ ⵓⵙⴳⴳⵯⴰⵙ. 

ⴳ ⵓⵎⵏⵉⴷ ⵏⵏⵙⵏ, ⵙⴰⵡⵍⵏ ⵉⵎⵓⵔⴰ ⵉⵎⵖⵔⵉⴱⵉⵢⵏ ⴼ ⵓⴷⵖⴰⵔ ⵉⵥⵉⵉⵍⵏ ⵏ ⵜⵎⵖⴰⵔⵉⵏ ⴷ ⵉⵄⵔⵔⵉⵎⵏ ⴳ ⵓⴱⵕⵍⴰⵎⴰⵏ , ⵙⵓⵜⴳⵏ ⴰⵜⵉⴳ ⵏ ⵜⵣⴷⴰⵢⵉⵏ ⵉⵙⵎⵓⵏⵏ ⵍⵎⵖⵔⵉⴱ ⴷ ⵓⴳⵔⴰⵡ ⴰⴱⵕⵍⴰⵎⴰⵏⵉ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⵖⵎⴽ ⴰⵏⵏ ⵓⵍⴰ ⴷ ⵜⵎⵔⵙⴰⵍ ⵏ ⵓⵕⵓⴱⴱⴰ ⵖ ⵉⵍⵍⴰ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ. 

ⵉⵙⵎⴷ ⵓⵔⵣⴰⴼ ⵏ ⵓⴽⴰⴱⴰⵕ ⵙ ⵓⵏⵎⵓⵇⵇⴰⵔ ⴰⴽⴷ ⵎⴰⵙⵙⴰ Krista Napola  ⵜⴰⵏⵎⵀⴰⵍⵜ ⵜⴰⵎⴰⵜⴰⵢⵜ ⵏ ⵜⵣⵓⵏⵉ ⵏ ⵉⴼⵔⵉⵇⵢⴰ ⴷ ⵎⴰⵙⵙⴰ Anna-Kaisa Heikkinen ⵜⴰⵏⵎⵀⴰⵍⵜ ⵏ ⵜⵢⴰⵏⵜ ⵏ ⵉⴼⵔⵉⵇⵢⴰ ⴷ ⵉⴼⵔⵉⵇⵢⴰ ⵏ ⵉⵥⵥⵍⵎⴹ ⴷ ⵜⴰⴳⵓⵜ ⴳ ⵜⵎⴰⵡⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ,