ⵜⴰⴳⵓⵔⵉ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵎⵓⵔⴰ, ⴳ ⵓⵙⵏⵓⴱⴳ ⵏ ⵡⴰⵔⵔⴰⵡ ⵏ ⵓⵏⵎⵓⵇⵇⴰⵔ ⴰⴳⵔⴰⵖⵍⴰⵏ ⵏ ⵡⴰⵔⵔⴰⵡ ⵏ ⵓⴼⵔⴰ (ⵜⴰⵙⵓⵜⵍⵜ 16)

ⵙ ⵉⵙⵎ ⵏ ⵕⴱⴱⵉ, ⵜⴰⵥⴰⵍⵍⵉⵜ ⴷ ⵓⴼⵔⴰ ⴼ ⵓⵕⵇⵇⴰⵚ ⵏⵏⵙ

ⵉⵙⵜⵉ, ⵜⴰⵔⵡⴰ ⵏⵏⵡ ⵜⴰⵣⵣⴰⵏⵉⵏ, 

ⵉⴳⵎⴰⵎⵏ ⵏ ⵓⵎⵓⵇⵇⴰⵔ ⴰⴳⵔⴰⵖⵍⴰⵏ ⵏ ⵡⴰⵔⵔⴰⵡ ⵏ ⵓⴼⵔⴰ, 

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ, 

ⵎⵎⵔⵖ ⵜⵉⴽⴽⵍⵉⵜ ⵢⴰⴷⵏⵉⵏ ⴰⴷ ⵙⵔⵓⵏ ⵙⴱⵔⵔⴽⵖ ⴳ ⵓⵙⴰⵢⵔⵓⵔ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵓⴱⵕⵍⴰⵎⴰⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ, ⵖⵉ ⴷ ⴳ ⵕⵕⴱⴰⵟ ⴳ ⵡⴰⴽⴰⵍ ⵏ ⵓⴼⵔⴰ ⴷ ⵜⴰⵢⵔⵉ ⴷ ⵜⴳⵯⵎⴰⵜ. 

ⵜⴳⴰ ⵜⴰⵎⵍⴷⴰ ⵉⵍⵍⴰⵏ ⴳ ⴽⵔⴰⵢⴳⴰⵜ ⴰⵙⴳⴳⵯⴰⵙ, ⵜⵎⵓⵏ ⴷ ⵓⵏⴰⵔⵓⵣ ⴷ ⵜⵎⵢⵉⵎⴰⵏⵜ ⴳ ⵜⵡⴰⵜⵉⴳⵏ ⵏ ⵓⴼⵔⴰ ⴷ ⵉⵎⵏⴰⴷⵏ ⵏⵏⵙ.  

 ⵎⵔⵔⵖ ⴰⴷ ⴷⴰⵖ ⵙⵓⵜⴳ ⵜⵓⴳⴳⴰⵙ ⵏ ⵜⵎⵙⵎⵓⵏⵜ ⵏ ⴰⴱⵉ ⵕⴰⵇⵕⴰⵇⴳ ⵜⵖⵔⵎⵜ ⵏ ⵙⵍⴰ ⴼ ⵓⵙⵏⵎⴰⵍⴰ ⵏ ⵓⵏⵎⵓⵇⵇⴰⵔ ⴰⴳⵔⴰⵖⵍⴰⵏ ⵏ ⵡⴰⵔⵔⴰⵡ ⵏ ⵓⴼⵔⴰ ⵍⵍⵉ ⵉⵎⵇⵇⵓⵔⵏ ⵖⵉⵍⴰⴷ ⵉⵍⴽⵎ ⵜⴰⵙⵓⵜⵍⵜ ⵜⵉⵙ 16 ⴳ ⵓⵙⴳⴳⵯⴰⵙ ⴰⴷ,ⵉⵙⵏⵓⴱⴳ ⵓⵏⵎⵓⵇⵇⴰⵔ ⵜⴰⵣⵣⴰⵏⵉⵏ ⵙⴳ 25 ⵏ ⵜⵎⴰⵣⵉⵔⵜ ⴷⴳ ⵓⵎⴰⴹⴰⵍ. ⵜⴰⵙⵓⵜⵍⵜ ⵉⵎⵙⴰⵙⴰⵏ ⴷ ⵉⵙⴼⵓⴳⵍⵓⵜⵏ ⵏ ⵓⵎⴰⴷⴰⵏ ⵏ ⵍⵎⵖⵔⵉⴱ ⵙ ⵜⴼⵓⴳⵍⴰ ⵏ ⵓⴷⴰⴱⴰ ⵍⵍⵉ ⵉⵎⵎⴰⵇⵔⴰⵏ ⴷ ⵓⴽⵜⵜⵓⵢ ⵏ ⵓⵥⵕⴼ ⵏ ⵜⵉⵍⵉⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵃⴼⴹ ⵕⴱⴱⵉ ⴼ ⵓⴷⴰⴱⵓ ⵏ ⵉⴷ ⴱⴰⴱ ⵏⵏⵙ ⵍⴰⵏⵉⵏ ⴰⴷⴷⵓⵔ ⴷⴰⵜ ⵏ 25 ⵏ ⵓⵙⴳⴳⵯⴰⵙ. 

ⵙⵙⵏⵖ ⵎⴰⵙ ⴷ ⵓⵛⴽⴰⵏ ⵡⴰⵔⵔⴰⵙ ⵙ ⵍⵎⵖⵔⵉⴱ ⵙⴳ ⵜⵉⵎⵉⵣⴰⵔ ⴷ ⵉⵎⵏⵥⴰⵡⵏ, ⵙⴳ ⵜⴰⴷⵍⵙⵉⵡⵉⵏ ⴷ ⵜⵓⵜⵍⴰⵢⵉⵏ ⵜⵉⵏⴼⴳⴰⵏⵉⵏ, ⴷ ⵎⴰⵙ ⵜⴳⴰ ⵜⵎⴰⵣⵉⵔⵜ ⵏ ⵍⴽⵓⴷⵉⴼⵡⴰⵔ ⵉⵏⴱⴳⵉ ⵏ ⵡⴰⴷⴷⵓⵔ ⵏ ⵜⵙⵓⵜⵍⵜ ⴰⴷ, ⵜⴰⵎⵣⵉⵔⵜ ⵉⴳⴰⵏ ⵜⴰⴳⵯⵎⴰⵜ ⵉⵜⵜⵓⵡⵇⵇⴰⵔⵏ ⵏ ⵓⵎⴰⴷⴰⵏ ⵏⵏⵙ ⵓⴷⴷⵉⵔ ⴷ ⵜⵏⴰⵔⴰ ⵏⵏⵙ ⵜⴰⵏⴰⵎⵓⵔⵜ ⴷ ⵜⵓⵏⵥⵉⵥⵜ. 

ⵙⵙⵏⵖ ⵓⵍⴰ ⵎⴰⵙ ⵉⵍⵍⴰ ⵓⵖⴰⵡⴰⵙ ⵏ ⵜⵡⵓⵔⵉ ⵉⴳⴰⵏ ⴰⵎⵏⵏⴰⵡ ⵙ ⵜⵉⵍⴰⵍ ⵜⵉⵙⴳⵎⴰⵏⵉⵏ ⴷ ⵜⴷⵍⵙⴰⵏⵉⵏ ⴷ ⵜⵉⵏ ⵜⵥⵓⵕⵉ, ⴷ ⵉⵙ ⵜⴼⴽⴰⵎ ⴰⵅⵎⵎⴻⵎ ⵉⵥⵍⵉⵏ, ⴳ ⵜⵙⵓⵜⵍⵜ ⴰⴷ, ⵉ ⵡⴰⵜⵉⴳ ⵏ ⵡⴰⵢⴷ ⴳ ⵍⵎⵖⵔⵉⴱ ⴷ ⵜⵎⵉⵣⴰⵔ ⵜⴰⵢⵜⵎⴰⵜⵉⵏⴷ ⵜⵎⴷⴷⵓⴽⴽⵯⴰⵍ. 

ⴰⵙⵏⵎⴰⵍⴰ ⵏ ⵓⵏⵎⵓⵇⵇⴰⵔ ⴰⴷ ⴷⴷⵓ ⵜⵏⵙⵙⵉⵅⴼⵜ ⵏ ⵡⴰⴷⴷⵓⵔ ⵏ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⴰⵔⵢⴰⵎ ⵔⴰⴷ ⴰⵙ ⵉⴼⴽ ⴰⵜⵉⴳ ⴰⵅⴰⵜⴰⵔ ⵉ ⵜⵙⵓⵜⵍⵜ ⴰⴷ ⵙ ⵎⴰⴷ ⴳⵉⵙ ⵉⵍⵍⴰⵏ ⴳ ⵜⵉⵍⵉⵜ ⴷ ⵓⵥⵏⵥⵔ ⴷ ⵜⵉⵔⵡⵉ, ⵙⵍⴰⵡⴰⵏ ⴰⴽⴽ ⵎⴰⵙ ⵜⵡⴰⵜⵜⵙⵎ ⴰⵙⴷⵓⵙ ⵏ ⵉⵎⴰⵏ ⵏ ⵜⵎⵢⵉⴷⵉⵔⵜ ⴷ ⵓⵎⵙⴰⵡⴰⵍ ⴷ ⵓⵏⵔⴰⵎⴰⵙ ⴷ ⵓⵙⵏⴼⵍ ⵏ ⵡⴰⵜⵉⴳⵏ ⵏ ⵜⵖⵔⵎⴰ ⴷ ⵜⴷⵍⵙⴰ ⴳⴰⵏⵉⵏ ⵜⵉⵔⵙⴰⵍ ⵏ ⵜⴷⵍⵙⴰ ⵏ ⵓⴼⵔⴰ ⵉⴳⴰⵏ ⵜⴰⴷⵍⵙⴰ ⵜⴰⴼⴳⴰⵏⵜ.

ⵎⴽ ⵜⵙⵙⵏⵎ, ⴷ ⵉⵇⵇⴰⵏ ⴷ ⴰⴷ ⵜⵙⵙⵏⵎ ⵏⵙⵙⵏ - ⴳ ⵜⵣⵡⵉⵔⵉ - ⵎⴰⵙ ⵉⴳⴰ ⵓⴼⵔⴰ ⴰⴷⴷⴰⴷ ⴰⴳⵯⵏⵙⴰⵏ ⵍⵍⵉ ⵉⴷⴷⵔ ⵓⴼⴳⴰⵏ ⴷ ⵉⵅⴼ ⵏⵏⵙ, ⴷⴰⵜ ⵎⴰⴷ ⵎⴰⴷ ⵜⵏ ⵉⴷⴷⵔ ⴷ ⵡⵉⵢⵢⴰⴹ ⴳ ⵡⴰⵙⵓⴽ ⴷ ⵜⵖⵔⵎⵜ ⴷ ⵡⴰⵙⵓⵏ, ⴷ ⵜⵎⴰⵣⵉⵔ ⵜⵏⵏⵙ, ⴷ ⵓⵎⴰⴹⴰⵍ. ⴰⴼⵔⴰ ⵉⴳⴰ ⴰⴷⴷⴰⴷ ⵓⴼⵔⵉⴷ ⴰⵙⴳⵎⴰ, ⴷ ⵓⴷⵍⵙⴰⵏ ⵓⵔⵜⴰ ⵉⴳⵉ ⴰⵏⴳⵔⴰⵡ ⵏ ⵜⵎⵙⴽⴰⵔ ⴷ ⵉⵙⵡⵓⴷⴷⵓⵜⵏ ⴷ ⵉⵖⴰⵡⴰⵙⴷ ⵉⵎⵏⴹⵏ ⴷ ⵡⴰⵜⵉⴳⵏ ⴷ ⵜⵔⵙⴰⵍ ⴷ ⵉⵙⵍⴳⵏⵏ ⴼ ⵉⵎⵇⵇⵏⵏ ⴷ ⵜⵎⵢⴰⵇⵇⴰⵏⵉⵏ. ⵉⵜⵜⵓⵏⵏⴰ:  “ⵉⵖ ⴷ ⵓⵔ ⵉⴽⴽⵉ ⵓⴼⵔⴰ ⴰⴳⵯⵏⵙ ⵏⵏⵙ, ⴰⴷ ⵙⵔⵙ ⵓⵔ ⵜⵙⵉⴳⴳⵉⵍⵜ ⴳ ⴱⵕⵕⴰ ⵏⵏⴽ”.

ⴰⴼⵔⴰ ⴷ ⴰⵙⴳⵎⵉ, ⴰⴼⵔⴰ ⴷ ⵜⴰⴷⵍⵙⴰ, ⴰⴼⵔ ⴰⵙⵖⵡⵏ ⵏ ⵜⵖⴰⵔⵉⵡⵉ ⴷ ⵓⴼⴳⴰⵏ ⵙ ⵉⵣⵡⴰⵔ. 

ⴰⴼⵔⴰ ⴰⵔ ⵜ ⵙⴽⴰⵔⵏ ⵉⵣⵣⵔⴰⴼ ⴷⵉⵙⵍⴳⵏⵏ ⴷ ⵉⵙⵉⵡⵉⵏⴳⵉⵎⵏ ⴷ ⵉⵡⵏⵏⵉⵜⵏ ⵏ ⵓⵙⵡⵉⵏⴳⵎ ⴷ ⵜⴼⵍⵙⴰⴼⵜ ⴷ ⵜⵥⵓⵕⵉ ⵜⴰⵎⵙⵓⵔⵓⴼⵜ, ⴰⵔ ⵜ ⵙⴽⴰⵔⵏ ⵉⵙⵏⴼⴰⵔⵏ ⵏ ⵜⴳⵎⵉ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ ⴷ ⵜⴷⵍⵙⴰ,ⵜ. ⵉⵍⴰⵣⵎ ⵜ ⵓⵙⵎⵓⵙⵙⵓ ⴰⵙⵓⵍⴰⵏ ⴷ ⵉⵣⵣⵉⴳⵣⵏ ⵉ ⵓⵎⵣⴰⵖ ⵏ ⵡⴰⵉⴳⵏ ⵏ ⵓⴼⵔⴰ, ⵙⴳ ⵡⵉⴷⴰ ⵉⵀⵎⴰ ⵖⵉⵍⴰⴷ ⴷ ⵉⵎⴰⵍⴰ ⵍⵍⴰⵏⵜ ⵜⴰⵣⵣⴰⵏⵉ ⴷ ⵜⴰⵙⵓⵜⵉⵏ ⵜⵉⵎⴰⵢⵏⵓⵜⵉⵏ. ⵙⵍⴰⵡⴰⵏ ⴰⴽⴽⵯ ⵉⵖ ⵉⵍⵍⴰ ⵓⵙⴳⵎⵉ ⴼ ⵉⵎⴰⵏ ⵏ ⵓⴼⵔⴰ, ⴷ ⵜⴷⵍⵙⴰ ⵏ ⵓⴼⵔⴰ ⴷ ⵎⴰⴷ ⵉⵔⴰ ⵓⴼⵔⴰ, ⴷ ⵓⵙⴽⵔ ⵏ ⵜⵡⵓⵔⵉ ⵏ ⵓⵙⵎⵓⵜⵜⴳ ⴷ ⵜⴷⵍⵙⴰ ⵙ ⵉⵍⵎⵎⵓⴷⵏ ⵉⵏⵎⵍⴰⵍⵏⵏ ⴷ ⵜⵉⵍⴰⵍ ⵏ ⵜⵥⵓⵕⵉ ⴷ ⵜⵓⵏⵏⵓⵏⵜ ⴷ ⵓⵙⵏⴼⵍⵓⵍ ⴰⵎ ⴰⵏⵎⵓⵇⵇⴰⵔ ⴰⴷ ⴰⴳⵔⴰⵖⵍⴰⵏ ⵏ ⵓⵎⵓⵔⵙ ⵍⵍⵉ ⵜⵙⵏⵎⴰⵍⴰ ⵜⵎⵙⵎⵓⵏⵜ ⵏ ⴰⴱⵉ ⵕⴰⵇⵕⵇ ⵉⵙⴰⵢⵔⵓⵔⵏ ⵏ ⵙⵍⴰ ⴷ ⵜⴰⵎⵥⵓⵏⵜ ⵕⵕⴱⴰⵟ. 

ⵜⵉⴽⴽⵍⵉⵜ ⵢⴰⴹⵏⵉⵏ, ⴱⵔⵔⴽⴰⵜ ⴳ ⵡⴰⴽⴰⵍ ⵏ ⵓⴼⵔⴰ. 

ⴰⵣⵓⵍ