“ⴰⵍⵖⵓ ⵏ ⵓⴼⵔⴰ” ⵏ ⵡⴰⵔⵔⴰⵡ ⵏ ⵓⴼⵔⴰ ⴳ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ

ⵜⵙⵏⵓⴱⴳ ⵎⴰⵙⵙ ⵏⴰⴷⵢⴰ ⵜⵓⵀⴰⵎⵉ, ⵜⴰⵎⴰⵔⵉⵜ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵉⵎⵡⴰⵙ 26 ⵢⵓⵍⵢⵓⵣ 2024 ⴳ ⵕⵕⴱⴰⵟ ⵉⴽⴰⴱⴰⵕⵏ ⵏ ⵜⵙⵓⵜⵍⵜ ⵜⵉⵙ 16 ⵏ ⵓⵏⵎⵓⵇⵇⴰⵔ ⴰⴳⵔⴰⵖⵍⴰⵏ ⵏ ⵡⴰⵔⵔⴰⵡ ⵏ ⵓⴼⵔⴰ ⵍⵍⵉ ⵜⵙⵏⵎⵍⴰ ⵜⵎⵙⵎⵓⵏⵜ ⵏ ⴰⴱⵉ ⵕⴰⵇⵕⴰⵇ ⴰⵔ 30 ⵢⵓⵍⵢⵓⵣ ⴷⴷⵓ ⵜⵏⵙⵙⵉⵅⴼⵜ ⵏ ⵡⴰⴷⴷⵓⵔ ⵏ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⴰⵔⵢⴰⵎ ⵙ ⵜⴼⵓⴳⵍⴰ ⵏ ⵜⴰⵎⴰⴷⴽⴰⵍⵜ ⵏ ⵓⴷⴰⴱⵓ. ⵜⵙⵎⵏⵉⴷ ⵎⴰⵙⵙⴰ ⵏⴰⴷⵢⴰ ⵜⵓⵀⴰⵎⵉ ⵜⴰⴳⵓⵔⵉ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵜⵉⵏⵉ ⵎⴰⵙ ⴱⴰⵀⵔⴰ ⵉⵙⵜⴰⵡⵀⵎⵎⴰ ⵓⵏⵎⵓⵇⵇⴰⵔ ⴰⴷ ⵉⵍⵍⴰⵏ ⴷⴷⵓ ⵓⴼⵔⴰⴳ ⵏ ⵡⴰⴷⴷⵓⵔ ⵏ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⴰⵔⵢⴰⵎ, ⴰⵢⵍⵍⵉ ⵉⵎⵎⴰⵍⴰⵏ ⵜⵉⵍⵉⵜ ⴷ ⵓⵥⵏⵥⵔ ⴷ ⵜⵉⵕⵡⵉ ⴷ ⵓⵙⴷⵓⵙ ⵏ ⵢⵉⵎⴰⵏ ⵏ ⵜⵎⵢⵉⴷⵉⵔⵜ ⴷ ⵓⵎⵙⴰⵡⴰⵍ ⴷ ⵓⵏⵔⴰⵎⴰⵙ ⴷ ⵓⵙⵏⴼⵍ ⵏⵡ ⴰⵜⵉⴳⵏ ⵏ ⵜⵖⵔⵎⴰ ⴷ ⵜⴷⵍⵙⴰ. 

ⵜⵏⵏⴰ ⵎⴰⵙⵙⴰ ⵏⴰⴷⵢⴰ ⵜⵓⵀⴰⵎⵉ ⵎⴰⵙ ⵉⵙⵖⴰⵡⵙⴰ ⵓⴼⵔⴰ ⴰⵙⵎⵓⵙⵙⵓ ⴰⵙⵓⵍⴰⴱ ⵉ ⵉⵎⵣⴰⵖ ⵏ ⵓⴼⵔⴰ ⵉⵚⴰⵃⴰ ⵏ ⵡⴰⵔⵔⴰⵡ ⴷ ⵜⴰⵙⵓⵜⵉⵏ ⵜⵉⵎⴰⵢⵏⵓⵜⵏ, ⵉⵖ ⵉⵍⵍⴰ ⵓⵙⴳⵎⵉ ⵏⵏⵙⵏ ⴼ ⵉⵎⴰⵏ ⴷ ⵜⴷⵍⵙⴰ ⵏ ⵓⴼⵔⴰ. 

ⵖⵔⴰⵏ ⵡⴰⵔⵔⴰⵡ “ⴰⵍⵖⵓ ⵏ ⵓⴼⵔⴰ” ⵙⴳ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴷ ⵜⵏⴳⵍⵉⵣⵜ, ⵖⵔⵉⵏ ⵉ ⵉⵎⵉⵥ ⵏ ⵓⴼⵔⴰ ⴷ ⵜⴰⴳⵯⵉⵜ ⵏ ⵜⴽⵕⴹⵉ ⴷ ⵓⵙⴱⴷⴷⵉ ⵏ ⵉⵎⴰⵖⵏ ⵙⴽⴰⵔⵏⵉⵏ ⵜⴰⴳⵓⴹⵉ ⴷ ⵓⵅⵍⵓ. 

ⵖⵔⵉⵏ ⵡⴰⵔⵔⴰⵡ ⵏ ⵓⴼⵔⴰ ⵎⴰⵙ ⴷⴰⵔⵙⵏ ⵉⵏⴰⵔⵓⵣⵏ ⵛⵛⴰⵔⵏⵉⵏ ⵏ ⵓⵎⴰⴹⴰⵍ ⴳ ⵓⵔ ⵍⵍⵉⵏ ⵉⵎⴰⵖⵏ ⴷ ⵜⵓⴷⵔⵜ ⵉⵛⵛⴰⵔⵏ ⴳ ⵓⴼⵔⴰ ⵎⵇⵇⴰⵔ ⵍⵍⴰⵏ ⵉⵎⵣⴰⵔⴰⵢⵏ, ⵙⴰⵡⵍⵏ ⴼ ⵜⴰⵙⵙⴰⵙⵜ ⵏ ⵡⴰⵔⴰⵡ ⴳ ⵖⴰⵥⵥⴰ ⴳ ⴼⴰⵍⵉⵙⵟⵉⵏ ⵜⵜⵔⴼⵓⴼⵏⵉⵏ, ⵓⴽⵍⴰⵍⵏ ⵜⵓⴷⵔⵜ ⴳ ⵓⴼⵔⴰ ⴰⵎⵥⵏ ⴰⵜⵛⵓ ⴷⴷⵔⵏ ⴱⵍⴰ ⴽⵚⵓⴹⵏ ⴳ ⵜⴽⵕⴹⵉ. 

ⵉⵜⵜⵓⵙⵏⵎⴰⵍⴰ ⴳ ⵡⴰⵙⵓⴽ ⵏ ⵎⵓⵃⴰⵎⵎⴰⴷ ⵡⵉⵙ ⵙⵎⵎⵓⵙ ⴳ ⵕⵕⴱⴰⵟ ⵢⴰⵏ ⵓⵙⵎⵏⵉⴷ ⵏ ⵡⴰⵔⵔⴰⵡ ⵏ ⵓⴼⵔⴰ ⵙ ⵜⵎⵍⵙⴰ ⵜⴰⵇⴱⵓⵔⵜ ⵙⴳ ⵓⵙⴰⵢⵙ ⵏ ⵜⵙⴰⵡⴰⵢⵜ ⴰⵔ ⴰⴱⵕⵍⴰⵎⴰⵏ , ⵜⵜⵓⵙⴽⵔⵏⵜ ⵜⵓⵍⴰⴼⵉⵏ ⴳ ⵉⵎⵉ ⵏ ⵓⵙⵖⵉⵎ ⵏ ⵓⴱⵕⵍⴰⵎⴰⵏ. 

ⴷⵔⵓⵏ ⴳ ⵜⵙⵓⵜⵍⵜ ⴰⴷ ⵉⴽⴰⴱⴰⵕⵏ ⵙⴳ 25 ⵏ ⵓⵡⴰⵏⴽ, ⵜⴳ ⵍⴽⵓⴷⴷⵉⴼⵡⴰⵔ ⵉⵏⴱⴳⵉ ⵏ ⵡⴰⴷⴷⵓⵔ.

ⵉⵍⵍⴰ ⵓⵙⴼⵓⴳⵍ ⵏ ⵓⵙⴳⴳⵯⴰⵙ ⴰⴷ ⴼ ⴽⵕⴰⴹ ⵉⵙⴳⵓⵎⵏ ⵉⵙⵉⵍⴰⵏⵏ ⴳ ⵍⵍⴰⵏ ⵉⵙⵎⵏⵉⴷⵏ ⴷ ⵜⴽⵓⵔⵉⴳⵔⴰⴼⵉⵜ ⴷ ⵓⵙⵏⵎⴰⵍⴰ ⵏ ⵓⴳⵔⴰⵡ ⴰⵎⵣⵡⴰⵔⵓ ⵏ ⵉⵎⵙⵇⵇⴰⵏ ⵏ ⵓⵏⵎⵓⵇⵇⴰⵔ ⵉ ⴼⵔⴰ ⴳ ⴰⵎⴰⴹⴰⵍ ⴷ ⵓⵙⵏⴰⵍ ⵏ ⵓⵏⵎⵓⵇⵇⴰⵔ ⵙ ⵜⵖⵉⵙⵜ ⵜⴰⵎⴳⵓⵔⴰⵏⵜ.

ⵉⴳⴰ ⵓⵏⵎⵓⵇⵇⴰⵔ ⴰⴷ ⵉⵍⵍⴰⵏ ⵙⴳ 1999 ⴰⴷⵜⵙ ⴰⵙⴳⴳⵯⵙⴰⵏ ⴳ ⵉⴼⵔⵉⵇⵢⴰ ⴷ ⵜⵎⵓⵔⵜ ⵜⴰⵄⵕⴰⴱⵜ, ⵉⵡⴰⵜⵜⵙ ⴰⵣⵓⵣⵣⵔ ⵏ ⵜⴷⵍⵙⴰ ⵏ ⵓⴼⵔⴰ ⵊⴰⵔ ⵡⴰⵔⵔⴰⵡ ⵏ ⵓⵎⴰⴹⴰⵍ.