ⵜⴰⴳⵓⵔⵉ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⴰⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵜⴼⵓⴳⵍⴰ ⵏ ⵜⵙⵎⵖⵓⵔⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⴳⴳⵯⴰⵙ 2024

ⵙ ⵉⵙⵎ ⵏ ⵕⴱⴱⵉ, ⵜⴰⵥⴰⵍⵍⵉⵜ ⴷ ⵓⴼⵔⴰ ⴼ ⵓⵕⵇⵇⴰⵚ ⵏⵏⵙ

* ⵎⴰⵙⵙ ⵄⴰⴱⴷ ⵍⵄⴰⵣⵉⵣ ⵕⵕⵎⵎⴰⵏⵉ, ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⵙⵎⵖⵓⵔⵜ;

* ⵉⴷ ⵎⴰⵙⵙ ⴷ ⵉⵙⵜ ⵎⴰⵙⵙⴰ ⵉⴳⵎⴰⵎⵏ ⵏ ⵜⵙⵇⵇⵉⵎⵜ;

* ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⴳⵎⴰⵎⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ;

* ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵏⵙⵙⵉⵅⴼⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ; 

* ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵏⵙⵙⵉⵅⴼⵏ ⵏ ⵜⵙⵇⵇⵉⵎⵉⵏ ⵜⵉⴱⵕⵍⴰⵎⴰⵏⵉⵢⵉⵏ; 

* ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⴳⵯⵏⵙⴰⵏ ⵏ ⵉⵎⴰⵙⵙⵏ ⵏ ⵓⵙⵏⵖⵎⵙ.  

ⵙⵙⵓⵔⴼⴰⵜ ⵉⵢⵉ, ⴳ ⵜⵣⵡⵉⵔⵉ ⵏ ⵜⴼⵓⴳⵍⴰ, ⵍⵍⵉ ⵏⵙⵏⵎⴰⵍⴰ ⵙⴳ 2021, ⴰⴷ ⵙⵔⵓⵏ ⵙⴱⵔⵔⴽⵖ ⵙ ⵉⵙⵎ ⵉⵏⵓ ⴷ ⵉⵙⵎ ⵏ ⵓⵙⵇⵇⵉⵎ ⵏ ⵉⵎⵓⵔⴰ.

ⵎⴽ ⵜⵙⵙⵏⵎ, ⵜⵍⵍⴰ ⵜⵙⵎⵖⵓⵔⵜ ⵏ ⵜⵏⵖⵎⴰⵙⵜ ⵜⴰⴱⵕⵍⴰⵎⴰⵏⵉⵜ ⵉ ⵓⵙⵎⵖⵔ ⵏ ⵜⵏⵖⴰⵙⵉⵏ ⴷ ⵉⵏⵖⵎⴰⵙⵏ ⵙⵡⵓⵔⵉⵏⵉⵏ ⴼ ⵜⵖⴰⵡⵙⴰ ⵜⴰⴱⵕⵍⴰⵎⴰⵏⵉⵜ. ⴰⵢⵍⵍⵉ ⵉⴳⴰⵏ ⴰⵙⵙⵏ ⵏ ⵜⵓⴳⴳⴰⵙ ⵏⵏⵙⵏ ⴳ ⵓⵣⵓⵣⵣⵔ ⵏ ⵜⴷⵍⵙⴰ ⵜⴰⴱⵕⵍⴰⵎⴰⵏⵉⵜ ⵉⵣⴷⵉⵏ ⴷ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ. 

ⴰⵙⵓⵜⴳ ⵉⵏⵓ ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵏⵖⵎⴰⵙⵏ ⴷⵔⵓⵏⵉⵏ ⴳ ⵜⵓⵏⵖⵉⵍⵜ ⵜⵉⵙ ⴽⴽⵓⵥⵜ ⵏ ⵓⵙⴳⴳⵯⴰⵙ ⴰⴷ, ⵜⴰⴷⵔⴰⵡⵜ ⵉⴳⴰⵏ ⵡⴰⵥ ⵎⴽ ⵜⵓⵏⵖⵉⵍⵉⵏ ⵣⵔⵉⵏⵉⵏ, ⴰⵢⵍⵍⵉ ⴰⵅⵎⵎⴻⵎ ⵉⴷⵔⴰⵏ ⴳ ⵜⵖⴰⵡⵙⴰ ⵜⴰⴱⵕⵍⴰⵎⴰⵏⵉⵜ.  

ⵔⵉⵖ ⴰⴷ ⴱⴰⵀⵔⴰ ⵙⵏⵉⵎⵎⵔⵖ ⵎⴰⵙⵙ ⵄⴰⴱⴷ ⵍⵄⴰⵣⵉⵣ ⵕⵕⵎⵎⴰⵏⵉ ⴷ ⵉⴳⵎⴰⵎⵏ ⵏ ⵜⵙⵇⵇⵉⵎⵜ: ⵎⴰⵙⵙⴰ ⵏⴰⴷⵢⴰ ⵎⵓⴷⴷⵏ, ⵎⴰⵙⵙⴰ ⵉⵎⴰⵏ ⴰⵖⵓⵜⴰⵏ, ⵎⴰⵙⵙⴰ ⵎⴰⵔⵉⵢⵢⴰ ⵎⵓⴽⵔⵉⵎ, ⵎⴰⵙⵙ ⴰⵃⵎⴰⴷ ⵍⴰⵔⵇⴰⵎ, ⴼ ⵜⵓⴳⴳⵯⴰⵙ ⵏⵏⵙⵏ ⵎⵏⵉⴷ ⵏ ⵓⵣⵣⵔⴰⵢ ⵏ ⵜⵡⵓⵔⵉⵡⵉⵏ ⴷ ⵓⵙⵜⴰⵢⵏ ⵏ ⵡⵉⴷⴰ ⵎⵓ ⵜⵚⴰⵃⴰ ⵜⵙⵎⵖⵓⵔⵜ ⴳ ⵓⵙⴰⵜⵉ ⵏ ⵜⵎⴰⴼⴰⵡⵜ ⴷ ⴰⵔⵜⵉⵍⵉⵜ ⴷ ⵓⵡⵇⵇⵔ ⵏ ⵉⵙⵖⵍⵏ ⵉⵣⵣⵓⵍⴰⵏⵏ. 

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ; 

 ⴳ ⵓⵙⵇⵇⵉⵎ ⵏ ⵉⵎⵓⵔⴰ, ⵉⴳⴰ ⵓⵙⵏⵖⵎⵙ ⴰⵏⴰⵎⵓⵔ ⴰⵎⵔⴰⵡ ⴰⵙⵉⵍⴰ, ⵏⴼⵔⴽ ⵙ ⵜⵉⵍⴰⵍⵜ ⵏⵏⵙ ⵉⵙⵜⴰⵡⵀⵎⵎⴰⵏ ⴳ ⵓⵙⵎⵖⵔ ⵏ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ, ⵙⵍⵡⴰⵏ ⴰⴽⴽⵯ ⴳ ⵜⴼⵔⴽⴰ ⵖ ⵜⵍⵍⴰ ⵜⵣⵣⵉⴳⵣⵜ ⵉⵅⴰⵜⵔⵏ ⵏ ⵉⵎⴰⵙⵙⵏ ⵓⵙⵏⵖⵎⵙ ⴷ ⵓⵎⵢⴰⵡⴰⴹ, ⴷ ⵜⴳⵔⴰⵡⵍ ⵉⵍⵍⴰⵏ ⴳ ⵓⵎⴰⴹⴰⵍⴰ ⴳ ⵜⵖⵉⵙⵜ ⵜⴰⵎⴳⵓⵔⴰⵏⵜ, ⵇⵇⴰⵏⵏ ⴷ ⵜⵏⴰⵥⴰⵕⵉⵏ ⵜⵉⵎⴰⵢⵏⵓⵜⵉⵏ ⴷⴰⵜ ⵏ ⵉⵎⴰⵙⵙⵏ ⵏ ⵓⵙⵏⵖⵎⵙ, ⵖⵎⴽ ⴰⵏⵏⴷ ⵓⵙⵖⵡⵏ ⵎⵇⵇⵓⵔⵏ ⵙ ⵜⵖⴰⵔⵉⵡⵉⵏ ⵏ ⵜⵣⵣⵓⵍⵜ ⴷ ⴽⵉⴳⴰⵏ ⵏ ⵓⵙⵎⵓⵇⵇⵓ ⵉ ⵓⵙⴱⴷⴷⵉ ⵏ ⵉⵏⵖⵎⵉⵙⵏ ⵏ ⵜⴽⵔⴽⴰⵙ ⴷ ⵡⴰⵏⴰⵡⵏ ⵏ ⵓⵊⵍⵓ ⵍⵍⵉ ⵉⴳⴰⵏ ⵎⴳⴰⵍ ⵏ ⵜⴷⵉⵎⵓⵇⵔⴰⵟⵉⵜ. 

ⵉ ⵓⵙⵎⵖⵔ ⵏ ⵜⵙⵎⵖⵓⵔⵜ ⵏ ⵜⵏⵖⵎⴰⵙⵜ ⵜⴰⴱⵕⵍⴰⵎⴰⵏⵉⵜ ⵃⵎⴰ ⴰⴷ ⴰⵙ ⴽⵉⴳⴰⵏ ⵏ ⵡⴰⵜⵉⴳ, ⴳ ⵓⵙⴰⵜⵉ ⵏ ⵓⵣⴷⴰⵢ ⴷ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ, ⵔⴰⴷ ⵏⵙⵓⵡⵔⵉ ⴰⴷ ⵜⴳ ⵜⵙⵎⵖⵓⵔⵜ ⴰⴷ ⵜⵉⵏ ⵓⴱⵕⵍⴰⵎⴰⵏ ⵙ ⵙⵉⵏ ⵉⵙⵇⵇⵉⵎⵏ ⵏⵏⵙ ⴰⵙⵇⵇⵉⵎ ⵏ ⵉⵎⵓⵔⴰ ⴷ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵔ, ⴰⴷ ⵜⵜⵓⴼⴽⵉ ⵉ ⵜⵎⵖⴰⵔⵉⵏ ⴷ ⵉⵔⴳⴰⵣⵏ  ⵓⵙⵏⵖⵎⵙ ⴰⵏⴰⵎⵓⵔ ⴷ ⴰⵙⵎⵖⵔ ⴷ ⵓⵙⵙⵏ ⵏ ⵜⵓⴳⴳⵯⴰⵙ ⵏⵙ ⴳ ⵓⴹⴼⵕ ⵏ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⴷ ⵓⵙⵙⵍⴽⵎ ⵏ ⵜⵎⵔⵙⵍⵜ ⵜⴰⵣⵣⵔⴰⴼⵜ ⵉ ⵎⴰⵕⵕⴰ ⵜⵉⵏⵎⵓⵔⴰⵢⵉⵏ ⴷ ⵉⵏⵎⵓⵔⴰⵏ. 

ⴳ ⵓⵎⵏⵉⴷ ⴰⴷ, ⵔⴰⴷ ⵏⵙⴽⵔ ⴰⵣⵣⵔⴰⵢ ⴰⵎⴰⵜⴰⵢ ⵏ ⴽⴽⵓⵥⵜ ⵜⵓⵏⵖⵉⵍⵉⵏ ⵣⵔⵉⵏⵉⵏ ⵏ ⵜⵙⵎⵖⵓⵔⵜ ⵜⴰⴱⵕⵍⴰⵎⴰⵏⵉⵜ, ⵙ ⵉⵙⵖⵍⴰⴼ ⵏ ⵜⵙⵇⵇⵉⵎⵉⵏ ⵜⵉⵏⴼⴳⵓⵔⵉⵏ ⵍⵍⵉ ⵍⵍⴰⵏⵉⵏ ⴼⵜⵙⵎⵖⵓⵔⵜ ⴰⴷ ⵙⴳ 2021; ⴷ ⵓⵙⴽⵔ ⵏ ⵉⵙⵏⴼⵍⵏ ⴷ ⵓⵙⴰⵏⵉⵏ ⵉ ⵓⵙⵍⴳⵏ ⵏ ⵜⵙⵎⵖⵓⵔⵜ, ⴰⵢⵍⵍⵉ ⵔⴰⴷ ⵢⴰⵡⵙ ⴳ ⵓⵙⵖⵓⴷⵓ ⵏ ⵜⵎⴷⵔⴰⵡⵉⵏ ⴷ ⵓⵙⵙⵔⵇⴱ ⵏ ⵓⵎⵃⵉⵣⵡⴰⵔ ⵊⴰⵔ ⵉⵏⵖⵎⴰⵙⵏ ⴷ ⵜⵎⵔⵙⵍ ⵏ ⵓⵙⵏⵖⵎⵙ ⵉ ⵉⵎⵉⵥ ⵏ ⵜⵙⵎⵖⵓⵔⵜ ⴼ ⵜⵔⵙⵍⵜ ⵏ ⵓⴽⵍⴰⵍ ⴷ ⵉⵙⵖⵍⵏ ⵉⵣⵣⵓⵍⴰⵏⵏ. 

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ;

ⵎⴽ ⵍⵍⵉ ⵜⵙⵙⵏⵎ, ⵉⴳⴰ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⴰⵢⵔⵓⵔ ⵏ ⵓⵎⴹⴰⴽⴰⵕ ⵅⴼ ⵜⵎⵙⴰⵔⵉⵏ ⵜⵉⵏⴰⵎⵓⵏⵉⵉⵏ, ⴰⵔ ⵉⵣⵓⵣⵣⵔ ⵉⵏⵖⵎⵉⵙⵏ ⴷ ⵜⴻⵜⴳⴰⴰⵔⵉⵏ ⵏ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⴳ ⵓⵙⵉⵜ ⵏⵏⵙ ⴰⵍⵉⴽⵟⵕⵓⵏⵉ, ⵙ ⵎⵎⵓⵙⵜ ⵜⵓⵜⵍⴰⵢⵉⵏ ⵜⴰⵄⵕⴰⴱⵜ ⴷ ⵜⵎⴰⵣⵉⵖⵜ ⴷ ⵜⴼⵕⴰⵏⵚⵉⵙⵟ ⴷ ⵜⵏⴳⵍⵉⵣⵜ ⴷ ⵜⵚⴱⵍⵢⵓⵏⵉⵜ, ⴷ ⵉⵎⴰⵙⵙⵏ ⵏ ⵓⵎⵢⴰⵡⴰⴹ ⴰⵏⴰⵎⵓⵏ, ⵖⵎⴽ ⵍⵍⵉ ⵉⵟⵟⴰⴼ ⵜⴰⵔⵜⵉⵜ ⵏ ⵓⵎⵢⴰⵡⴰⴹ ⵉⵏⵏⵓⵕⵥⵎⵏ,  ⴰⵡⵜⵜⴰⵙ ⴰⴷ ⵉⵍⴽⵎ ⵓⵏⵖⵎⵉⵙ ⴰⴱⵕⵍⴰⵎⴰⵏⵉ ⵜⵉⵏⵖⵎⴰⵙⵉⵏ ⴷ ⵉⵏⵖⵎⴰⵙⵏ ⵙ ⵓⵛⵛⵉⵍ ⴷ ⵜⵎⴰⴼⴰⵡⵜ, ⵉⵔⵅⵓ ⵓⵙⴽⵔ ⵏ ⵜⵙⵎⵉⴳⴰⵍ ⵏⵏⵙⵏ. 

ⵉⴳⴰ ⵓⵏⴳⵔⴰⵡ ⴰⴳⵯⵏⵙⴰⵏ ⴰⵎⴰⵢⵏⵓ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵍⵍⵉ ⵉⵙⵖⵣⵏ ⵓⵙⵇⵇⵉⵎ ⵉⴹⴳⴰⵎ ⵜⴰⵔⵙⵍⵜ ⵜⴰⵎⴰⵢⵏⵓⵜ ⴳ ⵢⵉⴳⵔ ⵏ ⵓⵙⵎⵔⵙⵍ ⵏ ⵜⵣⴷⴰⵢⵜ ⵊⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵉⵎⴰⵙⵙⵏ ⵏ ⵓⵙⵏⵖⵎⵙ, ⵉⵥⵍⵉ ⵓⴳⵣⵣⵓⵎ ⵉ ⵓⵎⵢⴰⴰⴹ ⴷ ⵓⵙⵏⵖⵎⵙ ⴰⴱⵕⵍⴰⵎⴰⵏⵉ, ⴰⵢⵍⵍⵉ ⵉⵎⵎⴰⵍⴰⵏ ⴰⵜⵉⴳ ⵍⵍⵉ ⵢⴰⴽⴽⴰ ⵉ ⵓⵙⵇⵇⵉⵎ ⵉ ⵓⵙⴷⵓⵙ ⵏ ⵜⵎⴷⵔⴰⵡⵜ ⴷ ⵜⵏⵖⵎⴰⵙⵜ ⴷ ⵉⵎⴰⵙⵙⵏ ⵏ ⵓⵙⵏⵖⵎⵙ. 

ⴳ ⵜⴳⵉⵔⴰ, ⴰⵔ ⵏⵏⵙⵔⵖⵓⴷ ⵡⵉⴷ ⵉⵡⵉⵏⵉⵏ ⵜⴰⵙⵎⵖⵓⵔⵜ ⵏ ⵜⵏⵖⵎⴰⵙⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⴳⴳⵯⴰⵙ ⴰⴷ,  ⵏⴻⵏⵏⵓⵔⵣ ⴰⵙ ⴰⵍⵓⵔⵙ ⴳ ⵜⵙⵎⵉⴳⴰⵍ ⵏⵏⵙⵏ ⵥⵉⵍⵏⵉⵏ, ⵙ ⵓⵙⵎⵖⵔ ⵏⵏⵙⵏ ⵙ ⵜⵙⵎⵖⵓⵔⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⴳⴳⵯⴰⵙ ⵏ 2024, ⵙⴷⴷⵉⴷ ⴼ ⵓⴼⵔⴰⴽ ⵉⵙⵎⴷⵏ ⵙ ⵜⵉⵍⴰⵍⵜ ⴷ ⵜⵡⵉⵣⵉ  ⵜⴰⵅⴰⵜⴰⵔⵜ ⵏ ⵓⵙⵏⵖⵎⵙ ⴰⵏⴰⵎⵓⵔ ⴳ ⵓⵙⵕⵚⵓ ⵏ ⵜⴷⵉⵎⵓⵇⵔⴰⵟⵉⵜ ⴳ ⵜⵎⴰⵣⵉⵔ ⵜⵏⵏⵖ ⴷ ⵓⵙⴽⵔ ⵏ ⵜⴳⵎⵉ ⵜⴰⵎⴰⵜⴰⵢⵜ, ⵙ ⵜⵏⴰⵔⴰ ⵉⵥⵉⵍⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ. 

ⵜⴰⵏⵎⵎⵉⵔⵜ ⴼ ⵓⵙⵙⴼⵍⴷ ⵏⵏⵓⵏ