ⵎⵉⴷⵔⴰⵏⴷ: ⵉⴷⵔⵓ ⵓⴽⴰⴱⴰⵕ ⵏ ⵍⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴳ ⵜⵙⵓⵜⵍⵜ ⵜⴰⵏⵎⵢⵓⵔⵜ ⵜⵉⵙ ⴽⵕⴰⴹⵜ ⵏ ⵜⵡⴰⵍⴰ ⵜⴰⵣⵣⵔⴰⴼⵜ ⵜⵉⵙ ⵚⴹⵉⵚⵜ ⵏ ⵓⴱⵕⵍⴰⵎⴰⵏⴰ ⴼⵔⵉⵇⵉ
ⵉⴷⵔⵓ ⵓⴽⴰⴱⴰⵕ ⵏ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⴳ ⵜⵙⵓⵜⵍⵜ ⵜⴰⵏⵎⵢⵓⵔⵜ ⵜⵉⵙ ⴽⵕⴰⴹⵜ ⵏ ⵜⵡⴰⵍⴰ ⵜⴰⵣⵣⵔⴰⴼⵜ ⵜⵉⵙ ⵚⴹⵉⵚⵜ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ, ⴳⵔ 21 ⵢⵓⵏⵢⵓ ⴷ 05 ⵢⵓⵍⵢⵓⵣ 2024 ⴳ ⵓⵙⵖⵉⵎ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ ⴳ ⵎⵉⴷⵔⴰⵏⴷ ⴳ ⵉⴼⴼⵓⵙ ⵏ ⵉⴼⵔⵉⵇⵢⴰ.
ⵢⵓⵎⴰ ⵓⴽⴰⴱⴰⵕ ⵙⴳ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙⵙⴰ ⵍⴰⵢⵍⴰ ⴷⴰⵀⵉ, ⵙⴳ ⵜⵔⴰⴱⴱⵓⵜ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ, ⵎⴰⵙⵙⴰ ⵅⴰⴷⵉⵊⴰ ⴰⵕⵓⵀⴰⵍ, ⵙⴳ ⵜⵔⴰⴱⴱⵓⵜ ⵏ ⵡⴰⵍⴰⵢ ⴷ ⵜⵙⵔⵎⵓⵏⵜ, ⵎⴰⵙⵙ ⵄⴰⴱⴷ ⵚⵚⴰⵎⴰⴷ ⵃⵉⴽⵔ, ⵙⴳ ⵜⴳⵔⵓⵎⵎⴰ ⵏ ⵜⵣⵔⴼⵜ ⴷ ⵜⴳⵎⵉ, ⵙⴳ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⵎⴰⵙⵙⴰ ⴱⴰⵏⴰ ⴱⵏⵅⵉⵔ ⵙⴳ ⵜⵔⴰⴱⴱⵓⵜ ⵏ ⵜⴰⵎⵓⵏⵜ ⵜⴰⵎⴰⵜⴰⵢⵜ ⵏ ⵉⵎⵙⵡⵓⵔⵉⵢⵏ ⴳ ⵍⵎⵖⵔⵉⴱ.
ⵜⵍⵍⴰ ⵜⵙⵓⵜⵍⵜ ⴳ ⵓⵙⴰⵜⵉ ⵏ ⵓⵙⵏⵜⵍ ⵏ ⵜⴰⵎⵓⵏⵜ ⵜⴰⴼⵔⵉⵇⵉⵜ ⵏ ⵓⵙⴳⴳⵯⴰⵙ ⵏ 2024: ⴰⵙⵙⴼⵔⴽ ⴰⴼⵔⵉⵇⵉ ⴷ ⵢⵓⵙⴰⵏ ⵉ ⵜⴰⵙⵓⵜ 21: ⴰⵚⴽⵓ ⵏ ⵉⵏⴳⵔⴰⵡⵏ ⵏ ⵓⵙⵙⵍⵎⴷ ⵉ ⵓⵙⴷⵓⵙ ⵏ ⵓⵍⴽⴰⵎ ⵙ ⵓⵍⵎⵎⵓⴷ ⴰⵎⴰⵜⴰⵢ ⴰⵙⵓⵍⴰⵏ ⴳ ⵎⴰⴷ ⵜⵍⴰ ⵜⵓⴷⵔⵜ ⵉⵕⵡⴰⵏ ⴷ ⵢⴰⵙⵏ ⴳ ⵉⴼⵔⵉⵇⵢⴰ”, ⴰⵢⵍⵍⵉ ⵔⴰⴷ ⵉⴳ ⵜⴰⵎⵍⴷⴰ ⵉ ⵓⵎⴹⴰⴽⴰⵔ ⴼ ⵉⵥⵎⵓⵥⵥⴰⵍ ⵍⵍⵉ ⵔⴰⴷ ⵢⴰⵡⵙ ⵉ ⵉⴱⵕⵍⴰⵎⴰⵏⵉⵢⵏ ⵉ ⵜⵡⵉⵣⵉ ⴳ ⵓⵙⵎⵖⵔ ⵏ ⵜⵉⵕⵡⵉ ⵏ ⵉⵏⴳⵔⴰⵡⵏ ⵏ ⵓⵙⵙⵍⵎⴷ ⴳ ⵉⴼⵔⵉⵇⵢⴰ.
ⵔⴰⴷ ⵜⵜⵓⵙⴽⵓⵔⵏ ⵜⵓⴳⵜ ⵏ ⵉⵏⵎⵓⵇⵇⴰⵔⵏ ⴼ ⵓⵎⵙⴰⵡⴰⵍ ⴰⴱⵕⵍⴰⵎⴰⵏⵉ ⵡⵉⵙ ⵙⵉⵏ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ ⴰⴽⴷ ⴰⵎⵓⵏ ⴰⵖⵔⵎⴰⵏ ⴷ ⵓⵎⴹⴰⴽⴰⵕ ⴼ ⵓⵣⵣⴳⵉⵔ ⵏ ⵜⵙⴳⴰ ⵏ ⵜⵙⴱⴱⴰⴱⵜ ⵜⵉⵍⴻⵍⵍⵉ ⴳ ⵉⴼⵔⵉⵇⵢⴰ ⴷ ⵜⵉⵏⴰⵡⵜ ⵅⴼ ⵓⵖⴰⵡⴰⵙ ⵏ 2063 ⵏ ⵜⴰⵎⵓⵏⵜ ⵜⴰⴼⵔⵉⵇⵉⵜ ⴷ ⵜⵣⴷⴰⵢⵜ ⵏⵏⵙ ⴷ ⵓⵙⵏⴼⴰⵔ ⴰⴷ, ⴷ ⵓⵙⵎⵏⵉⴷ ⵏ ⵓⵏⵇⵇⵉⵙ ⴼ ⵡⴰⴷⴷⴰⴷ ⵏ ⵓⴼⵔⴰ ⴷ ⵜⵏⴼⵔⵓⵜ ⴳ ⵉⴼⵔⵉⵇⵢⴰ, ⴷ ⵓⵙⵎⵏⵉⴷ ⵏ ⵡⴰⴷⴷⴰⴷ ⵉⵛⵛⴰⵔⵏ ⵏ ⵜⴰⵎⵓⵏⵜ ⵜⴰⴼⵔⵉⵇⵉⵜ ⵅⴼ ⵉⵎⵓⴽⵏⵏ ⵏ ⵓⵙⵇⵇⵉⵎ ⵏ ⵜⵏⴼⵔⵓⵜ ⵉⴹⴼⵕⵏ ⵜⵉⵎⵜⵜⴰ ⵎⵓⵏⵏⵉⵏ.
ⵜⴷⵔⵓ ⵎⴰⵙⵙⴰ ⴷⴰⵀⵉ ⴷ ⵎⴰⵙⵙⴰ ⴰⵕⵓⵀⴰⵍ ⴳ ⵜⵙⴰⵡⵓⵔⵜ ⵏ ⵜⵡⵓⵔⵉ ⵅⴼ ⵜⵎⵙⵙⵓⴳⵓⵔⵜ ⵉⵕⵡⴰⵏ ⵉⴱⴷⴷⵏ ⴼ ⵜⵉⵢⵢⴰⴼⵓⵜⵉⵏ ⴷ ⵓⵙⵖⵉⵡⵙ ⴰⵙⵜⵔⴰⵜⵉⵊⵉ, ⵍⵍⵉ ⵉⵡⴰⵜⵜⵙⵏ ⴰⵙⴷⵓⵙ ⵏ ⵓⵏⵔⴰⵎⴰⵙ ⴷ ⵉⵡⵜⵜⴰⵙⵏ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ ⵙ ⵉⵙⵡⴰⵍⴰⵢⵏ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ, ⴷ ⵓⵙⵖⵉⵡⵙ ⵉⴱⴷⴷⵏ ⴼ ⵜⵉⵢⵢⴰⴼⵓⵜⵉⵏ. ⵖⵎⴽ ⵍⵍⵉ ⵜⴱⴷⴷ ⵜⵙⵎⵓⵏⵉ ⴰⴷ ⴼ ⵓⵖⴰⵡⴰⵙ 2063 ⵏ ⵜⴰⵎⵓⵏⵜ ⵜⴰⴼⵔⵉⵇⵉⵜ ⴷ ⵓⵖⴰⵡⴰⵙ ⵏ ⵓⵣⵣⴳⵉⵔ ⵏⵏⵙ ⴳ 2024-2033, ⴷ ⵓⵙⵔⵅⵓ ⵏ ⵉⵎⴹⴰⴽⴰⵕⵏ ⴼ ⵜⵎⵣⵡⵓⵓⵔⴰ ⵜⵉⵙⵜⵔⴰⵜⵉⵊⵉⵢⵉⵏ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ ⵉ ⵜⵙⵓⵜⵍⵜ 2024-2028.
ⴷⵔⵓⵏⵜ ⵉⵙⵜ ⵎⴰⵙⵙⴰ ⵜⵉⵎⵓⵔⴰ ⴳ ⵜⵙⵎⵓⵏⵉ ⵉⵛⵛⴰⵔⵏ ⵏ ⵓⵙⵉⵔⴰ ⵏ ⵓⴱⵕⵍⴰⵎⴰⵏ ⵏ ⵎⴰⵕⵕⴰ ⵉⴼⵔⵉⵇⵢⴰ ⴷ ⵉⵙⵉⵔⴰⵜⵏ ⵏ ⵜⵙⵇⵇⵉⵎⵉⵏ ⵜⵉⵙⵓⵍⴰⵏⵉⵏ ⴷ ⵉⴳⵔⴰⵡⵏ ⵉⵏⵎⵏⴰⴹⵏ ⵖ ⵉⵍⵍⴰ ⵓⵙⵖⵣⵏ ⵏ ⵓⵖⴰⵡⴰⵙ ⵏ ⵜⵙⵓⵜⵍⵜ ⴰⴷ ⴷⴼⴼⵉⵔ ⵏ ⵓⵙⵔⵙ ⵏ ⵉⵎⵏⵏⵉⵜⵏ:
-
ⵉⵙⵎⵏⵉⴷⵏ ⴷ ⵉⵎⴹⴰⴽⴰⵕⵏ ⴼ ⵓⵏⵇⵇⵉⵙ ⵉⵥⵍⵉⵏ ⵙ ⵓⵙⴷⵓⵙ ⵏ ⵜⵍⴻⵍⵍⵉ ⵏ ⵓⵎⵎⵓⵜⵜⵉ ⴳ ⵉⴼⵔⵉⵇⵢⴰ;
-
ⵉⵙⵎⵏⵉⴷⵏ ⴷ ⵉⵎⴹⴰⴽⴰⵔⵏ ⵅⴼ ⵉⵎⵛⴰⵡⴰⵕⵏ ⵣⴷⵉⵏⵉⵏ ⴷ ⵜⵉⵔⵔⴰ ⵜⴰⵎⵣⵡⴰⵔⵓⵜ ⵏ ⵜⵎⵢⴰⵇⵇⴰⵏⵜ ⵏ ⵜⵎⴰⴷⴷⴰⵙⵜ ⵏ ⵜⴰⵎⵓⵏⵜ ⵜⴰⴼⵔⵉⵇⵉⵜ ⵉ ⵓⵙⴱⴷⴷⵉ ⵏ ⵉⵊⵓⵊⵉⵜⵏ ⴳ ⵉⴼⵔⵉⵇⵢⴰ;
-
ⵉⵙⵎⵏⵉⴷⵏ ⴷ ⵉⵎⴹⴰⴽⴰⵕⵏ ⴼ ⵜⵎⵓⴽⵔⵉⵙⵜ ⵏ ⵓⵙⵎⵔⵙ ⵏ ⵉⵙⴷⵓⵀⴷⵓⵢⵏ ⴳⴰⵏⵉⵏ ⵜⴰⴱⴱⴰⵢⴹⴰⵕⵜ ⴷⴰⵜ ⵏ ⵓⵍⵎⵎⵓⴷ ⴰⵎⴰⵜⴰⵢ ⴰⵙⵓⵍⴰⵏ ⵉⵕⵡⴰⵏ ⴷ ⵢⵓⵙⴰⵏ ⴳ ⵉⴼⵔⵉⵇⵢⴰ;
-
ⵉⵙⵎⵏⵉⴷⵏ ⴷ ⵉⵎⴹⴰⴽⴰⵕⵏ ⵅⴼ ⵉⵏⵇⵇⵉⵙⵏ ⵉⵏⴰⵎⵓⵔⵏ ⵏ ⵉⵎⵉⵙⵙ ⴰⴼⵔⵉⵇⵉ ⵏ ⵓⵙⵎⵏⵉⴷ ⵏ ⵉⵏⴳⴳⵯⴰ ⴷ ⵉⵏⵇⵇⵉⵙⵏ ⵏ ⵜⵏⵏⵓⴱⴹⴰ.
ⵉⵙⵎⵓⵏ ⵓⴱⵕⵍⴰⵎⵏ ⴰⴼⵔⵉⵇⵉ ⵉⴱⵕⵍⴰⵎⴰⵏⵉⵢⵏ ⵏ ⵉⵡⴰⵏⴽⵏ ⵉⴳⵎⴰⵎⵏ ⴳ ⵜⴰⵎⵓⵏⵜ ⵜⴰⴼⵔⵉⵇⵉⵜ, ⵉⵜⵜⵓⵙⴽⴰⵔ ⵙ ⵓⵎⵏⵏⵉ 5 ⵏ ⵓⵎⵇⵇⵏ ⴰⵎⵙⴽⴰⵔ ⵏ ⵜⴰⵎⵓⵏⵜ, ⵉⵙⵙⵏⵜ ⵜⴰⵡⵓⵔⵉ ⵏⵏⵙ ⵙⴳ 18 ⵎⴰⵕⵚ 2004, ⴰⵔ ⵉⵜⵜⵎⴰⵖ ⴼ ⵜⴷⵔⴰⵡⵜ ⵉⵙⵎⴷⵏ ⵏ ⵉⵎⴰⴷⴰⵏⵏ ⵏ ⵉⴼⵔⵉⵇⴰⵢ ⴳ ⵜⴳⵎⵉ ⵏ ⵓⵎⵏⵥⴰⵡ ⴷ ⵓⵙⵎⴰⴷ ⵏⵏⵙ ⴰⴷⵎⵙⴰⵏ, ⵉⵟⵟⴰⴼ ⴰⴼⵔⵉⵙ ⴰⵎⵛⴰⵡⴰⵕ ⴷ ⵡⵉⵏ ⵜⵉⴹⴰⴼ ⴼ ⵜⵎⵙⴰⵙⵜⵍⵜ ⴳ ⵜⴰⵎⵓⵏⵜ ⵜⴰⴼⵔⵉⵇⵉⵜ.
ⴽⵓ ⴰⵡⴰⵏⴽ ⴰⴳⵎⴰⵎ ⴳ ⵓⴱⵕⵍⴰⵎⴰⵏ ⵏ ⵎⴰⵕⵕⴰ ⵉⴼⵔⵉⵇⵢⴰ ⵙ ⵙⵎⵎⵓⵙ ⵉⴱⵕⵍⴰⵎⴰⵏⵉⵢⵏ ⵙⴳ ⵜⵓⴳⵜ ⴷ ⵜⵓⵣⵍⵜ, ⴳⵉⵙ ⵢⴰⵜ ⵜⵎⵖⴰⵔⵜ, ⵙⴳ ⵉⴱⵕⵍⴰⵎⴰⵏⵏ ⵏⵖ ⵉⴳⵎⴰⵎⵏ ⵉⵣⵣⵔⴰⴼⵏ ⵉⵏⴰⵎⵓⵔⵏ.