ⴱⴰⵏⵖⴰⵣⵉ: ⵉⴷⵔⵓ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⴳⵔⴰⵡ ⴰⴼⵔⵉⵇⵉ ⴷ ⵡⵉⵏ ⵓⵕⵓⴱⴱⴰ ⴼ ⵓⵣⵡⴰⴳ
ⵜⴷⵔⵓ ⵎⴰⵙⵙⴰ ⵍⴰⵢⵍⴰ ⴷⴰⵀⵉ ⵙⴳ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ, ⴷ ⵎⴰⵙⵙⴰ ⵄⴰⴱⴷ ⵚⵚⴰⵎⴰⴹ ⵃⵉⴽⵕ ⵙⴳ ⵜⵣⵔⴼⵜ ⴷ ⵜⴳⵎⵉ ⴳ ⵓⴳⵔⴰⵡ ⴰⴼⵔⵉⵇⵉ ⴷ ⵡⵉⵏ ⵓⵕⵓⴱⴱⴰ ⴼ ⵓⵣⵡⴰⴳ ⴳ 25 ⴰⵔ 27 ⵎⴰⵢ ⴳ ⴱⴰⵏⵖⴰⵣⵉ ⴳ ⵍⵉⴱⵉⵢⴰ ⴷⴷⵓ ⵜⵎⴰⵜⴰⵔⵜ: ⵉⴼⵙⵙⴰⵢⵏ “ⵙⵓⵍⵏⵉⵏ ⵜ ⵓⵣⵡⴰⴳ”.
ⵜⴷⵔⵓ ⵜⴰⵢⵢⴰⵡⵜ ⵜⴰⴱⵕⵍⴰⵎⴰⵏⵉⵜ ⵜⴰⵎⵖⵔⵉⴱⵉⵜ ⴳ ⵓⴱⵕⵍⴰⵎⴰⵏ ⴰⴼⵔⵉⵇⵉ ⴳ ⵓⴽⴰⴱⴰⵕ ⴳ ⵉⵍⵍⴰ 40 ⵏ ⵓⴳⵎⴰⵎ ⵙⴳ ⵜⵎⴰⴷⴷⴰⵙⵜ ⴰⴷ ⵜⴰⴱⵕⵍⴰⵎⴰⵏⵜ ⵙⴳ ⵉⴼⵔⵉⵇⵢⴰ ⵙ ⵜⵏⵏⵙⵉⵅⴼⵜ ⵏ ⵎⴰⵙⵙ ⴼⵓⵔⵜⵛⵏ ⵛⴰⵔⵓⵎⴱⵉⵔⴰ.
ⵉⴳⴰ ⵓⴳⵔⴰⵡ ⴰⴷ ⴰⴳⵔⴰⵖⵍⴰⵏ ⵜⴰⵎⵍⴷⴰ ⵏ ⵓⵎⴹⴰⴽⴰⵕ ⵏ ⵓⵣⵡⴰⴳ ⵙ ⵜⴷⵔⴰⵡⵜ ⵏ ⵓⴳⴳⴰⵔ ⵏ 300 ⵏ ⵉⴷ ⴱⴰⴱ ⵏ ⵜⵙⵔⵜⵉⵜ ⴷ ⵉⵎⵓⵣⴰⵢⵏ ⴷ ⵉⵏⵖⵎⴰⵙⵏ ⴷ ⵡⴰⵎⵓⵏ ⴰⵖⵔⵎⴰⵏ.
ⵉⴳⴰ ⵓⵏⵎⵓⵇⵇⴰⵔ ⵏ ⴱⴰⵏⵖⴰⵣⵉ ⵡⴰⴷ ⵉⵙⵜⴰⵡⵀⵎⵎⴰⵏ ⴷⴼⴼⵉⵔ ⵏ ⵡⴰⵎⵓⵔ ⵏ ⵡⴰⴽⵓⵛ ⴳ 2018, ⵔⴰⴷ ⴳⵉⵙ ⵜⵜⵓⵖⵔⵉ ⵜⵎⵓⴽⵔⵉⵙⵜ ⴰⴷ ⴷ ⵜⵎⵏⵜⵍⵉⵏ ⵏⵏⵙ ⴷ ⵜⵡⴰⴼⵉⵜ ⵏ ⵉⴼⵙⵙⴰⵢⵏ ⵕⵡⴰⵏⵉⵏ ⵙ ⵜⵎⵢⴰⴷⴰⵙⵜ ⵜⴰⵎⴷⵔⴰⵡⵜ ⵉⴳⴰⵏ ⵜⵉⵏ ⵉⵎⴰⵍ.
ⴳ ⵓⵏⵎⵓⵇⵇⴰⵔ ⴰⴷ, ⵉⵍⵍⴰ ⵓⵙⴷⴷⵉⴷ ⴼ ⵓⵅⵎⵎⴰⵎ ⴷ ⵓⵍⵜⴰⵖ ⵏ ⵍⵎⵖⵔⵉⴱ ⴳ ⵓⵙⵎⵏⵉⴷ ⵏ ⵡⴰⵏⴰⵡ ⵉⵙⵎⴷⵏ ⴷ ⵜⵙⵔⵜⵉⵜ ⵜⴰⵎⴰⵜⴰⵢⵜ ⵏ ⵓⵙⵉⴷⴼ ⴳ ⵢⵉⴳⵔ ⵏ ⵓⵣⵡⴰⴳ ⵙ ⵓⵙⵎⴰⵇⵇⵍ ⵏ ⴱⴰⴱ ⵏ ⵡⴰⴷⴷⵓⵔ ⴰⴷ ⵜ ⵉⵃⴼⴹ ⵕⴱⴱⵉ.
ⵏⵏⴰⵏ ⵉⴳⵎⴰⵎⵏ ⵏ ⵓⴽⴰⴱⴰⵕ ⵎⴰⵙ ⴳⴳⵓⵜⵏⵜ ⵜⵎⵏⵜⵍⵉⵏ ⵏ ⵓⵣⵡⴰⴳ ⵙⵍⴰⵡⴰⵏ ⴰⴽⴽⵯ ⴷⴰⵔ ⵉⵄⵔⵔⵉⵎⵏ ⵉⴼⵔⵉⵇⵉⵢⵏⵙ ⵉⵡⴰⵏⴽⵏ ⵏ ⵉⴼⴼⵓⵙ, ⴳⵉⵙⵏ ⵎⴰⴷ ⵉⴳⴰ ⴰⴷⵎⵙⴰⵏ ⵉⵣⴷⵉⵏ ⴷ ⵜⵓⴷⵔⵜ ⴷ ⵓⵛⵃⵓ ⵏ ⵓⴳⴰⴷⴰⵣ ⵏ ⵜⵡⵓⵔⵉ, ⴷ ⵜⵉⵔⴰⵜ ⵏ ⵜⵓⴷⵔⵜ ⵉⵥⵉⵍⵏ. ⵖⵎⴽ ⴰⵏⵏⴰ ⴷ ⵎⴰⴷ ⵉⵣⴷⵉⵏ ⴷ ⵜⵎⴰⵖⵉⵏ ⴷ ⵜⵎⵏⵜⵍⵉⵏ ⵜⵉⵙⵔⵜⴰⵏⵉⵏ ⴷ ⵜⵎⵏⵜⵍⵉⵏ ⵜⵉⵎⴰⵢⵏⵓⵜⵉⵏ, ⵖⵍⴽ ⴰⵏⵏ ⴰⴼ ⴷ ⵜⵇⵇⴰⵏ ⵜⵉⵍⵉⵜ ⵏ ⵜⵎⵢⴰⴷⴰⵙⵜ ⵢⵓⵎⴰⵏ ⵉⴱⴷⴷⵏ ⴼ ⵜⵎⵏⵜⵍⵉⵏ ⴰⴷ. ⵉⵇⵇⴰⵏ ⴷ ⵓⵍⴰ ⴼ ⵉⴷ ⴱⴰⴱ ⵏ ⵜⵖⵜⴰⵙⵜ ⵜⴰⵡⴰⴼⵉⵜ ⵏ ⵉⴼⵙⵙⴰⵢⵏ ⵉⵎⴰⵢⵏⵓⵜⵏ ⵉ ⵜⵉⵍⵉⵜ ⵏ ⵜⵎⵏⵜⵍⵉⵏ ⵜⵉⴷⵎⵙⴰⵏⵉⵏ ⴷ ⵜⵏⴰⵎⵓⵏⵉⵏ ⴷ ⵓⵙⴰⵏⵉⵏ ⵉ ⵉⵄⵔⵔⵉⵎⵏ ⵉⴼⵔⵉⵇⵉⵢⵏ ⵃⵎⴰ ⴰⴷ ⵖⴰⵎⴰⵏ ⵖⴰⵎⴰⵏ ⴳ ⵜⵎⵉⵣⴰⵔ ⵏⵏⵙ ⵙⵡⵓⵔⵉⵏ ⴳⵉⵙⵏⵜ.
ⵉⵙⵎⵏⵉⴷ ⵓⴽⴰⴱⴰⵕ ⵏ ⵓⵙⵇⵇⵉⵎ ⵏ ⵍⵎⵖⵔⵉⴱ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⵉⵥⵉⵍⵏ ⴳ ⵓⵙⵎⴽⵍ ⵏ ⵓⵣⵡⴰⴳ ⵙ ⵜⵔⵙⵜⵔⴰⵜⵉⵊⵉⵜ ⵜⴰⵏⴰⵎⵓⵔⵜ ⵏ ⵓⵣⵡⴰⴳ ⵏ 2013, ⴳ ⵉⵍⵍⴰ ⵓⵙⵎⴰⵇⵇⵍ ⴰⵏⴼⴳⴰⵏ ⴷ ⵡⵉⵏ ⵜⵡⵉⵣⵉ ⵉ ⵓⵣⵡⴰⴳ ⵍⵍⵉⵖ ⵜⵙⴽⵔ ⴳ ⵓⵣⵡⴰⴳ ⴰⵎⵙⴽⴰⵔ ⴰⵙⵉⵍⴰⵏⵏⴳ ⵓⵙⵎⵖⵔ ⵏ ⵜⴷⵎⵙⴰ ⵜⴰⵏⴰⵎⵓⵔⵜ ⴷ ⵜⴳⵎⵉ ⴳ ⵉⴼⵔⵉⵇⵢⴰ, ⵜⵣⵔⵉ ⵙ ⵖⵎⴽ ⴰⵏⵏ ⵜⴰⵎⵢⴰⴷⴰⵙⵜ ⵏ ⵜⵏⴼⵔⵓⵜ ⵍⵍⵉ ⵉⵥⵕⵕⴰⵏ ⴳ ⵓⵣⵡⴰⴳ ⴰⵙⴷⵉⴷⴷⵉⵡ ⵏ ⵜⴳⵎⵉ ⵜⴰⵏⴰⵎⵓⵔⵜ ⴷ ⵜⵎⵏⵜⵉⵍⵜ ⵏ ⴰⵔⴰⵔⴳⴳⵉⴳ.
ⵉⵍⵍⴰ ⵓⵎⴹⴰⴽⴰⵕ ⵓⵍⴰ ⴼ ⵜⵎⵢⴰⴷⴰⵙⵜ ⵜⴰⵎⴰⵢⵏⵓⵜ ⵏ ⵓⵣⵡⴰⴳ ⴷⴰⵔ ⵜⵎⵉⵣⴰⵔ ⵏ ⵓⵕⵓⴱⴱⴰ ⴷ ⵜⵉⵏ ⵉⴼⵔⵉⵇⵢⴰ, ⵍⵍⵉ ⵉⴱⴷⴷⵏ ⴼ ⵓⵡⵇⵇⵔ ⵉⵜⵜⵓⵙⵏⴼⴰⵍⵏ ⴷ ⵓⵎⵢⴰⵡⴰⵙ ⵉⵛⵛⴰⵔⵏ ⴷ ⵓⴷⵔⴰⵡ ⵏ ⵜⵉⵍⴰⵍ ⵙ ⵜⵖⴰⵔⴰⵙⵜ ⵜⴰⵣⵔⴼⴰⵏⵜ ⵍⵍⵉ ⵉⴹⵎⵏⵏ ⵉⵣⵔⴼⴰⵏ ⴷ ⵡⴰⴷⴷⵓⵔ ⵏ ⵉⵎⵣⵡⴰⴳ ⴷ ⵓⵙⵉⴷ ⴰⵏⴰⵎⵓⵏ ⴷ ⵓⴷⵎⵙⴰⵏ ⴳ ⵜⵎⵉⵣⴰⵔ ⵏ ⵓⵙⵏⵓⴱⴳ, ⴷ ⵓⵙⴷⵓⵙ ⵏ ⵜⵙⵓⴳⴰⵔ ⵣⴷⵉⵏⵉⵏ ⴷ ⵓⵙⴽⵔ ⵏ ⵓⵙⵍⴳⵏ ⵉ ⵓⵙⴱⴷⴷⵉ ⵏ ⵜⵡⵓⵔⵉ ⵏ ⵓⵙⵙⵡⵔⵍ ⵏ ⵓⴼⴳⴰⵏ ⴷ ⵓⵙⵖⵏⵣⵉ.
ⵉⵜⵜⵓⵙⵎⵏⴰⴷ ⵓⴳⵔⴰⵡ ⵙ ⵓⵙⵉⵡⴹ ⵉⴱⴷⴷⵏ ⴼ ⵜⵎⵢⴰⴷⴰⵙⵜ ⵢⵓⵎⴰⵏ ⵉ ⵓⵣⵡⴰⴳ ⴰⵔⴰⵓⴽⴳⵉⵏ ⴷ ⵓⵣⵣⵔⴰⵢ ⵏ ⵜⵎⵏⵜⵍⵉⵏ ⵏⵏⵙ, ⵙ ⵜⴳⵎⵉ ⵜⴰⵎⴰⵜⴰⵢⵜ ⴷ ⵓⵙⵡⵓⵔⵉ ⴷ ⵓⵔⴳⴳⵉⴳ. ⵖⵎⴽ ⴰⵏⵏ ⴷ ⵓⵙⴽⵔ ⵏ ⵓⴼⵏⵉⵇ ⵏ ⵜⴳⵎⵉ ⵏ ⵉⴼⵔⵉⵇⵢⴰ, ⵍⵍⵉ ⵔⴰⴷ ⵢⵉⵍⵉ ⵓⵙⵡⵓⴷⴷⵓ ⵏⵏⵙ ⵙ ⵜⵖⴰⵔⴰⵙⵜ ⵉⵛⵛⴰⵔⵏ ⴳⵔ ⵉⴳⵏⵙⴰⵏ ⵏ ⵉⴼⵔⵉⵇⵢⴰ ⴷ ⵓⵕⵓⴱⴱⴰ, ⴷ ⵓⵙⵙⵥⵕⴼ ⵏⵏⵙ ⵙ ⵜⵡⵉⵣⵉ ⵜⴰⵥⵕⴼⴰⵏⵜ, ⴷ ⵓⵙⴽⵔ ⵏ ⵜⵙⵏⵓⵔⴰⵢⵜ ⵓⵕⵓ-ⵜⴰⴼⵔⵉⵇⵉⵜ ⵏ ⵓⵙⵡⵓⵔⵉ, ⵍⵍⵉ ⵔⴰⴷ ⵉⴳ ⴰⵙⴰⵜⵉ ⵏ ⵓⵎⵢⴰⵡⴰⵙ ⴳ ⴱⵔⵓⴽⵙⵉⵍ, ⴷ ⵓⵙⴽⵔ ⴷ ⵓⵚⴰⴹⴰⴼ ⴰⴼⵔⵓ-ⵓⵕⵓⴱⴱⵓ ⵏ ⵓⵣⵡⴰⴳ ⴳ ⴱⴰⵏⵖⴰⵣⵉ.