ⵏⵢⵓⵢⵓⵕⴽ: ⵉⴷⵔⵓ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵙⵎⵓⵏⵉ ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⴼ ⵉⴱⵕⵍⴰⵎⴰⵏⵏ ⴼⵔⴳⵏⵉⵏ ⴰⵏⴰⵡ ⴰⵏⴰⵎⵓⵏ ⴷ ⵓⵙⵎⵖⵔ ⵏ ⵢⵉⵙⴽⵉⵍ ⵉ ⵓⵙⴱⴷⴷⵉ ⵏ ⵓⵥⵍⴰⴹ
ⴳ ⵜⵣⵣⵉⴳⵣⵜ ⵏ ⵜⵉⵍⵉⵜ ⵏⵏⵙ ⵉⵕⵡⴰⵏ ⴳ ⵜⵙⵓⵜⵍⵜ 68 ⵏ ⵜⵙⵇⵇⵉⵎⵜ ⵏ ⵓⵙⵔⵙ ⵏ ⵜⵎⵖⴰⵔⵜ ⵉⵍⵍⴰⵏ ⴳ ⵓⵙⵖⵉⵎ ⵏ ⵜⵎⵜⵜⴰ ⵎⵓⵏⵏⵉⵏ ⴳ ⵏⵢⵓⵢⵓⵕⴽ, ⵉⴷⵔⵓ ⵓⴽⴰⴱⴰⵕ ⵏ ⵜⴱⴰⵕⵍⴰⵎⴰⵏⵉⵢⵉⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵙⵎⵓⵏⵉ ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⴷⴷ ⵓ ⵜⵎⴰⵜⴰⵔⵜ: “ⵉⴱⵕⵍⴰⵎⴰⵏⵏ ⴼⵔⴳⵏⵉⵏ ⴰⵏⴰⵡ ⴰⵏⴰⵎⵓⵏ ⴷ ⵓⵙⵎⵖⵔ ⵏ ⵢⵉⵙⴽⵉⵍ ⵉ ⵓⵙⴱⴷⴷⵉ ⵏ ⵓⵥⵍⴰⴹ”.
ⵜⵙⵎⵏⵉⴷ ⵎⴰⵙⵙⴰ ⵍⴰⵟⵉⴼⴰ ⵛⵛⵔⵉⴼ, ⵜⴰⵣⵣⵉⴳⵣⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵓⵎⵏⵉⴷ ⵏ ⵉⵣⵔⴼⴰⵏ ⵏ ⵜⵎⵖⴰⵔⵜ ⴷ ⵓⵙⵎⵖⵔ ⵏⵏⵙ ⴷⴷⵓ ⵓⴼⵔⴰⴳ ⴰⵎⴰⵜⵜⵓⵢ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⴰⵎⵏⵄⴰⵕ ⴰⵎⵣⵡⴰⵔⵓ ⵏ ⵉⵣⵔⴼⴰⵏ ⵏ ⵜⵎⵖⴰⵔⵜ ⴳ ⵍⵎⵖⵔⵉⴱ. ⵜⵙⵓⵜⴳ ⵜⵓⴳⴳⵯⴰⵙ ⵏ ⵉⴽⴰⴱⴰⵕⵏ ⵉⵙⵔⵜⴰⵏⵏ ⴳ ⵜⵓⴳⵜ ⵓⵍⴰ ⵜⵓⵣⵍⵜ ⴳ ⵓⵎⴹⴰⴽⴰⵕ ⵏ ⵉⵙⵓⵔⵙⵏ ⵏ ⵜⵎⵖⴰⵔⵜ ⵃⵎⴰ ⴰⴷ ⵉⵍⵉⵏ ⵉⴼⵙⴰⵢⵏ ⵏ ⵜⵎⵓⴽⵔⵉⵙⵉⵏ ⴷ ⵜⵏⴰⵥⴰⵕⵉⵏ ⴷⴰⵜ ⵏ ⵓⴷⵔⴰⵡ ⵏⵏⵙ ⴳ ⵜⵓⴷⵔⵜ ⵜⴰⵙⵔⵜⴰⵏⵜ ⴷ ⵜⵎⴰⵜⴰⵢⵜ.
ⵜⵙⴰⵡⵍ ⵎⴰⵙⵙ ⵅⴷⴷⵓⵊ ⵙⵙⵍⴰⵙⵉ, ⵙⴳ ⵜⴰⵢⵢⴰⵡⵜ ⵜⴰⵏⴰⵎⵓⵔⵜ ⴷⴰⵔ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ, ⴼ ⵜⴰⵙⵙⴰⵙⵉⵏ ⵍⵍⴰⵏ ⴳ ⵓⵎⴰⴹⴰⵍ ⴰⵎ ⴽⵓⴼⵉⴷ 19 ⴷ ⵜⵎⵓⴽⵔⵉⵙⵜ ⵏ ⵡⴰⵎⴰⵏ ⴷ ⵉⵙⵏⴼⵍⵏ ⵏ ⵓⵏⵣⵡⵉ, ⴷ ⵜⴰⵙⵙⴰⵙⵉⵏ ⵜⵉⵏⵎⵏⴰⴹⵉⵏ ⴷ ⵜⴳⵔⴰⵖⵍⴰⵏⵉⵏ, ⵎⵓ ⴳⴰⵏⵜ ⵜⵎⵖⴰⵔⵉⵏ ⵉⵏⴳⴰⵙⵏ. ⵜⵉⵏⵉ ⵎⴰⵙ ⴷ ⴰⵙⴷⵓⵙ ⵏ ⵓⵙⵡⵉⵔ ⵏ ⵜⵎⵖⴰⵔⵜ ⴳ ⵡⴰⵎⵓⵏ ⵉⴳⴰ ⴰⴱⵔⵉⵙ ⵙ ⵜⴳⵎⵉ ⵜⴰⵙⵓⵍⴰⵏⵜ ⴷ ⵜⵣⵣⵉⴳⵣⵜ ⵜⴰⴷⵎⵙⴰⵏⵜ ⵏ ⵉⵡⴰⵏⴽⵏ.
ⵜⵙⴰⵡⵍ ⵓⵍⴰ ⴼ ⵜⵉⵔⵎⵉⵜ ⵏ ⵓⵡⴰⵏⴽ ⴰⵏⴰⵎⵓⵔ ⵍⵍⵉ ⴼ ⵉⵙⵡⵓⵔⵉ ⵍⵎⵖⵔⵉⴱ, ⵜⵉⵏⵉ ⵎⴰⵙ ⴷ ⵉⵇⵇⴰⵏ ⴰⴷ ⵉⵍⵉⵏ ⵉⵣⵔⴼⴰⵏ ⵏ ⵜⵎⵖⴰⵔⵉⵏ ⴳ ⵜⵉⵔⵔⴰ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵉⵖⴰⵡⴰⵙⵏ ⵓⵏⴱⵉⴹⵏ ⵍⵍⵉ ⵎⵇⵇⵓⵔⵏⵜ ⵜⵉⵍⴰⵍ ⵏ ⵜⵎⵖⴰⵔⵜ ⴳ ⵡⴰⵎⵓⵏ.
ⵜⵙⵓⵜⴳ ⵎⴰⵙⵙⴰ ⵅⴷⴷⵓⵊ ⵙⵙⵍⴰⵙⵉ ⴰⵖⴰⵡⴰⵙ ⵏ ⵓⵙⵍⵎⴷ ⵏ ⵜⴼⵔⵅⵉⵏ ⵍⵍⵉ ⴼ ⵜⵍⵍⴰ ⵜⵎⴰⵡⴰⵙⵜ ⵏ ⵓⵙⵍⵎⴷ ⴳ ⵍⵎⵖⵔⵉⴱ, ⵜⵉⵏⵉ ⵎⴰⵙ ⵉⴳⴰⴷⴷⴰ ⵓⵏⵛⴽ ⵏ ⵜⴼⵔⵅⵉⵏ ⴷ ⵓⵏⵛⴽ ⵏ ⵉⴼⵔⵅⴰⵏ ⴳ ⵓⵙⵍⵎⴷ ⴰⵎⵣⵡⴰⵔⵓ, ⴰⵢⵍⵍⵉ ⵔⴰⴷ ⵢⴰⵡⵙ ⵓⵙⵍⵎⴷ ⵏ ⴽⵉⴳⴰⵏ ⵏ ⵜⴼⵔⵅⵉⵏ ⴷ ⵓⴼⵓⴽⴽⵓ ⵏ ⵜⵎⵓⴽⵔⵉⵙⵜ ⵏ ⵍⵉⵜⵉⵀⴰⵍ ⵏ ⵜⴼⵔⵅⵉⵏ. ⵜⵙⴰⵡⵍ ⵓⵍⴰ ⴼ ⵜⵎⵙⴽⴰⵔ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵓⵙⵉⵜⵜ ⵏ ⵜⵄⴰⵎⵉⵜ ⵏ ⵜⵎⵖⴰⵔⵉⵏ, ⴷ ⵓⵖⴰⵡⴰⵙ ⵏ ⵓⵙⵎⴰⵜⴰ ⵏ ⵓⴼⵔⴰⴳ ⴰⵏⴰⵎⵓⵏ, ⴷ ⵓⵙⵏⴰⵍ ⴰⵎⵜⵜⵉⵡ ⵓⵙⵔⵉⴷ ⵉ ⵜⴰⵡⵊⵉⵡⵉⵏ.
ⵉⴷⵔⵓ ⵓⴽⴰⴱⴰⵕ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵙⵎⵓⵏⴰⵢ ⵏ ⵜⵎⵙⵎⵏⵓⵜ ⵜⴰⴱⵕⵍⴰⵎⴰⵏⵉⵜ ⵜⴰⴼⵕⴰⵏⴽⵓⴼⵓⵏⵉⵜ ⴷ ⵜⵉⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⴼ: “ⵉⵙⴽⵉⵍ ⴳ ⵜⵎⴷⵔⴰⵡⵜ ⴷ ⵜⵏⴰⵔⴰ ⵉ ⵓⵙⴽⵔ ⵏ ⵓⴼⵔⴰ ⴰⴳⵔⴰⵖⵍⴰⵏ”, ⴷ ⵜⵉⵍⴰⵍ ⵢⴰⴹⵏⵉⵏ.
