ⵏⵢⵓⵢⵓⵕⴽ: ⵉⴷⵔⵓ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⴳ ⵜⵖⵉⵎⵉⵜ ⵏ ⵓⵙⵙⴼⵍⴷ ⵜⴰⵙⴳⴳⵯⵙⴰⵏⵜ ⵏ 2024 ⴼ: “ⴰⵙⴱⴷⴷⵉ ⵏ ⵉⵎⴰⵖⵏ: ⵉⵙⵖⴰⵡⵙⴰⵜⵏ ⵏ ⵉⵎⴰⵍ ⵏ ⵓⴼⵔⴰ”
ⵉⴷⵔⵓ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⴳ ⵜⵖⵉⵎⵉⵜ ⵜⴰⴱⵕⵍⴰⵍⴰⵏⵉⵜ ⵜⴰⵙⴳⴳⵯⵙⴰⵏⵜ ⵏ ⵓⵙⵙⴼⵍⴷ ⵏ 2024, ⴼ ⵓⵙⵏⵜⵍ: ⴰⵙⴱⴷⴷⵉ ⵏ ⵉⵎⴰⵖⵏ: ⵉⵙⵖⴰⵡⵙⴰⵜⵏ ⵏ ⵉⵎⴰⵍ ⵏ ⵓⴼⵔⴰ, ⵍⵍⵉ ⵜⵙⵏⵎⴰⵍⴰ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⵙ ⵜⴷⵔⴰⵡⵜ ⵏ ⵜⵎⵜⵜⴰ ⵎⵓⵏⵏⵉⵏ ⵓⵙⵙⴰⵏ ⵏ 8 ⴷ 9 ⴱⵕⴰⵢⵕ 2024 ⴳ ⵉⵙⵖⵉⵎ ⵏ ⵜⵎⵜⵜⴰ ⵎⵓⵏⵏⵉⵏ ⴳ ⵎⴰⵔⵉⴽⴰⵏ.
ⵢⵓⵎⴰ ⵓⴽⴰⴱⴰⵕ: ⴰⵎⴰⵔⵉ ⵎⵓⵚⵟⴰⴼⴰ ⵔⴷⴷⴰⴷ, ⵙⴳ ⵜⵔⴰⴱⴱⵓⵜ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ, ⴰⵎⴰⵔⵉ ⵄⵓⵎⴰⵕ ⵃⵊⵉⵔⴰ ⵙⴳ ⵜⵔⴰⴱⴱⵓⵜ ⵜⴰⵙⵉⵎⴰⵏⵜ ⵉ ⵜⵎⵓⵏⵉ ⴷ ⵢⵉⵙⴽⵉⵍ, ⵜⴰⵎⴰⵔⵉⵜ ⵅⴷⴷⵓⵊ ⵙⵙⵍⴰⵙⵉ, ⵙⴳ ⵜⵔⴰⴱⴱⵓⵜ ⵜⴰⵙⵔⵎⵓⵏⵜ-ⵜⵓⵣⵍⵜ ⵏ ⵍⵉⵜⵜⵉⵃⴰⴷ. ⴰⵎⵛⵛⵉⵡⵕ ⴽⴰⵎⴰⵍ ⴰⵢⵜ ⵎⵉⴽ ⵙⴳ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ.
ⵜⵍⵍⴰ ⵜⵖⵉⵎⵉⵜ ⴰⴷ ⴼ ⵓⴼⵔⴰ ⵍⵍⵉ ⵉⴳⴰⵏ ⵙⴳ ⵜⵉⵎⵣⵡⵓⵔⴰ ⵏ ⵜⵏⵙⵙⵉⵅⴼⵜ ⵏ ⵜⵎⵙⵎⵓⵏⵜ ⵜⴰⵎⴰⵜⴰⵢⵜ ⵉ ⵜⵎⵜⵜⴰ ⵎⵓⵏⵏⵉⵏ ⴷ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉ ⵜⴰⴳⵔⴰⵖⵍⴰⵏⵜ. ⵔⴰⴷ ⴳⵉⵙ ⵢⵉⵍⵉ ⵓⵎⴹⴰⴽⴰⵕ ⵅⴼ ⵜⵎⵙⴽⴰⵔ ⵥⵉⵍⵏⵉⵏ ⵅⴼ ⵜⵎⵙⴰⵔⵉⵏ ⵍⵍⴰⵏⵉⵏ, ⵙ ⵓⴷⵔⴰⵡ ⵏ ⵉⵎⵓⵣⴰⵢⵏ ⴷ ⵉⵎⵙⵜⴳⴳⴰⵔⵏ ⵏ ⵜⵎⵜⵜⴰ ⵎⵓⵏⵏⵉⵏ ⴷ ⵉⴷⵉⴱⵍⵓⵎⴰⵙⵉⵢⵏ ⴷ ⵉⴽⴰⴷⵉⵎⵉⵢⵏ ⵥⵍⵉⵏⵉⵏ ⴳ ⵓⴼⵙⴰⵢ ⵏ ⵜⵎⴰⵖⵉⵏ ⵜⵉⴳⵔⴰⵖⵍⴰⵏⵉⵏ. ⵔⴰⴷ ⵢⵉⵍⵉ ⵓⵎⴹⴰⴽⴰⵕ ⵅⴼ ⵉⵙⵏⵜⵍⵏ ⴰⴷ: ⵉⵎⵍⴰ ⵏ ⵓⴼⵔⴰ ⴷ ⵜⵏⴼⵔⵓⵜ, ⵙⴳ ⵜⵉⵔⴰⵜⵉⵏ ⵥⵍⵏⵉⵏ ⵙ ⵜⵡⵓⵔⵉ ⵜⴰⵎⴳⵔⵓⵜ ⵜⴰⵎⴰⵢⵏⵓⵜ, ⵜⴰⴷⵓⵙⵉ ⵓⵔ ⵜⵍⵍⵉ ⴼ ⵉⴳⴳⵉ ⵏ ⵓⵣⵔⴼ: ⴰⵣⵔⴼ ⴰⴳⵔⴰⵖⵍⴰⵏ ⵎⴳⴰⵍ ⵏ ⵓⵣⵔⴼ ⵏ ⵜⴰⴳⴰⵏⵜ, ⴰⵍⴰⵙ ⵏ ⵓⵙⵙⵏ ⵏ ⵜⴳⵓⵔⵉ ⵏ “ⵜⵏⴼⵔⵓⵜ”: ⵙⴳ ⵡⴰⵏⴰⵡ ⵉⴱⴷⴷⵏ ⴼ ⵓⵡⴰⵏⴽ ⴰⵔ ⴰⵏⴰⵡ ⵏ ⵜⵏⴼⵔⵓⵜ ⴰⵎⴰⵢⵏⵓ ⵉⴱⴷⴷⵏ ⴼ ⵜⵏⴼⵔⵓⵜ ⵜⴰⵏⴼⴳⴰⵏⵜ, ⴰⵙⵉⵣⴷⵔ ⵏ ⵜⵙⵖⵍⵜ ⵏ ⵜⵔⵖⵉ: ⴰⵙⵏⴼⵍ ⵏ ⵓⵏⵣⵡⵉ ⴷ ⵜⵎⴰⵖⵜ, ⵜⴰⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⵉ ⵉⴼⵔⴰ: ⵜⵉⵎⵙⴽⴰⵔ ⵥⵉⵍⵏⵉⵏ ⴷ ⵜⵏⴰⵥⴰⵕⵉⵏ ⵛⵛⴰⵔⵏⵉⵏ, ⵉⵙⴷⵓⴷⴷⵓⵢⵏ ⵏ ⵓⴼⵔⴰ: ⵜⴰⵜⵉⴽⵏⵓⵍⵓⵊⵉⵜ ⵉⵛⵔⵛⵏ ⵎⴳⴰⵍ ⵏ ⵜⵣⵣⵉⴳⵣⵜ ⵜⴰⵏⴼⴳⴰⵏⵜ.
ⴰⵔ ⵜⵜⵉⵍⵉ ⵜⵖⵉⵎⵉⵜ ⵏ ⵓⵙⵙⴼⵍⴷ ⵜⴰⴱⵕⵍⴰⵎⴰⵏⵉⵜ ⵜⴰⵙⴳⴳⵯⵙⴰⵏⵜ ⴳ ⵜⵎⵜⵜⴰ ⵎⵓⵏⵏⵉⵏ ⵙ ⵓⵎⵢⴰⵡⴰⵙ ⴰⴽⴷ ⵜⵉⴳⵔⴰⵡⵉⵏ ⵏ ⵜⵎⵜⵜⴰ ⵎⵓⵏⵏⵉⵏ, ⴰⵔ ⵜⵜⴰⵡⵙ ⴳ ⵓⵙⵓⵊⴷ ⵏ ⵉⴼⵔⴽⵓⴽⵏ ⵏ ⵜⵡⵓⵔⵉ ⵅⴼ ⵜⵎⵙⴰⵔⵉⵏ ⵙ ⵓⵎⵏⴰⴷ ⴰⴱⵕⵍⴰⵎⴰⵏⵉ, ⵃⵎⴰ ⴰⴷ ⵢⵉⵍⵉ ⵓⵎⵄⵉⵡⵏ ⵏ ⵉⴱⵕⵍⴰⵎⴰⵏⵉⵢⵏ ⵉ ⵓⵔⵎⴰⵙ ⵏ ⵜⵡⵓⵔⵉⵡⵉⵏ ⵏ ⵓⵙⴽⵔ ⵏⵜⵖⵜⴰⵙⵜ ⴳ ⵜⵎⵜⵜⴰ ⵎⵓⵏⵏⵉⵏ ⵙ ⵜⵖⴰⵔⴰⵙⵜ ⵉⵥⵉⵍⵏ, ⴷ ⵓⵙⵎⵏⵉⴷ ⵏ ⵉⵙⴼⵙⵉⵜⵏ ⵥⵍⵉⵏⵉⵏ ⵉ ⵉⵡⴰⵏⴽⵏ ⵉⴳⵎⴰⵎⵏ ⴳ ⵜⵎⵜⵜⴰ ⵎⵓⵏⵏⵓⵏ ⵙ ⵜⵉⵔⵎⵉⵜ ⵜⴰⵏⴰⵎⵓⵔⵜ ⴷ ⵜⴷⵖⴰⵔⴰⵏⵜ.